居食屋「和民」 (已結業)

吃了個下午茶麻醬冷麵及雞軟骨串(醬燒)冷麵很像味千的冷拉麵,很有嚼感雞軟骨串有點硬,但加上醬燒汁又很惹味

今日因為女朋友想食呢到就去左食晚飯..我女朋友先前極度讚賞呢度..可惜..食後完全不行...未入黎已經決定左食乜..一個星曼天婦羅~正係到諗緊點解咁快既?就夾左黎咬一啖..完全唔脆...完全覺得佢擺左勁耐...又凍..第二個..炸軟殼蟹..呢個好D仲暧..但一睇張紙..嘩!!!d油多到!!!跟住梗係將d油係張紙到碌下啦!!碌完..完全成張紙透晒!!!食落口..d油完全係充滿口腔!!!第三個日式燒年糕..呢個都唔好食/_\我第一次食日式年糕..但平常睇人食既印象係好Q既..但係我呢到一咬..諗晒既?無口感..無味既..剩係佢面頭既汁有味!!我同女友都覺得不好食...而佢果杯巨峰提子酒..第一啖先係試到小小提子味跟坐好濃既酒味就完全掩蓋左提子既味道..而我覺得酒味太濃而放低左幾分鐘..再飲!嘩..成杯野好甜..今次到佢既甜味蓋過酒味...我就覺得不太理想..而唯一慶幸佢服務不錯..收野好快..同埋落單時有禮貌..我女友對呢餐非常失望..因為完全唔係佢之前食既水準..而若果佢唔改善佢食物既質素就真係以後都唔幫襯..

市中心即是市中心，星期日六時些許已差不多全場滿座。四人行點了日式年糕燒餅、叉燒野菜拉麵、炸雞翼、蟹籽壽司、豬扒鍋。推介日式年糕燒餅，用大量椰菜混合年糕煎成，難得不油不膩，十分美味; 另點了巨蜂提子乳酸飲品，推廣價$28兩杯，一夠冰凍，二柔和的紫色十分吸引。PS 和民是紅色的店子，隔鄰利苑又是一片紅，遠看兩店似混然一體。

首次留食評,只因不吐不快。昨天放假,興之所致興朋友去了沙田和民食飯。6時許去到,幸好還不太多人,4個人坐了一張6人檯,不太擠迫。轉了menu,有少許驚喜先來一mug Lychee calpis sour ,清清地,開開胃叫了一些野菜, 明太子薯餅,和民沙律,什菜炒和六色刺身,銀鮭魚刺身值得一讚是明太子薯餅, 明太子+吞拿魚+菜的口感很不錯!但銀鮭魚的味道太腥..之後叫了尤魚燒,炸雞軟骨,串燒盛合,炸鱆魚餅味道本身不太突出,但配合了drink的味道,別是一番滋味。相信只飲熱茶的食客是不會感受到。吃到此時,已是7時許,估計全店也爆滿了,因此有點焗促的味道...我們再叫了和風PIZZA,一口牛,牛油帶子,牛肉火鍋,刺身盛岡冷面,麻醬冷面,星饅魚天婦羅卷。食物水準仍能保持,而刺身盛岡冷面給了一些驚喜,用足料之餘,面條更用了泡菜醬沾過才落碗,味道很吸引!吃到此刻,已經杯盤狼藉,但侍應很快便收拾好我再叫了一杯lychee calpis soda,解一解渴。常聽到人們說和民是港式居酒屋,不像話,我頭一句便問,和民是居食屋,又何來是居酒屋?又言和民沒有多些sushi,刺身選擇,要吃這些為什麼不去板前那

通常下午茶價平, 看似好抵, 但份量小, 料又小, 吃得到喉o吾到肺, 但這裡的下午茶雖然不算抵, 但勝在好味足料, 所以就算比外面餐廳的貴, 也有不少人去吃。大家也不妨去試一試!

當晚十點先食晚飯,周圍的店鋪都關門,結果就揀左和民。我同男朋友叫了"白汁海鮮焗年糕","豚肉豆乳鍋","蕎麥麵天婦羅","牛油焗帶子"..."白汁海鮮焗年糕"好好味,可能因為我特別鐘意食年糕啦。估唔到cheese&年糕出黎的效果並不錯。"牛油焗帶子"&"豚肉豆乳鍋"都幾好。"蕎麥麵天婦羅"就有D怪, 都係食番D正常的天婦羅把啦~~唯一一樣印象不太好的係, 可能我地坐的位置靠近職員室,有2,3位侍應頂住到門係到傾計(maybe就黎放工), 有D嘈吵的感覺。

Set lunch, 要左什錦魚生壽司飯, 魚生幾新鮮, 飯有醋味, 有少少黏性, 唔會用普通白飯黎扼人, 味道唔錯, 仲配一杯飲品, 有機會再黎食下!

