岩手拉麵 (已結業)

岩手拉麵係一間街頭日本拉麵店，據稱馬來西亞同埋重慶都有分店，至於香港最初o係元朗開業，去年底結業後，近幾個月o係旺角重出江湖早前o係網站用每張$28 o既價錢買左兩張 coupon，每張 coupon 可以換到一碗九州拉麵我地當晚七點幾黎到呢間位於旺角煙廠街o既拉麵舖，店外放左幾張膠椅俾食客坐住等候，當時係繁忙時間，好在我地前面冇其他人等位，只係等左大約十分鐘就有人埋單走人，佢地見到我地持有 coupon，都對呢間拉麵舖有做團購優惠覺得好奇，睇黎團購達人真係要多o的宣傳呢個所謂最強飲食優惠網站呢間小店只有十四個座位，大家坐得較擠迫，日式風格裝修，佈置簡潔店主鍾意超合金同埋黃金戰士，所以間舖有個櫃放左好多超合金機械人，呢種裝飾都幾特別，雖然老闆將佢o的珍藏同人分享，不過 Babybamboo 支持者唔識得欣賞侍應安排我地坐o係面向開放式廚房o既吧枱位置，呢度可以近距離睇到碗拉麵o既製作過程，侍應俾左我地兩杯熱麥茶，有別於其他日式食肆，呢間拉麵店用麥茶代替綠茶，我地覺得呢o的熱麥茶都幾好飲侍應問我地除左享用團購優惠o既九州拉麵外，仲有冇其他野想食，因為只限落 order 一次，唔准加單，可

黎到旺角睇戲,見呢間拉麵店新開,又係細細間咁,心唸都應該幾穩陣,因為之前試過豚王魂呢D都係一樣格局好啦幾個人去到,因為店細要等位,冇問題,但老闆娘就勁HARD SELL,小食叫完一樣又SELL第樣,我朋友冇主見,係咁叫,我唯有STOP佢,叫佢試下先味道再叫其他味道:先上岩手拉麵,份量好少,得個碗大,麵質拍得住味精拉麵,湯底又係味精味,豬軟骨同叉燒同"唔記得"都係茶記質素芝士釀雞翼: 呢個幾好,熱辣辣, 不過食得出內涵有D唔新鮮餃子: 一般貨色, 皮薄但涵唔靚海膽薯餅: 海膽冇乜味, 配上薯餅更加變得完全失去味道, 薯餅本身炸得好一般, 有少許硬叫左咁多野食,真係只覺得佢好孤寒,一係份量少, 一係唔新鮮,又要限住只可叫一次,毫無誠意,除非平40%,否則唔會再黎

朋友團購關係,帶咗我嚟食...去到門口已經有七位等緊...無位坐只好呆企,好彩一陣就有得坐...喺門口... 簡單嘅 Menu,令未食過嘅我唔知點揀...不過朋友提醒,其實我無得揀,因為團購關係只可食指定拉麵...咁只好揀小食...揀咗炸紫心蕃薯餅...等咗好耐,終於可以入去了...第一眼望入面,嘩,小得可憐...坐喺星矢隔離無乜特別感覺,因為我唔鍾意...不過係幾吸引人目光嘅~~侍應姐姐比咗兩杯熱茶,溫馨提示我哋小心坐,因為個位的確有點危險...不過...膠杯熱茶...我以為自己去咗斜對面嗰間康樂... = ="終於有拉麵食了~~九州拉麵~~第一吓已經聞到怪味,嗰種味唔識形容,說服自己可能係隔離嗰位先生碗麵嘅味啫...第一啖係食溏心蛋...唔好食...(其實我一向都唔食溏心蛋...係有朋友介紹過一風堂嘅好味,試過之後就愛上了... ) 麵質一般,唔太硬唔太軟...不過份量真係少得可憐,碗大麵少...差唔多食完,炸紫心蕃薯餅到了,侍應姐姐兩次提醒要小心熱~~不過入口其實又唔算太熱啫~~味道唔錯!!

