山戶屋

今次真系不吐不快！同朋友去咗间新开嘅餐厅试水温，点知由入座到埋单都系一肚气。首先讲服务态度，可以用「极品」形容——唔系赞，系贬！我同朋友午市去食，因为肚饿关系，我扒饭扒得快咗少少，15分钟清咗个饭，但杯嘢饮仲饮紧，朋友亦都仲慢慢食紧碟饭。点知老板竟然行过嚟，面口黑过镬底，直接开口：「食完就埋单啦，出面有人等位啊！」哇，听到真系火都嚟！我明白生意忙要翻枱，但人哋杯嘢饮都未饮完，朋友仲食紧饭，使唔使赶客赶到咁尽？感觉似被人用扫把赶出门，完全唔尊重食客！再讲食物质素，只能讲一句「平平无奇」，唔算难食，但绝对同价钱唔成正比。似茶记水准但收紧居酒屋价钱。朋友个饭仲要系暖唔系热，啲汁淋到啲饭糊咗一半。价钱偏贵都算，但俾咗钱还要受气，真系顶唔顺！总结：呢间餐厅，食物普通、服务零分，老板嘅赶客功力仲犀利过啲食物味道。除非你想体验「十分钟速食挑战」，否则真心唔推荐！…查看更多

【观塘高CP值火锅推荐｜山户屋】 位于观塘的山户屋自助火锅，绝对是区内CP值之选！每位只需$219，即可享受丰富的火锅体验，更设有「早割优惠」高达八折，相当划算。 餐厅主打高品质肉类，尤其牛肉选择令人惊喜——提供三款不同部位的牛肉及爽嫩牛舌，肉质新鲜且分量充足。除了肉类，其他食材选择亦非常多样：蔬菜新鲜、饮品选择丰富，还提供多款熟食，适合不同口味的需求。 环境方面，山户屋空间舒适整洁，用餐气氛轻松，服务态度亲切周到。地理位置便利，从APM商步行仅需5分钟即可到达。 无论是家庭聚会还是朋友饭局，山户屋都是性价比极高的选择，值得一试！观塘区自助火锅CP 值最高，肉质佳，有三款牛肉拣仲有牛舌，蔬菜食品饮品选择多，仲有熟食，环境舒适，好干净，服务佳 。APM 行过去5分钟 。值得帮衬 。$219一位，仲有早割八折，超值👍🏻…查看更多

服务态度差, 之前预约了一次, 但到场时候话日子未有提供优惠, 所以大家预约了之后到前要再电话confirm 后才作实, 因为店员态度实在太差, 话唔系去接电话所以什么都不知道, 食物一般, 汤底无味淡如水, 但环境可以, 价钱一般, 肉类选项小但肉类质素还可以.…查看更多

第一次去呢间餐厅食好有惊喜，值得更多人识！！星期日8:30后入席，有8折优惠，可以唔洗用openrice订位9折优惠，最后2位连加一都只系hkd398!! cp值高过牛大人或者其他连锁火锅店🤤🤤唔只价钱，食物质素都好有惊喜🥰锅底有好几款选择，每人一锅，每锅可以拣2种锅底，个人觉得寿喜烧推荐🤤另外，原本以为呢个价钱牛应该比一般食再普通啲，点知肉质油脂都好好，完全唔似200蚊嘅质素，仲可以任食🤤出面都有饮品、菜、丸等常见食材选择。食完每人会送一杯movenpick作结尾。最后，员工服务都抵赞，feel到餐厅有心做好。下次会再encore🤤…查看更多

今日去咗食午餐，点咗一个牛肉蔬菜美肌$78，本身系配白饭嘅，不过唔想太饱，+$5转乌龙面。美肌锅嘅份量细细个，但我觉得材料都丰富，有金菇，有豆卜，有牛肉，有豆腐同埋娃娃菜。蔬菜新鲜，豆卜给晒汤汁嘅味道，好好食。牛肉质素正常，唔系超肥美，但系都唔会嚡口。乌龙面较粗身，吸唔到汁，如果系手打或者赞岐乌冬更加好！汤底香浓，唔会好咸，我觉得都唔错。因为我唔食辣，所以就原味汤底，想食辣可以拣麻辣，或者两样都想试，可以叫鸳鸯也可以。餐厅环境都舒适，但空气争啲，当日其实天气都好冻，着咗好多衫。但系射灯太多，唔知系咪开唔够冷气，觉得好焗，空气唔流通。…查看更多