山 (已結業)

港島西食評系列 ~關鍵詞：１個人、工作日午餐第11站：皇后大道西393號店名：YAMA 山日本料理餐廳類型：日本料理提前訂座：有繼續１個人發掘港島西美食，發現皇后大道西393號靠港鐵香港大學站，有家很不錯的小店：山來試試午餐，點了壽司定食“蘭”，包括以下的：#前菜：胡麻豆腐，胡麻醬汁香濃，yummy！#湯：味噌湯，鹹淡適中，挺好喝的。#火炙壽司７貫：壽司定食“蘭”，以火炙為主題，要等較長時間，金目鯛、左口魚群邊、三文魚腩、吞拿魚、蟹棒、帆立貝、牛油果鰻魚，全部都好味，帆立貝排第１。#手卷：三文魚手卷，看到手卷做好放在吧檯，店員在忙其他的，沒有及時上菜，我吃的時候，紫菜已經不脆，扣分。#烏冬：牛肉烏冬，份量比預期多，味道挺好的。#甜品：和菓子，豆沙餡，稍稍過甜了些。總體感覺：店面不大，食物不錯，性價比高。…查看更多

網上外賣平台度叫外賣張相同實物差勁遠冇帶子冇三文魚冇三文魚籽得啲我唔食嘅魚最大問題係啲魚生好唔新鮮表面乾爭爭咁 肉質亦唔係新鮮嗰種實啲質感 而係軟咗嘅 唔識形容 成盒飯唔知擺咗幾耐另外送到已淋哂豉油真係好懷疑係咪其他客嘅退貨試食咗片北寄貝 好唔掂 剩低嗰啲已經唔敢再食另外仲叫咗三文魚手卷試咗一片三文魚 腥臭嘅 想嘔第一次食到啲咁差嘅魚生而家好驚肚痛咁嘅質素爭鮮都好過佢幾倍最後唯有落街買盒惠康壽司做晚餐Openrice啲相咁靚 實物差天共地 大家小心…查看更多

見到有外賣套餐，買咗三個餐一人一個 外賣刺身飯，啲飯整到極度酸（真係酸到幾乎食唔到），刺身質地好散，碎到夾唔起嗰隻同埋份量真係好少，得四片好細塊好薄好淋既魚生唯一不錯既係套餐+$30既煎餃一句講曬，絕對無下次The rice of the sashimi is sour and the toppings are too little. The amount for Hong Konger is way below the average ( rice around 150-200g) (two slices of salmon and two slices of yellow tails which are thin and small). There are reasons why there are not a lot of customers during the dining hour. We spent around 100HKD/person but we were not full. You need to spend more to fill your stomach. …查看更多

春 (午市刺身套餐) ($128)有乾冰特效加持，未食都感覺到wow factor～刺身一set總共有10片，唔算最最厚切，但絕對係比一般厚同大嘅size，每一片都食得好滿足。.套餐包括「時令刺身」5款各2切：三文魚﹑赤身﹑油甘魚﹑北寄貝﹑以及一款時令產地直送魚。當中以油甘魚最有記憶點，因為真係比一般食到嘅油甘魚味道鮮甜得多。.款款刺身就咁食都夠新鮮好味，諗翻個價錢即刻再好味咗兩倍\( ˙▿˙ )/套餐包括咗麵豉湯同米飯，麵豉湯入面有偏硬身﹑豆味濃郁嘅豆腐，不過湯底有一種未高層次到食得出係咩黎嘅食材，帶少量食完薄荷糖喉嚨會有嘅個種感覺。.米飯上面有飯素，略嫌飯素份量唔算多，米飯本身未有日式珍珠米個種粒粒分明嘅咬口，配飯質素一般，但整體黎講係對得住依個價錢有餘。.❍ 用餐提示餐廳門口係路過都唔會察覺嘅暗黑風格，唔熟路嘅都係開住google map搵啦～餐廳內裝潢擺設好有心機，充滿日本感。.餐廳座位有限，每次入座前staff都有問有無booking，雖然每次都walk-in成功，不過想穩陣啲嘅都係上openrice預約好先到訪啦。.❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫春 (午市刺身套餐) ($128)餐點味道 | ♥︎♥︎♥︎♥︎♥︎♥︎♥︎♥︎♡♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ♥︎♥︎♥︎♥︎♥︎♥︎♥︎♥︎♥︎♡用餐體驗 | ♥︎♥︎♥︎♥︎♥︎♥︎♥︎♥︎♡♡推薦程度 | ♥︎♥︎♥︎♥︎♥︎♥︎♥︎♥︎♡♡適合場景 | 休閒用餐、四人或以下聚會、打卡…查看更多

