峰G館

营业中

休息中

峰 G 館個名最初喺沙嗲牛肉麵群組聽過，受到唔少人讚賞，早前剛好去筲箕灣做嘢，當然要試下係咪真係咁高質。叫咗個常餐，先嚟火腿奄列同多士，兩樣質素都唔錯，奄列大大份，火腿絲好多；多士烘得比較燶，係我鍾意嘅（重😆）口味。主角沙牛面上場，第一個感覺就係湯太多，上面又冇另外淋上沙嗲醬，個麵應該唔夠沙嗲味。食一啖，果然湯較稀較淡，公仔麵亦較腍。牛肉方面，份量算多，牛味亦有，不過呢度嘅沙嗲味道偏甜，冇咩辣味同花生味，所以雖然水準都唔錯，但就唔係我杯茶啦。

🍛 咖哩雞粒蛋包飯 $45💯 評分：🌕🌕🌕🌕🌑 (4/5)💬 雞粒都幾夠味，飯上面嘅炒蛋亦相當嫩滑，食晒成碟十分飽肚。咖哩汁嘅口感偏濃稠，辣味比較重，不過撈飯食都中和得到。🤤🍝 黑椒肥牛炒意粉 $45💯 評分：🌕🌕🌕🌕🌑 (4/5)💬 黑椒味恰到好處，牛肉片肥瘦均勻，香氣十分濃郁，掛滿醬汁嘅炒意粉配合既清甜又爽脆嘅燈籠椒令到口感嘅層次相當豐富。😋💙 FB: 峰G館📍 筲箕灣筲箕灣東大街4-10號東寶大廈地下3D號舖

雞扒吉列蝦配薯菜、黑椒汁、熱奶茶（$74 by 外賣平台apps)賣相：🐧🐧🐧味道：🐧🐧主食跟黑椒汁分開盛放在不同外賣膠盒，可惜主食盒並無透氣孔，令薯條、吉列蝦難免變冧。主食擺盤尚算整齊，菜量略少，只有一塊紅蘿蔔和一小棵西蘭花。雞扒尺寸一般，肉質一般，不算太老但亦稱不上軟嫩，調味偏淡，無雞味。吉列蝦外皮已被焗冧，內裡尚算爽口，味道似冰鮮蝦般淡而無味。薯條同樣被焗冧，本身並無調味必須依賴黑椒汁。黑淑汁偏杰，略鹹，黑椒味則一般不算特別香濃。蔬菜新鮮度一般，口感略硬。奶茶質素頗差，口感偏澀，茶香味不足，奶味偏淡。外送等候時間：🐧🐧🐧在假日下午12點幾下單，需時約35分鐘，與預計時間相約。🐧❤️結語：味道中下，價錢偏貴，不建議。

第一次去，感覺麻雀雖小，但又坐得幾舒服，12:30左右去到，仲未有人排隊。我哋叫咗個沙嗲牛肉出前一丁同埋煙肉蛋菠蘿包，因為見到個餐牌實在好吸引，所以想叫嚟試吓🥰嘩😨一食個沙嗲，就知道係自己調校，絕對唔係出邊茶餐廳嗰種質素，超級好味，牛肉又唔韌🤤跟住是過煙肉蛋菠蘿包，絕對可以再encore！！🤤🤤🤤🤤個煙肉唔係鹹好緊要，再加上菠蘿包皮甜甜地，味蕾感覺好豐富🥰🥰🥰味道出奇地夾❤️坐左冇幾耐，已經有好多人排隊，入親嚟嘅都好似同餐廳職員好熟咁，大家都會寒暄，餐廳職員仲會記得客人尋日食咗啲乜，好有人情味🥰下次一定會再去🥰

琴日朝早去咗筲箕灣嗰頭食嘢，見到呢間峰G館都幾多人！就決定試一試。▪️沙嗲牛肉腸仔米線👍🏻唔知係個湯底定係因為沙嗲牛肉個啲汁，令到個湯底好濃味好開胃，牛肉幾嫩👎🏻米線太林▪️扒餐牛扒(+$3)腸仔 煎蛋 多西👍🏻牛扒重牛味，唔韌好好切其他正正常常▪️奶茶👍🏻重茶味，冇嗌小糖都唔會好甜。

