影片
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
有关奖赏计划
请唔到假去台湾，咁就去山见台式火锅食返餐😅治疗下挂住台湾嘅滋味。 餐厅布置得好有特色，宜家主题系‘’澎湖‘’ 拣咗极品套餐$328放题式任饮任食，有92款可以食100分钟。 拣个古早药膳牛骨汤底，净系睇到个色就感受到满满嘅骨胶原，阵阵药膳香味，令人胃口大增，试试汤底好浓香呢，渌完啲食物已经够味，真系可以吾使醮酱料😅各式各样饮品都有👍 仲有好多台湾街头小食😋😋😋 我仲叫埋柯仔煎鬼马油炸鬼炸鱼皮又有黑松露温泉蛋 啲牛肉好新鲜， 我最钟意就系牛舌芯同埋牛爽胸，都唔知叫咗几多转😜 又有好多不同嘅饺子，好满足👍特别要介绍黄金虾丸里面系咸蛋黄，超正同埋黑松露墨鱼滑，都系我嘅喜好。 砂爆鱼肚索晒啲浓浓嘅汤底，都超好味😍 无骨黑鱼片，啖啖肉，既嫩且滑🤩 最后嚟返个甜品😍系台式甜品👍 我叫咗椰果，爱玉，芋圆，朋友系要先草花生芋圆，超正🤩 呢个价钱有咁多款式，真系好抵食👍👍👍
继续阅读
系我近期食过最有台湾风味嘅一间任食火锅店。餐厅有5个level嘅任食餐点拣，level4以上已经可以食到和牛，时限会加长到120分钟。餐厅环境大得黎坐得又舒服，另外如果想的话，仲有一人一火锅嘅位置，都几体贴自助区有惊喜，除左有唔同嘅火锅配料同雪糕饮品之外，仲有好多台式卤水热食同炸物，好有台湾夜市街头嘅feel。另外酱料区都特别，有柑桔酱,腐乳酱，都真系未见过汤底叫左古早药膳牛骨汤底+青花椒麻辣汤，两款汤都好香，由其是麻辣汤嘅辣度同香系会愈食愈想食因为叫左lv4，可以任食海鲜同埋澳洲和牛肩胛肉眼，肉眼片雪花几靓，肥瘦算系几适肉味又香，食多左唔觉得腻。海鲜有虾有蚬肉都无沙，仲要有新鲜鲍鱼都几正另外仲有台式甜品可以叫黎食，叫左个芋圆红豆仙草。细细碗过到口瘾几好，芋圆都几烟韧，同埋唔太甜几好食埋完单仲要有硬币比我地系餐厅门口位置玩夹公仔机，夹到的话会有唔同嘅奖，我就好好彩地夹到支靓靓嘅原子笔
继续阅读
之前去旺角见到有一间未入去先被佢嘅台湾火车头🚂山见号及十分的车站牌、邮筒装饰吸引住。原来是一间主打台式放题嘅火锅店，今晚就约左旧同事来试下。餐厅装修以米白色及木材作室内设计，墙上很多黑色熊仔布置，温暖得来带点家的感觉。座位更设有卡座，增加私隐度。未打边炉前，可以出面简台湾夜市小食及熟食，如藤烧烤鱼、咖喱角、鱼条、牛肉羹、卤味、台湾香肠、盐酥鸡。仲有自助吧台，可取各款火锅料如菇、丸、雪糕、多款有机蔬菜选择，如水耕翡翠石斛苗、人参叶、白凤草、小松草。最后甜品及多款饮品任拎。只需加$28，更可无限畅饮山见手工啤。最近火锅店更推出了当季主题「澎湖游」的小食及特产火锅料。如金沙虾球、黄金酥虾。火锅配料有竹笙虾包、澎湖虾滑。甜品有黑糖豆腐花。期间限定古草药膳牛骨汤汤底。金沙虾球 / 黄金酥虾外壳炸到金黄松脆，虾非常新鲜，超有好味炸九层塔花枝丸外皮酥脆，食落卜卜声，花枝丸超弹牙，满口鲜味。九层塔🌿增添花枝丸的鲜味，超怀念去台湾夜市时的时光。澎湖虾滑滚完后，非常重虾味，虾滑好弹牙爽口。竹笙虾包非常有趣的火锅料，似日底福袋嘅口感，但载住虾滑在豆皮内。