居食屋「和民」 (已結業)

雞扒似薄雞柳, 唔香, 沙律主菜麵豉湯餐飲一次過上, 搞到石頭飯過燶.

尋晚同女朋友煩惱緊食乜好...本身諗住食泰國野,點知見到個價錢即刻退後幾步咁我地就決定去食味精拉麵途中,見到和民居食屋...見未食過,又睇到餐牌既相片好吸引就走左入去....由於係出面我地已經諗好食乜野所以我地入到去可以即刻落單但唔知點解,佢要向我下跪,我即刻r頭咁我地就叫左個炸軟殼蟹,和風海鮮炒飯,辣辣泡菜炒飯同埋一口唔知咩牛肉...首先黎到既係炸蟹,um...應該仲係青春期發育中,細到...兩個飯都係ok細,個一口唔知咩牛肉,半口就ko,冇牛肉味,以為係最難食,因為之前果3樣既味道都唔錯...食完之後,發覺唔夠飽,就叫多個星饅飯團,果然好戲在後頭一擺入口,一陣腥味隨之湧出....嘔!埋單之後,有張問卷仔,大家食完之後記謹老實作答!

和三位同事食lunch, 叫左:1. sushimi set - 有salmon, scallop, octopus, 甜蝦,..., 都算fresh gei.2. 芝士焗海鮮飯- 好cheese, share不會太溜.3. 炸雞軟骨- 唔夠乾身, 有D油.4. 石頭雞飯- ok lar, 熱乎乎唔會難食得去邊.5. 吞拿魚腩碎飯- not special and 鮮味.6. 三文魚pizza - 薄脆, 三文魚竟然幾嫩wor.7. 紅豆&芝麻雪糕- 滿足食甜品既慾望, hehe.同事P請, 謝謝!

下晏APM想食tea但唸唔到食乜,所以最尾決定去番和民食~我自己本身就係和民hardcore fans,但印象中食下午茶都好似係第一次~我同男朋友叫個炸豬扒鍋、韓式泡菜飯同炸雞軟骨~炸豬扒鍋就依舊既好食,tea set送埋飯撈汁食,好味!不過個韓式泡菜飯就冇乜味而旦唔夠熱!個炸雞軟骨就更加唔駛講,呢個係我去和民一定一定會食既野~雖然味道同初登陸時仲keep得咁上下,但個份量就好似越黎越細喇!仲有跟set既UCC凍咖啡好好味!不過呢間既order係勁慢,待應又麻麻...要去和民都係去番尖咀或銅鑼灣分店啦~

和同事在這裡食lunch, 叫左一客日替, 今天是吞拿魚腩蓉飯, 無乜魚香, 又唔鮮甜, 不值一試.都是石頭飯可靠點.

前幾日既事了.三車車搵我解悶,我無可無不可咁去0左食dinner. 一去已經驚0左,因為坐我格離的女士,手抱的bb,around一歲啦,一手掃個水杯落地下,個杯爛0左,d玻璃成地都係.佢地仲要係公眾地方幫個小朋友換尿片,真係-_-" 講番正題先,兩個人叫0左:盛岡冷面-我依然咁中意個面,不過都係無咩配料.軟腳蟹沙律- d蟹唔得.太油.燒3文魚sushi - ok,幾香口.餃子- 嘩,大隻過以前好多,不過好oily,太滯了.朱扒鍋- ok啦,同以前一樣咁好食.

食過好幾次~感覺還好不過我認為份量少~~等位時間又長整體上~我是喜歡食的~~然而服務有待改善我的最愛~和風pizza石頭飯bf最愛~豬扒鍋

一向唔喜歡日本ya應男友要求食和民叫左1)海鮮火鍋(份量ok,d配料都新鮮,只係$48,開胃抵食,不過個媒氣爐好鬼阻訂) 2)咖喱海鮮飯(好香好多大蝦,帶子同魷魚,幾正!)3)餃子棒捧燒(同普通餃子無分別,我個人冇咩興趣,食一夠試味就算)4)芝士焗千層菠菜(本來個菠菜幾好食,可惜份量太少,得一層,下面係上面講ge餃子棒棒燒,只不過加左茄汁肉醬,早知咁似就唔會叫哂兩樣)甜品要左5) 綠茶雪芭(好滑,不過溶得好快)6) 豆腐芝麻芭芙(好味!!!尤其豆腐更是推介!下層係蛋糕底~好正~~)其實和民真係同麻布茶房好似~~仲有仲有其實侍應落單時駛唔駛要跪咁誇啦???我覺得好唔舒服又辛苦人家!!何必呢????

