影片
晚饭前经过位于红桥附近商场的小店，位置不太显眼，但相信住在附近的人都知道这间小小章鱼烧。首先说一下它的装潢，外面挂著印住章鱼烧的红灯笼和贴满了poster，而店内只有两个员工，还有一班正在门口等待外带的食客。店舖总共有四款口味，分别是原味、葱、蟹子和明太子，而我点的是原味。而他们有两个份量可选，分别是4粒和8粒，既可满足少吃之人，又可满足大食的朋友！而我点的是8粒原味，大概等了十分钟左右，热腾腾的章鱼丸便出炉！章鱼丸上铺满烧汁和沙拉酱，还有一埋木鱼放在旁边。而章鱼丸的质感相对香港其他同类型的章鱼丸店比较软，有点像在大阪心斋桥吃的那种，令我不禁想起大阪的感觉！而味道方面亦都调配得很好，章鱼也蛮大一颗，非常合我口味，相信不久将来我会再来吃！😊
继续阅读
本身好少机会入屯门，今次有机会去屯门，见到附近有间好出名既章鱼烧，当然要去试下，但估唔到买一盒章鱼烧要等成45分钟，见佢咁受欢迎等一次半次都无妨。系周围行到脚断先过左一阵，虽然系即叫即烧，但一个小食类既食物要等咁长时间真系有啲扣分，唔等都等左一段时间，点都顶埋去。终于都等到，可以食得，外型都几吸引，仲有好多木鱼丝。一试之后，发觉无想像中咁好食，中间只系得一粒章鱼无其他野，虽然章鱼烧个心软绵绵，但外皮唔够脆，而且沙律酱同烧汁可以再多少少，因为觉得唔系几够味。只可以讲同日本食到既章鱼烧好似，但唔系我食过最好食既章鱼烧。
继续阅读
今日同朋友去咗屯门行山，我返嚟嘅时候就想试吓屯门好味嘅小食，于是就去咗红桥附近揾好嘢食～呢间章鱼烧主打大阪章鱼烧，即系冇脆皮、唔似平时食开筑地章鱼烧咁，但系喺网上面都非常出名，好似话成日都有人排队咁难得嚟到一定要过嚟试吓啦！我同朋友叫咗个明太子章鱼烧，要等大概10分钟系等嘅时候，见到佢一粒粒咁整，真系好吸引啊！系等嘅时候，都一直不断有人嚟买，证明网上嘅传言系真㗎！等左10分钟之后，佢就送到黎我手上啦～虽然我影咗好耐相，但系𠮶四粒章鱼烧都系胀卜卜，唔会好似大阪𠮶啲塌晒落去！车落去虽然冇脆皮，但系系好滑嘅粉团，而且章鱼俾得好足料㗎！真系好好味！虽然啲人话如果钟意食脆皮嘅章鱼烧，就唔会想食呢种大阪章鱼烧，但系我都会极力推荐大家去试一试，因为真系好好味架！
继续阅读
一向钟意食章鱼烧，章鱼烧食过最好食既系日本大板街头，不过见到呢间好似有玩D花款，仲要几多人排队，一于8妹上身，照排队。MENU主要系4款，有原味、爆多蟹子、明太子同超多葱。其实都系系章鱼烧上面加唔同topping~ 价钱就＄28-32／4粒左右，大约等咗15分钟就有得食今次叫咗蟹子章鱼烧，真系超多蟹子仲要热辣辣，入面软绵绵，粒八爪鱼都算几大粒。不过由于太多蟹子，成口蟹子反而享受唔到章鱼烧既味道呢间店的章鱼烧比平时都大粒D，所以4粒份量都可以接受
继续阅读
景峰嘅呢间章鱼烧已经想试左好耐可惜摸左好几次门钉，呢次食完晚饭经过见到开左即刻唔理食到几饱都决定要食LOL虽然已经系饭后时间但系都有人喺度排队买同等，但好彩唔系好多人算快落到单，由于系即整所以店家喺落单比钱𠮶时都有讲明要等十五至二十分钟超正明太子大阪章鱼烧激多明太子同木鱼卖相吸引；热辣辣嘅章鱼烧外脆内软而且食落唔会觉得好粉；馅料好足食落啖啖章鱼粒好正其实有好几只味都想试可惜食饱左饭，下次有机会都会想再试埋其他
继续阅读