川味香

营业中

休息中

同同事收工喺紅磡搵食，發現呢間開到凌晨嘅港式串燒店。鋪面細細但好多街坊幫襯，成間店感覺幾地道🤔🍢【必食串燒】 有部份串燒係$120有10串，好抵🥹頂級厚切牛舌心真心係厚切，不過小編個人鍾意食嫩多少少😙雞軟骨都值得一試，爽脆有嚼勁，送啤酒一流🍻台灣腸咬開爆汁，豬肉香好出，味道偏甜口🍖最後推薦蒜蓉茄子，燒到軟淋多汁，爆多蒜蓉，而且夠晒入味，正👍🏼🍜【主食】 肥牛炒公仔麵鑊氣十足，麵質彈牙，肥牛份量唔孤寒，啖啖肉🥩🐟【海鮮】 鮑魚一樣加咗好多蒜蓉落去燒，味道幾鮮，不過略嫌熟咗少少🤏🏻雞泡魚乾燒到微焦，點沙律醬食好過癮，又係送酒一流嘅一道小菜👏🏼成間店嘅食物都係即叫即燒，所以會等得耐少少！最正係價錢親民，兩個人食到飽都係$200左右，難怪咁多街坊幫襯～

✨ 紅磡宵夜好去處！串燒啤酒！✨ 好多選擇～選擇困難症都唔怕～✨ 依家開業八周年做緊優惠‼️✨ 串燒啤酒超抵價超抵食‼️————————————————————🌟 $120 / 10串特色串燒---會話呢間串燒嘅特色係調味好夠😜串燒落左好多好多孜然粉，好惹味！有五花腩肉揀，肉食控實鍾意🐷亦有燒豬大腸、雞腎串等內臟食～另外都有燒一口紫薯、燒饅頭等等😋燒菠蘿好多汁，酸酸甜甜好開胃🍍串燒辣度自選，食唔食得辣都OK————————————————————🌟 生啤買一送一---食串燒必備拍檔一定係生啤啦🍻宵夜食住串燒飲生啤，好難唔爽啦！要飲返兩杯Suntory解解辣😂————————————————————🤎 流心棉花糖朱古力夾餅---叫左呢款甜品試試，又幾特別！棉花糖半融，好拉絲🤤加埋朱古力醬，甜品控幾like～竟然係配黑芝麻梳打餅🤣鹹鹹甜甜，外脆內軟，幾過癮～

食過川味香好多次，今次第一次打食評🫶🏻 佢哋系重口味系列，串燒全部都超多辣椒粉同椒然粉，之前食過佢啲炒麵都好有大陸串燒既味道，特別推介俾鐘意食重口味嘅你！新鮮蒜蓉美國生蠔 $70/2只美國生蠔每只都有手掌咁大只！上面鋪滿左好多蒜蓉，食落更加惹味香濃。生蠔口感適中，容易撕開，絕對唔會燒得太耐而導致縮水👍🏻串燒好似平過以前！而家有$120 十串，都真系幾抵食土豆片（串）：土豆片切得薄厚適中，都算幾大塊，超多辣椒粉同椒然粉！蒜蓉娃娃菜 $45份量十足嘅娃娃菜，配上大量蒜蓉，雖然蒜香濃郁，但系有少少咸食物味道就相當唔錯，但環境就一般，仲要收加一服務費，建議住附近嘅話可以嗌外賣返去食會再抵食啲！

蝦蝦哈蝦哈哈哈🦐.紅磡街坊當然識得各式各樣嘅小店呢間專食四川麻辣串燒 🍢啱晒鍾意食辣嘢嘅朋友🌶️🤣.做緊promotion $120/ 10串, $65/ 5串選擇繁多，包括牛舌、秋葵、饅頭、脆口魚腐.🌟特級肥牛炒公仔麵 $68個麵炒得唔錯 火候啱啱好用咗錫紙盤份量都幾大鹹度適中 加咗蛋絲更加香一啖一滋味🫣.全部都可選辣嘅程度 🌶️唔辣都得晚餐或宵夜都正

🍢川味香 (紅磡)今次去咗一間位於紅磡嘅串燒舖，舖頭嚟黃埔地鐵站A出口只有1分鐘嘅距離，非常方便！餐廳去到夜晚就非常熱鬧！❤️‍🔥餐廳除咗有串燒之外，仲有主食可以，例如炒飯炒麵等等～🌟鹽燒白鱔魚🌟日本一口和牛粒🌟雞腎串🌟皇牌牛舌芯🌟肥牛金菇卷🌟雞中翼🌟韭菜🌟翠玉瓜🌟芝士原條茄子非常推介鹽燒白鱔魚！一口和牛粒牛香唔韌～芝士原條茄子好特別🤣我哋食咗咁多都唔需要$300🫶🏻餐廳仲要開通宵，食宵夜嘅好選擇‼️📍紅磡德民街29號德民大廈地下J1號舖

