影片
行经铜锣湾边宁顿街～比我发现咗一间新开冇耐嘅外卖店🥡见店长姐姐好热情咁介绍～就一于帮衬下啦✔️无骨酱油鸡香油饭 净系鸡都分咗好多种类，海南鸡、霸王鸡、香妃鸡… 不过店长就推介酱油鸡，佢哋嘅酱油系自家秘制 落咗好多唔同嘅香料 果然食落层皮带少少甜之余仲好香口 鸡肉都煮得恰到好处，好滑溜 最细心系已经起埋骨 啖啖肉宁舍滋味 香油饭有香茅味得嚟唔会话油腻✔️咖喱牛腩饭 系我最钟意易入口嘅港式咖喱嘅味道～ 牛腩肥瘦适中 而且炆到好透 唔会好柴 分量亦都好足 仲有仲有咖喱嘅好朋友～炸薯仔啊～ 够晒惹味 呢个饭个分量多到我食咗两餐先食完✔️例汤 呢度嘅例汤真系例汤绝对唔系例水 店长强调绝对冇加味精 而且超级足料 有粟米、南瓜、老黄瓜、猪骨、鸡脚煲成 唔系得个讲字㗎 系真系有晒佢哋嘅汤渣㗎 而且个汤真系带少少橙色 系南瓜蓉嚟㗎 净系饮个汤都值回票价啦！✔️柠檬蒜香鸡脚 呢度嘅冻盘都好出色 平时蒜香鸡脚就食得多 食食吓就会觉得好腻 原来加咗柠檬 又系另一种感觉 成件事个感觉清新咗好多 鸡脚够晒爽口弹牙 而家呢啲天气热辣辣食一流✔️卤水猪手 呢度嘅卤水炆足几粒钟 层胶原弹弹嘅嘅猪皮吸晒啲卤水嘅精华 炆到够晒火喉～仲要唔系啲皮得啲皮㗎 肉嘅部分都入晒味啊！
继续阅读
尝味馆😘😘😘识得尝、懂味道铜锣湾边宁顿街、新开外卖小店、主打东南亚美食！鸡系列、能品尝不同鸡的方式和味道！肉燥、咖喱、小食唔少得👍🏻全部都系鸡无骨海南鸡🐔饭$53⋯⋯肉质嫩滑可口、皮薄爽滑弹牙、鸡肉味道浓郁且去滑、配埋上汤、鸡油、葱、干葱调味料制作香油饭、饭粒香气十足、配搭一流！唔少🉐️、镇店秘制酱汁、提升味蕾口感、正👍🏻、正👍🏻追加$3转香油饭台式肉燥饭秘制龙利柳肉燥饭$59⋯⋯肉燥饭可以炒、煮、卤烹调手法、店东以台湾「卤」、卤肉🍚香醇浓郁、甘甜细致口感、店主配以龙利柳、味道创新又几夹、够晒滋味😘-原只溏心渍蛋⋯唔少🉐️、溏心蛋、切开边、色泽艳丽、蛋白雪白、蛋黄半熟流心、yummy 例汤🥣$13⋯⋯浓甜汤底、材料丰富、🈶️惊喜、粟米🌽清甜、鸡脚软腍、果皮清香！滋润又好味！小食柚子橙皮莲藕片$26⋯⋯莲藕片清甜爽口、沾上甜味柚子橙皮、清新效果够fresh 、开胃小吃😊酒槽鸡翼（5只）$36⋯⋯加𩠌一流、腌渍鸡翼、白白滑滑、红红杞子点缀、卖相吸睛、阵阵酒槽清香扑鼻、未食已人自醉、🤣🤣尝味馆铜锣湾边宁顿街9-11号登龙阁地下E号舖港铁铜锣湾站F1出口、步行嘅4分钟
继续阅读
铜锣湾午餐时间，避免同人迫，很多好事买外卖回公司食，其实也不错！秘制龙脷柳肉燥饭伴原只糖心渍蛋$54龙脷柳啖啖肉,肉燥惹味！令人回味！有原只糖心蛋相当满足！送红青箩白骨汤
继续阅读
真系冇得顶呀，如果大家想食醉鸡翼，真的一定要试吓呢间，－啲都唔咸，带点甜味，淡淡嘅酒香，原来系玫瑰露加绍兴酒（如果我冇搅错），连最邪恶嘅鸡皮，因为整得实在太爽口，－丁点儿腻嘅感觉都冇，所以唔舍得唔食埋佢，仲－口气食哂5只，但都觉得👍🏼👍🏼👍🏼，有机会大家－定要试吓，我都系我妹妹食过话非常好食，我先至试吓，果然👍🏼👍🏼👍🏼，会再专程去买呢😋其实，另外还有很多款鸡，有骨同冇骨呢😊🙏🏻
继续阅读
今日赶时间咁啱经过就买咗个肉燥鸡扒饭本身谂住医肚就算，点知有惊喜。肉燥送饭一流，不过同平时岀面食开好浓味嘅唔同，呢个系啱啱好，唔会好肥腻之余仲有啲香料嘅香味。除咗平时啲香料味，食落好似有啲香茅定子姜之类，带轻微酸味，食落更开胃。鸡扒都有惊喜，本身以为会系好普通一块无味急冻鸡扒，点知好香香茅味，虽然系炸嘅都无话好肥或者有阵油味最中意系只流心蛋，真系流心蛋黄，不过因为其他嘢比较浓啲，变咗食落只蛋就淡咗少少，下次应该食咗蛋先。不过都食到有阵香味嘅。整体配搭都几唔错，份量都颇多，女士可以两个人share，男士都够饱肚。呢个价钱，铜锣湾嚟讲性价比高，有惊喜。
继续阅读