老闆自己舉辦私家聚會，佔咗大半空間，本來就狹小的空間顯得場面十分嘈雜。，得留2張台仲接待其他食客。 廚師發辦等到天荒地老，一直在招呼自己家人。 近HK$ 700/位的價格著實令人失望。頭盤小食是雪櫃直接拿出，無擺盤，惟味道尚可。第二道是煎銀鱈魚，味道也不功不過，而壽司拼盤食材算是新鮮，一整個脫盤托出有乾冰襯托有幾分意境，主菜是5/6粒安格斯牛肉，火候掌握熟練，但煎蒜片已經擺了好久，有陳遊的味道，口感極差。 總之一整餐飯的體驗只能用糟糕形容，不會再光顧。…查看更多

🌟🌟🌟🌟🌟🌟🌟🌟🌟🌟🌟🌟🌟🌟🍽 山 (西環)📍西環皇后大道西393號地舖🌟🌟🌟🌟🌟🌟🌟🌟🌟🌟🌟🌟🌟🌟***所有圖片均由本人親手拍攝，請尊重知識版權，禁商用/二改***「山不在高，有仙則名。水不在深，有龍則靈。」這段節錄於劉禹錫《陋室銘》的詩句，相信大家都耳熟能詳吧！意思是說，山不在於高，有仙居住就出名；水不一定要深，有了龍就顯得有靈氣。這次湊巧來到了有「仙」的「山」，是隱匿於西環大街小巷中，一不留神就會和店舖擦身而過⋯⋯山Yama裝潢設計日式簡約大氣，走木系路線，燈光柔和，感覺非常舒適。為了Omakase而來的我倆，卻發現今天沒辦法點omakase，心裡一沉，但還是坐到預訂時預留了的吧枱、蘇師傅的板前，師傅友善又健談，隔着口罩也能望見他笑容滿面，心情頓時好了大半。看了餐牌，在香港越開越多廚師發辦的日本餐廳的影響下，價錢便宜得驚人(是這店性價比太高了)，太便宜的刺身，不敢吃，把心一橫我們就各叫了一個最昂貴的套餐小試牛刀。壽司套餐 山極 Yama Signature HKD398由下至上至中間三點的順序:子持鮎是蘇師傅從「枱底」拿出來的寶物！肉質鮮嫩，非常清甜可口，很適合來當第一道。鰝鰺鰝鰺又名深海池魚王，其魚味比一般深海池魚更為濃郁，個人非常喜愛。炙燒左口魚裙邊佐黑魚子左口魚裙邊最好的處理方法不外乎炙燒了！炙燒過後迫出油分及帶點微焦香氣，配上矜貴食材黑魚子，一口吃掉這份美味令人最為享受。中拖羅 銀箔這是中拖羅近大拖羅位置！珍貴的一個部位😊比普通的中拖羅多了份香氣。生菜包炙燒金目鯛炙燒金目鯛佐白松露醬同一款魚配不同配料有2款食法，可見師傅的用心！個人更愛佐白松露醬，實在是咸香過人！大拖羅 金箔以金箔彰顯大拖羅的主角地位可以說是相得益彰，入口即化沒有一絲根，大トロ的油甘香氣瞬間充斥口腔，久不散去⋯⋯炙燒珍寶十年帶子炙燒牡丹蝦佐蟹膏、黑魚子日本海膽十年帶子味道較濃，特別是炙燒過後可說是又鮮又香！牡丹蝦我還是喜歡吃生的，熟的感覺沒這麼鮮喔。我跟師傅說日本海膽沒到我心中的水準，接著他馬上又從「枱底」變出另一盤海膽，原來是丸勢海膽！看着那鮮豔欲滴的橙色我不禁呱呱叫：「師傅！你也太不厚道了吧！好東西總藏着！」師傅卻笑笑，問我急什麼，隨即為我們送上丸勢海膽大拖羅角切手卷，千叮萬囑我們快點吃，不然ノリ會軟掉。張嘴一咬，酥脆、絲滑、爽腍的口感豐富交錯，絕妙至極令人雙目微瞪：「好好食啊！」這套餐還包括和牛烏冬，粉紅色的肉誘人十分，選材也毫不馬虎。刺身套餐 秋-AUTUMN在秋意盎然的9月，吃上這個《秋》真是適得其時啊！師傅樂呵呵地邊聊邊製作刺身，很快便端上期待已久的藝術品——矜貴美饌還配上乾冰視覺效果，難道不是藝術品嗎？中拖羅 銀箔炙燒金目鯛大拖羅 金箔炙燒珍寶帶子佐黑松露牡丹蝦刺身佐海膽、蟹膏、黑魚子、金箔丸勢海膽醬油漬赤身深海池魚炙燒石桓貝中拖羅 銀箔炙燒金目鯛佐白松露特拖羅 金箔炙燒珍寶帶子佐黑松露牡丹蝦刺身佐丸勢海膽、蟹膏、黑魚子、金箔丸勢海膽 銀箔醬油漬赤身 銀箔鰝鰺必須特別一提醬油漬赤身，醬油漬是師傅親自調配，醬油漬與赤身味道絲絲入扣，此唱彼和，實在令人回味無窮。不能少了特拖羅！師傅聞我尤愛大拖羅，特意給我安排上，太感謝師傅啦！沒吃過的你親自嘗嘗吧，我保證是一吃難忘的美味😊不愛吃三文魚的我，卻被鱈魚脆片夾角切三文魚壽司驚艷到，鱈魚脆片即燒的脆身又香，角切三文魚拌入蘇師傅秘製醬汁，相附相乘剛好提出三文魚的另一層次的味道！！難以置信！食材簡單味道卻不簡單⋯⋯一間優秀的餐廳是要每一個細節都做得好，無論是食材處理，還是師傅態度，甚至於創作獨特性，我敢保證山Yama絕對能令你喜出望外。服務五星，給蘇師傅的！蘇師傅，我們下次再一起於山相聚、以魚會友吧！✨如果喜歡我的文章，可以關注我及讚好以作鼓勵喔✨…查看更多

