尚點 小籠包.上海麵館 (元州商場) (已結業)

放工和老公經過見門面很骨子所以一試。魚子金菇麵很精緻，菜肉餃子清淡而不油膩，排骨麵亦不錯，排骨炸起分開碟上，脆蟮用鎮江醋入味，炸起又熱又脆。環境寧靜，上菜速度甚快，整體不錯。

長沙灣的元州商場，近期除了很多人去賞花外，亦多開了一間拉麵小籠包店，想不到，在這類屋村商埸開店，反應也是超級的好。吃勻冷盤、點心和拉麵，大概可全面了解餐廳的水準。為多試幾款，冷盤就要個拼盤，四款的東西分別有素鵝、燻魚、雞絲粉皮，以及四喜烤夫。素鵝碎濕濕的，雞絲粉皮唔得滑，烤夫不入味，燻魚叫做最正常的了。總的說，未能滿足。一碗擔擔麵是少不了的。先呷口湯，有點微辣，但算不上有層次，街坊價錢的貨仔，勉強合格。只是，麵條實在有欠爽口，唔識欣賞。同樣地，小籠包是必定要試的項目，見這裡有特色的雙松小籠包，即管一試。所謂「雙松」，其實就是黑松露與及松茸，一黑一白。白色的是松茸，菌香的確存生，而黑色的那款，相信大家在別的地方都嚐過，呢度既出品，水準一般而已。最後的點心，係金網鍋貼。第一個感覺，就是很油，連我也覺得很油就話，即代表都幾誇張。味道嘛，不過不失，卻真的滿口是油。埋單的時候，下午一點左右，更加多人。

尚點都己食過幾次, 之前只有係沙田舖, 剛剛開新店要試下先!~~- 招牌生煎包($30) ~ 味道唔錯, 包軟肉香! 但個包底比較油...索晒D油比較肥! - 花雕醉雞($64) ~ 花雕酒淡淡地, 雞肉嫩滑...正- 排骨擔擔麵($58) ~ 排骨炸得乾左D,  擔擔麵好濃好夠味!- 香蕉高力豆沙($32) ~ 甜品唔識評...但唔錯唔錯!- 酒釀丸子($24) ~  我既至愛...XDD- 酸辣湯麵($48) ~ 辣就夠辣但酸就差D...要有醋先OK! 整體上係唔差既. 唔太貴既上海菜! 

朋友在尚點沙田分店食過，強烈推介給Bill Tai Tai，唔順路無試過。直到今天特登安排去長沙灣一帶做野，避開lunch time，想不到3點半tea time人流都咁勁！ 8 成full 場！朋友推薦的必食推介是「雪菜黃魚煨麵」& 「排骨擔擔麵」，「排骨擔擔麵」有入下午茶餐$54跟豆漿或酸梅湯，價格ok，「雪菜黃魚煨麵」就要散叫$58， 食滿$60仲有VIP 卡送，今個月85折，其他日子9折，咁又OK 噃！「排骨擔擔麵」$58︰大排外酥內嫩，擔擔麵好足料，濃郁，好正！ 「鮮肉小籠包」$32 (下午茶賣$28)︰賣相好好，皮薄餡靚，多汁夠JUICY, 好鮮味！ 「黑木耳露」＄15︰幾特別，不太甜，好潤，好滑，很少地方可以飲到！ 「雪菜黃魚煨麵」$58︰個啖湯！好鮮呀幟哥！ 黃魚肉滑滑無骨的，飲左3份2碗湯！好正！必食推介！ 尚點的食物好有驚喜！除左「雪菜黃魚煨麵」滿分5個 ，其他食物都好好有4 價格OK，食物水準中上！唔錯！可以再來！因為想試的食物仲有好多，例如是「刈包」系列，「燻蛋」，仲有全隻黑色的「黑松露小籠包」，一定會再來的