岩盤牛扒ミディアムレア ステーキ (Mikiki)

营业中

休息中

放工去新蒲崗一田掃貨, 撞正女兒放工時間, 建議係附近食埋Dinner先返屋企。揀咗一田對面嘅一間主打鐵板牛嘅餐廳, 因為呢度係自助形式, 所以要自行搵位, 再去counter落單。六款不同牛嘅部位選擇, 價錢應因重量而定價, 再自選配料同埋其中3款飲品/主食/雪糕。我揀咗350g西冷, 落order期間見到旁邊店員即時從櫃中取出一大件肉即時切割。配料選了蔥, 再揀了飯、jolly sandy+雪糕付錢後, 店員比咗個取餐提示機仔我, 返埋位等, 待機仔響就可以取餐了。西冷扒已煎成約4成熟, 再放於熱辣辣鐵板上, 用粟米粒稍稍阻隔鐵板跟扒, 避免完全貼住鐵板令扒太快熟。西冷扒有牛脂連帶, 肉質結實有彈性, 中心位還keep到嫩紅, 肉味濃郁, 配上牛肉汁, 食得滋味。最後有蜜瓜味雪糕做甜品。滿足。完成用餐後記得要自行將托盤放於托盤收集處啊~

今次黎到新蒲崗Mikiki呢邊鋸扒，位置都方便，係一田超市隔離。入店點餐已經流哂口水，因為望到好多牛肉，有肉眼，西冷，牛柳，牛板腱，和牛肉眼，後腰三角肉，見到咁多肉都好難揀。呢次我揀左西冷，嗌左300g，望到店員切左塊西冷再磅一磅佢，感覺良好。嗌餐方面，我揀左洋蔥汁，之後揀左沙律，溫泉蛋，同埋汽水。到拎餐個陣，我無比興奮，因為塊扒係大過塊鐵板，啲肉吱吱作響嘅聲音係好令人食指大動。事不宜遲，我開始切啲西冷先，真係切到好多舊，同埋裡面都夠熟，最令我驚訝係啲筋都好好食，好咬勁，而且好有西冷個種蘇味，呢種蘇味我完全接受到。溫泉蛋同沙律都好掂，最緊要係鋸扒有可樂，罐裝可樂好滴骰但好夠飲。呢間店係值得我再黎食，因為真係可以享受到鋸扒同最佳狀態咁食塊扒。

呢排番工太攰 放假決定對自己好啲 見到隻牛頭着哂燈咁架勢 決定試一試佢鋪頭入面有好多牛牛裝飾 仲有呢塊牛牛解剖圖 一對menu就知食緊邊個位 長知識呀嗌野食全自助 俾錢 拎部bib bib機 之後返去拎嘢食 食完記得放番餐盤上收餐盤車望一望張menu 有六款牛揀(肉眼、牛柳、牛板腱、西冷、後腰三角肉同日本和牛肉眼/西冷)全部用gram計 食幾多嗌幾多 唔會嘥醬料方面有三款: 蔥油、洋蔥油同蒜油仲可以加$28跟set 任選三款 自由配搭話明係對自己好啲 梗係食Premium啦我嗌咗300g後腰三角肉配蔥油($172) 而朋友就嗌左300g西冷配蒜油跟set($189) share食set揀咗白飯、麵豉湯同可樂出counter嗌 即叫即磅 師傅手起刀落 冇花冇假然後我問咗個好白痴既問題 就係問有冇得揀幾成熟店員話係鐵板上 清一色做medium rare嗰下知自己柒咗 明明人哋舖頭名都寫明係medium rare steak 岩盤牛扒 幾成熟由自己話事Bib bib bib拎餐嚕首先係朋友既西冷配蒜油朋友話西冷牛味唔算重 食落啖啖肉 連根 食既時候最好食咗厚肉嗰邊先 因為塊石好快凍配既蒜油出

