影片
以上资料只供参考，请与餐厅确认详情
一个人几难念食乜！放工时又唔太肚饿，又唔想夹硬食，所以买份寿司外卖！ 呢个寿司柜台在超市内！以前都来买过寿司，今次来最大嘅改变系以前啲寿司精致啲，包括嘅食材高级啲（例如有海胆！今次可以选择款式少，唔知系比人买晒定系已经唔出！ 所以剩下嘅都唔算系心水，因为我唔食鳗鱼，好多款式都包咗，最后无鳗鱼又啱件数嘅只有一款！ 寿司盛1人前A($37)已特价，十件装，都唔系贵价材料！所以特价了好抵食！三文鱼唔肥，蟹籽卜卜脆，紫菜已淋，熟虾略干，海老嫩口几滑，鱿鱼滑，北寄贝太薄身，蟹柳同熟蛋正常！沙律军舰正常！全部材料唔会腥！加上饭粒唔会好干，唔会太实！证明几新鲜！豉油同芥辣各只跟一包（10件寿司边够？）拣选期间无店员，全自动化！
继续阅读
已知今晚嘅晚饭真系几夜先食… 所以决定喺 Piago 买定少少外卖裹腹! 寿司迷嘅我, 又点可以唔买啲寿司返去食吖 (≧∇≦) 虽然我已经喺其他店买咗沙律… 哈哈, 唔紧要啦, 我可以分啲沙律俾男友食㗎嘛!!少少哋, 买咗个寿司八件装 ^^ 鱼生总括嚟讲都好新鲜, 唔似一般外卖寿司店咁切到薄一薄, 所以口感都唔错! 而且饭团似系手握, 唔会粘埋一旧旧!! 当中最爱帆立贝寿司, 好鲜甜美味 ^^男友钟意食三文鱼, 就买咗盒刺身俾佢 ^^ 三文鱼都几新鲜, 而且系厚切, 口感一流~ 另外, 油脂好香, 正!!呢度嘅外卖寿司质素, 比一般外卖连锁店高好多, 但价钱亦相对地高啲! 但如果唔想同人逼或排队等位, 呢度都不失为一个好选择!! 轻轻松松买完, 舒舒服服喺屋企开餐 ( ´▽` )
继续阅读