2
5
3
港铁太子站 B1 出口, 步行约4分钟 继续阅读
所有分店 (3)
电话号码
27660282
营业时间
今日营业
11:00 - 08:30
星期一至日
11:00 - 08:30
公众假期
11:00 - 08:30
公众假期前夕
11:00 - 08:30
付款方式
AlipayHK 支付宝 现金
其他资料
加一服务费
当面支付
食记 (12)
等级4 2021-01-23
214 浏览
再次被饺子所吸引 难怪自己系饺子控山东饺子店有3间分店 依间应该算新啲?外面装修睇落唔错 入面都多枱 有长枱同圆枱 摆设几有中国气息自己落单叫咗个韭黄虾仁饺配上海面套餐 ($42)另加鸡丝 (+$8)饮品要热柠水 (+$2)卖相几好 望落丰富份量大 啲饺子大大只 面都好多汤底系猪肉汤 清淡得黎又有味👍🏻胜在天然冇味精 亦唔油原先以为韭黄虾仁饺会冇猪肉 点知原来系猪肉再加一只虾仁🥟饺子相对冇咁好食 馅料份量正常 猪肉有猪肉味 不过唔知点解好似唔够juicy 乾咗啲 🦐虾仁亦唔新鲜 完全冇虾味 唔够爽反而有啲硬 韮黄直头冇味不过佢个饺子皮几好食嘅 厚度适中 唔易烂 个边几烟韧至於上海面一开始一旧咁 要自己整松佢🍜面质幼身 以为会系好淋嗰啲点知食落又几好食虽然唔可以话佢好烟韧 但系质感几特别 似拉面同米线混合体 比较黏身唔会一夹就断 好令人回味嘅口感最後讲吓鸡丝🐓鸡丝系手撕鸡 真系见到一条条食落超淋 而且几香鸡油味 应该用新鲜鸡整已经起晒皮同滑配面食就啱晒-整体味道几好 上海面好味 唔太识形容佢嘅口感 不过真系几得意唯一饺子唔算出色 起饺子专门店黎讲未到位餐厅环境比较细 位子少少逼 坐得冇咁舒服卫生有待改善 啲餐具就咁放起枱冇摭盖 任由客人摸/自取 万一上手咳就被污染了🤭而且人手唔够 成人冇人抹枱服务态度差少少 都系因为唔够人手 个姐姐语气唔好 又成日冇人认你 落个单都等咗阵先有人认...Cp值就唔错 依个价钱同份量黎讲几抵食 冇加一 继续阅读
(以上食记乃用户个人意见 , 并不代表OpenRice之观点。)
等级3 2021-05-16
20 浏览
店舖唔算大间,见食饭时间人客数量相比同一条街其他食肆少,唔使咁逼就试下。1.蕃薯苗鲜肉饺拼韭黄虾仁饺饺子可双拼,每样5只。蕃薯苗菜味算香浓,且食落多汁唔会好乾,抵赞。饺皮厚薄都唔错。虾仁有大大粒,但糊椒粉味略重。韭黄味也香浓,但就唔多均匀,部份饺韭黄好少。2.菜芯苗菜芯苗拣左上汤。茶芯苗好嫩,完全唔会有渣。上汤就少少咸。3.凉拌海蜇海蜇质感ok, 用蒜蓉拌蒜蓉味重,加上有青瓜丝。不过整体比较酸,蒜蓉味亦加添辣感,较重味。4.山东手撕鸡(细)鸡撕出一丝丝,唔会韧 ,质感满意。鸡肉亦带点鸡皮更滑更可口。可惜觉得比较咸。5.冰糖雪耳木瓜炖桃胶用料非常多。除左雪耳、木瓜、桃胶仲有百合等。桃胶唔会煲到溶晒,所以整体唔会太浆,几好。可惜的是味道几淡,冰糖味好少唔甜,香味亦唔多觉有,系靠木瓜少少嘅甜味撑起。 继续阅读
(以上食记乃用户个人意见 , 并不代表OpenRice之观点。)
等级2 2021-05-16
10 浏览
另一半星期五最锺意去蒲金鱼街,通常等佢行完我哋就会去食呢间山东饺子馆,我哋觉得d 野食几特别,第二度好少见到羊肉饺同埋茴香饺系我哋嘅至爱, 酸辣汤都比较野味,够酸够辣好开胃,我哋每次必食,另外冬瓜茶都好饮咖。啲饺子10只以上,可以拣双拼,又可以加$5转做煎饺,煎饺虽然好香口但系我觉得食食下好油罗😂如果俾我拣我都系会拣返水煮罗🤭今次第一次叫葱油饼,唔系想像中的味道,太粉啦同平时食开嘅唔同。整体间舖头嘅环境就有啲污糟同埋潮湿,餐具同台面的调味料唔够乾净,我地通常唔会掂🤣总之环境有待改善,厕所我就未去过不予置评,明白到小店生存有啲困难,好难做到好乾净,不过事在人为,店主如有机会见到我的评价,可以好好改善一下❤️ 美味嘅食物配合乾净嘅环境令客人食得舒服又开心🥳 继续阅读
(以上食记乃用户个人意见 , 并不代表OpenRice之观点。)
等级3 2021-04-18
17 浏览
叫咗双拼饺子,西洋菜饺拼韭菜饺饺子上枱时没有汤,亦都没有煎过,系一碟烚好饺子咁上枱。但系要赞佢嘅,西洋菜饺及韭菜饺都好味足料及都好大粒。另外再叫咗麻酱拌面,鸡丝拌面呢两个拌面可以一齐讲,因为差别只系在於有鸡丝同冇鸡丝,个麻酱系一啲都唔特别,又唔香,冇味,面底太冧但两个拌面都配有一碗汤麻辣土豆丝土豆丝无味,所谓嘅麻辣系好似只系放左一匙羹老乾妈,其实都好少可食麻辣食到都觉得唔好食酸甜皮蛋豆腐豆腐系冇切,成旧上,面上加左啲糖,然然皮蛋同酱系咸酸 继续阅读
(以上食记乃用户个人意见 , 并不代表OpenRice之观点。)
等级1 2021-04-05
31 浏览
琴日中午去食饺子,点左一份芹菜饺,麻辣土豆丝同一杯豆浆。先上麻辣土豆丝,因为超小麻辣,我叫阿姐可唔可以比多小小麻辣,佢叫我自己用台上面既辣椒酱。好喇,我照加,食左其实系唔一样,我心谂:如果系一样不如下次清上土豆丝,我自己加辣酱咪得罗。不过我都废事同佢嘈,无再出声。。到芹菜饺,上黎个刻有一半都碌到串晒烂晒。。咁好明显入面既肉汁无晒喇,仲要食到有件既肉系梅好肉烂肉咁,谂起都想呕。店舖比以前新左,但食物越来越差 继续阅读
(以上食记乃用户个人意见 , 并不代表OpenRice之观点。)