澳洲和牛肩胛肉眼脂肪比例平均、不会过肥、有肉味。澳洲羊肩胛食落唔会好苏。薄薄地不会食到好饱。薄切牛舌芯薄切牛舌芯半锅料真系无得顶！牛舌片到透光咁薄，落锅涮3秒就熟，入口脆嫩弹牙，仲带住啲炭烧香。月见封门柳第一次见火锅店有得叫月见封门柳，真系好开心。厚切封门柳超粉嫩，淋埋月见蛋黄汁简直系灵魂所在。 蛋黄捞匀埋牛肉，浓郁蛋香包住牛脂香落火锅，邪恶到极点！元贝非常新鲜、没有沙。食完火锅，当然要点埋该火锅店独有的台式甜品。有多款芋圆冰粉糖水食，非常贴心。
继续阅读
Hotpot & ingredients 火锅、配料 🥘火锅配料嘅选择真系好多，肉类方面包括有高质素嘅澳洲和牛肩胛肉眼🇦🇺🥩、相对健康嘅美国谷饲黑毛猪🍖、爽口嘅薄切牛舌心👅、肥瘦均匀嘅牛肩胛肉、矜贵嘅爽滑牛骨髓、味道唔会好苏嘅澳洲羊肩胛肉🐑，另外有爽口鱿鱼🐙、嫩滑嘅无骨黑鱼片🐟、滋补养颜花胶、新鲜原只鲍鱼🦪、浓郁嘅松露墨鱼滑、多款嘅菜类🥬、手打丸类、面线等，真系劲丰富Cooked food & dishes 熟食、煮食类 熟食由唔同嘅冷盘至热辣辣🔥嘅台湾特色汤品都有，好似系惹味又够辣嘅藤椒鱼皮🌶️🐠、台式正宗蚵仔煎🌯、酥脆又有牛油香嘅台湾拔丝葱抓饼🫓、古早麻辣鸭血、香脆可口嘅黄金炸鱼皮，另外有好鲜甜嘅海鲜蚝仔粥🦐🍚、肥瘦均匀嘅肉燥饭等主食，确实几正😋Beverages & desserts 🍨 饮品、甜品甜品除咗有一口唔会太甜嘅homemade 甜品、大概八至九款雪糕雪条🍧之外，仲有好受欢迎嘅即叫即整台式甜品，例如系九份仙草花生芋圆🍡、份量啱啱好嘅十分爱玉椰果芋圆🤤、滑捋捋嘅综合豆腐花，而饮品高有各式各样茶类🍵、酒类🍹、果汁汽水、咖啡，啱晒唔同朋友口味！
继续阅读
[ 山见台式火锅 ]呢间台式火锅店最近做紧「台湾环岛游 (澎湖站)」主题，由小食、火锅汤底、配料、饮品到甜品都有好多台湾特色食物。✿ 晚市Lv4 特选澳洲和牛海鲜吃到饱套餐 (120分钟) 成人$388、小童$298小食🍢主题小食有 金沙虾球、 炸九层塔花枝丸、黄金酥虾、澎湖海鲜粥。其他台式小食有盐酥鸡、蚵仔煎、麻辣鸭血、士林台湾肠、台式卤肉饭等，好似去咗台湾夜市咁😄。火锅汤底🍲期间限定「古早药膳牛骨汤🐮🥘」+$28以牛骨为基底，加入党参、杞子、红枣等中药材熬煮而成，汤头有清香药材与牛骨味。火锅配料🥩🦐肉类有 澳洲和牛肩胛肉眼、牛小排、澳洲羊肩肉、美国谷饲黑毛猪、花雕醉鸡等；海鲜有 原只鲍鱼、大海虾、白鳝片、沙白、花胶等，选择都几多。主题限定配料有 澎湖虾滑、竹笙虾包，几有台湾特色。甜品🍨有黑糖豆腐花、芋圆仙草等台式甜品。饮品🍹冷泡茶、包装饮品以外有期间限定 火掌梳打，味道酸酸甜甜，清爽解腻。总结🫦 今次台湾澎湖主题有好多台式食物，啱哂中意食台菜、夜市小食嘅食客👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿山见台式火锅地址：旺角弥敦道625 & 639号雅兰中心2楼201号舖电话：2311 8002✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
继续阅读