🔺沙嗲牛肉腸仔米線沙嗲醬好夠味，而且係食得出落咗花生醬！米線好掛汁/掛醬，牛肉亦唔算韌，推薦！😆不過，價錢略貴，份量唔多。😞一般呢個價位嘅茶餐廳早餐都會有埋餐包(例如牛油方包)，佢就冇啦，所以少少失望。🔺涷奶茶奶香夠曬！至於茶底，雖然飲落順滑、香醇、有一定厚度，但苦澀味頗濃，飲完可以 expect 口腔有甘甘哋嘅感覺。整體嚟講，作為一杯跟餐嘅涷奶茶尚算高質。😙

今日係假期周末星期日既早上,而家係出面搵食,去左呢間食早餐!好簡單既港式常餐但估唔到都幾好食就介紹下!佢既沙爹係得到媒體讚過,所以好有信心個常餐多士夠厚夠香脆，牛油落得夠多，落完牛油先烘脆,超香脆美味!火腿奄列入面仲放咗好多火腿絲 啖啖火腿絲爽!沙嗲牛肉有好重花生醬味，又夠濃，撈勻個麵黎食仍然好濃香!沙嗲牛肉有8片，牛肉入味軟淋!消費$100Shop 3G/F, Tung Po Mansion, 4-10 Shau Kei Wan Main Street East

今日食下午茶快餐!常餐加快餐A!雪菜肉絲炒米粉 2份茶餐 牛油方包加火腿奄列 餐肉蛋麵 肉丁通粉今日趕時間,搵左附近間餐廳食個快餐就拿拿聲走呢D快餐最快又好食 肉丁通粉辣辣地通粉係用雞湯浸,好食又香辣牛油方包無烘但抹上牛油食好食 鬆軟 火腿奄列入面有火腿絲有蛋汁可夾麵包一起食雪菜肉絲米炒得好乾爽有獲氣,大量雪菜肉絲份量豐富筲箕灣筲箕灣東大街4-10號東寶大廈地下3D號舖評分7/10消費$150

連打左幾篇先發現最近食既都好似有尐伏或失望... 可能因為某尐事情令到個人好煩躁同鬱悶，男人都好努力咁唔洗我整同叫做出多左去食，真係辛苦哂佢! 不過希望過哂尐衰氣，之後會... 明天會更好啦XD去東大街，我都離唔開壹碗壹碟，都有去風，但同男人就會去試其他，而呢一間都係之前想試但唔想排隊，想食其他野而遲遲未試既西式茶記? 算係啦，野食都唔少，選擇困難症既我最後揀左樣明知應該唔會太出色既野, 可能係磁場影響... hahaaa常餐沙嗲牛麵 火腿奄列 $51沙嗲牛黎講係唔錯既，但我覺得佢加左好多糖，個甜味... 好白糖，但濃既，可唔鍾意食甜野就比較sensitive, 但男人就覺得無咩，仲幾好食白汁芝士龍利柳焗意粉 $68等既時候有睇人地comment，但偏偏就無呢樣，所以我先決定挑戰下，到食落口就覺得唔應該係氣場唔好既時候挑戰新事物XD 老實講唔係話差既，不過個魚柳就好明顯係唔靚既魚柳，白汁入唔到意粉又唔係話好好食，男人笑我話佢一早就叫我叫鰻魚（但個日唔知做乜最後叫左熄樣）羅宋湯 $8加8蚊，而且男人就我呢個湯怪... 結果... er... 又係個陣好白糖既甜味，其實佢落咁多料，本身個味

因為腸胃炎未好番變左小鳥胃同食清啲今日喺附近扮工終於黎到想試好耐既峰G館沙牛谷友推介既沙牛，今次就食唔到期待下次🌝🌝😆今次叫左占占多士烘得香脆，配上厚厚既占占份量啱啱好😋😋朱古力亦非常濃郁番食指數：