➲ 黃埔 川味香以街坊價錢提供地道川味，適合三五知己宵夜聚會，或外帶回家享受熱辣辣的串燒！餐廳提供自選辣度，可根據口味調整。➳ 錫紙花甲粉以錫紙包裹新鮮花甲、金菇及粉絲，湯底鮮甜帶麻辣香，花甲肉飽滿，粉絲吸盡湯汁精華，份量十足，飽肚首選。➳ 鰻魚炒烏冬烏冬鑊氣足，搭配日式蒲燒鰻魚片，醬汁濃郁偏甜，搭配飲品平衡口味。➳ 芝心丸外層烤至微焦脆口，咬開後芝士流心湧出，鹹香濃郁，屬人氣丸類串燒。➳ 牛板鍵肉質帶彈性筋膜，經炭火炙燒後外層微焦脆口，筋膜與瘦肉交織，彈牙爽口不韌硬，適合鍾意有咬口嘅人。 ➳ 鴨胸肉鴨胸肉質嫩滑，表面塗抹蜜糖燒至焦香，甜鹹交織，搭配啤酒一流。➳ 雞軟骨雞軟骨烤得爽脆，塗上蜜糖及撒上調味粉，港式風味突出。➳ 大墨魚咀墨魚咀彈牙有嚼勁，搭配孜然粉燒製，口感豐富。⤵ @chuanweixiang_hunghom紅磡德民街29號德民大廈地下J1號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeh

店舖細細間，雖然唔起眼，但係香氣四温，整體感覺地道舒適。店員友善，一路食一路聽佢哋同熟客吹吓水講吓笑，幾開心。食物質素相對高，調味適中、香口、唔會去內地嗰種咁幾乎淨係食得出調味，價錢相宜。 ✦ 蒜香茄子蒜香濃郁，蒜味燒到逼入茄肉，非常香。火喉控制好，一夾即出，質地軟棉，仲保留到汁水。 ✦ 炸大腸金黃酥脆、熱辣辣。外皮脆、內裡軟，略帶嚼勁。肥而不膩，而且清得乾淨。 ✦ 牛舌心真係厚切。炭香、彈牙多汁，略有油脂香。 ✦ 雞脾菇肉質肥厚爽滑，一咬爆汁，好啱食大量肉之間清一清。幾有心嘅小店，雖然人手較少、上菜略為慢，但感受丁用心、保留咗上一代嘅人情味。

🌶️ .紅磡街坊當然識得各式各樣嘅小店呢間專食四川麻辣串燒 🍢啱晒鍾意食辣嘢嘅朋友🌶️ 🤣.🌟 鮑魚兩隻 $65燒過嘅鮑魚爽口彈牙加埋七味粉別有一番風味🥰🥰👍🏿.🌟免治雞肉棒 $20食串燒必點咬落去啖啖雞軟骨🐓幾爽.🌟牛筋丸 $20驚訝幾好味 燒完仲鎖住到丸汁.🌟特級肥牛炒烏冬 $68個烏冬炒得唔錯 火候啱啱好用咗錫紙盤份量都幾大鹹度適中 加咗蛋絲更加香一啖一滋味.🌟雞翼 $36 🪽 有4️⃣隻咁多燒完真係熱辣辣🔥好惹味🫣.全部都可選辣嘅程度 🌶️ 唔辣都得晚餐或宵夜都正.📍: 紅磡德民街29號德民大廈地下J1號舖

Happy friday經過去食間串燒店😗食到飽捧腹而走🤰🏻蒜蓉茄子🍆🍆一上枱蒜香味撲鼻而來😍夾起上來一絲絲茄子肉軟糯軟糯 好吃😍五花腩肉串🐖🐖肥瘦均勻，肉汁較多，不會太乾，火侯控制不錯👍🏻👍🏻雞軟骨🐓🦴喜歡脆卜卜的咬口，要留意因為雞軟骨沒有調味，記得灑上孜然粉和辣粉，增加風味！🧂🧂花甲粉🐚🍲花甲粉有娃娃菜和金菇，份量很多，錫紙盤幾乎滿瀉💥花甲浸上湯汁，一口索乾！正！😋我認為可以叫上中辣+ ，小辣吃上來不夠痛快🥵燒賣🔥🍢加了港式風味的燒燒賣，外香內軟🇭🇰牛小排🐂🥩肉中心還是紅色，沒有燒至全熟，保留了牛肉有一定的軟熟度味噌蟹蓋🦀🦀沒想到味噌和蟹膏配合到！蟹膏香濃，吃一個不夠吃，想再encore丫😋😋📍紅磡德民街29號德民大廈地下J1號舖

紅磡街坊先知道嘅串燒寶藏小店！店員姨姨好nice💖，等外賣嗰陣不停聽到『叮叮』外賣單聲📱，睇嚟好受隔籬鄰舍歡迎～🍢必食串燒推介：▫️肥牛炒河粉 - 河粉鑊氣十足🔥，加咗雞蛋同微辣🌶️，有啲似泰式風味▫️芝士扇貝帶子 - 芝士多到漏🧀，食完帶子忍唔住舔埋啲芝士汁▫️五花腩肉串 - 肥瘦啱啱好🐷，燒到微微焦香▫️雞皮串 - 脆過薯片😋，食到索索聲▫️錫紙蒜蓉娃娃菜 - 蒜香爆炸💥，成盒清到一粒蒜蓉都唔放過✨小店特色：▪️家庭式經營，人情味滿分💯▪️外賣單不停，證明街坊力推👍▪️調味惹味但唔會過鹹，食完唔口渴💡溫馨提示：⏳夜晚好多人叫外賣，想食要早少少落單💰價錢街坊價，抵食！#紅磡美食 #隱世串燒 #街坊小店 #芝士扇貝 #脆皮雞皮 #外賣精選

