川味雞烤魚大王 (大河道)

营业中

休息中

朋友相約一同於荃灣吃飯，夜晚舊朋友相聚，當然是打邊爐，所以我們選擇的也不是限時的，沒有限時最適合二人暢談人生。前菜方面，我們點了涼拌豆腐，川味十足。麻而不辣，入口凍冰冰，涼浸浸，更有另一番風味。打邊爐最重要就係鍋底，我們選擇咗四川麻辣雞煲，雞煲打邊爐都流行咗好幾年，今晚我哋當然懷舊當時興， 半隻雞份量剛剛好， 足料奉上， 雞煲麻辣剛剛好，麻中帶點辣，辣中帶點麻，兩者互相輝映。配料方面特級雪花肥牛，鮮蝦雲吞，響鈴，墨魚咀丸。 肥牛肥瘦適中打邊爐最適合鮮蝦雲吞我絕對有理由懷疑是來貨的因為味道很好。這是一個好地方，適合朋友聚會和聯誼的。

近年香港人好鍾意北上食麻辣烤魚，其實香港一樣都有質素不俗既烤魚食，荃灣呢間川味雞正正就係其中一間門面唔算顯眼，不過位置幾方便，係正馬路邊，一落天橋就見到。入面唔算多位，平時都要等下位先入到座，今次夜少少去就直接有位坐個爐係用圓型電磁爐，唔似大陸d鋪頭咁用明火，食得安全又安心menu算多野食揀，最尾揀左個麻辣魽魚黎份烤魚之前叫涼拌辣魚皮，爽口彈牙，麻得黎又夠辣，開胃一流。另外d花生浸住d辣汁亦都保持到脆口烤魚亦都非常有質素無論辣度，配菜，魚都非常有水準。辣味唔係得個辣字，條魚一食落口重有一陣陣麻痺既感覺配菜好豐富，亦都煮得好入味，食得出唔係臨出菜先放入盤至於條魚d肉夠實唔會散，但係入面又會有d辣汁滲到入去食完條魚之後，叫左兩碟野打下邊爐，分别係手切雪花肥牛同埋蓮藕餃。牛就正正常常唔錯，而蓮藕餃就好少食到，皮有d厚，但係入面d蓮藕粒好脆口，唔似其他餃食完先見到有鱸魚食，老闆都誠意推介下次可以食鱸魚，肉質更嫰滑

ㄧ個月前試過一條特大烤鉗魚，味道不錯。今日再番卓，點知最終俾我體驗到之前食評寫的態度不友善問題。去到，一心諗住叫番上次條特大鉗魚。四眼'老細' 不太友善話menu 删咗，冇。 我點咗條大，再加嗰菜同蓮藕餃。魚味道ok, 食到隻餃時，咬到牙肉痛，原來有條鐵線，約0.8cm 長。立即叫四眼'老細'過嚟，佢睇一睇，直入廚房，出嚟話打折俾你。就走開。 埋單時，同我講免咗份餃。 嘩！ 我堅係要多謝佢。 我入嚟食嘢唔expect 有鐵線，亦唔使免我份有加料嘅餃。 我明白食店有時意外地含有雜物，但呢間嘢根本連sorry, 解釋都冇。點做生意！！！！

在我的烤魚名單當中，我獨獨鍾情二坡坊的「美味烤魚」，但又知道荃灣烤魚店不止一家。川味雞烤魚大王靠近大河道，又是另一人流暢旺的宵夜熱點，也曾在電視節目中被介紹過，一試無妨。泡椒鳳爪($38)是自家製的，辣度令人滿意，但泡椒鳳爪浸泡時間不長，口感偏硬實。在泡椒原條海鱸魚($238)未上桌前，鄰桌飄來了烤魚的氣味，這味道感覺似曾相識，然後心裏暗覺不妙，這分明是某種即食麵湯包的味道，這時心裏已是涼了一截，對將上桌的烤魚也不敢抱有期望 了。為了釋除心中的疑慮，待湯煮開了即時嘗了一口， 味精感未有預期的濃烈，也有用上鮮魚湯底的痕跡，不過煮久了味精感仍會慢慢浮現， 最後還是會讓人有唇乾舌燥之感。泡椒湯底沒有一點辣度，泡椒份量太少質素又不高，加入酸菜亦感受不到酸香，作為川辣烤魚湯底只屬「行貨」之流。至於鱸魚魚身肉厚，魚肉偏結實，初吃尚算嫩滑，但煮久了便較為嚡口，再加上湯底表現不濟，只能說這家的烤魚並無過人之處。至於配搭烤魚的鍋料，反而不差。黑毛豬肉片($48)肉味較濃口感也嫩，順德魚腐($45)是吸湯之選，就是街市能買到的貨色。手打墨魚滑拼蝦滑($78)賣相不佳，但真材實料結實彈牙，只不過價位偏高不太

