川滿居 (京都廣場)

营业中

休息中

同老公撐枱腳一齊去食 #川滿居 最近喜愛吃辣嘢，咁就不如食川菜啦🤗餐廳環境夠晒寬敞又舒服！望落去都好乾淨！用電子QR code落單非常方便。🥘招牌香鍋我地叫左要微辣，香辣！你呢度一定要食佢哋嘅招牌香鍋因為款式夠多！叫左五花肉片，四季豆，豬大腸，鴨血，墨魚餅🍥份量非常多亦都好，一上菜香噴噴好吸引。絕對係麻得來唔係好辣放心食❤️夠晒惹味🟢鮮椒田雞喜歡吃田雞嘅朋友就唔好錯過，肉質夠晒鮮嫩，而且鮮椒炒好惹味。🟢涼拌花甲做前菜完全一流，辣得黎夠晒入味啊。花甲都好新鮮又大隻！🟢夫妻肺片都算係前菜之一，每一塊肉都非常大塊。

坐落于铜锣湾的川菜馆！性价比还可以！我们是晚市去的，但是发现有很多午市套餐〈水煮鱼〉：我们点的中辣，有点辣，不能吃辣的请慎重选择～ 〈京葱羊肉〉：京葱羊肉居然还有卷饼，太符合北方人了！一大口吞下去非常满足，就是注意不要被辣呛到～〈藤香鸡〉：中规中矩，鸡肉很嫩

最近同朋友去了銅鑼灣一家超級正宗的川菜餐廳！招牌必食金湯酸菜魚。這道菜絕對是一個絕妙的結合！湯底的金湯湯汁濃郁，帶有微辣的川味，讓人回味無窮。魚肉鮮嫩多汁，配上酸菜的酸爽口感，真是令人回味無窮！絕對是我在銅鑼灣所嚐過的最好吃的酸菜魚之一。接下來是孜然羊肉。這道菜非常香辣，孜然的香氣讓人垂涎欲滴。羊肉片鮮嫩多汁，配上辣椒和蒜末的調味，口感一流！而且，他們還有北京烤鴨旁邊的薄餅可以包起來吃。這個組合真是太完美了！薄餅酥脆可口，搭配上烤鴨的香脆肉質，真是美味絕倫。我喜歡將羊肉捲起來吃，讓口感更豐富。這絕對是一道不可錯過的美食！最後是他們的籐香雞。這道菜肉質鮮嫩多汁。香氣四溢的籐麻香料使得這道菜更加美味。每一口都帶來一種獨特的風味，讓人無法抗拒。

之前天氣好凍，即刻去食啲辣嘢刺激下！銅鑼灣川滿居好熱鬧，平日晚飯去都好多人！ 呢度餐牌選擇好多，完全係眼闊肚窄。嚟到呢度一定要食招牌香窩，有好多配料可以揀。我哋揀咗好多樣嘢：午餐肉、豬頸肉、油豆卜、腐竹、薯粉等等，上枱嘅時候好大一兜，非常香噴噴！我哋揀咗麻辣小辣，味道惹味濃味，麻得黎唔會好辣，好味道。油豆卜同腐竹係必食推介，吸晒濃味嘅醬汁，配埋冰凍嘅啤酒真係一流！我哋叫咗炸饅頭，炸得香脆熱辣辣，配甜甜嘅煉奶好好食🤤 黃金白玉菇都好味，每一條菇都佈滿邪惡嘅黃金醬！試食推介啊👍🏻最後仲好健康咁食咗炒萵筍，清清地幾好味。

路過上電梯，有幾間可選，感覺呢間踏實！小吃份量多！黃金皮蛋 魚皮味道唔錯， 辣度可選，份量比好多間川菜都多！滿意滿意！👍👍👍👍👍👍👍香煱配料份量足，所有配菜都好味，油膩感可以接受，配菜炸過再炒埋一煱，香口美味！😊😊上菜速度快！下次再試酸菜魚！！！亦有午市套餐，望落抵食！最值得推薦係酸梅湯!!!超級清新，少甜，亦有很多酸梅在杯內！有驚喜，只係忘記影相！好解辣，又解油膩，一流的配搭！超推必點！

