川味雞烤魚大王 (大河道)

营业中

休息中

我好鍾意食魚🐟, 好鍾意打邊爐🍲今日預祝朋友既生日, 去左 "川味雞烤魚大王" 🥘 品嚐久遺既味道🤤一來到當然揀左魚先啦, 今次我地揀左*原條海鱸魚* , 再上配重慶麻辣風味 (小辣)，好吸引呀, 黎到心諗 會唔會好辣㗎?! 好彩只係小辣, 味道恰到好處! 而且鱸魚啖啖肉 骨都只係大條既魚骨 可以好放心大大啖咁食🤤💕另外由於太肚餓 我地都加左個即食小食---麻辣牛展 (BB辣), 仲有青瓜粒墊底, 份量足夠兩人食!當然, 魚食到一半 我地再叫左部分火鍋配料, 萵筍吸收哂濃湯既味道, 薯粉亦索滿哂湯 非常入味! 火鍋既飲品配搭緊係啤酒啦, 今餐真係Gur哂🤩🤩🤩

川味雞烤魚大王喺荃灣開舖多年，算得上係專門食烤魚嘅老字號店舖。除咗烤魚，仲可以食到雞煲、火鍋、重慶美食！適逢朋友話好想食烤魚，擇日不如撞日，就去試下！舖頭店仔細細，入面有五張枱，全店滿座嘅時候外邊仲可以擺多兩張枱，真係想食又驚要等位，最好訂咗位先！QR code落單，望咗一輪有乜嘢揀之後就叫咗：➺➺➺大半條皖魚$268/酸菜BB辣等咗一陣，一條肥大肉厚接近50厘米嘅大皖魚就出現喺眼前，魚皮煎至金黃色，有陣陣焦香味，伴隨住大量酸菜、芫荽、泡椒、蘿蔔片、薯仔片、辣椒、芝麻，淨係個湯已經味道豐富，酸酸辣辣。皖魚上枱嘅時候唔係完全煮熟，邊滾邊慢慢熟，先保持到嫩滑，食時有細骨，要小心。黑毛豬肉片$68邊食鯇魚，可以邊打埋邊爐，鐵盆傳熱快，將大塊厚切嘅豬肉片放落去淥，好快就熟，而且索晒濃郁嘅湯汁，完全唔需要再沾醬料。娃娃菜$33估唔到$33嘅份量有咁多，出面同等份量可能價錢係Double龍口粉絲$18咁爽口彈牙嘅粉絲， 浸入酸酸辣辣嘅湯底，索晒啲湯汁，好好味！涼拌皮蛋$38食食吓烤魚，覺得好熱，叫咗個皮蛋涼食中和下，微辣，個醬汁幾香幾濃味！絲苗白飯$12食惹味辣烤魚，用汁送飯一流！朝日啤酒$32/

今日返工前同媽咪去食晏，好似好耐冇食過烤魚，所以揀咗呢間。因為媽咪唔食辣嘅關係，今次揀咗酸菜烤魚，原本以為個味道比較淡，但係原來都OK。酸菜其實都好夠味，更改左我食烤魚一定要食辣嘅一貫觀念。佢條魚嘅魚皮烤到好脆好香，魚肉都好滑又啖啖肉，而佢啲配菜除左酸菜之外，仲有白菜，蘿蔔，啲白菜同埋蘿蔔索晒啲汁之後都好好味。另外呢度嘅泡椒鳳爪都好好味，辣度啱啱好，不過如果份量可以多少少就好啦，因為好味到覺得唔夠食。另外就揀咗個涼拌萵筍，不過呢個就唔係太入味，所以味道一般。另外佢個茴香雞翼都好好味，佢炸到好脆，但係有落炸粉，完全係外脆內滑。

今日約咗個friend落荃灣, 當然要試下荃灣大河道嘅川味雞烤魚大王。 估唔到該店除咗有室內坐外，仲有兩張室外枱可以選擇。 喺舖頭外面坐，好有放鬆嘅感覺。但可惜今晚成30度高溫，太熱太濕好易餵蚊，所以都係揀返有冷氣嘅舖內坐。細小嘅餐廳，全場只有5檯。 估唔到都咁先進，掃QR code點菜落單。但可能因為我哋8:30pm 先入座, 我哋想食嘅烤魚, 只剩返海鱸魚, 冇得揀其他. 該店用一個好薄嘅鐵盤，載住剛剛煎香左嘅海鱸魚。 魚上面放咗好多莞茜、青辣椒。還配送辣椒粒仔、酸菜、白蘿蔔片同京蔥段。香氣逼人。 海鱸魚食落唔算多骨，有少少草腥味，唔似鯇魚咁草腥味重。 海鱸魚肉質透明通透，呈乳白色。 魚肉口感好彈牙，好滑嫩。 再加辣吊起魚香嘅鮮味，冇得頂。 但估唔到BB辣， 初時食覺得唔係太辣，但食咗半粒鐘之後就覺得越嚟越辣。到後尾我已經放棄咗啲酸菜。食完好滿足呢！

