山下菓子 (T.O.P This is Our Place) (已改名) 查看

今日出左去旺角做野，順手叫朋友出尼食飯，等朋友個陣行T.O.P商場，行到3樓見到尼間餐廳見到晚市套餐包埋1件千層蛋糕好似吾錯，其他朋友尼到覺得ok道入左尼間餐廳，唔知係期間限定定係固定主題，入面好多大鼻與鋼牙既公仔同精品我揀左雞扒窩夫漢堡配薯條，不過製作左好耐，我朋友都差吾多食曬，我個餐先送出尼，但份量好大份，$108套餐再配1件千層蛋糕係抵食，但套餐無包飲品，亦無優惠價加飲品，要用正價$28-38買1杯飲品就吾太抵🤔

黑糖珍珠梳乎厘💰89原本以為個奶蓋層係可以流落黎，係我想得太多🥲勁多珍珠LOL！珍珠控可以放心沖🥰睇到立即密集恐懼症😂珍珠嗰質感係煙韌（比較廢牙），梳乎厘本體係好鬆軟！ 非常香嘅雞蛋味，入口絲滑~同個焦糖醬都好夾_咖哩吉利豬扒飯 💰58（午餐價）正常嘅水平，比較普普通通😂外皮嘅麵包糠炸得幾酥脆，唯一唔好的點就係肉跟外皮是分離🧐一整塊肉都分開曬🥲豬扒有D乾身，比較難嚼

服務態度極差，同一層有2間餐廳，一個排曬長龍（紅xxx），另一間超冷清（貴公司）， 唔使講都知原因，服務員光明正大玩手機，無視客人。店舖較少客人，服務員有5,6個，張枱已經唔算大 ，放滿曬已經食完嘅嘢食，要叫服務員，先識過嚟幫忙收餐碟，仲要黑口黑面，發曬脾氣咁。俾錢買難受

侍應落錯單，態度差同冇乜禮貌，唔係玩手機就係黑口黑面，聽到當聽唔到，員工好似完全唔了解自己店舖既食物咁，食到成肚氣。可想而知點解間店長期咁少客食物質素一般，意粉過硬，佢地餐牌圖片只供參考，特別係甜品， 貨不對版。店內偏窄，餐具唔乾淨

本來同女朋友出街行下 見到間野幾得意咁就入去食啦 餐牌同一般旺角既cafe 分別唔大 但係晚餐會跟甜品 幾有心思 美中不足之處就係飲品除左咖啡之外 飲品冇得跟餐叫 要散叫 🫠 講下野食 我叫左個卡邦尼意粉既set 卡邦尼意粉 80幾蚊黎講 夠大份 個汁夠味 食落都好juicy 整體係中上既水平 個蛋糕就比較平平無奇 唔係難食 但又唔係好食 純粹好似一舊cream咁 不過都值得一試！

呢日同朋友喺旺中附近行街諗住食個快Tea再去唱K記得旺角呢間之前係好好味Snoopy餐廳今日嚟到已經唔再係Snoopy冇咗特色我哋叫咗呢個咖哩蛋包飯本身已經勁鐘意食日式咖哩所以覺得好超千島海鮮pizza我覺得都好由其係個汁可惜食到最後有一隻蜆勁多沙但都滿意嘅呢個布丁燒🍮唔掂囉唔會再比機會一件窩夫🧇哇硬到朋友食咗一啖話唔食我覺得係過咗龍唔記得囉整體嚟講其實我係覺得好食嘅不過嗰兩件加$38嘅甜品就