朋友話三號風球出嚟慶祝吓！其實咪找借口食吓飯，冇所謂啦！四個人大家可以食多啲款色愛人突然想食酸菜魚，四個人就嚟咗大河道川味雞烤魚大王，嚟到七點幾都要等一等老闆娘見我們四位，指咗入隔離舖，入到去感覺好過隔離主場，因為依邊靜少少方便傾計入到來見店員在抹酒杯，多口問句，可帶酒來？店員話收每支$50, 合理嘅⋯⋯話晒提供酒杯有成本但食濃味酸菜魚，都係飲啤酒會開心啲原來食店有餐酒提供 紅、白 開心型餐酒非酒精飲料，全部都是樽裝、罐裝。入到來川味，發現原來我們四位都唔食辣，決定先來酸菜烤爐魚，因為上次食過原條鯇魚都唔錯，所以今次食爐魚，冇咁多骨每次食完條魚都飽咗八成，只是加插一些配料就已足夠。喜歡吃這店的魚腐和墨魚咀丸，但忘記影相紅油抄手少少麻辣，啱四個都唔辣得嘅人凡吃雞煲、酸菜魚的食店，一向平民大眾化，所以唔好要求有乜野服務，抱著麻甩一番心態，啤啤開心又一晚🍺🍻當晚平均每位消費$145/位，合理麻甩開心價

好耐都無覺得出去食飯要寫劣評，食到一肚氣訂左17:30因爲有半價。首先出來招呼是一個廚房的職員。他的態度親切有禮。還介紹著烤魚的口味。最後我們點了（泡椒烤魚）大邊 $228當我們點了烤魚之後，有一個女職員回來，第一句已經用不友善的態度跟我們說因爲你們3人不能坐這張枱，我明白香港寸金尺土，所以我們都沒有特別意見就轉枱了。隨即她大聲跟我們說：「你知你地19:00就要交枱架可？」我心諗，食物都未食就講依D。今時今日做生意依個服務態度😫大約10分鐘之後，烤魚上枱，頭頭吃覺得湯頭有點淡，再吃下去開始有陣陣辣味，味道不過不失，如果能再濃味就好了另外點了麻辣手撕雞 $78。手撕雞用上雞胸肉，味道不夠麻香。涼拌海蜇 $38。味道中規中矩。海蜇爽口彈牙，唯獨帶有少許雪味雲耳，萵筍 $28。我點餐後明明已經見到雲耳已放出來，那個女職員一見到就帶回入廚房，再拿出來，雖然我不知有否因爲我有半價而減少了份量，但落枱時禮貌欠缺，真是貼錢買難受連飲品（沒有折扣）再加食物半價折扣後，結帳$312

到荃灣掃貨，巧遇這間舖頭，就決定試一試這間舖頭。我們叫了重慶麻辣雞煲全隻及一碟手切安格斯肥牛。雞煲，我們叫了小辣，全隻雞煲份量不多。湯底真的感覺很重麻味，但湯底非常死咸，咸到每次夾完件雞都要隔一隔湯。雖然有明確地話俾店員知此問題，但店員 一直堅持個煲ok無問題!另外，叫了手切安格斯肥牛，切得都厚身，食落有口感，都算不錯的選擇。一個雞煲加一碟肥牛連兩罐飲品埋單，要約$500，我認為呢個價錢出面有更多更好的選擇。最重要食完雞煲之後，喝水喝了一整晚，應該有好多味精。

想試烤魚好耐，坊間亦有唔少呢類菜式，今次揀左「川味雞烤魚大王」。荃灣店分左右兩鋪，連在一起，店內座位不多，感覺有點擠逼，但尚算坐得舒適。原條重慶麻辣烤魽魚$228可揀大、中、小或無辣，整盤嘅賣相不錯，上檯一刻有嘩然感！圖中為中辣，味道惹味！除魽魚外，仲有好多配菜，如大荳芽、蘿蔔、娃娃菜、蔥...雖然魽魚係河魚，生活在淡水中，但完全沒有泥味，應該係調味料太濃郁而被遮去，加上魚身有經先煎香，有助去除腥味，魚肉好滑！真係好滑！好鮮甜！而且唔多碎骨，可以安心食用。麻麻又辣辣，愈煮就會愈辣，好味道！招牌口水雞 例牌$68呢個菜式認真麻麻地，好普通，招牌榮譽何在？辣感普遍，沒有刺激性嘅辣味，麻度係零存在，而且醬汁太多油，雞味淡，肉唔滑，皮唔爽，沒有搶吃的衝動。涼拌青瓜$28青瓜唔夠新鮮，口感欠爽脆，涼拌醬汁亦普通，唔夠惹味。基本上，其他火鍋配料都屬一般，沒有什麼驚喜嘅味道。還是烤魚味道可以令人回味，或者下次可以試試原條烤鯇魚，至於招牌口水雞可以不用再吃了。