本來想著來這間餐廳食鐵板燒，黎到店員推介了最新的omakase,廚房的換了格局，鐵板燒換成了壽司的位置，方便我哋睇到壽司嘅煮做法👀 師傅賣了關子說不同餐都會有驚喜，有$888、$1288、$1688的餐選擇，我哋最後揀咗中間$1288😋前菜已經好豐富！有幾道，有魚乾合桃、沙律等，太肚餓忘記了影三四道！之後食左十幾道壽司，件件都有驚喜。其中最欣賞的是煙燻和牛，男朋友就最鐘意三文魚魚子沙律壽司，因為將平平無奇嘅三文魚，用上全新做法，出邊夾兩片魚餅，衝擊味蕾，驚喜十足，同本身壽司嘅味道非常好夾同十分有層次👍🏻👍🏻其他壽司都超出水準咁好食😋 一般平時的omakase 是從淡到重口味的菜咁食起，變咗食到最後會有啲Heavy同辛苦，但今次一道淡一道濃咁上菜，味道高低起伏唔會悶👍🏻 仲聽師傅講，每日新鮮由日本到貨，又會入啲特別嘅魚，每次都會唔同，想每次都可以比到驚喜客人😋之後到熱食，其實平時我哋很大食，但食咗咁多件大大件壽司同前菜後已經70%飽🤗不過熱食非常之令人期待，一啲都冇令人失望！其中鐵板燒和牛入口即融、有6-7塊份量十足，蟹肉味鮮、兩大條食到好爽之後記得好似有得揀烏冬或拉麵，最後揀咗烏冬，等烏冬嘅期間，師傅送咗鮑魚壽司俾我哋食😂之後送來嘅豬骨湯牛肉烏冬非常暖胃不油膩，食完好舒服😌食到中途佢哋知道是男朋友生日，仲準備了綠茶蕨餅surprise，打卡影相超正👍🏻超煙韌+重抹茶味，甜味與澀味適中最後有我鍾意食嘅水信玄餅，搭配黃豆粉+甜甜的黑糖糖漿，口感入口即化😋整體來講無論是店員服務定係食物環境質素都十分滿意，餐廳較新，加上在住宅區，趁未有好多客人幫襯之前可以來試一試真好，架車直接泊在出邊看住也方便，之後有聚會可以推介這間了👍🏻…查看更多