今天一個人吃晚飯經過這間位於Mikiki的牛扒專門店 — Medium Rare STEAK鐵板燒牛扒十分吸引 便決定在這裏吃晚餐每台都放了鹽和黑椒等調配自己喜歡的味道還有充電位 十分體貼牛扒有不同部位可以選擇肉眼、牛柳和西冷等不同價位也有不同份量的選擇迎合每人不一樣的口味先選擇牛扒部位然後師傅會按分量切件再按切出來的重量去計價錢西冷牛扒醬料有有蔥油、洋蔥油和蒜油可以揀選擇了蒜油 另可自加蒜 蒜量十分足西冷牛扒肉質鮮嫩牛肉味濃 薄身較容易煎熟鐵板維持牛肉新鮮熱辣 正溫泉蛋新鮮溫泉蛋配上白飯一口牛肉一口蛋汁白飯 十分夾生啤生啤質素正常配搭鐵板牛肉 不錯不錯

每次行過一田都會聞到好香嘅鐵板香味，今日終於得閒去食好嘢!佢個裝修都幾特別，牛牛裝飾都幾靚，d 位坐落都算舒服，唔太迫！緊係要即刻揀嘢食，有唔同種類嘅牛，仲可以係雪櫃睇到舊牛嚟揀，d 牛望落色水都幾靚！又連重量都有得揀，我就幾鐘意呢個安排，豐儉由人🤣🤣原來嗌食物時，佢係會即刻當面切舊牛同磅 之後再計錢，特別得嚟又幾均真！有得加埋套餐又幾好！我今次就食大概300g西冷，沙律，溫泉蛋同要咗zero! 個旗仔幾得意😎嚟到炸炸聲，鐵板夠熱👍想食熟少少可以等多一陣先食！塊牛排香噴噴，食落好juicy,有牛肉嘅香味，西冷食落有咬口，配埋洋蔥油超好味！點唔點佢配個汁都正！沙律🥗同溫泉蛋都好味 沙律菜都夠新鮮最後加埋個雪糕冬甩，又靚又好味，打卡之選呢餐真係大滿足！以後想食牛排都會再嚟，性價比高之選！

呢間牛扒店既名好特別（因為我唔識日文😂)，但唔緊要！最重要係呢度牛扒真係性價比高！💯平時食牛，好少會睇得到牛肉既肉色同脂肪分布，睇完一輪，我決定今次我食肉眼扒，我order大約要300g，店員會即場喺面前切塊牛扒出黎磅！😬牛扒熱辣辣、香噴噴喺熱石上面！😋牛肉既熟度可以由自己控制！唔鐘意食太生既都可以，因為塊石好夠熱！💯💯肉眼扒果然無令我失望！油脂洽到好處！肉質易咬不癡牙，又有牛味！👍🏻👍🏻百零蚊就食到咁大塊、咁高質既牛扒！絕對可以encore!!👍🏻👍🏻跟Set我要左沙律、雪糕同茶。😀另外仲叫左個新推出既冬甩雪糕，冬甩暖暖地，配合凍冰冰既雪糕，好正！為呢一餐劃上一個完美既句號❤️❤

MIKIki 有新牛扒店進駐，當然要來試試。位於地庫YaTa外，門口是搶眼的牛魔頭樣，非常易找。我叫了個西冷扒鐵板餐，除了扒，還可選三樣食物。沙律ok，溫泉蛋味道不錯，還可選喜愛的飲品。講番主角，西冷扒放在鐵板熱辣辣，加埋洋蔥汁，味道很惹味，而西冷牛扒肉汁豐富，食落啖啖肉，易咬又好味！正！若怕大煙或弄污衣服，還可用即棄的圍巾圍住自己，得貼心。朋友叫了牛板腱鐵板餐，蒜蓉汁，包埋沙律、可樂及白飯。個牛板腱口感幾好，牛的味道也不錯。需要的話，枱面還有海鹽及黑胡椒給俾大家自己加上去調味。環境也幾舒服，近門口有不少卡位，遠處則有些高枱。我們選了卡位，食嘢方便d。總括而言，食物很抵食，尤其喜歡個西冷！唯一要留意的是要不能食得太慢，否則鐵板不熱後塊牛就不好味。