下午茶時間點嚟到，見餐廳門口有tea set餐牌，見啲圖都幾靚，就諗住試下。我哋叫咗鮮雜果法式多士同原味梳乎厘。Tea set跟一杯野飲，我本來叫咗熱抹茶，點知嚟咗杯熱朱古力，我哋同店員講嚟錯咗想換翻，點知佢話我哋張單係落咗朱古力🤷🏻‍♀️仲話啱啱另一個店員放低張單嗰陣有叫我哋check下，而家杯野飲出咗無得換… 但我哋完全無聽到個店員放低張單嗰陣有叫我哋check下🤷🏻‍♀️我哋唯有硬食杯野飲，飲一啖已經覺得好鬼甜，點知食物仲失望。鮮雜果法式多士 $68- 望落幾靚，但一食就知龍與鳳- 多士係兩舊硬法包，個邊位浸咗啲蛋漿咁，同平時食開嘅法式多士好唔同原味梳乎厘 $68- 味道假假地，又無蛋味，又唔鬆軟，似用pancake粉整出嚟嗰種pancake- 糖漿另上可以自己淋，但係啲糖漿好結好難倒，倒到出嚟一舊野咁好在我哋係食下午茶，如果正價叫一份真係超唔抵🤮

假日黎到呢間打卡cafe～呢度入面既佈置同埋甜品菜單都以大口仔作為主題，好得意🥰鍾意大口仔既朋友一定要黎試下～食物主要係日式洋食，有蛋包飯、咖喱飯、意粉、日式丼飯等等，午市套餐都幾抵食。 1️⃣日式咖喱蛋包飯（$68） 蛋包飯造型幾靚，咖喱係日式甜咖喱，拌飯食唔錯～午餐仲有包飲品，可以揀咖啡、檸檬綠茶、可樂、橙汁。  2⃣️燒汁牛肉丼（$68） 洋蔥牛肉配燒汁，醬汁甜甜地，經典日式丼飯既味道😋  3⃣️日式蛋汁卡邦尼意粉（$78）卡邦尼既醬汁好多，配上煙肉粒同洋蔥粒，味道唔錯。  4⃣️日式咖喱吉列豬扒飯（$68）吉列豬扒炸得幾脆，唔會好厚粉，配上日式咖喱汁食👍  5⃣️千層蛋糕（午餐+$35）午餐有得加配甜品，個千層蛋糕幾好味🍰每層餅皮都唔會好厚，中間既cream幾好味，不過偏甜左啲。  6⃣️層層疊Tiramisu梳乎厘班戟（$108） 梳乎厘班戟即叫即製大約要45分鐘製作時間。所以最好坐低就即刻嗌左先😀班戟有兩層，每層都幾厚，蛋香味好足，不過就唔算鬆軟。面頭tiramisu醬好滑好creamy，不過其實唔係好食到tiramisu味，反而比較重奶味，班戟配個醬食幾正🤤

經過Top見到Lunch menu幾抵食 價錢由$5X-$7X不等 仲包一杯飲品😋今次簡左日式蛋汁卡邦尼意粉 ($58), 份量不算大 男仔食可能未必夠飽 但女仔就夠哂 仲可以同朋友share! 意粉每一條都好掛汁 啖啖蛋香味 好creamy!

📍 山下菓子 (T.O.P This is Our Place)大口仔主題店，太可愛了😚今日純粹想食疏乎厘pancake所以就求其喺旺角搵咗一間，平時以為呢間主題店會好多人，因為佢哋久唔久就會轉唔同嘅卡通主題😆反而今日就冷清清，店員都好好招呼安排咗我哋坐梳化位🥰原來如果想要買精品嘅話要每人人均消費$150先可以買😵‍💫不過我自己唔係特別太愛大口仔所以就淨係入去食咗個疏乎厘就走咗🤭疏乎厘配黑糖珍珠瀑布 $108我想話呢個疏乎厘賣相好吸引😍黑糖珍珠另上，不過到咗落去疏乎厘上面之後啲cream會溶之後起晒泡🤦🏻‍♀️，感覺上如果用奶蓋做底應該會好啲🥶珍珠好彈牙，黑糖味重👍🏻 疏乎厘嘅蛋香味濃厚，空氣感拿捏得好好👍🏻 旁邊仲有$1大口仔造型嘅曲奇餅🍪，到咗珍珠落去之後都係會變淋，所以建議大家食咗塊餅乾先不過我就覺得$108唔太值評分時間❣️ (最多五顆星，如不推薦會打交叉）食物質素⭐️環境⭐️⭐️⭐️服務質素⭐️⭐️⭐️價錢💸:埋單$119餐廳資料📋: 山下菓子 (T.O.P This is Our Place)🕌地址: 旺角彌敦道700號T.O.P This is Our Place 3樓315號舖

