岩手膳館 (已結業)

揸住架車亂咁行,,又比我撞到呢個聽左個名好耐,,,但一直都冇刻意去搵GE餐廳~~~~掛住食...淨係記得影果2麵添..這是男友點的...自家製豬軟骨拉麵...個湯好濃呀!!!!D麵好彈牙~~~隻蛋仲要係流心架~~呢個係我GE....日本咖哩豚肉芝士烏冬我唔知佢係吉列...如果知唔會叫...我本人唔係好好炸物啦~~~咖哩味好重,,但略嫌有少少重味精啦....塊豬都唔係薄野黎架...都大塊同厚肉~~烏冬都好有咬口,,,唔係林池池~~會有下次!!!! 

本人其實不太喜歡食拉麵，對於麵類食品一直興趣不大，拉麵給我的感覺就是沒有甚麼彈性，而且食落會有一些怪味，所以我只會選擇一些比較有名氣的，如一蘭、豚王這類食店，又或者日本當地的拉麵店，會比較有保證，朋友知道我有要求，於是介紹我去試岩手，我點了較大路的叉燒拉麵，首先，我認為它的湯底很香濃，完全不像是加了味精，其次，麺食落很爽很有彈性，軟硬適中，最重要是一片片半肥不瘦的叉燒，有一定油份，口感軟熟，雖不能與一蘭、豚王相比，但整體而言絶對物有所值，經過這一次，我改變了對小店的看法，謝謝岩手讓我感受到一碗有生命力的麵！

行街行到晚飯時間, 諗緊有咩好食, 見呢間好多人食緊, 所以都排左一陣試下.睇完餐牌要左個自家制豬軟骨拉麵$105, 餐牌最特別之處係左下角有句"只限落單一次", 同埋餐廳當眼處亦都貼左呢個字句, 我覺得有D怪, 如果唔夠飽都唔比要多碗? 去日本食都唔會咁.等左一陣拉麵黎喇, 賣相幾好, 豬軟骨溏心蛋.先飲湯, 無咩豬骨湯味, 一般味精湯吧. 拉麵麵質唔彈牙, 似港式油麵, 感覺怪怪地. 豬軟骨都炆得幾腍, 正常野.

每次路過旺角"糖水街"，也看到這間拉麵店門外排滿人龍，總是有點懷疑有沒有那麼好吃。難得今天有空就和朋友來一嘗真偽。一如平日，還是花了點時間排隊等待。店鋪座位約二十來個，裝潢也是典型的日式風格。(附上拉麵餐牌)個人還滿愛好海鮮，想也不想就點了一個"極上海鮮拉麵"。友人則表示安全至上，點了一個以店鋪命名的"岩手拉麵"。等了一會拉麵到了，本來打算所謂龍蝦大約就是起了肉放在拉麵上之類，誰知道竟然是半隻連殼的龍蝦，其實真的滿驚喜。先嘗一口湯底，相當濃郁，味噌湯底。(旁邊店員熱心地介紹表示湯底還經由蝦殼等煮成，所以相當鮮甜)面條相當有口感，再加上生蠔，帆立貝這兩個兄弟，海鮮發燒友表示夫復何求。小食則選擇了店員推介的"月見豚肉軟骨"，免治豬肉再加上一點雞軟骨，而不是簡簡單單的一團肉。有肉豈能無酒，酒方面就嘗試日本來的啤酒。整體而言，除了位置較擠迫外，相當值得一試，CP值相當高。 

去旺角買野,買完野揾野食,其實係依邊,都有唔小餐廳選擇,之前我都見過依間餐廳都想試下,所以今次就入去試下行到餐廳口門唔洗等直入,我坐底叫左蔥油叉燒拉麵$82只可以講賣相吸引,拉麵食落唔似拉麵似油麵lo..重要"林"ga...叉燒得1件仔湯底~頂....無味真係要改善

係新寶睇完戲之後已九點幾,只好係左近搵野食,見到有間拉麵店,開到深夜1:00,可慢慢食,加上本身喜歡食拉麵,於是就試下了。搶眼的燈籠,好眼熟,牌子是沖繩的orion啤酒。小小的店子,周圍擺放了不少模型、龍貓的擺設。啤酒。餐牌。岩手拉麵,$85。材料有叉燒、和風牛肉、豬軟骨及糖心蛋,都幾多料,叉燒同豬軟骨香口好味,豬骨湯底,味道不算太濃,拉麵彈牙,都不俗呀‧蔥油叉燒拉麵,$82,Yan的,試了少許,覺得好味過岩手拉麵呀。整體不俗,深夜都仲有得食呀。