從未試過寫食評，專登揸車由將軍澳入去食，首先泊車要等位，等左大約半個鐘，等到位後仲滿心歡喜行過去等食，點知差一步踏入鋪頭，係我背口就有個男人大聲問：你幾位呀？依後店入面又有位女人問：幾多位呀？答：2位之後兩個人都無答過我地兩個，然後我老公再入去鋪裡面再問：係咪無位呀？跟住兩個人都無答過，佢就勁嬲行番出黎重點係佢間鋪頭得2檯客，全部都係吉位，就算唔歡迎兩位客人，答聲都唔難，但一句都無答，實在太過份！P.S. 所以大家過去食前需要諗清楚，免得又要比錢又要受氣

麻辣君生日，本來想同佢食附近煲仔飯，不過叫得麻辣君，都係㨂左食川菜。今日放假，可以約早啲食飯，6點半去到都仲有位，之後7點幾開始聽到職員同客人講要等位。我地兩個食量唔多，本來諗住挑戰啲涼拌小食就夠，但係人地餐廳食雞煲無理由唔叫番個。先黎個紅油抄手，可能我鍾意雲吞皮厚啲，我覺得都可以，涼拌牛柏葉同海蜇，味道無咩特別。中辣雞煲黎到，哈哈，勁多乾椒同辣油，半隻雞份量唔多，啲雞醃得都有味，煲入面仲有好多蔥頭同青椒，不過我係小新，唔食青椒。既然有煲就唔好嘥，梗係要追加啲最吸味嘅蔬菜，然後就加左金菇，油麥菜同響鈴，麻辣君話啲菜勁吸辣，一路食一路話辣，唔知我個辣底係咪由蘇洲嘅海底撈開始打起無停過辣，今晚啲野無麻辣君講到咁辣，我食到辣中帶甜味多啲。

點了藥膳雞煲，味道一般，酒味過濃。生菜一盤，中規中矩。雜菇拼盤有點不新鮮。特別小食“墨魚卜卜脆”，份量太少，實在太油，加了過多調味粉，導致吃不出墨魚原本的鮮味。買單時才突然被告知不能用信用卡。結帳後要求要詳細帳單也諸多阻撓。全程服務態度不佳。

朋友係澳洲返黎，一路都話好想食雞煲果啲，話好掛住辣味，想係荃灣食，就搵到呢間烤魚嘅唔錯，而佢又未食過烤魚，所以就試下。因為唔算早，鯇魚冇哂，所以叫左魽魚。之前未食過魽魚，又估唔到幾好食。冇哂細條，叫左條大，望落好正，其實食落都好正。魚肉嫩滑鮮甜，酸菜亦都夠酸，有少少辣，好惹味。盆入面除左條魚，其他位都係配菜，分量都唔少架，啲酸菜食極都仲有啱哂我呢啲酸菜迷，仲有薄片蘿蔔索哂啲汁，一流。其他點嘅配菜都好食，份量算足，賣相都係正常。墨魚滑都算新鮮彈牙。湯底好，落響鈴5秒馬上夾起，吸盡湯汁，好食。

今晚老婆冇煮飯 突然想食烤魚 上OpenRice 搵到呢間食店 睇到呢間d食評好似不錯 所以就落黎一試由於兩個人 所以叫左條細既魚 因為我地都唔太食得辣 所以揀左麻辣小辣條魚賣相好靚 不過味道就好一般...d魚淡茂茂 完全冇味 條魚好細條同都幾多骨另外叫左其他配料黎打邊爐 安格斯肥牛 桂花蚌 墨魚蝦滑 萵萱 魚卜分量又係偏少 同唔特別好食 （唔好意思 唔記得影相）埋單盛惠$687都幾貴 又唔太好食 我覺得呢個價錢出面有更多更好既選擇 可能係我希望越大 失望越大啦😩

我今日外買買左魚，雞子，薯粉，魚卜，等左二十分鐘反到去話冇鱼卜，冇所謂咪不食，之後同我講退錢麻煩，叫我揀番樣38蚊，OK, 我揀,求其豬頸肉，但冇睇，反到去，得二三細條，我已經放近影，你地覺得呢ka野似不似街市買5蚊豬肉，冇咪出聲，算点，態度又差，未齊野叫我擺住條魚先，話個盤污秽喎，不可以放喺出面椅子上，我已經多次受呢個女人氣，從來我不寫食評，食係可以既，但大家未去過既，忍得先好去

川菜一向深受香港人的喜愛，不過好多香港人都吃唔到辣，要找三五知己愛吃辣不是容易的事。天氣又熱又濕，除了飲去濕茶，吃辣其實也可以有去濕的功效。招牌口水雞雞件入口要夠細嫩幼滑，川味雞做到。湯紅油亮，麻辣味濃，不止有辣味，亦帶麻和香味道，夠哂醒胃，有種令人越吃越想吃的魅力，個汁真係做得好正。麻辣感十足的川味烤魚剛送上來真是讓人讚嘆!整條魚合佔滿整張桌子。有大辣中辣跟BB辣~~我們選了BB辣。BB辣的辣度是很舒服的辣，BB 辣就完全適合吃唔到辣的人，有朋友嚐過完全辣唔到佢。魚肉十分Q彈，且魚肉很入味，鮮嫩多汁，口感好麻，bb辣好好吃