因為買左團購 ，所以可以用$68(原價:$138)食河豚拉麵去到門口有幾張椅比你坐住排隊等食同時會比幾張手寫 menu 比你睇住先 (個 menu 1 張相都無囉，比 d 誠意得無? )你要諗下食咩，入座果陣要一次過叫曬所有野食，因為之後係唔比加單 (Non-sense!!! )等左大約10分鐘度河豚拉麵就到 lu 份量還可以啦，湯底就係麵鼓湯，味道都可以嘅d 面就比較幼身，比油麻地橫岡果d 面為幼到河豚本身就好細件， 味道較甜，似用左日式照燒汁 Overall 來講真係超級普通，無咩特別囉 -- 日式照燒汁係人都知咩味啦 個人覺得試一次都 ok 嘅, 未到好差唔好食要比喊 rating 嘅~~不過要我去多次都真係要考慮下囉

一風堂、豚王、達磨等等的拉麵店讓香港人對拉麵的要求提升到另一層次 ... 岩手拉麵在元朗的人龍令我曾經想過一試，估不到今晚竟然無心插柳下遇到它的分店。店外放了膠椅該，很貼心的安排。要不然在這酷熱的天氣下，像我沒耐性的食客早就走了。九州拉麵 - 豬骨湯底，有點太鹹，且不夠香濃。叉燒和溏心蛋不錯！麵質爽口，但量少豬軟骨拉麵 - 兩舊豬軟骨，有點硬，未夠淋...一般而矣開放式的廚房，去油煙的處理一定要做得好，否則只會讓食客吸得一頭油煙離去。這點有待改善...至於侍應們，手腳勤快俐落！茶添得很快，值得一讚！

說明只可落單一次, 以免客人用餐太久座位擠迫, 絕不舒適, 溫度太高, 完全沒冷氣, 當然是為了趕客翻枱多做點生意真沒什麼特別, 薯餅不是出色, 只是一般正常味道, 嘗試搞搞新意思加上海胆, 但其實在味道上不令人驚喜或是難忘, 只是賣點而已湯底未至於最好, 雖然有點兒似真正日本街頭的拉麵檔的湯, 但未至於令人想一喝而盡, 想一滴不留那種感覺, 麵是可以的, 吃得出是特製的, 爽身的, 是還可以吧... 配料沒特別, 又有點兒吝嗇, 可以改善

因為被友人強力介紹，所以便去了吃這間的拉麵首先去到店外已經感覺很細小和不太舒服的感覺排隊的人也很多，見到這麼多人也只能無奈接受去試一下排了大約十分鐘，終於可以進去店內非常窄狹，不過不要緊，可能拉麵真的很好吃。所以我叫了一個叉燒拉麵，另外兩位友人則叫了岩手拉麵和芝士北海道帆立貝拉麵還有點了薄煎餃子，章魚丸和炸生蠔首先來的是叉燒拉麵，外表感覺不錯，吃下去才知道大獲...麵質很硬，非常硬，連我的友人都說這麵不好湯底比較糊，喝了一口已經不想喝，跟麵完全不夾我吃到一半已經投降了其後上來的小食也不是很好吃，由其是薄煎餃子，真的只是餃子邊是脆的，完全跟餡料分開，非常難食..我另外兩個友人的拉麵，我也只能說一般，不過總算可以吃進口，拉麵的麵底比較軟，但也接近糊的質感幸好這餐不是我付錢，不然我都想哭了衛生情況，廁所好像是不存在，完全不能夠方便實在太差了這間我絕對不會再來..

多得openrice 呢個平台, 昨晚可以搵番上年在元朗品嚐過之特色拉麵 , 因今年初再去已租約期! 今日下午決定去搵吓, 去到廣華街近煙廠街搵咗一陣就見到, 入到去見到當年在元朗店之老闆chris (因好易認得出) !我問d侍應有d咩推介, 她誠意推介 " 特級煉獄拉麵 " ,所以便order 1碗 , 侍應好開心重自己取出iphone預備影相, 因為要影"特級煉獄拉麵" 上台一刻的情景, 所以我就更加好奇, 但不其然取出自己 s 2 都預備一起影 ! 不需10分鐘上台啦 ! 大家欣賞吓 ^^ 一上台就好驚喜, 未見過拉麵內都可以有火, 所以我同侍應都立即影底d相, 全程只係得10秘多便消失了, 叫得出煉獄, 真係有火, 正 !見到碗麵內有塊叉燒, d叉燒係岩手自己出品, 入口霖, 有口感, 傳統日式叉燒製法 有旦有好多配料(海帶, 芽菜, 宿米);拉麵個湯底好重要, 食咗一陣就知用上湯出品 另外叫得出煉獄一定有d特別, 就係度出人生中喜與樂, 入口有辛辣感覺, 愈食愈正, 好想飲哂碗湯, 可能太辣,飲唔到, 但依然食完碗麵, 食完後好高興, 因太好食, 下次一定再嚟 !

