山田本舖 (已結業)

山田本舖聽說時刻也要排長龍買件蛋糕，心想是不是那樣好味的。後來知道旺角也有分店，便抱著幸運去嘗試買件。旺角分店近先達旁，人流較少，沒有人龍，很輕易買了原味蛋糕，成為六十元。蛋糕很大個，用一個金盒裝的，金碧輝煌，很是大體。買來時蛋糕也是微溫的，很新鮮。蛋糕蛋香味十足，很綿密及鬆軟。即使翌日吃也很好吃，沒有變質。不過朋友就覺得蛋糕軟得出奇，吃時太軟，質感很奇怪。不過我就十分喜歡，差不多吃了整個。蛋糕甜度適中，不油膩。下次希望試下其他口味。

每次經過呢度都聞到好香蛋糕味，但見長長人龍都即刻打退堂鼓。見今日經過無咩人排隊，就買咗個原味食。於固定時間有吾同口味出爐，而每爐只有十件，不一會就掃光。價錢約$60-$75 不等。玻璃櫥窗及師傅帶上頭同手套可見衛生，安心食用。返到屋企打開嚟食，仲有蛋糕香味，質感非常綿密，好鬆軟，吾會淋。温馨提示:由於蛋糕沒有添加物，所以最好當日享用，若存於雪櫃內則也能保存三天。

一字記之曰：快！最近出街都是匆匆來匆匆去盡量目標為本...回家後第一件事就是洗手。雙手乾淨了就可以開餐。//去過台灣多次，卻從沒試過甚麼是古早味蛋糕，所以完全沒概念味道是怎樣。這樣也好，不用比較。純粹以自己口味喜好來記錄一下就好了//特意去到 山田本舖 買蛋糕。悶悶的人總是堅持先試原味。買一盒回家慢慢享受。盒子真的是金黃色，遠看亦有點像鞋盒 XD 一打開，蛋糕size很巨大直接用手撕下一小塊，手是清爽，完全沒有油。一吃，軟棉的口感，蛋味很濃，而且濕潤。怕甜的我也覺不太甜，多吃亦不膩，喜歡啊...下次想試試肉鬆口味。

古早味蛋糕好受歡迎🍞每逢出爐時間都大排人龍🔸肉鬆古早味蛋糕🔸$80店員好純熟將新鮮出爐既蛋糕切開 每底只會分切10件🍞 好好彩一早排定隊 買到肉鬆味😍甜度適中 吾會太甜👍 蛋味食落比起之前試過既其他舖頭淡左d 但都👌 質地好鬆軟 綿密 會令人不自覺咁食完一件又一件🤭

夜晚六點收工時間黎到排隊，排隊多於半個鐘～呢段時間分別有2底原味同1底朱古力味 出爐店舖係半透明一眼就可以睇哂入面，街外望入去廚房，大隻嬸嬸係到好辛苦地攪緊材料，好喇一底接一底嘅包開始出爐，切完一底，包埋裝就等下一底出爐，呢個時間負責任切包嘅嬸嬸係枱下拎出環保袋望兩望摺返埋，跟住拎出一疊單左睇右睇似乎搵緊野，重點係佢帶住對岩岩切包嘅手套呀！跟住下一底出爐佢就繼續用果對手套黎摸蛋糕，真係眼不見為乾淨呀大佬好彩我無嚴重潔癖。味道就一般，口感都OK~~~可試可唔試～

《原味•古早味蛋糕》💰價錢：$60/件·前排勁hit既古早味蛋糕越開越多間因為我好怕要排隊😅襯最近人氣少啲就買嚟試下要食出蛋糕嘅實力 就一定要揀原味唔知有冇人同我一樣 好鍾意食蛋味重嘅蛋糕😋但呢款原味既蛋糕 蛋味唔夠濃🤨但口感超綿密 超濕潤每啖入口都沙沙聲🤤好療癒☺️重點係佢唔甜🧐 完全係可以話係低糖配方唔知係咪咁所以一個人食曬成件都唔會好濟👍🏻但身為螞蟻人嘅我會希望甜返少少整體嚟講 口感無得彈💯 但會想蛋味濃返少少同埋甜多啲啲會更好