紅磡巷仔串燒小店 惹味牛仔骨 紅磡有好多特色小店 💃💃 突然心血來潮 好想食串燒😋 今晚晚餐就買串燒 再炒兩個菜就可以啦 好豐富😋🥰 雞全翼$38/2隻雞中翼$36/4隻好入味 燒到焦香 連皮都食埋 正👍 雞軟骨$28/2串雞腎$27/串x2雞肉串$26/串雞軟骨超香 骨有雞油😋 雞腎及雞肉串 肉質鮮嫩 都係燒到好香 有水準😄 牛仔骨$58/份牛仔骨醃得好好味 燒到啱啱好 唔會好乾 好回味🥰 每次想加餸或者想食宵夜 都諗到川味香 🥰🥰 🎈川味香 (紅磡)紅磡德民街29號德民大廈地下J1號舖

黃埔同紅磡真係多嘢食👍呢間川味香同事介紹唔錯，今日就一齊來食下芝士燒蟹蓋蟹蓋內盛滿濃郁的芝士，蟹肉蟹膏同芝士融合，海鮮味和芝士味好夾，唔中意芝士仲可以選擇味噌燒蟹蓋五花腩肉串（2串）：五花腩肉肥瘦相間，肉香與焦香，好味燒日本一口和牛粒（田）：外層焦香，油脂分布均勻，牛肉味濃燒雞軟骨2串：香氣撲鼻，既脆又嫩，適合喜歡咬脆骨的食客。土豆片（串）：土豆片切得薄厚適中，內裡軟糯。燒饅頭外皮經過燒烤後，口感略脆，咬下去時能感受到一層薄薄的酥脆感，內裡仍保持饅頭的鬆軟。餐蛋炒出前一丁：出前一丁炒得唔錯，煎得金黃的午餐肉和嫩滑的炒蛋加埋啲青紅椒。呢個搭配基本唔會難食嘅，簡單又好味

羊肉串 $30 帶子2隻 $70 - 都幾大隻，蒜都比得足台灣腸 $18 *2 比想像中大條，幾juicy 墨魚丸$22 好食，又大粒土豆片 $13 比較多粉，有小小蓋過了土豆既味。麻辣鴨舌 $78 佢比個張menu紙上面寫$68 佢出黎張單寫$78，我同個收銀呀姐講，佢話以電腦為準，要照收$78。大家落呢個既話留意番係$78…呢個要改善下，唔係令人誤會。除左服務麻麻要改善，食物上冇咩問題。等候時間需要半個鐘以上，如果外賣，建議早半個鐘打黎落單。

川味香紅磡德民街29號德民大廈地下J1號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：肥牛炒麵 $68，五花腩肉串(2串) $30，免治雞肉棒 $20肥牛炒麵：炒麵色澤誘人，金黃的炒麵上鋪滿了嫩滑的肥牛，散發著誘人的香氣。每一根麵條都均勻地吸收了醬汁，口感順滑而彈牙。肥牛的脂肪融化在口中，帶來濃郁的肉香，搭配的青菜增添了清新的口感，讓人一口接一口！😄😄😄五花腩肉串：肉串外觀金黃，表面微微焦脆，散發著燒烤的香味。每一串肉塊都肥瘦相間，肉質鮮嫩多汁，咬下去時肉汁瞬間爆發，令人陶醉。調味的醬汁恰到好處，提升了肉的鮮美，並帶有淡淡的甜味！👍👍👍免治雞肉棒：雞肉棒外形吸引，表面金黃酥脆，散發著誘人的香氣。每一口都能感受到雞肉的細膩與鮮嫩，肉質輕盈，調味恰到好處，帶有微微的鹹香，讓人食指大動！😍😍😍

太早食晚餐搞到好快餓，豬太郎就同朋友一齊嚟黃埔買啲嘢食返屋企慢慢食，外賣有樣好，就係間間都試下！呢間川燒店喺巷嘅中間，細細間，食物款式都多，兩個女仔，買咗唔算好多，過下癮就OK！.個人最推薦鴨胸肉、雞皮、同牛舌！本身已經帶有煙燻香味嘅鴨胸肉食落都唔會太乾，灑滿燒烤用嘅孜然粉就更加惹味；烤到香脆嘅雞皮後悔無叫多幾串呀！脆卜卜真係好易食唔停口；最後牛舌好彈牙，雖然係薄切，但都好有口感！.➜海蝦➜魷魚筒➜燒薄切牛舌➜鴨胸肉➜雞皮.仲有好多款式嘅串燒真係一次食唔晒呀！.#msmessypig_food