川品雲南米線

营业中

休息中

求其喺OpenRice搵附近嘅餐廳，發現咗呢間米線😳竟然同譚仔三哥開喺同一條街，所以覺得一定要試吓😂😂😂🌟酸麻辣湯底好好食，湯底嘅配料都俾得好多，夠味得嚟又唔會好鹹，肥牛同埋滑牛都好夾👍🏻👍🏻👍🏻🌟麻辣湯底都推介，豬頸肉係即炸，非常脆口😳 鴨血好入味，唔係求其煮完放入去😂所有食物上枱嘅時候都非常熱，好新鮮，米線好彈牙，唔係好淋嗰種😳呢間餐廳嘅店員都非常之Nice～～～價錢仲要好抵，大推

星期三八點放學，第一時間去醫肚仔。本身係另算食另一間，但係我地以為呢間就係本身想食果間，就入左去。食完睇返openrice, 先發現去錯左😂😂不過，呢間水準都好高，而且價錢合理！Order左個沙嗲湯底小小辣豬頸肉薯粉，涼拌雲耳同凍檸茶。Oh my god, 個湯底好好味！可以係一大驚喜，配埋個薯粉，其實唔使食餸都ok!不過薯粉嘅份量較少，男仔食嘅可以會唔夠飽～兩個粉，一碟小食，兩杯凍檸茶，$129走得，都無得輸了😋

平時隔一排就米線癮起見到川品新開咗係新蒲崗，特登入去試試舖面唔大，到lunch hour就坐滿人枱同枱都幾貼 ，唔好預好好坐大家都係食完就走我地兩個人食，一人一碗米線再加3個小食成功叫滿一張枱胡椒豬肚枝竹湯米線(+炸醬，墨丸，蜂巢豆腐)超小地方有胡椒豬肚枝竹湯揀，碗米線黎到好多餸，基本已經有豬肚同枝竹，分量都唔係hea，豬肚都大大舊，好厚，加埋我叫嘅餸好似多咗兩份餸咁，湯底亦好濃郁，胡椒味都重，十分推介嗌呢個湯底再配啲吸湯嘅餸小窩酸麻米線(+豬頸肉，豬腸，腩肉)呢間嘅豬頸肉幾出名，果然炸到個面好脆，加埋個酸麻湯好正，餸嘅分量都唔少，男士都絕對夠飽鹽酥雞醬拌皮蛋蒜泥白肉特別想分享下，佢同平時嘅蒜泥白肉樣唔同，底係青瓜，上面放塊郁切嘅白肉，頂就係蒜尼同花生芫荽，食落口感比平時果啲薄薄一大塊更正更爽，食完有青瓜中和下個口唔會勁蒜味同好油整體係間cp值高嘅米線舖，店員都好有禮貌，上菜速度都快，係一間食完會掛住佢想再食嘅小店

睇唔岀新蒲崗呢間米線認真岀色。係我食過最好食嘅米線鋪！建議嗌雞扒或豬扒米線 塊扒明顯食得岀心機同功力 無論黎幾多次食都炸到外脆內軟 肉汁滿滿 雖然有時落完單等得耐左少少 但寧願佢有心機整好過求其快快手整完就算 唔似某啲x仔米線咁。湯底方面鍾意食辣嘅朋友可以叫胡椒或者麻辣湯底冇得輸 胡椒味湯底胡椒味極濃 如果想食唔辣可以試下食胡椒豬肚湯底 都好正店員好禮貌又好服務，米線控快啲黎試下！！

喺新蒲崗學完野已經好晏揾間小店快手醫肚月中銀包已經空空地就食啲又平又飽肚嘅野米線就係不二之選見到呢間米線雖然簡陋但又坐滿晒就試下佢自助落單好方便❤️撳幾下就order到上菜仲好快🍜小鍋米線（酸辣）$48$48可以揀兩個$8餸我就揀咗招牌腩肉+炸醬腩肉醃得幾夠味，切得都夠薄炸醬似普通碎豬肉都係中意多啲汁而家好似唔夠醬咁😂唔太食得辣嘅我湯底叫咗bb辣已經好惹味喇米線份量好多我咁大食都食唔晒完全對得起呢個價錢😃

測試新開米線，聽說是大角咀過江龍，一進去果然是人頭湧湧！叫了一個小鍋沙嗲湯底(小小辣)偏甜，沙嗲味也出，另一個是楜椒麻辣湯底(小辣)也是譚x小辣的程度，但胡椒味被蓋過了要吃到底才有。也叫了幾樣餸，不過只是不過不失，只能給ok!招牌腩肉，厚切但味道不足，竹笙仍舊地吸湯鹹蛋黃流心丸，充滿了BBQ燒丸的味道。豬頸肉外看內腍，挽回不少分數，豬大腸入味，只是個人不特別喜歡。韭菜餃有兩隻，皮厚但穩陣，整體感覺中等。可自行加減配菜，芫荽，蔥，炸豆等，也是QR code下單，流程方便。