川川貢 (已結業)

開業一星期的川川貢，食物質素很令人有驚喜。雖然地點不是很起眼，穿過小巷，餐廳乾淨企理，收銀員熱情招待，推介幾款熱門小菜。天氣炎熱，食酸菜魚$198最適合。還可以加配菜，每款$12。香噴噴上枱，魚塊新鮮嫩滑，配菜亦都很豐富，有萵筍片、豆卜。食川菜當然唔少得酸辣土豆絲$58 ，可以揀小辣中辣大辣。小炒由$58-88 左右，真係大碟又抵食。乾煸四季豆$58 有花椒肉碎炒，特別惹味。乾鍋花椰菜$58 ，花椰菜爽脆小小麻辣，好過癮，絕對可以送一碗白飯。正宗川菜，真心推介，原來有午餐，好抵食。

上星期喺社交平台見到有酸菜魚半價，今日早放工心思思去試下，點知原來個半價做到17號，不過鋪頭員工（？老闆娘）話遲啲會有其他優惠，叫我密切期待咁話。咁我今日就試左佢嘅客飯先。牛魔王嘅我叫左葱爆牛肉，bb辣，比想像中惹味，勁多葱好似唔使錢咁😂 啲牛肉都好入味辣度適中。總括而言有下次👍 P.S. 佢個鋪位唔喺大路邊有啲輸蝕，不過好味搭救，性價比高😂

酸菜魚好食，魚肉好滑又冇骨👍🏻👍🏻👍🏻不過地方有啲隱蔽，真係好唔覺意先會見到，因為喺橫行入邊，但係價錢都算抵食，重點係食完唔會成口味精，我都冇飲任何嘢都冇口渴👍🏻👍🏻

難得今日同朋友去元朗食飯，咁啱見到有間新開嘅川菜做緊主餐牌半價優惠就入去trytry，人流唔算太多等左一陣位啦，環境尚算舒適,咁就嗌咗個口水雞，酸菜魚同埋辣子雞軟骨🌟口水雞個汁好正，唔係好辣🌟酸菜魚d魚片夠新鮮好滑，份量充足🌟辣子雞軟骨d雞軟骨乾身外脆內軟熱辣辣好好味😋加番d腰果/花生就梗加好啦唯獨出菜嘅時候有d慢🥲見到佢得一個廚師，不過唔緊要可以同朋友傾吓計先，最緊要好食吖嘛💕💕最後埋單每人$150左右價錢唔太貴，下次一定再去食👍👍原來仲可以預約時間添

前日係街接到傳單 新開張優惠14/7 -17/7主打菜半價 即刻約朋友去試 地點都要搵下 行左一人圈 先搵到 幾隱密 係巷入面 店鋪大約容納20幾人左右 好彩去到岩岩有人埋單 唔洗等位 原本諗住叫酸菜魚 點知遲人一步 賣哂 叫左毛血旺 好入味 好香 加埋配料海帶 豆卜 娃娃菜 寛粉 芫荽味道一流 海鮮干鍋 正 份量十足 仲叫左好多小菜 顧住食有啲唔記得影相對比起其他嘢食 口水雞味道比較淡同埋上菜慢左少少 7個人埋單 每人 $150以下 好抵食 值得一試下次我一定要食酸菜魚