一田日經過原來開咗呢間新店鋪,牛牛牛牛, 我實會唻食你嗰日一見到人地枱上面嘅厚厚的牛扒我心都郁哂, 不同同行朋友唔食牛的, 所以我地求其揀咗另一間, 因為目標為本, 要去一田掃超市呢日已經到咗, 我本來想揀牛柳(但見到佢下面嘅牛板腱左下角有貼上美國牛牛嘅Logo咁即係樓上係其他地方啦, 咁我就揀咗牛板腱$147 及後腰三角肉 $177, 兩款我係揀咗300G, 因為100G真係太小喇, 我當然要+$28 做個SET, 我覺得佢係襯飯嘅, 又想食温泉雞蛋再揀埋沙律.  另加咗個$40海膽以及2個櫻花丼(西冷) 唻到個鐡碟細細, 咁個牛就會顯得大大碟, 不過我一切D牛牛好易跌, 咁就切得唔係好爽.我呢個牛板腱佢嘅厚度好好,係我十分喜歡嘅厚度, 入面又多汁, 而且牛味亦不錯, 好餸到飯, 而且佢嘅米一粒粒, 較硬適中, 同牛牛好夾, 再唻個温泉蛋撈飯係我最喜愛後腰三角肉佢個牛味濃一點,但相對唔夠肉汁, 不過已經係好唔錯嗰2個櫻花丼(西冷) 同相都相似, 不過係迷你咗D, 佢嘅牛都係一片片, 都有小小粉紅色, 其實想食得平都可以叫埋佢, 佢牛嘅片數都有5塊而且亦都唔錯海膽都會估到麻麻, 不過都

新蒲崗mikiki 地下food court 開左間新開專食石板燒牛扒既餐廳，今晚特登過泥食dinner! 餐廳以自助形式為主，自行搵位，之後就去櫃枱落單，連食完都係自己收拾。入面環境都好大同好闊落，好多人食。首先選擇要咩類型既牛同要咩份量。佢有200g同300g選擇，我要左牛板健，呢個部位無咁肥，岩哂減肥人士，第二就選醬汁，由於本人大愛蒜，所以要左蒜油，份量方面係因應個人喜好無限加的，夠哂爽！佢好抵食，有得+$28跟餐，可選三款，要左沙律、溫泉蛋同日本咖啡。佢夠哂足稱，會直接磅個份量，所以真係無得呃，店員會建議啲牛係三成熟，之後你再淋上汁用鐵板去燒，所以牛既肉質唔會過熟而變韌，而半熟溫泉蛋都做得好岀色，充滿流心效果，要食到足稱牛扒，都只係160，相當抵食！

最近一田大減價，shopping完出來見呢間据扒餐廳，menu幾特別，想食咩肉，食幾多叫幾多，都幾好，就入去試試佢。佢地有肉眼，牛柳，牛板腱，西冷，仲有少見既後腰三角肉同日本和牛。想食幾多自己決定，都係跟gram計。加28蚊跟餐有野飲／湯／小食，其實幾抵。d牛肉望落幾新鮮幾靚落完單攞住個牌返去慢慢等食。食到最後想食雪糕先出去攞，呢個設計值得讚。朋友叫左個鰻魚丼，塊鰻魚好大塊，咬落好juicy好好味，個沙律都好大份，配埋麻醬，正！我就叫左350g既西冷，真係超大塊！佢送到來真係medium rare，唔好睇佢表面好似好熟，切開入面原來仲可以咁紅，自問自己係屋企真係好難整到咁既水準。咬落啖啖都好juicy, 配埋佢個柚子燒汁，真係正到我同朋友都哇哇聲😆😆 算我孤陋寡聞，我都係第一次食有柚子味既燒汁配牛扒，真係好清新好夾！！😊佢枱面都有樽黑椒同pink salt, 絕對建議一定要試下加d上塊扒度，確係另一番風味！最後以呢個海鹽雪糕作結，鹹鹹甜甜咁又幾creamy，都幾特別。真係唔好以為自己去d高級超市買塊靚牛扒就有正牛扒食，要整到medium rare岩岩好真係有d難度，呢個價錢食到呢種質

今日做完gym補充下蛋白質，就黎到Medium Rare Steak食晚飯。餐廳位置幾易搵，一落扶手電梯就見到大大個牛樣的入口🤩入到去裝修好日本風，有達摩、日本風旗仔、日本啤酒和波子汽水～🇯🇵選擇困難症的我最後叫左個320g肉眼扒跟餐可配三款飯或小食，我就揀左飯、麵鼓湯同沙律🥗 職員會即刻幫你磅塊幾重再計錢，然後拎左部機就可以番埋位了，唔洗企喺度等係幾貼心的👍🏼 🍴肉眼扒322g ($109.56)跟餐加$28 (三款自選)塊扒真係超大塊，大到個小小石板好似都唔夠位放咁😆肉眼扒肥膏同肉的分佈個人覺得係恰到好處，食落去肉質都juicy😋我灑左粉鹽和黑椒上去調味，令肉汁更突出😍加左蒜油，好重蒜香味～沙律上面的車厘茄多汁又甜🙉芝麻醬椰菜絲沙律，幾爽口又新鮮，可以解一解牛扒的膩 加埋碗麵鼓湯好滿足～下次有機會黎食飯再叫其他牛的部位食😋

