山田屋台和食料理

这间店之前来过好几次，出品虽不是日本正宗，但味道还不算差，事发在今晚8点左右，我和太太在千色店买完东西，外面下著微雨，心想就在附近吃饭算了，店内大约有十二、三张台，当其时店内只有三桌客人，都是两位的，两桌坐四人台，另一桌坐二人台，我和太太要求坐四人台，因为二人台放不了多少东西，我们也肚子饿，想多点些东西吃，但招侍的，也不知道是侍应还是老板娘，用很不友善的态度说那些大台，我们两个人只可以坐小台，我们也强忍，心想你不给我坐大一点台是你自己的损失，随便吃饱便离开，但整点餐与上菜的过程，那位女士语气和眼神也非常恶劣，我们发誓以后都不会再去…Read More

番完工 经过附近想同我细佬食好西 被餐厅门口menu吸引入去 一入到去见夜晚7点几都只有1枱客 心知不妙 不过都本住试一试嘅心态都入去坐底了。坐左一阵就落order 个位楼面嘅疑似老板娘 块面黑过获㶶 同serve另一枱客嘅面孔完全唔同。而且被我发现落错单 一句道歉都无。差到爆！我地叫左以下食品 逐一点评下：软壳蟹手卷：紫菜软嘅 软壳蟹冻嘅 又有油益味三文鱼 油甘鱼：雪味重 一啲都唔新鲜海胆军舰：好似染左色嘅橙色 同埋臭嘅 苦嘅蟹膏军舰：过咸同有怪味火炙带子：无烧过嘅 求其加啲烧汁就算海胆吞拿鱼蓉：海胆只有一粒米咁大 风大啲都吹走串烧鸡肾：无香味 无落调味唔会再食第2次。完。…Read More

服务质素差劣，服务员没品态度差，又难食，问少少野比个侍应问有无读过书，识吾识字，觉得我比吾起钱，就串串贡，非常不满意侍应的待客态度，出野慢，中比altitude. 拉面味精汤，浪费金钱，以后不会再去。…Read More

呢一间系我同我老婆都会隔一段时间去帮衬嘅间食肆，除咗因为佢喺我哋住嘅附近之外，最主要嘅原因系因为佢嘅食物质素十分好。今晚我又同我老婆再一次你帮衬，一进入内老板娘都已经认得我哋，好快咁带我哋坐低，我知道盐烧三文鱼头系需要比较长的时间去烧，所以马上同老板娘落咗order先，老板娘有趣的说，"哈哈 你真知道的三文鱼头系需要时间去烧，我马上跟你先去整"!一如以往，两口子只叫了几款寿司、串烧、小食及主菜：三文鱼头一向都系我嘅至爱，基本上我每一次都会叫，今次亦都冇令到我失望，火候刚刚好，外面卜卜脆，返开入面嘅肉，十分鲜嫩，十分新鲜，睇得出系用心去做， 唔似得出面有啲店舖咁，拎个鱼头佢炸。寿司只是普通叫，没有什么特别，但因为我哋两个都喜欢火焰嘅做法，所以其中两款系火焰海胆同火焰吞拿鱼，味道一般，冇乜惊喜， 不过嚟得日本料理点都要叫返啲寿司嚟食吓。牛脷唔系厚切，唔系好豪华𠮶一种，但烧出嚟𠮶样十分惹味，亦都因为唔系佢厚切，摆入口嘅时候带有一点脆(不过今次唔知点解觉得佢烧出嚟嘅比较咸……)，鸡翼方面，烧到外面金脆，冇过火嘅现象，食落好有高级日本居酒屋嘅感觉，我真心觉得佢嘅串烧、盐烧都系有心机做嘅！跟住嚟嘅系网烧牛肉，呢一款菜系我第一次叫，因为有鱼、有寿司，所以谂住揾个红肉做主菜。 肉本身有啲靭， 可能牛肉唔系咩嘅上价嘢，份量亦都比想像中少，不过个汁整出嚟又几好味。最后呢个系炸酿蟹盖，其实我老婆每次都会点一个忌廉薯饼，不过今次我提议不如转下新嘢，揾咗个差唔多类型嘅酿蟹盖试吓。 蟹盖炸到金黄，相当脆，入面新鲜加上蟹肉薯蓉同埋沙律酱配点出嚟，味道我觉得仲好食过忌廉薯饼！价钱方面我哋两个食咗差唔多400蚊，不过我觉得呢个食物质素同埋咁就脚，我以后都会再嚟试！…Read More

收工和我亲爱的大佬去完揼骨松一松后， 心血来潮想揾下有冇日本菜食返餐好嘅，途经哩间日本料理，之前未试过，但被门外餐牌同装修吸引左。然而这晚夜嘅不幸就开始了。。。。一入门后发现只得一台客人， 见老板娘同佢地鸡啄唔断就估九成系熟客。老板示意入座， 老板娘仍然鸡啄唔断。睇晒个餐牌之后我地点左以下嘅食品：期间发现落错单。被黑面被冷落。最后发现系赶收工。以下续一点评。。。。。。软壳蟹-炸左都唔热？明显唔系即炸or油唔滚，油益味好重。火炙带子-第一次食到茶左烧汁当火炙左嘅做法。油甘鱼-冰嘅，雪味。Fatty三文鱼-同上。海胆-苦嘅， 有一般海胆嘅腥味，颜色橙到有点夸张。海胆吞拿鱼蓉-海胆非常大方，有一粒豆豉咁大，鱼蓉一样雪味浓。蟹膏-唯一正常(定系我已经冇左味觉)一共十四件加两串串烧鸡肾-支竹签有明显烧痕，但鸡肾一啲香味都冇，厉害！整体评价系-----屎应该好食啲埋单两个人三百几。一啲都唔值…Read More