影片
以上资料只供参考，请与餐厅确认详情
睇完 #米线关注组 mark低左😆食完一次变左朋友既饭堂🤣佢表示超好食😆😆·🍜猪颈肉.紫菜.酸麻辣米线（$57）猪颈肉真系必点！仍然带微脆～唯一要弹既系米线太淋，无哂口感.反而朋友钟意呢种🫣🍜 猪颈肉.大肠.酸麻辣米线（$57）试左件大肠.好入味！🥢酱拌皮蛋（$25）惹味🤤不过我觉得谭仔果个好食啲😂🥤豆浆（$7）唔太甜👌🏻·📍川品云南米线大角咀晏架街77号富多来商场二期地下6号铺
继续阅读
小店系值得支持同俾多啲人知道！（食完先知原来好多朋友都好评过🫢）大角咀超小店但味道好有惊喜！同朋友加埋嗌咗嘅𩠌有猪软骨腩肉猪颈肉酱汁贡丸响铃，一个麻辣汤底，一个沙嗲汤底，真系个各都叮一声觉得好味！食得出每款𩠌都系有心整，尤其猪软骨好够味够淋！！小食蒜泥白肉唔会死咸下面仲有青瓜！蔬菜虾卷唔会干柴咁，坚有泰式风味！见到舖头下星期会搬去新九龙广场（过一条街就系），希望到时会好坐啲同试埋其他再share comment !!
继续阅读
自从连锁嘅酸辣粉店 日渐退步我已经揾唔到边度有好食到令我上瘾嘅酸辣粉！好彩朋友最近介绍咗川品比我朋友话猪颈肉系必食 我叫咗猪颈肉酸米线小辣第一啖已经觉得好好味～够香 够辣 食得出唔系味精果只酸辣同埋小辣已经偏辣 如果唔食得辣建议食Bb辣！米线望落唔算好多 可能只碗大？但食食下就发现食极都食唔完同埋佢即叫即整 次次都劲热热加辣就更加辣 会有后劲！食到中段会好少少 因为开始冻啲无咁辣最重要未讲 猪颈肉好好食可能因为旧旧都细细旧 炸得超好 超脆口 同埋一啖一旧 个口感好正同埋份量都几多 有十旧左右！次次食唔够两三日又会想食！所以真系一碗会上瘾嘅米线！不过 始终系小店地方唔算好干净 但尚算可以接受～
继续阅读
呢间绝对系长期人龙店成日行过都见到店内店外都好多人而且经过都会闻到令人好肚饿嘅香味😋🍜小锅红薯粉+海带+木耳+韭菜饺 $53基本配料有芽菜 韭菜 酸菜 同埋肉碎麻辣胡椒汤底好惹味有层次 唔系斋死辣或者好咸好钟意𠮶种上瘾令人想一啖一啖继续饮汤嘅感觉小辣感觉可以再辣啲 下次会叫中辣试试唯一系虽然嗌咗少油但都比较油。本身系跟米线 我就转咗做红薯粉佢系偏圆偏粗身 口感弹牙微烟韧 份量对一个女仔嚟讲都几多 绝对食饱饱海带就系依家比较兴嘅螺旋藻份量唔少 食到最尾都仲有好多剩口感有脆有软稔都几有咬口而且好钟意佢可以吸哂汤嘅味道木耳同我印象中唔同 应该叫云耳煮得相对软唔太爽口嗌咗韭菜饺有3只 每粒都大大力好饱满韭菜独有嘅香气比猪肉味突出 饺子皮比较软绵但都唔会软烂调味啱啱好唔会太咸太油腻
继续阅读
又再发掘大角咀既美食，突然米线瘾起，本身对酸辣汤底唔太啱口味，呢间小店竟然有胡椒麻辣汤底，以前从未见过，一定要试下，叫左佢地最招牌既猪颈肉米线。已经系点左微辣，但可能加上胡椒，辣感倍增。系呢d冻冻地天气，饮啖胡椒汤，即刻暖晒。汤底系我喜欢味道，够浓，对我唔算咸；食晒成碗都唔觉口喝。猪颈肉似系包左d粉炸既，神奇地沉左汤一段时间炸粉都仲脆；猪颈肉系ok既，但唔觉得超级好食。好多其他评分好高，排晒队既米线舖，可能因为系酸辣汤底，我都系觉得一般。碰到啱自己口味既，一定会再帮衬。
继续阅读