其實係5月同男朋友去食架喇..= ="本來諗住去中環食蘭芳園食的..但係見落大雨就返kwun tong 了~去了和民...和下面的食友一樣..見reception冇人仲唔知佢開唔開-_-"同男朋友叫左::1.叉燒拉麵[$38?!]er...我覺得咁多樣最唔好味係呢樣..2. 唔記得左係咩海鮮炒飯..[$38]呢樣好好味~!記得係好香好香的>v<3. 燒魷魚[$33]好大條..=O=不過都好好味呢..4.牛油帶子[$28]呢樣係最好味的..有八粒..2個人好夠食^{++)^下次target係牛肉火鍋!!見到隔離的人在吃..好像好好味~

端午節約左個好耐無見o既舊同學仔o係和民食lunch。行到去個門口度真係好o的騎呢…reception 無人…攪到我地都唔知佢開門口做生活咪…落單o個時又騎呢可能係我極少幫襯和民o既關係，所以唔知o個度o的waiter 每逢落單就鐘意踎o係度，感覺怪怪的。我地叫左個炒烏冬同飯團兩樣野都只係一般，唔係特別好食。雖然o的service都ok，不如無意外應該都唔會幫襯多次因為o係觀塘區，咁o既價錢我相信有更好o既選擇。

對和民一直唔知點解要等位，今日去左食飯，12點多少少就到所以唔使等位。我叫左個魚生飯餐，58蚊都幾唔抵。一來細細碟，無乜魚生好多蛋，送個沙律都係生菜幾條，又有個湯同餐飲，餐飲叫左個凍0茶，但係個味幾怪，似係即沖。真係覺得唔值個價錢，如果要等位就一定唔會來啦。

人手唔夠, 等一陣先有人帶位, 叫左石頭海鮮飯, 好耐先有, 海鮮飯得好少海鮮, 好似越來越差

27 March 2006 (Mon) - 晩飯因為係好朋友生日，所以我哋就佢去九龍食飯，但係佢又腸胃炎未好返，所以佢自己揀咗黎和民，諗住日本嘢清淡啲！我哋四個人叫咗八樣嘢，唔係好多，因為好朋友病，我又仲係有少少唔開胃，不過尋日已經好返好多！1. 星鰻天婦羅卷($38) - 暖暖地，好味！2. 枝豆（熱）($20) - 唔夠熱，不過都好好味，我哋四個都鍾意食枝豆；平時同其他朋友去和民食嘢，都冇叫，因為啲人覺得叫呢個好無謂，好晒，我好開心可以食到尋晚！3. 麵豉肉醬飯團($20) - 熱架，好正！4. 麻醬冷麵($38) - 唔係食咗好多，因太搶手，不過印象中都唔錯！5. 牛肉火煱 ($48) - 一般啫，牛肉並唔多，湯底太咸．．6. 一口豆腐($28) - 唔太燶，唔太咸，豆腐雖細但有口感！7. 炸鱆魚餅($28) - 麻麻地，有啲似食緊日本魚蛋，唔知係咪同一樣嘢呢？8. 軟殼蟹沙律($48) - 好唔得，食完之後成口都係洋葱味，即是成碟食到既主要都係洋葱．．．我自己覺得頭嗰三樣最好，其他真既一般．．．越遲上嗰啲越唔好味！不過呢度都幾好坐，又唔會趕人走，但係就嘈咗啲，朋友話係最嘈既一間

由於離職在望,這排常常食farewell lunch(多謝各位同事!)和民食lunch都係第一次泡菜飯-唔錯,可以食到飯焦炒烏冬-不過不失魷魚餅-夠鮮味原隻魷魚-亦很鮮味,而且唔韌xx蟹籽sushi-太多沙律醬,唔係咁推介一口牛肉及一口帶子-這間店做得不俗(試過有d店,煮得好燶)蕃茄海鮮pizza-麻麻,太乾串燒盛合-ok,唯雞軟骨燒得過燶服務方面,人手唔知足不足夠,總之頗難叫到侍應

前幾晚同我家姐去左APM呢間分店食我地叫左個廣島燒餅,星鰻天婦羅卷,炸鱆魚餅同埋炒烏冬。嘩...個廣島燒餅真係難食到暈呀>~<熱辣辣食都係咁難食食落去好淡味,粉又厚,D菜又多到嘔(食菜係有益,但真係多得過份)我家姐話食落去似無料既蘿蔔糕,但計我話蘿蔔糕仲好食過佢!!!真係未食過咁難食既野!!!食左半舊就唔食啦之後個星鰻天婦羅卷唔錯!!醬汁幾好,甜甜地,個星鰻天婦羅幾香口,又脆BOR!!佢個卷入面有D青瓜絲,好新鮮好脆,夾埋個星鰻天婦羅真係恰到好處!!令佢個口感無咁油膩,多左份清新感!!GOOD!!!極力推介啊!!炸鱆魚餅麻麻地,熱熱地都OK好味,但就咸左少少炒烏冬超級好味!!據了解佢D烏冬係手打的,真係好彈牙好有口感!!唔錯!!佢個炒烏冬份量雖少,但真係好味道!!佢有D炒雜茶,同埋木魚,雜菜都炒得幾好食,味道偏淡,但真係值得一試!!個D食物都算係OK好味,唯獨非吸煙區個邊D二人位太迫!!坐入面個位如果肥少少都好難出入,好尷尬。侍應態度好好,好有禮貌,又有笑容。真係幾滿意