睇到呢個標題 大家可能會估係間好出名嘅廚師發版非也 唔係大有名氣 反而非常隱世沒有頂著「鮨」的名號 亦沒有密閉看不清店內的大門坐落於西環 以低調平常的外觀 融入街坊小街之中可能咁啱有運 我比預定早到 而日本直送的魚因應下週假期 特別多訂單 而稍稍延誤到達店舖造就了難得嘅機會 可以直接欣賞師傅細心處理魚生的精彩過程蘇師傅 係今次極滿足體驗嘅靈魂人物 呢個師傅 真係不得了「上佳嘅魚生食材能令客人再三回味 但蘇師傅亦係令客人再度幫襯嘅一大誘因」呢句 係我當晚食完後腦中浮起嘅念頭 直到今日 記憶依然深刻原因? 睇落去你就會明當蘇師傅處理剛到店的魚生時 同時亦簡單講解今晚會食嘅魚種 記憶中好似係鯛魚較多 同時我同朋友亦趁呢段時間 叫咗少許串燒當前菜 不得不讚串燒亦係上乘尤其是 活白鱔 同埋 豬腩 爽脆無比 入口時真係有幸福感再加埋用7個鐘烹調嘅 鯛魚奶湯 鮮甜得嚟 口感又非常順滑食完呢Part 簡直令我哋對接下來嘅「正餐」更有期待!首先師父比個「真」前菜我哋食 名為 核桃小女子帶點甜 又帶點咸 係唔錯嘅開胃菜跟住 就係第一個大滿足 - 刺身師傳用咗唔少時間去準備呢個刺身拼盤當中 我地就一邊欣賞師傅嘅刀工 一邊同師傳輕鬆傾計有啲廚師發版師傅習慣準備食物時會較安靜到上菜時先稍作解釋 但蘇師傅就唔同佢係咩都會同你傾 而介紹食物時 除咗會介紹食材本身 亦會講下自己背後個想法感覺非常輕鬆 學到嘢之餘 亦能夠理解廚師多啲我同朋友係非常享受呢種模式 到上碟時 真係非常精美 完全感受到師傳嘅用心當中有 赤身 拖羅 係非常好食 但介紹重點 就落到以下3款第1款係以目仁奈包著嘅宮城縣海膽本身目仁奈魚味都已經重 海膽就更加唔駛講 放入口中時 2種重鮮味相撞.. 唔... 真係個非常強嘅配搭...第2款係 十年帶子 係我食過最大粒 最鮮味嘅帶子少少咸味 配上帶子本身清新嘅鮮味 再加埋口中滿滿嘅感覺... 爽...第3款 亦係呢碟中 最驚為天人嘅 就係 深海池魚他他師傳話深海池魚通常會用嚟做壽司或者刺身但呢個 佢面帶自信嘅笑容 話比我地不一樣嘅感覺配上香蔥 少許醬油 師傅呢啲簡單調味 當放入口中... 係忍唔著即場對師傳表示讚歎!真係非常 非常 非常咁好食!!!! 師傅喺我哋進食過程中 仍然會有交談交流除咗享受食物外 同時亦享受師傅嘅講解 同埋閒話家常師傳亦坦言 佢好享受同客人交流嘅感覺 亦從交流人得知 師傅係好隨性 Go With The Flow中間會飲幾口小酒 接下來壽司嘅想法亦係當中帶點即興嘅靈感 從不會固定一成不變當刻 欣賞食物之餘 亦欣賞師傅的態度當師傅欣賞完我地食刺身個享受樣就開始準備壽司俾我地食 數埋數埋 都有成11件咁多老實講 11件入邊 其實件件都好好味 真係件件都非常有質素師傅當日個feel係火炙向 好多件都會輕輕燒過 有油脂出 正當中鯛魚都食咗3種 金目鯛 中帶笛鯛 同埋蓮子鯛感覺鯛魚類肉質都係比較厚實彈牙 食落去口感甚佳尤其是師傅用煙燻燙去處理蓮子鯛 用冷縮效果將煙吸入壽司度結果就係令壽司入口時味道更加立體 真係唔錯!中間仲有幾款壽司 例如 左口魚邊 赤伊左目 池魚王腩 十年帶子左口魚邊 入口即融 赤伊左目 非常鮮嫩池魚王腩 油脂滿分 十年帶子 燒過後 入口熟 其後鮮呢幾款都係非常出色 但我想用更多筆墨介紹以下2款首先 用生菜包住拖羅壽司 真係第一次食但就係呢片生菜 又真係有微妙嘅平衡感油而完全沒有膩感 感覺非常唔錯而當師傅整整下 突然同我哋講「三文魚你就食得多 呢款唔知你又食過未呢?」跟住唔知喺邊變出2塊餅乾 夾住佢所整嘅三文魚壽司我心諗 餅乾加三文魚? 想像中好似 唔多夾wo但從我放入口中嗰一秒 就知道 我錯了我錯在以為佢會唔夾 更錯在 嗰2塊跟本唔係餅乾師傅見到我地驚喜而又滿足嘅表情 再隨後輕輕解釋「係鱈魚乾 唔係餅乾」 呢刻 我哋先至恍然大悟佢口感比餅乾薄上好多 仲要有浸淡淡魚香味一咬即碎 鬆脆魚味口感 配上三文魚 絕對係驚喜之作而最後 最後一件 師傅稱為 「山壽司」如其名一樣 用多種材料 堆到山咁高牡丹蝦 大拖 松葉蟹肉 松葉蟹膏 魚子醬一層一層 由下至上 精心製作一口放入口中 閉上雙眼 感受唔同食材互相衝擊嘅感覺味道已經難以用筆墨形容 以呢件山壽司作結真係非常好 非常滿足最後 食埋個甜品-水信玄餅 再同師傅吹下水 傾下人生 傾下世事真係個諗起 都令人懷念嘅晚上就算呢刻 都會想搵機會再約朋友去食如果你都鐘意有良好而完整嘅廚師發版體驗我誠心推薦呢間 - 山…查看更多

