影片
次次早一个钟叫都系例迟。谂住出去拎之前打电话过去提佢我行紧嚟，起得。结果话单太多起唔倒，咁你一系净系收街客算啦！！你系唔可以预先接order嘅，就一早出声！我早一个钟叫定，临时话起唔倒，搞到我要喺lunch高锋期再叫再等。味道一般，想食日本米𠮶阵会去，但系无下次！唔会再帮衬！我下次去饭hub，佢哋都有日本米。至憎啲食店咁样，晒晒人啲时间.出餐已经慢，想话叫定先，又唔肯预备定。浪费时间！
继续阅读
店主人好好，重点系好抵食～Omakase一样的品质，价钱如同大排档😎 只要你问，佢会话俾你听有啲乜嘢新鲜同好食～有一句说话好认同：「你对人好，人哋对你好」，熟咗之后，介绍咗好多时令食材！！！所以而家好多时都由佢发办，从来都冇失望过！有啲市面唔多见到，但系佢呢度有👍🏻👍🏻👍🏻 Lunch 又抵食😊😊从来都系有多无少!😌😌食日本嘢，新鲜好重要‼️价钱抵食就更正啦‼️😏😏😏 新鲜先比客人，所以餐牌上嘅内容都会有因此改变💕💕虽然以前会担心佢比啲咩，但只要你话俾佢听你唔食啲乜嘢，就100% 可以放心NO PROBLEM🤣🤣🤣
继续阅读
疫情期间成日都外卖外卖，附近食来食去都果几间，谓有上网揾下附近有无其他新野食，发现左新大陆，去取外卖时咁岩见到呢间寿司店，因为附近好少买寿司既铺，见到当然记得及有机会就去帮衬下啦，如是者今日就行去外卖左佢个滑蛋牛乌东，重送野饮！唔算贵！饮左一啖汤觉得几好味，倒埋落去一齐食啦，昆布可以浸耐少少先食，唔系会唔够冧，乌东ok，够滑，但滑蛋同肥牛就少左d,可多番少少！总括唔错！下次可试下佢d寿司同刺身喇！
继续阅读
人生第一个系open rice写嘅食评，就赐比你，真系未试过可以揾到咁难食嘅鱼生饭，令我谂番起红豆军舰，讲真红豆军舰都好食过你。收52蚊无堂食，只做外卖，谂住正正常常，点知真系中晒伏。先讲鱼生，成个饭D鱼生就系得面个浸几旧咁；再讲D饭，一旧旧痴埋都唔知想点，预制嘅都应该好过你；最离谱系个wassabi，可以攻鼻到好似中左TG咁；结果成个饭我基本上剩系食到TG味，同带有少少腥嘅鱼生味，完。总结：我终于知道点解前后左右d铺头都排晒队系得呢间吉左系到。
继续阅读
之前去 hong Kong burger 买嘢食嘅时候，职员话呢间寿司小店，系佢朋友开嘅，有机会同兴趣，下次可以去试下呀！见今日天气咁好，所以，就带齐用具，特登去试下呢间小店，睇睇佢嘅出品，合唔合自己心水先！中午十二点零到，但可能好多人都 wfh，所以，未见有人帮衬。而我，除咗叫佢其中一款午餐之外，贪心啲再外加两种刺身，店员亦好乐意，帮我将食物放喺自备嘅盒度，更冇马虎了事，仲摆得好靓仔添呀！好快就揾到一个，唔多人嘅地方，开坛慢慢享受一下，宁静嘅午餐同阳光。呢间小店嘅价钱、份量、食物质素同服务，都令我好满意，相信我又可以多一个，近自己嘅好选择啦！😍👍🏻😋💖💪🏻🌻
继续阅读