山頂燒鵝

营业中

休息中

今日喺太子飲茶，飲完茶，諗住買啲嘢返屋企，今晚唔煮飯食，經過一間叫山頂燒鵝，賣兩三餸飯及燒味等，典型的兩餸飯舖頭。門口寫住兩餸飯$32起，但全部餸冇標價錢，冇寫邊樣餸要加錢，我求其叫左個兩餸飯，俾錢時先話要加$2，唔似其他舖頭，會寫明邊樣加幾錢的，而且通常兩餸飯舖頭，係明碼實價的，好少話要加錢。埋單先講幾多錢，去飲茶咩？！普通餸都要加$2，埋單先講，好搵笨！職員態度都唔好，冇禮貌我唔會再幫襯！強烈建議大家都唔好幫襯！中伏！中伏！

已經食過呢間兩餸飯好多次，選擇都叫做多，份量亦都多，雖然話兩餸飯$32 ，但某一啲餸特別貴，佢自己又唔喺啲餸上面標價，一條魚貴話幾十蚊，某啲肉又貴$5蚊，搞到未去到俾錢都唔知幾多錢。叉燒炒蛋係咁多個餸入邊水準最穩定最好食，蛋都香滑，叉燒正常，份量亦都夠。菜心好多時未熟咁款，上次試過有一次有發泡膠粒真係好驚食咗啲膠同埋受污染嘅菜會有毒生cancer。西檸雞好乾好硬，難食。今日又去買兩餸飯，我未試過買薯仔炒牛仔骨，所以唔知幾錢，就冇拎定錢，結果俾個阿姐鬧我又唔拎定錢，佢第一次講我唔出聲，點知佢收錢嗰下仲要講第二次，我鬧返佢，佢又唔敢出聲講食物質素只係一般，價錢並唔係特別平 佢附近有一間兩餸飯都只係$28 呢度性價比偏低 不建議來此貼錢買難受。

😡😡😡😡**強烈不推薦這間兩餸飯 同價錢有更好的選擇原因如下：1. 不主動提供餐具 用餐時才發現無餐具😡😡2. 衛生程度欠佳 食到一半發現有鐵絲🤮🤮3. 份量不多 相對吸引的餸要加錢😡😡4. 餸是凍的😡😡經歷如下：諗住試下呢間兩餸飯 點知一試就好差🌚首先d餸凍既 仲有d餸係要加錢 餸既份量唔算多 味道還可以 仲有返到公司先發現佢冇比餐具衛生程度亦欠佳 食食下有鐵絲既........不建議這間兩餸飯 旺角有更多選擇以後不會再幫襯 完全沒心做的兩餸飯

今天去旺角和太子中間的山頂燒鵝吃兩餸飯。餸的選擇都算多樣化。我最後叫左豬扒同辣子雞。兩餸飯份量都幾大，味道正常。不過叫左全部炸野就有小小乾。價錢就算便宜。 應該可以再去食。