成日經過見到kingsley以為淨係賣雪糕，睇真啲見到都有主食同甜品，今次試左個士多啤梨味french toast，真係有士多啤梨粒，french toast好鬆化好香牛油味

如果你係主題卡通人物忠粉可以停喺門口買精品，但係千祈唔好入去食飯。除非你覺得吉之島熟食檔外賣變左堂食收你70幾蚊都唔嬲，甘你可以入去試下。落單時因想小飯，店員表示係盒裝即食飯，所以未能做到要求。因此沒有期望，亦唔會失望。總之門口買紀念品訂精品無問題，但食飯就自己諗

//警世，最差嘅服務態度，大家睇路//一間餐廳將可能人人都用過嘅餐具送畀客人，仲要叫你自己清潔污糟嘅禮品，我就永遠唔會黎第二次！.野食超難食，極唔好味。意粉勁硬，汁味完全入唔到意粉🤢🤢呢間餐廳之前啲食評真係呃得下人，叫三樣野食，完全係災難，整蠱級別去到極高。🤮.原本嚟呢間餐廳都係想打下卡，野食質素先放埋一邊，侍應先係破壞成餐飯嘅重點🤬.特登睇熟成個餐牌點換大口仔紀念品，仲要攞單前都問清楚，係侍應都話換到。到食完飯想埋單嘅時候，經理話有機會換唔到！🤯🤯.吹漲，食完先講換唔到，仲叫我地冷靜啲…成件事煩左分幾鐘佢再睇清楚張單先話換到。好啦！災難黎啦🙄.原本食滿預定價錢可以換到嘅大口仔杯，😱佢地好死畀個個個食客都用過嘅杯畀我地😱都由佢，食完雪榚成個杯都係cream，麻煩侍應洗一洗，個經理話平時啲客要自己洗😨😡😡.呢個四眼經理把口同態度係極差，你將其他食客用過嘅餐具送畀一個特登食滿預定價錢嘅客人，仲可以理直氣壯將個有食物殘渣嘅送畀客人！呢啲餐廳完全係唔會係顧客角度出發。.臨走埋單，仲要態度極差。

作為大口仔粉，一定要去朝聖下😌😌✨和牛漢堡蛋包飯賣相吸引不在話下，比我相像中好食😋，咖哩係日式甜甜地隻，隻蛋炒到好滑身，漢堡扒煎到表面焦香，好吃✨苿香芒芒芝士奶蓋味道同賣相一樣吸引，茉莉花茶上鋪滿一層芝士奶蓋，鹹鹹香香，再用朱古力粉印上大口仔圖案✨大口仔慕絲蛋糕連Movenpick 雪糕球底層有薄薄的海綿蛋糕，再有軟滑慕斯，最上層有大口仔圖案朱古力粉，配合埋雪糕，正！整體食物味道唔錯，不過份量份量偏小，服務態度有待改善

本身開開心心去大口仔cafe, 點知食到一肚氣。 食物質素係唔錯，雖然偏貴，但主題餐廳都預左。 一早order左個甜品後上，但竟然係食食下意粉嘅時候幫我上，我同佢講我叫左後上，佢話時間差唔多。佢限時75分鐘，而個陣我只係食左35分鐘。望住個雪糕愈黎愈溶，叫佢幫我放返入雪櫃先，順便投訴下，但個貌似經理嘅都只係講咁你慢慢食，完全無覺得有問題咁。 終於食完個意粉，叫佢上返個甜品。 多謝哂，個雪糕溶哂。 黎得主題餐廳都係想影下相，見到咁真係無心機影。 呢間餐廳嘅侍應絕對需要再培訓。