19/3晚，另外0既三個人又黎食和民。7點幾排到8點幾，終於入得去。今次叫左鐵板棒餃子、和民沙律、廣島燒餅、麻醬冷麵、蒜香帶子蝦炒飯同荔枝梳打酒。今次因為叫0既野唔同，所以飽過上次，D野食0既質素都好過恆隆中心的分店，不過沙田呢間就難叫侍應D。

以前以服務好見稱，依家服務水準下降，沙田呢間直頭係零服務。無茶無水無紙巾都算嘞，以下係數日前發生嘅實例，仲激心：一、叫杯梅酒加鮮西柚，杯梅酒細得可憐，向職員投訴，佢話榨咗啲西柚汁落去就會大杯喇…簡直係笑話！平時响其他分店度飲根本唔係咁！講到呢度，個職員居然叫水吧加多兩粒冰落去個杯度就算！二、之前响另一分店試過花見酒，職員會為人客斟酒，飲過覺得幾靚幾好味，呢次再叫喇，但呢間係職員叫人客：你自己斟啦。好冇禮貌噃。三、叫個焗軟心朱古力蛋糕伴雪糕，問個職員有咩味嘅雪糕（因為响其他分店食，可以選擇雪糕嘅口味）。職員話：我哋呢度雲呢嗱味係standard噃！唉，我就係問你仲有咩選擇囉…四、個焗軟心朱古力蛋糕伴雪糕送到人客面前，嗰啲軟心朱古力竟然已經流晒出嚟！好心檢討吓啦。

o的食物冇以前咁好食! 味道退步o左好多!!!!最cheap o既係佢\o既下午茶!--1. 時間由原本o既六點改到五點完!2. 本來每個餐\跟一杯飲品，後來改為以人頭計。即係兩個人叫十個餐\，都係得兩杯飲品!都未見過o的餐\廳咁cheap!!!!一杯飲品都同人客計到咁足!!!下午茶時段得兩個鐘!唉! 我真係好失望!! 最憎o的咁cheap o既商戶!以後我同我o的fd都唔會幫襯!!!!!!

來食tea,點了1.麻醬冷麵<<<幾好味! 不過配料略不足2.和風pizza<<<難食,上面勁少料,個批仲難食過食餅乾!飲品唔錯~一大壺茶俾我沖檸茶~

o個次我同我gf食叫左一個小食一份pizza一個飯一個炒麵同一個鍋都食得飽我地都係食左$275而且環境都唔錯最特別係佢地落單o個陣會跪底我同佢第一次去佢跪o係我地側邊我地都O左咀

無食好耐，今次番黎試下，食物好似無咁多選擇，味道無以前咁好，唯獨牛肉鍋仲係好好味，不過我想講下佢地既人手，星期日咁忙，都係一丁友睇晒十幾張檯咁滯，邊做得切，執唔徹檯又叫唔到人入來，出面D人就係咁等，要改善勒！眼見星期日八時，人客走了，檯要成五至十分鐘先有人執，跟住再等五至十分鐘先call人入黎，我好"鄧"出面四五十人心急，還是唔好咁快call入黎，根本做唔徹呢？

(al, hold)本來我想說是的大埔分店,不過還未有這問分店的食評,所以揀其中一間分店應該沒問題吧!和民自從在大埔開張以來每次經過都見到有人等位決定揀了一個下午休假的日子,試試那裡的下午茶$28一個餐,日本料理來說是很抵叫了一個雜菜拉麵,一個炒烏冬,拉麵來的時候,真的是想不到會這麼大碗而且味道很好,拉麵也彈口,可惜烏冬來的時候,份量實在太小了,雖然味道還不錯.我想,即使沒什麼材料,起碼烏冬份量多一點可以飽肚些,像拉麵一樣,不是很好嗎?飲品方面,薑味汽水薑味不足,咖啡是即磨的,但比較苦,日本咖啡應該是溫和一點的.服務也是先驚喜後失望初入座時,侍應很殷切,還特別遞上濕紙巾可惜後來明顯是人手不足,餐食也等得久了一點以價錢,服務,環境,食物質素,來衡量我覺得還可以接受不過,應該可以改進,更好一點

2005年1月2日今日有個friend生日,本來話佢元祿食o既,不過最後佢揀左和民。我都冇乜所謂,就當試下新野啦,於是我地一行7人就去左沙田和民喇....先講講環境,果度檯好多,搞到間餐廳都幾迫...原本諗住會有個靜靜地o既環境傾下計...點知我差d連隔離果個friend講咩都聽唔到...好嘈!再講d野食...我地叫左11樣野...~~每一樣都只係夠半個人份量...少得可憐!!!如果份量少但好食都算...最慘o既係大部份都係好唔掂...!!我講講其中幾樣...1)炸雞軟骨-->完全冇味!!neway果d仲好食過佢!!!2)辛味炒年糕-->都係好淡!!又食唔到"辛"味!!3)炒雜菜-->碟野滿果陣都已經少到見底...d炒菜同"辛味炒年糕"d配菜係同一樣野黎o既...4)和風pizza-->大過我隻手掌少少...味道好一般5)泡菜炒飯-->飯熱但係d泡菜係凍o既..!!全無心機之作!!仲要係一人食得一啖...!!6)六色刺身-->師父刀功好差...d魚切得勁厚(唔只半吋)...劍魚同油甘魚都唔新鮮...霉霉地,三文魚我冇試到...八爪魚一般.