朋友住係太子附件, 每次經過都見大排長龐….本身超級唔中意排隊,但朋友之前買過芝士味既,話超好食,話今次想買隻原味試下, 於是就陪佢排下隊等下,排左2轉, 一等就等左成個鐘……呢款古早味蛋糕之前去台灣旅行都有食過, 真係齒夾留香, 果時已經好想買番香港食. 成個過程睇佢出爐,到切,再入盒, 都唔知吞左幾多口水.果種蛋香味真係無得頂,我一攞到手,就忍唔住打開趁熱食, 第一口覺得還好, 之後就停唔到口, 果種鬆軟柔滑, 入口即溶,味道唔太甜….朋友話芝士味更加好味,真係好想再買過…可惜每次出品既數量有限, 要等勁耐….希望下次撞岩時間再試賣其他味好食既嘢,真係需要等待 

山田本鋪今日同事好開心甘走過黎，醒左哩盒野比我話正野雖然之前系旺角太子街頭見到唔少人都拎住幾盒，我以為系新開嘅麵包甜點鋪頭唔知食咩嘅但系佢行到黎我聞到盒野傳出黎嘅味道好香而且摸上手個盒仲有微熱感成件事 一打開個盒，真系好香，之後切開佢好幾份同其它同事開心share啦第一口食落去，上層邊邊位系有些少脆脆嘅感覺，而且面層系帶有些少甜品再配埋下面鬆軟嘅蛋糕，平衡左個感覺因為下層冇咩甜味但反而蛋香味重下午茶一流

台灣式經典小吃之古早味原味蛋糕旅遊台灣老街，常見到一些賣多種口味的古早味海棉蛋糕，有芒果味啦，斑蘭味啦，少不免也有芝士味、巧克力味等等。今晚和賢內助在太子吃完晚飯後，機緣巧合下在內街看到頗長的人龍，原來就是等候山田本鋪快出爐的原味蛋糕，「今日咁開心」，就算肉眼上將會排第十二位，都照排排吧。（實情是事後才知每底蛋糕只會分賣十件）最後。。。排前面的只有9個顧客買這輪的原味，lucky！剛好成為最後一個能買的客人了！回到家發現原來有提示：「十小時內要放入雪櫃，食用期3天」三小時後依然咁高（接近盒頂吧，算比其他店高的了。）質感棉密少許濕潤，伴隨著是恰到好處的雞蛋味，不太甜，好吃，吃完再encore才捨得放入雪櫃呀。總括，水準是不俗的，希望能保持水準，賢內助已經說下次要再試其他味道了，哈哈。也很久沒寫食評，希望自己能保持啦！

早前有多間古早味蛋糕店開張，上網睇睇，原來呢款古早味蛋糕源自台灣，因蛋糕鬆軟的口感和濃濃蛋香而聞名，令我想起香港的紙包蛋糕，總是充滿著懷舊、簡單卻不平凡的味道。山田本舖的古早味蛋糕一共有六款口味，分別是原味、芝士、朱古力、抹茶、斑蘭及肉鬆，各有特色，而且每種口味的蛋糕出爐時間亦不一樣，每日分時段出爐，老闆都會預先派籌，大家可以按照時間表再到店舖購買自己喜歡的口味。因爲已錯過左原味，我地剛好就到流心朱古力蛋糕出爐時間，所以買到最後一件蛋糕😆古早味蛋糕全人手製作，即焗即切即賣，蛋糕甚少裂紋，每件份量十足。最中意蛋糕佈滿半溶化的朱古力碎，中間有一層溶溶地的朱古力流漿，成個蛋糕好靚。食落朱古力味香濃，唔會過甜過漏，蛋糕口感鬆軟濕潤，值得一試！下次會想試試另一最愛之選斑蘭口味~