周末跟朋友血拼完SOGO，就去了SOGO後方的駱克道京都廣場，去試正宗四川菜☺️我和朋友點了金湯酸菜魚$188、孜然牛肉片$98、清炒土豆絲$66😲。呢度點菜十分之方便，用手機QR code點菜，而且所有菜都可以自選辣度，方便鍾意食川菜又唔食得辣的朋友👍🏻金湯酸菜魚$188🐠用料上乘，每一塊都十分滑，而且份十足☺️。除此之外，金黃色的魚湯，十分香濃，入面又有齊粉絲、香菇及酸菜，送飯一流😋孜然牛肉片$98🐮附送六塊麽麼皮👍🏻 肉皮用大火快炒，既保留牛肉嘅香味，又唔會太硬。可以配飯或者麽麼皮兩食☺️清炒土豆絲$66🥔土豆絲是我的最愛，師傅好用心，每一條都要切得好又幼細，再用大火炒。剛剛送上枱，熱辣辣好好食，又是送飯一流🤤

天氣寒冷最啱就係食辣野，今晚同老公去咗銅鑼灣川滿居 食飯，餐廳位於京都廣場樓上，坐位闊落舒適！主打川菜，價格亦算親民。金湯酸菜魚：我地揀左小辣，熱辣辣一大鍋上枱已經聞到好香酸菜味，份量十足，湯底濃郁，加州海鱸魚片入口真係非常嫩滑厚身又無骨。裡面配料有菇菌、蘿蔔、萵苣以及米線，相當豐富。片皮鴨半隻：鴨皮燒到香脆可口，充滿鴨油香，用附帶既麼麼皮包住脆皮連香嫩鴨肉一齊食，口感豐富有層次，格外有風味！魚香茄子味道濃香，入口味道霸氣，具有鹹、酸、甜、辣、香、鮮多重口味。黃金蝦球：用咸蛋黃拌炒，蝦球外頓時類似披上了黃金，爽口中更增添美味。

呢間川菜店間唔中都會同同事過黎開餐，午市套餐相當抵食。食力組組員聽見又話想去試，不過要放工後先得。當晚上到去差唔多都爆呀，好彩仲有張細枱。。。。（有運呀！）掃ＱＲ　Ｃｏｄｅ落單，冷盤小食最快上枱，喜歡呢度嘅籐香鷄　（＄６６），今晚仲有肶位。少少籐椒嘅香味，鷄件有醬汁嘅咸香味道，比起上海醉鷄又係另一番味道。再黎碟京蔥牛肉　（＄９８）配６張麼麼皮，以大量京蔥配以濃味醬汁快炒牛肉，送白飯亦都岩數。麼麼皮即係食片皮鴨果Ｄ皮，趁熱時仲軟熟就快包一件，食到少少辛香椒味，牛肉鬆軟但無梳打粉味，正。食川菜好多時離不開酸菜魚，除非要食水煮系列，呢度嘅金湯酸菜魚（＄１８８），面層唔會成吋油，比較岩口胃多Ｄ。辣度可以選擇，就ＢＢ辣啦。嫩滑魚片入口無骨，食得安心；又唔會太細片，一夾即斷開。當然唔少得其他配料如酸菜，菇類，萵荀片及紅薯粉，加少少金湯撈飯都得。本應想叫埋個糍粑做甜品，但無位啦，不過無緊要，皆因友人話實會回頭嘅。

