影片
以上资料只供参考，请与餐厅确认详情
相关文章
岱民利东店位于利东商场入面嘅最角落位置，我当日去到系正午嘅时间，好多人排队买饭盒，我同时梗系第一时间睇吓究竟有啲咩嘢小菜先……我从透明橱窗望埋去，我睇到都有唔少靓𩠌，炸鸡中翼、椒盐猪扒、南乳炆猪手、凉瓜炒牛肉、炒莲藕片、炆猪腩肉、咖喱鸡、豉汁蒸仓鱼、红烧豆腐、南瓜、炒菜心、咕噜肉、卤水鸡肶、咸蛋蒸肉饼、豆卜蒸猪腩片及粟米斑腩等等。岱民有样嘢好，就系如果买两𩠌饭，其中一款拣鸡肶都只系当一个𩠌，呢样系优胜条件，因为我曾经试过去一啲餐厅买两𩠌小菜饭盒，如果其中一个𩠌拣鸡肶或所有扒类就已经当两𩠌，所以岱民真系好另类好～讲番食物方面，咸蛋蒸肉饼好厚身，质感相当软绵兼滑，真系入口即溶，就算连冇牙嘅人都可以轻易食到，凉瓜牛肉系新鲜炒出，真正翠绿色，牛肉都好滑溜，至于豆卜蒸猪腩片，食到好香嘅虾酱味，猪腩片切得够薄面又带有少少肥膏，非常香口，饭粒软硬适中，整体好满意。都系𠮶句～两𩠌饭$25蚊、3𩠌饭$30蚊、净𩠌$35蚊(可双拼)，汽水、纸包饮品或例汤需另外加钱，价钱介乎加$3～$5蚊不等。
继续阅读