嵐本 (已結業)

每朝入去店員都會有禮貌地講早晨😊地方乾淨舒服👍早餐多選擇～最特別係有紫薯麥皮餐連埋火腿蛋👍仲有多士同豬油豬揀～$28算好抵食👍👍如果早餐可以賣埋鮮奶就更好更健康啦🤣🤣

之前係「四寶食堂」，而家唔知係咪轉左手，見到餐牌都同之前嗰間差唔多就打算入嚟食。午餐價錢都偏貴🐷豬扒蔥油撈麵（$52）配炒滑蛋及奶油豬豬扒煎得好靚😍仲有撈麵真係冇得頂🤤😋但係呢度啲蔥切得好大粒😅麵都可以煮得腍啲。🍅鮮茄濃湯牛肉湯麵 轉通粉（$50）配炒滑蛋及奶油豬 轉多士鮮茄湯真係好濃，但係偏甜。牛肉都好腍，都有幾多塊。一舊舊番茄就冇乜啦，但係有唔少蘿蔔🥕。多士烘得好靚，脆同埋牛油搽得平均。炒蛋就比較油同埋比較淺色冇乜蛋味，冇咁出色。🌽粟米肉粒飯（$53）唔係同平時學校嘅粟米肉粒飯一樣，呢碟D肉粒大粒好多（所以價錢都貴過叉燒飯😅），同埋粟米汁唔係結果隻比較濕，視乎你鍾意邊個版本嘅粟米肉粒飯😉。🐔白切雞飯（$55）唔建議叫白切雞飯，份量比較少同埋雞唔夠滑，但係又未到嚡嘅程度。我要求雞胸佢都有俾☺️，但係份量實在太少。飯比較乾唔夠腍😕嘢飲都唔細杯，檸檬茶夠濃👌🏻總括嚟講，食物質素唔去特別出色，價錢又唔係特別平，侍應都有落錯單，我就唔會特登來幫襯啦😶

呢間餐廳既野食款式睇得岀全部都係好用心諗過度過我見佢lunch menu係一星期會有兩個不同既menu我上次去食係星期六 一入門口員工就招呼我有別於其他茶餐廳 睬你都傻既感覺我嗌左個常餐 雞扒麻辣撈 炒蛋 奶油豬首先我呢個辣妹係無辣不歡見到佢有麻辣揀 我就一定試啦雞扒好大塊好juicy 完全唔會覺得硬掘掘好dry咁重點麻辣撈！呢個麻辣真係要大讚首先好香 辣味夠仲要辣油入面係加左炒香左既蒜蓉成個味提升左我二話不說就食哂因為真係太正下次一定會再黎！

間唔中都會係度食早餐, 早餐黎講都唔錯, 不過今日主要想講下午餐。呢間嵐本開左冇耐, 不過食開既人就知其實佢唔算新開既...anyway, 好食既餐廳就值得支持!Lunch Time黎到呢度, 通常都係爆爆地滿, 伙記一見到我地呢D食開既熟客仔, 都好主動話比我地知有咩餐賣哂, 有冇位坐, 大概要等幾耐等等。今日照樣黎食lunch, 食番佢既招牌菜, 叉燒滑蛋飯, 叉燒係林林地個種, 幾好o趙, 滑蛋好大塊, 蛋味好香, 包住左整個飯, 配埋甜甜地既豉油汁非常之夾, 好快就食到清哂碟, 日日食都唔厭!