新年將至，這天與媽媽到銅鑼灣辦年貨，行程完結時已經到了晚飯時間，就到了川滿居 吃飯。來到餐廳時，店內已坐滿食客，幸好很快就能安排入座。餐廳選擇非常多，最後我們選了三款小菜。金湯酸菜魚酸菜魚分了辣度 ，能照顧不同食客需要，而金湯味道挺鮮味濃郁，聽說內裏還加了南瓜泥及黃燈籠辣椒醬，所以色澤份外金黃，魚肉份量足，口感嫩滑鮮甜，零骨絲，令人忍不住一口接一口吃下。糖醋蝦球蝦球大大隻，口感爽口彈牙，配上糖醋醬汁，甜甜酸酸，非常醒胃。川香鮑魚雞煲雞煲賣相一流，雞件份量多，不但煮得夠入味，而且非常夠鑊氣，肉質嫩滑而不柴，鮑魚鮮嫩淋滑，用來佐飯就最適合不過。加多寶及酸梅湯就是快吃川菜熱氣，點了加多寶涼茶降火，而媽媽則點了酸梅湯，入口有濃郁梅子香，味道酸中帶甜，可以幫助消化。

金湯酸菜魚 🥰 BB辣，魚肉夠哂爽口彈牙嫩滑冇骨，入口鮮味，魚肉份量多 厚 大塊，十分惹味又唔會太辣。魚塊吸滿哂湯汁加埋彈牙滑口既薯粉，飽肚得黎夠惹味。湯底仲帶有小小魚塊既鮮甜，小酸得黎帶點麻香，配菜仲有萵筍 菇 酸菜、薯粉，撈埋d白飯食，好豐富好滿足。川滿居小炒肉 🥰 BB辣，青椒炒肉 半肥瘦既豬腩肉，邊邊炒到少少焦香，好香口 ，如果份量可以再多D就更好喇，配埋青辣椒一齊食，越食越辣，夠晒惹味。籐香雞 🥰 BB辣，雞肉嫩滑，大量籐椒帶有獨特既川菜麻鮮香，佢地既醬汁主要用豬骨湯底同鮮花椒煲出黎，食起黎麻而不辣，一啲都唔油，好味。

春節臨近，和朋友系銅鑼灣辦完年貨後，就系京都廣場內揀左#川滿居 食個川菜晚飯暖暖身。餐廳裝修簡潔，有不少卡位外。還掛住唔少燈籠，呈現出古色古香風格。於吧枱位置更提供芧台等中式烈酒，朋友仔見好卡頓(大支裝)$45做緊推廣，隨即叫支黎暖暖胃!餐廳以QR Code 落單，可選擇不同辣度，可以少油少鹽，可以食得健康點！落單後，個香鍋好快上枱啦。☑️招牌香鍋(至少五個菜)$226配菜可自由選擇，叫左五花肉片，肥牛，雞翼，蝦球(4隻)，並以薯粉做底。除左各配菜份量夠多，選擇了醬香味，濃味得來亦很惹味，新鮮蝦球咬落彈牙，而肥牛同五花肉片同個香鍋本身就係絕配，索晒香鍋d汁，比想像中入味!!超正😁☑️北京填鴨（半隻）$168配料組合有青瓜，京葱絲，京醬，跟一般坊間配搭一樣，呢個餐跟10張麼麼皮，包皮厚度適中。香脆鴨皮同嫩滑有汁鴨肉，與配料捲起一齊食，口感和味道都一流。值得下次再黎encore!!☑️清沙時蔬$68減減肥膩感☑️凍檸茶$18總括嚟講唔錯👍🏻色香味俱全！

呢幾日咁凍，午餐最好就係食辣嘢暖暖個胃，平時都鍾意食呢間喺銅鑼灣地鐵站一出就到，貪佢方便就腳，價錢大眾化，味道還唔錯，服務都好好。每次嚟到必點嘅係酸菜魚，貪佢夠大盤，而且味道十分之好，魚片嫩滑冇骨，一啲腥味都冇，十分鮮甜，湯底微酸微辣，而且仲配咗紅薯粉，唔使食飯都夠飽。孜然羊肉-鑊氣夠十分惹味，配上薄餅皮包嚟食，真係食完一嚿又一嚿。黃金皮蛋-開胃小菜，皮蛋煙靭，味道都唔錯金橘檸檬茶- 開胃解膩之選。