平時中菜吃膩了，可以換個魚來嘗嘗鮮！原條海鱸魚，我哋試咗酸辣泡椒烤魚🌶泡椒特有嘅味道，最適合用來烹飪調製呢一道麻辣微酸、鮮香嫩滑嘅美味菜品❤爽口下飯，更是營養價值豐富😘夾上一塊魚片，薄薄哋，上面泛著些許油光，吃起身好入味，非常鮮嫩。再夾起一塊，慢慢送進口中，🐟你會慢慢感受到濃濃泡椒味同鹹香味中和一齊。魚肉清甜，🥢魚皮都帶有誘人碳香。吃在口中時，仲可以食出湯汁溢出嘅感覺，🥘魚肉嫩不柴，並且香而不膩。各種味道被中和得剛剛好，🥰吃完仲想食~

今晚終於出街夜晚堂食，因為朋友想食雞煲。就番朋友住係荃灣，為免冇檯一早訂定位。餐廳位於大河道，地點算是十分方便。餐廳坐位空間是寬闊的。我們點了「重慶麻辣雞煲」（$188/半隻），朋友不太食得太辣，所以揀了少辣、中麻、小油。雞煲醬味香濃夠味，洋葱、芫荽、乾蔥頭等配料十足。另外，當然主角雞先至最緊要，雞肉煮得剛剛好，肉質十分嫩滑。至於麻辣度，可能我們選了少辣同揀埋少油，所以其實連我朋友都覺得真的不太辣和麻，所以喜歡較辣朋友仔可以自己調節麻辣度。半隻雞兩個人食，當然不太夠喉啦，所以我地另外再加了一份「蒙古羊肉」及「闊薯粉」。我至愛羊肉，夠羊味好食，店員介紹，羊肉即叫即切，所以賣相好靚仔，一的都吾會血水淋淋。，闊薯粉吸收了濃郁雞煲醬汁，煙韌又很夠味。由於我地鍾意原汁原味，所以無另外加湯就煮羊和薯粉，所以食到尾就會略為偏鹹。其實餐廳設有醬汁自助區，有提供醬料之外，亦有湯底可以自行添加。另外食物除雞煲、烤魚、火鍋配料之外，亦有多款前菜、冷盤等等小食。另外一提，由於我們入坐時間因之前食客關係，所以由原定8:30延遲至9:00，加上需10:00離埸，所以用餐時間係較為急趕，所以大家自行預好時間，以免好

椰子雞煲味道香濃，好足料。椰子配雞肉實在一絕。加上有甜棗，成個湯底都好甜。雞肉真係好新鮮，完全冇雪味。真心值得推介！墨魚咀丸好少食到咁好食嘅墨魚咀丸，咬開入邊真係好粥了。「夠彈牙」！叫咗一碟都唔夠，要叫多碟先夠回味。手打墨魚滑墨魚膠好滑，仲有啲類似蟹籽嘅嘢，同墨魚丸一樣咁惹味。手切特級安格斯肥牛由於係手切嘅關係，肥牛可以切到好薄，一放落個鍋度幾秒之間就熟晒。肉質真係好新鮮，所以識落勁有牛味。蜂巢豆腐較後期放蜂巢豆腐係正嘅，因為吸收晒湯底嘅精華。質地口感係OK。環境店舖入邊唔算太大，但外邊有一兩張枱，感覺上闊落。冷氣也足夠。

放工食飯，去了間小店，吃了個超高質雞煲，所有食材都很新鮮很高質，而且價錢合理，性價比超高，非常推薦喜歡雞煲的人椰子雞煲（半隻），$188，雞超新鮮，很有雞味，很少可以在街外吃到這個質素的雞。另外，雞醃得很好，湯的其他配料都很高質足料，紅棗、椰子等都很夠味，100分墨魚嘴丸，$52，第一次試這個丸，口感很特別，墨魚嘴很爽脆，很有鮮味，跟一般的雪藏丸有很大分別蜂巢豆腐，$33，不是很多餐廳有這個豆腐，質感不會太硬，豆腐把湯的精華都吸進去，用來打邊爐一流💯💯所有食物都很滿意，可惜今次老公不想吃辣，下次想去試辣烤魚😋😋😋

成日黎荃灣依邊，一落車行幾步都會見到依間烤魚。對於烤魚0抵抗力嘅我，成日都話要試試佢，今次終於有機會啦😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈原條海鱸魚（重慶麻辣風味） $268 份量足夠2-3人享用！鱸魚有預先醃過，唔會有唔入味或者腥味～鱸魚有烤過先上枱，啲皮脆脆地好好食，而且非常吸汁！開始以為酸菜味先會有酸菜，但原來麻辣都配有大量嘅酸菜，夾埋啲魚一齊食啱啱好！另外，仲有少少娃娃菜，等你唔使淨係食魚咁單調～ 一份魚兩個人食其實都夠曬，我地貪心再加多左個烏冬，好滿足！〰️〰️〰️〰️〰️〰️〰️〰️〰️〰️〰️〰️〰️〰️〰️