今日嚟到筲箕灣東大街嘅峰G館，嚟沙嗲牛肉關注組大力推薦嘅地方一嚐佢嘅沙嗲牛肉公仔麵🍜因為唔係早餐嘅緣故，叫咗個常餐多士夠厚夠香脆，牛油又落得夠多，仲要落完牛油先烤，好食火腿奄列入面仲放咗好多火腿絲，夠晒滿足😝😝😝跟住就到主角沙嗲牛肉公仔麵出場，公仔麵偏硬，唔會太散😂沙嗲牛肉有好重花生醬味，又夠濃，撈勻個麵黎食好高質👍🏻👍🏻整體來講係好高質嘅沙嗲牛肉公仔麵，沙嗲牛肉嘅粉絲一定要來食

知道係良心店所以帶朋友黎食早餐叫兩個G餐，我叫牛、炒蛋、煙肉、熱奶茶朋友叫牛扒、炒蛋、餐肉、熱奶茶野食出黎，佢話魚柳乜乜乜，我一聽到即刻講唔係我地既，冇點魚柳兩個都係牛，個黑衫樓面哥仔就即刻控制唔到自己情緒，好悔氣話我：你要牛又同我講魚柳，我應反佢解釋返，樓面哥仔好唔耐煩話得得得，乜乜七七，好在出餐位裏面有位白衫哥仔feel到佢有問題，出黎控制佢緩和左當時氣氛，不過美好一天開始就比呢位樓面哥仔破壞左，真係眼都突埋，唔知佢從一個牛字邊個音邊個調聽出我點魚柳兩個字呢，其實你可以複複單就唔會出錯，錯仲要向客人發脾氣真係好唔掂，唔係朋友怕惹事實同你嘈過然後撇除樓面哥服務態度，野食係好ok，環境都ok，值得幫襯溫馨提示：以後複單啦，懶醒唔好意思，主要係比錢食早餐仲要受氣所以突登寫食評，啖氣屈左成朝啊陰公，你有壓力我都有壓姐

終於起到身過嚟食早餐，一心諗住食沙嗲牛辛辣麵，點知見到原來有菠蘿包😍叫左個 煎雞扒煎蛋菠蘿包，同埋沙嗲牛肉辛辣麵+厚切餐肉煎蛋個菠蘿包又熱又脆，雞扒超香但又唔油，加埋隻煎蛋不得了🤤可惜有左只可以食熟蛋🥺個沙嗲牛肉辛辣麵 都好滿足，除左個湯係濃嘅唔係出面水汪汪嗰啲，啲沙嗲牛肉都好得。重點係，雖然成間鋪勁忙，但個個靚仔都勁有 heart ，勁有禮貌。平民價錢，中環質素，好感動💛希望下次都可以準時起到身過嚟食早餐😋PS: 太好食，唔記得影個沙嗲牛…

自從在社交網絡不斷出現各類食物的關注組後, 這家黃店的沙爹牛麵被炒熱起來, 人潮不比其他在東大街的人氣食肆遜色, 這可是一件好事. 它的嗲牛味道很濃, 有很香的花生甜味, 辣度不強, 色水自然, 甚至醬汁有微粒, 應該是磨過後食花生, 一試就知是自家調製. 牛肉夠大塊, 也帶有牛肉的鮮味, 沒有被梳打粉泡過的痕跡和餘味, 略嫌牛肉口感有點韌. 反而麵身火候處理得不錯, 囗感夠爽, 沒有糊化. 火腿奄列蛋香和蛋汁也夠, 內裡火腿豐富, 以茶記的常餐來說也算是良心之作, 值得繼續支持.

今日嚟到位於筲箕灣東大街嘅峰G館，位於東大街街尾轉彎位，唔特登過嚟都未必留意到，但對於區內人來講人氣好高，今日就一於來會一會佢❗️❗️白汁香煎魚柳煙肉蛋飯 $68白汁：好有忌廉味，好creamy，好食❗️❗️魚柳：煎得好香，又厚肉，夾埋白汁嚟食好好食😋另外粒蛋仲半熟蛋尼，撈飯食簡直係一流👍🏻👍🏻另外值得留意嘅係，佢配菜都算幾多，啱晒都市人少肉多菜嘅習慣，補充下啲纖維質😂😂整體來講質素好高，但店舖細細預咗要來排隊，但其實好值得食