上次誤打誤撞去左呢間食拉麵，估唔到都有驚喜佢地選用日式風格既坐位，不設拎籌。等左大約半個鐘有得食了，一入到去好多我男友好鐘意既超金合公仔而且不斷播著日文歌，環境都還可以去到點左一個　地獄海鮮拉麵　　叉燒拉麵　沖繩餃子侍應會好細心問你辣醬洗唔洗分開，怕你太辣第一樣黎先就係地獄拉麵，首先未落辣時飲一飲淡湯頭都算pass，然後就再落少少辣，點知食落之後就越落越high，辣得好味而且最驚喜係海鮮竟然好新鮮，呢樣真係最滿意，而且估唔到而叉燒拉麵就反而一般，叉燒算入味同埋我比較鐘意就係呢到既麵係用蛋白同蛋黃麵另外沖繩餃子係比較薄身，幾特別！*最後，想讚揚下應該係老闆- chris？因為坐果個位望到入面整野，見到佢果份細心真係不得不讚而且睇得出佢地好有心去整每一樣野，會再黎咖

平平地HKD28一客九州拉麵又在旺角咁方便於是便買了團購一試 .這間店小小的有bar枱和四五張接枱座位,(但是我點過全店厨房連樓面他們起碼有八至九位員工!)滴滴骰骰但又擺放了不少卡通模型. 這間店另一特別之處(奇怪之處)就是只可order一次,可能是要加快客人流量吧？ 九州拉麵很快就送上. 整體不過不失. 叉燒和麵還可以但沒有驚喜,滑滑的糖心半熟蛋口感幾好但不夠熱,湯頭平淡沒層次只有咸味.芝士雞翼熱熱辣辣又夠滑. 一口咬下,芝士,肉和雞油混在一起很惹味,好juicy, 值得一讚. 另外還有其他特色小食如沖繩餃子,離開時看見店門外張貼的相片好似幾得意,下次有機會再試.

留了很久的食評終於可以寫上，知道在元朗的岩手轉了地頭去到旺角就立即去試試，無奈未有店鋪登記到現在才可以寫…店子可以算是有些少特色，店內播著日本萬能俠的歌（本人不懂日文，可能是會錯意）回正題！今次叫了岩手拉麵及地獄海鮮拉麵岩手拉麵還是保持水準…當然啦店主無換人只係換地址…非常好味！今次主要係食地獄拉麵 - 全港最辣的拉麵！！！！！！小弟食甚麼辣野想也不想，都會叫大辣、特辣或十級辣既…喝完湯都不用沾一點飲品解辣的人今次終於碰到對手………這碗地獄海鮮拉麵，炸蝦、帶子等非常美味但一定要食先，因為喝到湯料你就分不出味道，開頭喝的湯都不覺得太辣，但吃完半碗後那種辛辣令到胃都感到一陣陣的發熱，我只能喝到四分三的湯就喝不下，還要渴水才可以減輕度…我下次會再排戰呢碗地獄拉麵既……

今天難得放假，所以展開我期待已久的拉麵之旅，因為平常這些拉麵店實在太多人等候，我實在沒耐性如些等下去。今天拉麵之旅的首站，約1時多到達，不需多等便可入座吧台位。店內有很多機械人的模型/ figure, 連方型金色的那個機械人(我只知它很舊但實在不知它叫甚麼，請見諒)也有，亦有一整套未砌的星矢。但最吸引人的還是那張只能order 1次的 notice。我們叫了叉燒拉麵 &日本蠔拉麵，1個沖繩餃子，1個海膽炸薯餅。叉燒拉麵，本來覺得都OK，但同日試完豚王與魂後，立即比了下去，成為了不太OK的那一類。如果以港人日本拉麵店去考慮，那它的出品便可以算是合格有餘，所以下會以此為前題。但講到尾，我不會將此店歸入正宗的日本拉麵店。它的麵質感最好，略粗的麵但缺點是不太掛湯，而且當然不是正宗拉麵。叉燒也OK，不是死實也不太瘦，但肉味不太夠。湯比其他本地拉麵店為好，是可以整碗喝的那一類型。蠔比叉燒好，很鮮甜，連湯也很鮮，蠔也很肥美。但餃子實在沒甚麼吸引之處，除了非常「呃」錢之外，薄薄的也沒甚麼餡，但卻不便宜。薯餅也不推薦，完全沒特別，也不好食，海膽也欠甜美。所以，此店，還是拉麵吧.....