西環這區總會發現很多隱世高質小店，前排經過這間日本餐廳，見到入面裝修好日系feel，就入去食下！他們可以散叫 or 廚師法辦，廚師發辦的話，若果不是坐bar枱，師傅就會在bar到整好後一次過送上，擺碟都好精緻，而且食材是超新鮮！😋😋😋當晚點了個$1288的（另有$888和$1688），大🈵️足！🥢前菜2點吃過好fresh的明太子沙律後，前菜是汁煮鮑魚+ 螺肉，鮑魚是鮮甜厚切的，螺肉香得來用了薑味 去襯托出鮮甜味，而且已處理好，一拉就食得，好方便！🥢刺身3切刺身3切包了深海池魚、赤魚、海膽：🌟池魚混了薑蔥，更能帶出鮮甜味，肥瘦均勻，而且是厚切的！吞拿魚肉嫩甜香🌟海膽是必吃的，味道超鮮甜，小小一口都食到滿口鮮甜味。🥢蒸蛋蒸蛋也非常用心，有蟹肉，蛋超滑超香，越底下的越滑。🥢壽司9貫以為之前的菜式很出色，原來好戲在後頭，這壽司同樣高質，包了金目鯛、左口魚、岩蠔、生菜包油甘魚、toro、帶子、北海道海膽壽司和其他魚壽司。鯛魚壽司好鮮甜，件件都是厚切加了少少調味，聞落去好香。個人亦好喜歡以下幾款：🍣日本蠔壽司好鮮甜且creamy，真的很少機會食到咁creamy鮮甜嘅日本蠔！😋🍣帶子非常特別，因為是超！大！粒！的！輕微火炙過更有口感，還加了檸檬帶出鮮甜味～原來叫「十年帶子」🍣toro入口即溶，厚度適中，有點像在打板吃到的高質toro☺️另外這款蝦壽司亦相當吸引，全是我最喜歡的款式，真係無得輸～鮮甜彈口蝦+蟹肉+吞拿魚蓉+海膽+蟹膏+黑松露，奢侈得來非常滿足！PS 來這裡必點海膽！因為真的非常鮮甜！🥢和食3款想不到和食同樣有驚喜！羊架燒得半熟好香，咬落去軟嫩，表面好脆香，令人回味😋另外，燒雪場蟹非常出色，罕見地非常新鮮和鮮甜 醬料，配上柚子香，好滋味☺️🌟另外點了個汁燒銀鱈魚，以$128這個價錢來說真的好出色！銀鱈魚少少入口即溶，燒得香之餘肉質軟嫩，是用心之作最後食個甜品，仲有我最鍾意嘅嵌餅，真係大滿足😋😋😋…查看更多

