影片
以上资料只供参考，请与餐厅确认详情
看过别人在线上推介非空气面包，亲手走坊到楼下一尝他们的手制吞拿鱼包。味道唔咸 有面包味 面包厚实没有空气 多吞拿鱼蓉 老细和员工友善 价钱亲民店舖不大 经常有新鲜出炉面包，新鲜香。
继续阅读
本来无留意到佢地铺头 喺附近攞完外卖行过闻到佢阵咖啡味好香 然后见到佢仲有蛋糕同牛油蛋挞卖 叫左4个蛋挞同试左杯热mocha 好好饮 唔算太甜同温度啱啱好可以即刻饮 而且睇得出佢系有比心机整 唔系果啲就咁用机冲成杯出黎果种 估唔到竟然喺呢个地方会有惊喜！
继续阅读
位于景林小食街内的隐世小店！面包引用日本面粉非常软熟，咖啡10几蚊可以饮到好似其他咖啡店四五十蚊的水准。泡泡棉密，咖啡豆吾错好香！！！饮过美式咖啡也不错，性价比极高推荐推荐
继续阅读
本身去景林村街市附近买饺子，点知等紧嘅时候，闻到好香嘅面包味，发现呢间小店。店面同店名一样普通，唔起眼，无精美酒店面包display柜，得一块玻璃睇穿入面有个面包炉，手写面包几钱。但系细心睇，会发现每处都充满热诚及心机：店面前有一排凳比街坊坐，桌面有几个店长建议，教你点order手冲咖啡配奶油面包，当时有几个阿伯叹住咖啡食面包；旁边 2 块小木板，上面有句手写字，意思大概系「为梦想努力、加油、做自己喜欢做嘅事」，然后入面就见到「日式面包王」造型嘅阿Joe师傅同另一位年轻店员托紧面包出炉。见到咁老套，我决定试试店长嘅「梦想」有几好味：点左一个 $8 奶酥面包同 一个 $10 吞拿鱼面包。包面好雪白，白到有一刻我以为系未焗好，望个样都知一定软熟；拎上手仲热，闻落好香面粉同小小米味，但系无面包店嘅奶精香精味，卖相同感觉类似 $20 一个包个「粮友工房」嘅日本米面包。一咬个「奶酥面包」，一咬好软熟，然后赵落有小小烟韧，同埋米香加奶油味，中间奶酥系类似菠萝包的甜皮，做法想像系日式版嘅鸡尾包改良，但奶味浓啲，唔太甜，无假奶精味，刚刚好，$8 真系好抵，卖 $18 我都信有人买。师傅建议系即时嗌多杯 dirty / americano 现场食。时间关系，下次先。等紧嘅时候都有几个街坊来单点一个包就走。「吞拿鱼包」一样软熟 + 烟韧，甜奶油味少啲，多啲啲牛油香，中间吞拿鱼够料，无食错嘅话应该系盐水吞拿鱼，唔系美心啲打芡沙律酱吞拿鱼。包入面深红色吞拿鱼好浓味，面包香 + 鱼味刚刚好，唔系沟沙律酱或者其他味。$10 真系好抵。太好食关系，无影相就食完。自后回程买多几个比老豆老母食，佢地影左张相回报，大赞好软熟，无同佢地讲几钱，佢地大概以为我做乜忽然买啲贵面包俾佢地。傻啦，点会 ⋯⋯
继续阅读
经过呢间卖新鲜面包、蛋挞，确实唔太起眼。见到有人买戚风蛋糕好鬼靓先知仲有生日蛋糕卖，仲要系街坊价钱试下无妨😛🥑戚风蛋糕（抹茶/伯爵茶/朱古力）$20 +杏仁片海盐芝士奶盖$8 老板好随心，准备搞啲创意花款🤭，今次试左伯爵茶戚风蛋糕配上抹茶Cream，铺上粒粒红豆🫘。蛋糕好松软，淡淡既抹茶味。听佢地介绍，用左特别方法处理红豆，令到红豆唔烂，仲粒粒分明有咬口。好钟意佢地崇尚低糖低油，食完一啲都唔腻🥰除左甜品面包，仲有coffee 叹下，仲会派咖啡渣俾啲街坊，真系好环保♻️好贴心🧡🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 @annasan.cat
继续阅读