於雜誌看到台灣古早味蛋糕的介紹，便想一嚐。這天，難得有機會到太子，又剛好還有10多分鐘便到該店的營業時間，行到便已見人龍。因事前未有做足功課，所以排着隊，便在想要買甚麼口味及數量，及後才在前面排着隊的顧客口中，得知有不同口味的出爐時間，以及一人只限買一件，若要再買，請再排隊，問題是買一件已要等上一小時，再排隊，未必買到想要的口味，但可能要另外再等上兩小時，因為人龍已不知不覺的不斷變長。而一底只有10件，所以店員會派飛仔，以確保一底全賣出，但若果想要買店面沒貼出爐時間的口味，真的不知要等到到何年何月何日何時。只能說，買到一件已算好彩，要買到想吃的口味，就要看彩數。我買了原味蛋糕來試，一件好大件，質感鬆軟但有彈性，味道只有雞蛋味，就是蛋糕一大件，最大特色是沒有防腐劑。好奇的話，試一次就夠，唔會再想排隊買。

成日經過見好多人排隊, 勾起好奇心想試下有咩咁掂, 標榜古早味道, 但我覺得蛋糕軟到應該留返畀清朝人食先啱, 仲要濕濕地, 濕軟蛋糕真係唔多吸引. 蛋味好重但奇怪係唔香, 中間有條勁咸濃味軟芝士, 軟芝士單食堅係正, 但同個有啲甜味嘅濕軟蛋糕放埋一齊產生強烈九唔搭八效果, 分開食仲啃得落, 一齊食特別難食......雖然幾大盒, 但其實只係海綿蛋糕加芝士條, $75一個有啲貴。既然係古早蛋糕可想而知無乜花巧野除左蛋味好重同比較濕, 同一般海棉蛋糕無乜分別, 但佢蛋味又唔香, 仲要濕濕地咁, 食一般海棉蛋糕好過.條芝士好濃味係正, 但夾埋蛋糕九唔搭八到我碟上面嗰啲都啃唔哂. 如果呢種係古早味道, 古人睇黎無啖好食, 哈哈.

呢種稱之為古早味蛋糕,係台灣都已經流行左好多年淡水個間十年八年前已經好多香港人食大約係年多年,慢慢吹起呢種蛋糕鋪既潮流過左一排就靜曬,最近半年又突然成街都係但因為每間都有唔同做法,味道都唔同,質感也大不同所以各有各賣,而且每日限量供應,令到排隊熱潮加長左,無咁快玩完呢間位於太子既山田本鋪凡係出爐時間一定排滿人有原味,流心芝士,朱古力等口味選擇,要視乎返當天既供應直到10月都仍然排滿人潮朋友食過朱古力比較濃味,原味同芝士就一般一爐只有十件,無預訂,要排隊出爐時間會寫左鋪面前,大約一小時有2-3底出爐現金交收質感算綿密,但偏貴,而且要排隊

好食到不得了重要嘅嘢要重複三次好食！好食！超好食！目標試哂佢所有味！！！佢d蛋糕非常的綿密坊間少見做到咁綿密嘅蛋糕連本來唔算好蛋糕麵包嘅我都食唔停口 攞唔停手甜度適中 蛋味重而香Total 有7隻味，已經食過 原味 芝士 同 抹茶紅豆芝士有驚喜雖然芝士唔多中間有一層芝士味唔算重，但食落口感味道都啱啱好！抹茶紅豆就一般 又係中間薄薄一層 如果多啲更好加上佢咁少 如果唔係食正中間 根本食唔到紅豆而抹茶味 食到有抹茶味但係唔濃問過店員佢話每款味每日都有 不過原味同芝士味相對會多啲 其他味就好睇師傅嘅plan所以想食其他味要睇下運氣 每日出爐時間唔一樣 出嘅味道都唔定 而且每爐只買10個 佢係切蛋糕嘅時候會出嚟派飛 我覺得如果可以早10分鐘派就更好 咁樣後邊排隊嘅人就知道自己有冇得賣

原本想去附近ge古早x ，但見好多人排，就過左黎都等左半個鐘先有，因為佢大部分半個鐘或以上先有一轉（或兩轉相隔5分鐘）一轉只得十件，咩味就睇運氣，每次每人只限買一件，買多件就再排。簡單講，每次最多招呼20人......買左個芝士味（$75）岩岩出爐ge野點都好食芝士有拉絲，但唔多，芝士味唔濃，蛋糕味都淡，得dd蛋味其實我覺得同tst執左ge占師x味，佢味道更淡...只可以講：試一次夠了.......