位於HKU站B1出口附近舖外表平凡 入面亦唔大 大概坐到20人左右主要做廚師發板 有個師傅起到整壽司 刺身佢有lunch menu 大部份剌身 不過如果大家唔食生嘅都有熟食便當揀選擇都唔少 揀到有選擇困難全部套餐都有沙律 麵豉湯 甜品送我啲朋友大部份叫 《松》餐 好豐富 仲有牛肉湯烏冬添 超抵食我叫咗個 角切魚生飯 算最平嘅一個1️⃣沙律🥗係日式沙律 有粟米 紅腰豆 沙律菜 落咗沙律醋汁 正常味道 開吓胃2️⃣麵豉湯聞落超香 不過飲落鹹咗少少🤏🏻但係一路食魚生 一路飲又幾好味😋3️⃣角切魚生飯 ($78)因為即叫即整 同埋好講求賣相 所以都等得比較耐 (15-20分鐘)的確同一般魚生飯有明顯分別份量大 但係最誇張係魚生份量 粒粒都勁厚 然後多過飯好多因為佢雜錦 所以咩都有: 三文魚 吞拿魚 油甘魚 北寄貝 池魚 等🐟多種到食咗咩都唔知刺身肥美😋好新鮮 仲要每舊都好淋 完全冇根 又唔韌 最多係三文魚 之後吞拿魚 全部都唔腥唔落豉油先食到啲魚油香味之後仲有好多大大粒三文魚籽 每粒一咬就爆油 口感好好而飯 口感都唔錯 雖然未到珍珠米咁好食 同埋食唔到壽司飯嘅味不過因為飯只係配襯 主角係魚生加上佢落咗飯素 所以有啲鹹鹹地嘅味整體成個魚生飯好正👍🏻非一般刺身飯4️⃣甜品每日甜品都唔同今次係和菓子 味道似中式水晶包外皮透明 似啫喱入面有紅豆蓉 仲凍凍地咁都唔太甜🍡食完好滿足又好飽-第一次食 都係抱住試吓既心態 估唔到好有驚喜😍果然高質環境都坐得舒服 有日式裝修服務態度幾好 不過係上菜慢咗少少CP值很高 一開始見佢啲set貴 有啲成$300 點知今日食 加埋加一 都係$85 仲要咁足料咁大份又咁豐富 有甜品真係超抵食👍🏻HKU學生或者黎開依頭值得試吓…查看更多