同朋友喺新蒲崗做完運動之後想補充番啲蛋白質💪🏻所以就黎左Mikiki依間自助石燒牛扒店啦依間牛扒店嘅好處就係想食幾多就嗌幾多對大食怪黎講係好消息 咁就唔使嗌兩份餐🤪⚜️肉眼牛扒 330克 $110廚房會將牛扒烤至1成熟 顧客可以自行決定想幾多成熟牛扒煎完幾Juicy😋😋😋仲有石燒牛嘅焦香香氣😋😋😋🤤⚜️西冷牛扒 330克 $182我地加熱煎至Medium🥩肉質有彈性 肉味好濃西冷嘅脂肪含量亦都最低健身fans must eat!🥩💪🏻⚜️加配套餐 $28加$28可以自選三款食品推薦點配米飯🍚、溫泉蛋🥚同飲品🧃飲品係日本蘋果汽水🧃溫泉蛋拮穿後拎黎點牛肉好正最後再同珍珠米🍚撈埋一齊食🤤🤤🤤

在餐廳出面見到碗好靚嘅牛肉眼丼，5-7成熟, 就嗌咗碗燒肉眼丼，結果係點可以自己自己睇相 我影咗張宣傳相同到手嘅樣。一打開完全認唔出，啲牛肉薄過相嘅嘅一半，仲要全熟啡色嘅！咬落口又鞋又冇味，$30都唔值好嬲！不可一不可再！想告佢違反咗商品説明條例！！！！等我抱有期望！間嘢個名仲叫medium rare, 唔好侮辱自己個名啦！令我更加掛住日本 去親日本嘅餐廳，相同實物唔一樣都唔會相差咁遠。香港人啲錢真係太易呃了。

如果食牛肉就會諗起吉野家，我食呢間餐廳都真係諗起吉野家。可以話兩間餐廳嘅牛肉可能係味道口感都好相似。但係呢一間餐廳價錢比吉野家貴一倍，感覺仲要冇吉野家咁好食。所以大家如果真係平平哋想食啲牛肉嘅話，真係寧願去吉野家，無謂貴一倍，但係原來食入口差唔多味道。

綠色超市半年一度既大減價，相信都係全港既年中盛事。其他分店往往都要大排長龍，呢一間分店比較少人。今日襯大出血完畢，就去隔離嘅牛扒自助燒烤店食過午餐。大大隻嘅發光牛，門面好吸引！自助燒烤牛扒店，相信大家都唔係好陌生，你可以就住自己鍾意食嘅牛肉部位，揀你所需要嘅重量，再配襯套餐（可以加配沙律、飯、湯、雪糕、汽水等。平時食牛扒，通常我會選擇肉眼或者西冷。我今日選擇嘅係肉眼部份，肉質比較柔軟、多汁，而且牛扒均勻地佈滿雪花紋脂肪。西冷就肉質嫩度中等，油花較少但分佈均勻，所以牛肉味道佳，而且靠近腿部既運動肌肉，所以略有嚼勁！大家可以根據自己嘅喜好，揀啱自己口味嘅部位。師傅就會即刻問你要幾多，再切開牛扒並且磅重。我呢塊肉眼牛扒重270幾克，足夠一個女孩子食嘅份量，我配左沙律、湯同埋可樂。枱面有喜馬拉雅阿珊岩鹽同埋黑椒俾你調味。湯係麵豉湯，沙律就係椰菜絲配日式芝麻醬沙律。好贊同佢寫嘅「好大塊扒啊！」店員會幫你將牛扒外層略為封煎，跟住就會擺牛扒喺熱石上枱，等你慢慢一路食，一路再煎熟入邊嘅牛扒肉。睇落去都非常吸引，我選擇配蔥油。熱辣辣咁樣食，特別有風味，而且熱石慢慢將脂肪融化，入口柔嫩。生熟程度任意自己控