影片
以上资料只供参考，请与餐厅确认详情
机缘巧合入去朗屏做啲嘢，无食饭又唔知有咩食，咁啱见到呢间肠粉档，个样虽然黑掹掹，好似几污糟，但貌似老店仲系街坊小店，就不妨试试。走埋去见到个疑似人头系厨房位置伸伸缩缩，就问声唔该，仲有无肠粉？无回应，人哋做紧嘢咁我等一阵，两分钟后有个阿婆拎住大樽豉油走出嚟，第一句就话卖嗮会栋个牌，你问咩呀？OK，我明有啲人系讲嘢倔啲，无恶意既，于是继续啦，由点肠粉烧卖鱼蛋到落咩酱，全程都寸寸贡，负到爆，咁好喇，妳咁唔想做，咁我以后都唔会打搞妳老人家喇。最后买咗肠粉烧卖鱼蛋各五蚊，系平既，但都系将价就货，啲肠粉工厂货无咩讲，但啲鱼蛋烧卖就食得出系最cheap𠮶啲货，难食都算，仲要冻冰冰，阿婆，有啲良心好嘛。最惨系啲豉油有种怪味，应该自己调，仲要倒好多落肠粉度浸住，又咸又怪味，真系唔明点解可以做到变老店。呢啲所谓街坊老店真系唔可以一厢情愿咁以为佢哋都有乜鬼人情味，都可以好似澳牛咁既待客态度。咁多人北上，唔会无原因既
继续阅读
第一次喺度买烧卖+鱼蛋，个姐姐问我要咩酱------------------------------我话：请问有咩酱？姐姐：要咩有咩？你要咩（态度恶劣）我：咁小小麻油姐姐：边有人落麻油（态度恶劣+发脾气）我：你话冇咪得，做咩态度咁差？姐姐：我。系。咁。差。架。啦！（继续窃窃私语话边有人食食鱼蛋烧卖落麻油）我：ok! （然后走开了）------------------------------其实好简单一件事，买烧卖鱼蛋，点解个姐姐要咁嬲？🤣 同埋，你未见过人哋食鱼蛋烧卖落麻油姐，唔代表冇㖞！- 姐姐年纪为中老年女性！
继续阅读
大年初二家人想吃肠粉，去岭南排左差不多四十五分钟，排到我既时候刚好到老板娘当值，佢既臭朶好出名，一开始已经口黑面黑，我话要二十蚊肠粉仲有加𩠌，一开始见佢用细袋我话佢知唔够载，之后再加四十蚊𩠌差唔多泻哂出嚟，终于佢换左大袋。佢问我要唔要辣，我话走辣多酱，佢话你咁大袋一定多酱，点知一望基本冇豉油和花生酱，肠粉白雪雪，叫佢加多D即刻超厌烦，仲话我要求多多，呢一刻我终于忍唔住閙爆佢，买嘢食仲要受气，全程忍气吞声唔知为乜，绝对冇下次，我情愿饿死都唔再帮衬
继续阅读
元朗站📍岭南美食-早排系社交平台 forum见到元朗朋友话呢间小店好抵食又好食，有次晏就5点几去已经卖晒，星期日得起心肝10点几去，终于试到🤘🏻肠粉（$5有3条、$10有7条）、鱼蛋（$5有6粒）、烧卖（$5有4粒）排左成4-5个字，叫左$15肠粉、$5鱼蛋同$10烧卖试下。女朋友走芯生酱，我就最中意花生酱，于是分袋。食呢个猪肠粉，细细个同老豆去肠粉店嘅感觉返晒黎！野食全部不过不失，鱼蛋系细细粒比较有嚼口嘅陈皮鱼蛋，烧卖就一般货色，唔算弹牙，比较多粉。肠粉正常发挥。我个份肠粉花生酱🥜好浓，女朋友个份d酱多到好似唔洗钱咁😹以呢个价钱黎讲都算ok，好多街坊都黎排队，人流络绎不绝。环境方面，而家疫情关系，小店只做外卖，未试过堂食唔知内里环境。出面望落似系茶餐厅卡位，小店比较有历史。
继续阅读
店舖开系朗屏,地方比较隐蔽,主要系卖早餐,例如肠粉鱼蛋,同柴鱼花生粥,卖点系平,虽然系平,但老板娘经常黑口黑面而且态度极差,所以几平都唔会帮衬，不过如果净睇食物，的确算几好
继续阅读