女A指這店鋪有十個笑臉，比起其他的拉麪店的評論疏疏落落，已經算很不錯，所以今次再在旺角看電影，又再一次選中這店。男A本來見天氣熱，想試試冷烏冬，但女A希望食熱湯麵，所以千依百順的男A當然很樂意地點了叉燒拉麫。這次，男A也懂得講究了。以前自己速吃(不是吃方便麵，而是所有麵)，都會額外拿一個小碗，把麵從湯碗夾至小碗，勨求麵身可盡快冷乾，快速吃完就作吧！但這次，女A温柔地幫男A用勺子取了兩匙熱湯，倒在麵身，味道果然與別不同，麵身也變得爽滑，或許不是湯料的因素，只是身邊多了一個良伴的原因吧！上次來，坐在bar 枱看見廚房整好像燒餅的東東，原來叫沖繩餃子，本想試試，可惜這次無貨。取之代之order了豬肉，燒鷄翼和芥末八爪魚，ok la，我們還是比較期待下次來吃那扁扁的沖繩餃子。

之前經過好似好吸引咁, 終於黎左試~~間野出面有橩俾你坐係度等, 係幾好~~但跟住果位唔知係老細定係邊個啦, 叫我地入去, 其實語氣真係麻麻, 完全無尾音, 好似ORDER你入去坐咁入到去, 真心認為只可落單一次係怪, 唔緊要~~叫左個芝士海老拉麵, 果位男人就推介朋友叫咩好似叫做芝士福袋拉麵間野一D都唔涼, 但今日起碼三十度~~~我地兩個成餐飯都出曬汗最嬲係我個芝士海老拉麵話要走蔥, 結果黎到無走到我見到已經黑黑地面, 果個男人唔知係咪見到我咁樣先至話:呀~無走到蔥呀, 因為通常碗碗都要蔥, 有碗唔要, 唔記得左呀, 都係加左落去 好講真, 其實擺明就知無走到蔥, 一句唔好意思都無講到~~同埋你有番D誠意ge,你起碼都整走面果蔥先俾我啦~我都無咁嬲呀~~~結果我自己係度整走d蔥, 跟住d芝士又痴住好多蔥 =.=兩碗拉麵唔好難食, 但一定唔係好食囉~~~入量偏少由於根本佢間野實在太熱, 所以食完即走埋單竟然仲要收加, 兩個人食左二百幾蚊 完全唔值~

本來對這位處於廣華街的角落的麵店出品一向沒有太大印象的，但今天再臨時，就正正因廚師的一個窩心的舉動，便輕易地讓我加了不少的分數了....點的仍是味道一般的招牌麵。那當然不是說這裡的麵水準很不濟，麵質並不是很彈牙；而湯底亦不算特別的濃郁；材料如叉燒、牛肉以及豬軟骨也醃鹵得不算超入味軟嫩....但當您吃將下來時，您是絕不會稱之作十分難吃。大體上只能用四個字去形容，那就是"平平無奇"....同樣地小弟吃的海鮮拉麵也是普通 ---- 帆立貝只屬沒甚麼味道的雪藏貨；蝦亦是硬實實的沒鮮甜味；蠔亦甚瘦弱不太飽滿。至於麵及湯跟前面吃到的招牌麵一樣，沒有太大的驚喜....想來點菜蔬類的東西。要了一個下了胡蔴醬的蕃茄，蕃茄是預先雪得冰冰的，入囗後是冷得讓牙關不斷發抖....蕃茄本身是蠻新鮮多汁，淋上了極多甜甜又有芝麻香的醬汁 (記著，一定要極多才夠味道)，這道小吃前菜的失敗率可是極低的....吃至此時，可能是店裡頭沒有太多客人的關係，又或是掌勺的看見小友的一臉饞相吧.....忽然大廚端來一只蛋過來。撐大眼仔細一看，竟發現蛋白上現出了一個非常可愛的小熊模樣....樣子雖吸引好看但於我而言還是好吃更為實際。用

