岱民紅磡店 (已結業)

岱民红磡店～小菜嘅款式并唔算太多，只系得大概十几款，一般嘅炒菜、煎炸嘅菜式都有，辣子鸡、煎/蒸肉饼、蕃茄炒蛋、鱼香茄子、麻婆豆腐、咕噜肉椒盐猪扒同各类嘅炒菜都有。…查看更多

餐餐食外卖黎讲，最经济实惠都系食两𩠌饭，价钱平之余选择又多。红磡黄埔区之前无乜两𩠌饭店，呢间系上年中开张，舖位大，人手多，但无堂食位置，只做外卖，午市时间例牌见到大排长龙。午市去到见到白饭底已经一栋栋放好，逐格客叫𩠌，店员装好，由另一个店员收钱，流程顺畅，感觉亦卫生啲。不过有选择困难症既朋友就大镬啲，因为差唔多排到先望到有咩𩠌拣，所以无咩时间比你谂。食过咁多次，我觉得有时要睇边个人装𩠌，唔计可量化既𩠌，阿姐好似豪爽啲，一打开根本见唔到饭；至于阿叔就好似孤寒啲啰。而食物味道我觉得无话特别出色，仲偶有伏食，例如梅菜扣肉，不过平均而言都算唔错。.两𩠌饭 $25，三𩠌饭 $30，净𩠌 $35…查看更多

岱民红磡店疫情期间暂时搬咗去红磡附近住，又懒煮饭，咁就唯有买外卖啦。唔想煮又要悭钱，咁梗系揾平野食啦，而平，一谂就谂起几𩠌饭！行行下见到岱民红磡店，25蚊两𩠌饭，真系好surprise! 岱民既选择都算多，普通既蒸水蛋，蒸/煎肉饼，蕃茄蛋等等都有，仲有其他特别野例如辣子鸡同埋咕噜肉！如果惊唔够食，仲可以叫佢多饭，只要事前讲声就得，唔洗加钱，啱晒大食朋友。今次叫咗煎肉饼，肉碎四季豆，鱼香茄子同埋萝卜炆牛腩。煎肉饼肉味几香，肉饼表皮煎得几脆，但略嫌肉质淋得济，实啲会比较好。四季豆调味嫌咸，肉碎份量唔多，而且有少少overcook咗，豆有啲过淋咗。鱼香茄子好多汁好好送饭，茄子煮得入晒味几唔错。萝卜牛腩份量好多，萝卜有少少渣，但都食到甜味，而牛腩炆得好淋！ 饭就正常，粒粒分明，唔会太多水变至烂饭咁，不过冇乜饭香，但25蚊，绝对系物超所值。…查看更多

晚上5：3O到达，铺内𩠌枱上预先巳放置2O盒巳装好之白饭，只放上𩠌便可㩗走，买完立即打开，白饭巳冻，𩠌份量少，猪肚完全无味，调味料味都无，似白灼。生炒骨肉质干晒，无汁。两款𩠌都是冻。舖头名就大，出名认真差，不会再去！！😡😡😡😡😡😡😡…查看更多

虽然$25有2𩠌饭系唔算好贵，但今日试咖哩薯仔炆鸡，味道系可以既，但竟然一旧鸡都冇，全部都系薯仔！真系o哂咀！！！有d离谱，希望店家能改善下！如果咁唔想比鸡人，就唔可卖呢样𩠌！…查看更多