今日朝早係西環買完嘢，搵咗呢間日本嘢，望落環境唔錯，細細地都有啲omakase嘅感覺，決定幫襯下。要咗個午市壽司套餐，揀咗「山極」。跟餐件壽司仲有金箔鋪面，幾靚。另外不得不提嘅係個套餐嘅十年帶子，好大嚿，而且都係好鮮甜，必食推薦。海膽魚生太卷都幾特別，食落feel到幾足料。之後再嚟個牛肉烏冬，食到個肚皮好滿足呀！甜品有和菓子，甜得嚟唔太膩，煙煙韌韌，唔錯。另外都叫咗啲小食，有黑松露枝豆、牛肉薯餅、軟骨餃子、鹽燒鯖魚、串燒有雞腎、牛肉、雞肉棒、白鱔另外再加拖羅同海膽嘅刺身，有啲貪心。呢度啲拖羅都幾唔錯，好肥美。飲品分別叫咗蘋果汁同白桃梳打，個人鍾意有汽同甜度高啲嘅白桃梳打。…查看更多

西灣有驚喜嘅日式餐廳～～ 除咗有廚師發辦外，亦有多款單點刺身壽司，及燒物等。餐廳座位唔算多，算寬敞舒適。和風裝飾亦令人好relax。我哋揀咗吧枱位，都好自然會選Omakase 餐🤣廚師發辦 $888前菜2點：核桃小女子及 蒜頭漬 平時唔食蒜頭嘅我都食到，皆因蒜頭味唔重，而且好爽脆明太子沙律🥗刺身2切：池魚他他。 中拖羅池魚做成他他再混入醬汁及薑，令魚嘅鮮味更出。 中拖羅粉嫩肥美，魚油滿溢。 伴碟仲有晶凝通透，爽口嘅沖繩🇯🇵海葡萄🌪煙薰魴鮄廚師將魚片，然後火炙再煙燻，非常用心。火炙魴鮄肉質紮實，食落有淡淡煙燻香，魚肉更清甜。🌌深海池魚色澤粉嫩，肉質鮮味肥美，魚油甘香細膩🐠黑松露左口魚火炙左口魚令魚油滲出，濃郁甘香，加上黑松露，層次更豐富🌫煙燻鰹魚鰹魚肉外熟內生，肉汁豐富又鮮甜🍣帶子帶子肉厚多汁，外面燒過，更爽口鮮甜🐟大拖羅比中拖羅更淺色，脂肪更多，好似雪花❄️咁，油脂豐腴，入口即溶🌟山壽司招牌壽司以火炙爽甜牡丹蝦做base ，加上大拖羅蓉，一絲絲嘅松葉蟹，甜美海膽，香濃蟹膏最上層再加魚子醬及金箔味道鮮香豐富有層次，必食😋🍲茶碗蒸超嫩滑蒸蛋，上面仲有雪筍絲絲蟹肉🥩燒安格斯牛牛柳粒燒得剛好，外脆內軟，肉質嫩滑🥣鯛魚奶湯奶湯香濃順滑，鮮甜美味🍈芝士蛋糕配哈蜜瓜…查看更多

西環高質素Omakase 好耐都冇食好野啦，今日就同朋友嚟食一間聽講係好正既Omakase，終於有食大餐既機會！咁呢度舖頭唔算大但好骨緻，店員服務都非常好，會每一道菜色介紹吓咁👍🏻我就點左中價1288既set，一開始就有明大子salad同埋汁煮鮑魚螺肉，跟住就有刺身三點，每樣都好新鮮，擺盤有金銀同食用花，非常精緻！食完刺身就有蟹肉茶碗蒸，蒸到岩岩好極之嫩滑，加埋蟹肉提鮮好正😋跟住就有壽司九件，雖然唔係遂件上，但每樣都有高級omakase 既質素，用料好高級，絕對對得住價錢🍣燒物有燒宮崎A5和牛、燒鵝肝配蜜瓜，完全食出師傅燒物既功力一流，燒到岩岩好將高級食材既香味完全迫晒出嚟，A5和牛啲油花鎖晒喺入面再爆晒出嚟，極高質🤤最後仲有真雕湯同埋蜜瓜同厥餅作結，食到非常滿足😍…查看更多