我最愛露天風味，見到這間小店，即時要試試。試了醬油和九洲拉麵，首先飲第一口湯，2款湯底都係唔夠濃味，而且最大問題係唔夠熱，最大原因係配料的溫度不同。其實外行人如我有時睇飲食節目或坐Bar枱都可以留意到師父如何預防唔夠熱，為什麼不做多一步呢！例如：選擇厚身較保暖的碗丶先用熱水燙一下碗丶配料下碗前用熱湯沖一沖、拉麵上有層薄油都是有助保溫。如果冬天去食點算呢！配料方面糖心蛋好食；叉燒分量頗大，有焦香味，如果切薄小小囗感會好些，太厚的肉似湯渣。

Lunch行過旺角！5想去茶記！行過見到有間小拉麵店諗住快食個拉麵？叫咗個佢地嘅招牌拉麵！哈！又出奇地好食！糖沁蛋好食！蛋外層有微微酒香！豬骨湯底夠濃但feel到無乜味精！麵夠爽夠彈牙！叉燒唔係一味肥豬肉！最抵死係連麵炸蒜絲同紫菜都好香好脆口，同個湯底夾到天衣無縫！lunch暴走值得一試！

呢家日本餐廳本來我覺得非常讚！因爲當時店内擺設好有特色，店主好喜歡模型，成家店都放滿了大大小小既模型比客人欣賞。今次再去既時候，店内有點改動，以前既照片都沒有了，變了產品介紹poster.雖然如此，但食物改變都不算太大。賣相仍然吸引，大大腕的，而且湯也是很好喝。麵身就仿佛比以前更硬身，喜歡與否就要看每個人自己的標準了。這個叫餃子，比一般的特別。賣相好似一塊薄薄既pizza甘，但咬入口就食到餃子肉的味道。食日本野點可以少左杯日本啤酒？所以今次試飲Orion Beer既 Baird Beer. 味道好大的黑糖味，但卻偏苦了一點。總評分：8/10分

今早放假，去完黃金迫完個電腦節，雖然餓爆，但都馬上逃離深水埗，走去廣華街買下四驅車補品。見到以前煙廠街間拉麵舖好似轉咗招牌，好，就想不如入去睇下有乜唔同。入到去，個肥肥地嘅伙計招呼我座吧枱。跟住就介紹我食䓤油叉燒拉麵或者岩手拉麵。其實好耐以前就係度食過一次，不過碗岩手拉麵就真係不外如事。好！今次就再膽粗粗試下有乜唔同先？因為之前係團購同上一手買過一次，嘩，嗰碗嘢連車仔麵都不如，冇下次。麵到咗！好明顯就係件叉燒，已經唔係以前嘅柴皮叉，係好有味嘅半肥瘦，入口差唔多即溶。其實仲有好多唔同:蛋由白蛋變咗鹵蛋，麵上面多咗好多嘅黑蒜油，牛肉好有味好看好甜，豬軟骨香滑嫩。整體比之前唔同晒！究竟發生乜事？我就問下個伙計。原來佢就係個廚師，佢話同其他廚師已經張menu上嘅上一手用料大番新，仲不停改良。唔怪得知比上手好食咗咁多啦。正！叉燒同豬軟骨都係自家制，仲煮咗超耐，真係有D料到。唔同晒，可以有下次！

This place has the best Ramen in Hong Kong. I went for lunch, but because I was in a hurry I did not get to try the snacks. I am looking forward to going back and trying the snacks. The service was really good. I would definitely recommend this place to anyone looking for good Ramen at great prices.I love spicy food so I had to try the Seafood Ramen in Jigoku hot and spicy sauce. It was really good.The shrimp and cheese Ramen was interesting and also very good.

經過多野食的旺角，見到呢間舖，好似同之前唔同左，一於入去試下。舖面有吧位，有日本feel,可以睇到師傅煮野食。另外仲有d 卡通片的figure,都幾靚試左個葱油义燒拉麵，最簡單最見功夫，一拎黎就聞到好香葱味，湯偏深色，麵身彈牙，又不硬。义燒肥瘦平均，雖然不是同心圓的形狀，但用於有少少脂肪在肉之間，一口咬落去肥瘦都有，不膩而且醃得很入味，而且有香，非白烚了事，應該係功夫菜另有流心蛋，也不錯份量也剛好，一碗適合女士份量下次同friend黎，試埋小食先~