影片
同屋企人行街，去到屯门果边，小朋友话想䭍女面面，咁啱见到间新开嘅车仔面，见几干净，就入去食啦😊店员好友善，不停同小朋友玩，笑死我🤣 佢哋有车仔面食之外，重有饭类及小食可以选。车仔面都有好多𩠌选择，有啲𩠌系估佢唔到，例如鹅肝👍🏻👍🏻，又有特饮，真系唔错👍🏻萝白鱼蛋河小朋友食两𩠌面，萝白香甜，小朋友好钟意食，鱼蛋质素都高，无雪藏味，小朋友一啖一粒👍🏻腩肉、鹅肝、鱿鱼米线呢碗系三𩠌面，份量都大，一定够食。鱿鱼爽口，好味，腩肉好入味，而且唔韧，正。最惊喜系车仔面有鹅肝选择，估佢唔到🤣 鹅肝好大件，好似食紧鹅肝多士一样👍🏻牛筋腩肉燥饭佢哋唔止有车仔面食，重有饭类，我叫了牛筋腩肉燥饭，牛筋腩好淋甜，有牛肉味但又唔会太咸。肉燥香浓，每啖饭都加上肉燥，好味到停唔到口😍海蜇手撕鸡鸡肉香辣，配饭一流，加上海蜇，呢个小食真系一定要叫，配饭配面都好正👍🏻咸柠檬七喜天气咁热，紧系要饮返杯特饮解吓热，润吓喉咙。唔系间间餐厅有咸柠七，呢到竟然有👍🏻食咗咁多嘢，都系百几蚊，劲抵食，下次都要再去食过😊
继续阅读
近排系置乐返工，晚上食饭时成日遗忘呢间餐厅冇计，因为呢间餐厅独立一间自成一角...平时都去开垃圾佬到食，谂住平平底....点知今日突然先记起呢间野！😆🤣🤣去到坐底，我真系犯贱....明明人地间野主打车仔面....但我果刻又想食饭...手撕鸡肉就好少，不过都好食就系唔知点解又鸡尖，又有鸡架软骨..海蜇令我惊起，冻冻地又有酒味，配饭一流！其次就系只蛋，相信系一大煲跟肉燥煮...非常入味！ 初头仲以为碗饭太小唔够饱，仲谂住叫多个车仔面拎走！🤣食到8成开始饱，最后放弃叫车仔面！不过整体黎讲，53蚊晚市有呢个份量，呢个质素，仲要跟杯冻奶茶！我冇野可以挑剔，远胜置乐其他食市！🥰美中不足就系晚上9点关门，食唔食到都系睇缘份吧
继续阅读
又来返小编长大嘅屯门区揾食，呢晚就约左屋企人来探索下置乐，来个屯门街坊抵食车仔面第一击🤭呢间邻近置乐仁爱街市嘅屯门友车仔面有惊喜，除左有多达40款𩠌款嘅车仔面选择之外，更有各款川式小食及台式肉燥饭做主打。五款经典车仔面汤底外有埋更加少有嘅口水汁捞底选择，车仔面由一𩠌至四𩠌价钱$30-52，面量及𩠌料份量合理，CP值中高值得一访。🍜四𩠌车仔面 $52拣左鸡中翼、甜酸根、沙爹鱿鱼及墨鱼丸粗面，再加几蚊要多个生菜𩠌料上台色泽吸引🤤腩汁汤底微清甜，每款𩠌料整体出色，甜酸斎佢地都做得唔错，入味软滑特别开胃。🍝三𩠌口水汁捞米粉 $46+$2特别一赞口水汁惹味度出色，同米线原来系绝配。三𩠌配左台式牛肉、牛筋加韭菜饺，牛肉牛筋半筋半肉台式配搭出色，如果韭菜饺滚熟后外表更挺身唔黏住就更理想。🐤川式小食必试惹味口水鸡(小食/半只)$36/90可以话试完好味真系可以买半只加𩠌👍🏼微辣口水汁食落鸡肉近似海南鸡嘅滑溜感，推介!另外两款小食🐟Wasabi鱼皮 & 海蜇拍青瓜同样系$36 一客小食，味道特别，清新开胃，Wasabi鱼皮已有青瓜做底，两款咬口爽脆。足料街坊亲民小店，价钱合理，值得推介!
继续阅读
对于屯门街坊来说，一个亲切的名字：屯门友车仔面。呢度有早午晚餐，仲有下午茶，好多元化好钟意呢度嘅小食，所以今晚嚟到，先叫咗泡椒凤爪同埋Wasabi鱼皮，凤爪系佢哋嘅秘制辣汁而做，保持到咬口同埋有微微麻辣嘅感觉，相当醒神。Wasabi鱼皮更加系我嘅至爱，首先鱼皮系佢哋自己处理， 十分爽脆，加埋青瓜同埋Wasabi汁，创新得来个味道非常之夹，必点之选，仲有好多唔同嘅小食选择，都系美味又抵食我钟意呢度车仔面嘅配套，碗碗车仔面都系大大碗，望落就知抵食夹大件选择多元化，一𩠌至四𩠌都可以，又有菜底唔一定要食面，汤底选择多，当中亦都有唔少好特别嘅𩠌去选择，例如鸡肾，手撕鸡，鹅肝，鹅肠，台式牛肉，熏蹄等，呢啲睇落都唔系一般车仔面嘅价位可以选择嘅𩠌，但而家$52就有四个𩠌可以俾你选择，我就拣咗鹅肝鹅肠猪颈肉同埋牛腩，全部都系肉啊，性价比非常高！我仲特登拣咗麻辣汁，配呢几款𩠌真系相得益彰，而且每个𩠌嘅烹调绝对唔少功夫，朋友就拣咗生菜，白菜饺，萝卜同埋凤爪，虽然佢嘅选择清咗少少，但系新鲜挑选嘅萝卜，冇渣并且非常入味，索哂啲腩汁汤咬入口泌汤汁出嚟嘅感觉系冇得弹！食完咁大碗面，再嚟多个特饮爽一爽佢又如何？我饮咗一个咸柠檬七喜，呢个当然系绝配，但系店员推介我朋友饮多多梳打特饮原来仲正，微微甜甜酸酸又有气嘅感觉，系成个人都精神晒，系完全满足嘅一餐欣赏佢哋简简单单，用心制作，有自己嘅特色，正！
继续阅读
边个话食平民野一定系无质素，今日我地唔食西野，食下车仔面又可以拣几个𩠌，都开心啊！好，坐低睇下有咩好食先。四𩠌车仔面，猪肠、牛筋、白菜饺，食车仔面都有鹅肝拣，梗系要试下，食落唔会太粉，好食过猪润。汤底跟咖喱汁，好食，有以前街边笃鱼蛋嘅味道牛筋有咬劲，河粉索汤滑溜。猪红、手撕鸡、墨鱼丸、冬菇油面，啲𩠌满满咁舖平，见到都食欲大增，猪红做得靓，油面配麻辣汤超好食。Wasabi 鱼皮，值得推介，鱼皮爽爽弹弹，配埋wasabi原来个味咁趣致咁夹！原本叫左热鸳鸯，热华田，发现有特饮咸柠檬七喜，叫多杯饮下爽下个喉咙都唔好！
继续阅读