今晚食左好耐冇食既烤魚！😍呢間舖專食烤魚同雞煲～太耐冇食熱辣辣既野啦，兩者選其一既話一定係食烤魚，因為太大份好難係屋企煮到！叫左個重慶bb辣烤鱸魚，好大條～外皮烤到少少焦焦地好好食🥰🥰 bb辣岩晒我，想食辣又唔食到太辣咁～ 魚肉好實好彈好新鮮🤤實在太耐冇食了，感覺好幸福🥰🤣配料方面仲叫左一碟肥牛～ 一盤雜菜（盤入面有生菜、娃娃菜、油麥菜）響令～仲有炸支竹😋配埋啤酒，一路食一路傾吓偈～好快就10點夠鐘要走了！希望疫情快點完，可以食耐啲！溫馨提示記得訂枱～咁就唔洗等位了～

今日同朋友去荃灣食飯，呢度附近都比較多餐廳，但係最後我哋都好想食烤魚所以就揀咗呢一間。呢間舖頭細細，但都幾多人等喎，入到去大部份食客都係食烤魚，我哋都叫咗一份重慶麻辣烤魚，因為唔想食太辣所以叫咗BB辣。呢度仲可以揀煎燶啲條魚，咁我哋都鍾意食燶啲所以就揀埋～烤魚嚟到好香，我哋叫咗鱸魚啖啖肉又少骨，正😋😋跟住都有叫咗啲配菜，腐竹、蔬菜拼盤、響鈴等等，加落個湯度都好正呀😍建議大家都打定電話book枱，因為呢度舖頭較細，所以如果冇book枱就可能要等等lu ～～

呢排都想食魚呀同朋友黎左荃灣呢間訂左位就直接入座呀不過可能近門口又對住個爐係愈食愈熱架點左~鉗魚(酸菜湯底)魚身都幾滑最好係無咩細骨呀兩個人食好夠另外加左豆腐同菜就飽晒喇大家都好滿足呀烤魚個湯汁好惹味既算重口味但又唔會食完好口渴下次天氣再涼D可以再去呀

( ͡° ͜ʖ ͡°) 川味雞烤魚大王 - 川菜❝ 烤魚大王刺激味蕾熱辣辣份量大夠足料 ❞今次去左荃灣一間四川烤魚小店冬天食完烤魚成個人暖笠笠好正～✿ 重慶麻辣烤原條鱸魚🐟$258揀咗小辣 唔算好辣 夠哂多茜好正～一上枱嗰下呆咗 勁大盤會用電磁爐滾住魚夠哂大條 兩個人食都食唔哂魚肉厚肉彈牙唔會腥雖然唔係好滑嗰種 但冇乜細骨啱晒我配菜有芽菜白蘿蔔煮完好入味另加咗份幼薯粉 $22吸埋麻辣湯煙煙韌韌好好味😋╰☆* 推介指數：🌟🌟🌟/ 

放工後一個人番屋企又好似太早，去荃灣行番轉，順便食條烤魚🐟我本身係愛魚之士，原條烤魚真係非常好味，成條魚俾我慢慢享受左成個鐘，好滿足🤤~原條魽魚🐟 $258我揀左無辣既酸菜烤魚黎炮製原條魽魚，大大盆原條魚上枱，魽魚魚肉好嫩滑，外皮烤得好香脆，外脆內軟既口感好惹味，加上酸菜湯底酸酸咸咸好開胃，仲有嫩滑豆腐同清甜既白蘿蔔片添😋~忌廉🥤 $14食烤魚係要飲下汽水先最正，一啖忌廉一啖魚，正過花生送啤酒😂

今日行完山好想食椰子雞之前係大陸食過😝荃灣出名多高質小店大河道呢間以烤魚 雞煲加火鍋為主既火鍋店雖然地方唔大但勝在食物質素有返咁上下😊🥢椰子雞煲（半隻）我地叫左半隻雞 以椰青水加入椰肉 杞子 紅棗 南北行做湯底 味道清甜😋店員服務同態度都好友善 等椰青水湯底滾起後 店員幫我地加雞件所以雞件唔會過老 肉質嫩滑彈牙 湯底清甜食得出係新鮮雞而且半隻雞既份量都好足夠我同老公食☺️另外我地再叫左手切安格斯肥牛同埋手打墨魚滑😝🥢手切安格斯肥牛牛味好濃 肥瘦適中 配埋湯底既清甜 令牛味更鮮連醬汁都唔使點🥢手打墨魚滑 估唔到咁足料口感彈牙 味道鮮美 確實唔錯😃🍻最後老公叫左支啤酒作完美結束😚