跟朋友二刷「川滿居」，只因我在這裏品味到四川風情，金湯酸菜魚、孜然羊肉等等都充滿獨特風味和口感，讓人回味無窮。首先，讓我們品嚐的是金湯酸菜魚（$188）這道菜以新鮮的魚肉和酸菜為主要食材，配以豐富的辣椒和香料。湯的湯底鮮美濃郁，帶著微辣的味道，酸菜的酸味與魚肉的鮮甜相融合，讓人垂涎欲滴。酸菜的爽脆口感與魚肉的鮮嫩完美結合，每一口都讓人驚艷。接下來，我們品嚐孜然羊肉（$98）。這道菜以嫩滑的羊肉為主角，搭配濃厚的孜然香料。羊肉的鮮嫩與孜然的香氣交織在一起，令人難以抗拒。每一口都能感受到孜然的香辣風味，讓人食指大動。然後我們又品嚐了秘製拍青瓜（$46）。這道涼拌菜以新鮮的青瓜為主要材料，配以特製的調味料，柏青瓜的爽脆口感與調味料的鮮香味道結合在一起，是一道清涼解膩的小菜，清新宜人。最後，讓我們品嚐了桃之夭夭（$36）和百香果檸檬茶（$36）。桃茶桃味香濃，百香果茶的口感酸甜可口，帶有清新的果香，解渴又提神。無論您喜愛辛辣口味還是清新解膩的菜品，這些菜品都是非常值得一試的美食。川滿居 (京都廣場) (銅鑼灣)地址：銅鑼灣駱克道491-499號京都廣場6樓

天氣又凍返，即刻想食啲keep住熱辣辣嘅嘢，呢晚就feel like食烤魚！喺京都廣場就有間「 川滿居 」好愛歡迎，星期一去到9成坐滿～雖然係川菜，但可以揀走辣架！岩我☺️☺️前菜《 蒜香拍青瓜🥒💲38 》少麻、重蒜香味、帶蒜辣香，清甜爽口，好開胃～ 🐟《 烤魽魚 💲298 》（走辣，醬香口味）佢嘅醬香調味濃稠度剛好，唔會太咸，整體亦唔算好油～份量都幾驚人，條魚好大條嫩滑又厚肉！😋😋另嗌配料：➕新鮮鮑魚 $62 - 有4隻～彈牙唔韌～➕鴨血 $32 - 係有質感而非滑嘟嘟嗰款 ～➕牛筋丸 $36 - 爆汁好味～➕薯粉 $22 - 吸湯入味好快稔～➕娃娃菜 $26 ➕萵筍 $28其實湯底本身已有齊晒薯粉、木耳、青瓜、蓮藕等等！所以其實唔使另點... （我點咗🥹好飽啊）

銅鑼灣甚有人氣的四川菜，平日Dinner Time也有一堆人有排隊。小店格局，食物選擇很多。最欣賞是招牌菜除了辣度，還可以選擇濃度和麻度，更有少油選擇，盡量貼近香港人喜歡健康的口味。金湯酸菜魚 $188差不多每一桌都有Order的酸菜魚，Original Size也很大一盆。湯底濃度不錯，酸菜的惹味很能引起食慾，而且魚肉很多，雪白嫩滑，無骨啖啖肉，還有薯粉和不同種類的菇菇，倆口子Share都覺得份量很足。招牌香鍋 $26 蝦球 $48 | 鯛魚片 $42 | 花甲 $48豬頸肉 $48 | 墨魚餅 $36 | 牛舌 $46另一喜歡的四川菜香鍋，不辣的醬香版非常觸動味蕾，配料超過40款花多眼亂，肉類和素食的選擇也很多，本身的調味已很不錯，混合了香蔥和芫茜在熱鍋上翻煮，香氣爆發！個人最愛鯛魚片、豬頸肉和牛舌，吸盡醬汁的精華，4大顆蝦球也很有誠意。青炒萵筍絲 $66濃味的四川菜過後，以相對清淡的萵筍絲作結，清爽口感下，不論是熱吃還是冷吃，也一樣過癮。