岩手拉麵以前位於元朗金輝徑，經常很多人幫襯。雖然家住元朗，但因為店舖環境不太好，對著大坑渠，也提不起勁試試。最近岩手拉麵搬到了旺角，冷氣開放，座位也多了，又有團購優惠，於是便去試試。因為怕多人，星期六六點半左右便來到，店內只有兩個食客。廚房是開放式，於是便坐在bar檯，侍應很快便奉上暖的麥茶。兩碗九洲拉麵等了約三分鐘便到。拉麵的配料有半隻半熟蛋、叉燒、粟米、海帶、椰菜和蔥。豬骨湯底呈白色，不算濃稠油膩，味道鮮鹹俱備，把湯喝清光也不會口渴。半熟蛋也夠溏心嫩滑，但蛋味不濃。叉燒只有兩小片，但肉質軟滑有彈性，非常好吃。拉麵用上蛋白拉麵，直身幼麵，麵條顏色較白，質地偏腍，蛋味也欠奉。幾塊椰菜淥得不太熟，與拉麵有點格格不入。侍應加茶的速度很快，店外擺放椅子讓食客坐著等候，這間小店的服務也算很不錯。

之前經過已經常試，咁啱團購有半價優惠，所以就同老公去咗試下：店舖佈置：以吧椅為主，大約8個位，另外有3-4張普通座位。店內有懷舊玩具模型做擺設，例如黃金戰士，聖鬥士等等。食物：當晚食了團購半價買的九州拉麵：拉麵-幼身、爽口，叉燒-肉嫰、鬆軟，糖芯蛋好味道，湯底-豬骨湯底、濃郁、鮮味另外以正價食了兩款小食，松葉蟹海膽炸薯蓉 - 外層鬆脆，裡面好creamy，但唔係好食到蟹味（炸薯蓉上面放了海膽及蟹子，店員指示，食時將上述食材釀入炸薯蓉內食用）；沖䋲餃子 - 外形似薄餅，用米紙包住肉餡煎至香脆，配以特制餃子汁，唔錯整體來說，環境舒適，食物質素滿意，惟份量有點少，另外店裡有一個很特別的規定，客人只可order一次，不可加單，所以必須一次過叫晒想食嘅食物。

中午1點，黃金午飯時間，偶然經過這家店，看是新開張，想要一試，走近門口一看，發現還沒開門，營業時間竟然是1:30PM，從沒有看過午飯時段開店這麼晚的店，幸好今天是星期六，不用上班，也不趕時間，只好去附近走走再回來。1:30PM回來，還沒開門，但門口已排了10個人! 店內只有8個BAR枱坐位，要再另外多加一張枱在角落才能坐10個人，排隊的人進去後，店就滿了，我們只能等這一輪的人吃完才能進去。門外有椅子坐，但天氣實在太熱了，坐在門口一直冒汗，後來想要吃的人們，也抵不住高溫，相繼走掉。幸好，有人吃很快，我們等了大慨15至20分鐘就可以進去了。由於中門大開，廚房又是開放式，冷氣不夠。可能是新開張的關係，侍應對店內的食物款式也不太了解，詢問湯底的款式，也回答不上來。薄薄的煎餃子，沒有甚麼質感，售$28，不值得，還是比較喜歡傳統的餃子。叫了地獄海鮮拉麵，有一隻大帶子、一隻蝦、一隻生蠔，湯底血紅色的，平常嗜辣的我，也受不了，店員建議下次可將辣醬分開上，店主或可嘗試把地獄湯分為大、中、小辣。太辣了，根本分不出湯底的好與壞，真有點後悔點了地獄湯，但麵條煙韌，一讚。正宗的拉麵店都會提供冰茶或冰水，這裡卻提