今晚食咗好多好多美食，就係Omakesa 呀～😍 環境不得了，好fancy，坐吧台有風味因為可以欣賞下師傅嘅刀功嘛。廚師發板都有三個set，壽司佔咗好多，所以唔洗驚唔夠飽。係一定會食到好飽前菜有酸有鹹有甜，非常有心思。沙律係好開胃嘅明太子沙律爽口嘅清煮鮑魚呢碟係合桃同小女子（魚仔）睇住師傅從盤好新鮮嘅魚生度拎岀嚟切，睇到啲魚生咁有光澤都已經流晒口水喇。池魚、赤身、中拖羅、帶子、海鯛全部都好高質。海鯛配上海膽，更加難忘。首先要介紹下呢個招牌嘅山壽司。一睇就知道好豐富好有質感。有魚子、蟹膏、大拖羅、蝦同金箔，簡直是感官享受！油甘魚好厚身大件，用新鮮日本生菜包著，生菜嫩滑到連一啲渣都無。兩者口感同味道都係咁夾。其他的也樣高質，好像金目鯛、鰹魚壽司、左口魚，上面放上魚子醬，連入口也是暖暖的！帶子好特別，因為除咗厚身彈牙外，個鮮味仲帶柚子嘅幽香，係岀面都好小食到。連大拖羅都有，加上金箔，不但美觀，入口仲有即溶感，確是高質。瑤柱蟹肉蒸蛋好滑漏同香，未食過咁鮮甜嘅蒸蛋。北海道長蟹腳、青蘋果厚燒鵝肝，塊鵝肝真係好厚身，外脆內嫩，配上青蘋果仲可以解膩。羊架無穌味. 到宮崎a5和牛，勁軟腍，牛味濃郁。也不少得一碗靚湯～呢個係鯛魚豆腐湯。足足煮了七小時絕無味精，每一啖也是鮮魚嘅精華。最後甜品同水味係日本蜜瓜同綠茶蕨餅。連個蜜瓜都係日本直送，難怪咁香甜，色彩光澤。…查看更多

今晚嚟到一間位於西環嘅高級日式餐廳食廚師發辦。一入去已經見到師傅準備好晒食材，一睇就知道非常新鮮，令我好期待餐飯！我就咗佢哋$1688嗰個omakesa。前菜有明太子沙律，酸酸甜甜好開胃。清煮鮑魚已經切片，啖啖也是bite size，除咗食得方便，仲夠爽口彈牙。合桃小女子，甜甜嘅魚仔同合桃。刺身賣相一流，用埋乾冰令視覺好吸引。質素仲非常高，新鮮、厚身，有入口即溶感。池魚、赤身、中拖羅、帶子、海鯛配海膽，絕無失望。真鯛魚同油甘魚油甘魚好厚身大件，用新鮮日本生菜包著，生菜嫩滑到連一啲渣都無。兩者口感同味道都係咁夾。金目鯛鰹魚壽司活北寄貝左口魚，上面放上魚子醬的帶子帶著柚子的清香味等等大拖羅好肥美，上面仲放上金箔，入口即溶。招牌山壽司，份量十足！有魚子、蟹膏、大拖羅、蝦同金箔呢個日式蒸蛋同平時係日本餐食開嘅一啲都唔同。呢個瑤柱蟹肉蒸蛋真係好有驚喜，好香好嫩滑，裡入有蝦乾同大大粒嘅帶子，口感一流帶鮮味。北海道長蟹腳，啖啖肉，勁鮮甜彈牙。青蘋果汁厚燒鵝肝，塊鵝肝真係好厚身，外脆內嫩。宮崎a5和牛，牛脂味十足，仲一啲韌感都無而呢係鯛魚豆腐湯係煲咗7小時，當然仲要係無味精。真係好鮮甜，一啲魚腥味都無。日本蜜瓜配上綠茶蕨餅，個蜜瓜真係香甜無比，原來係日本直送！…查看更多