尚鮮日式燒肉漁市場 (已易手) 新餐厅

E間餐廳之前來過，不過果陣未有和牛放題 咁岩同朋友係港島，諗起就去了walk in 好彩係閒日冇咁多人！之前入座要like fb送海鮮拼盤，E家唔港洗lu入座即送！ 海鮮質素keep得到 最鍾意食甲羅燒 好鮮甜！ 鮑魚可能我燒得時間岩岩好，好軟易咬！🤣最正係和牛！ 食得出係日本和牛質素！ 朋友係食肉獸都大讚好食好抵店員服務好！都有教我地燒海鮮 有個長髮姐姐幾好人，同佢地吹左陣水 覺得佢地好有心機經營E間餐廳 其實和牛成本都高，佢地又和牛又海鮮刺身 都係$398再加一， 實在良心企業 平時都唔打文，不過見佢咁好，所以支持下！我會介紹多啲朋友來，加油！！！

宜間成日都見啲blogger講今次朋友特別request要來食佢果餐生日飯！ 所以就來試下啦！ 佢既最新優惠係$398任食日本A5和牛！ 生日飯來講一啲都唔貴！😂 我入坐先知原來有埋海鮮拼盤送！好驚喜！有甲羅燒、鮑魚、蝦、等等 有個靚靚擺設既a5和牛一次過俾哂你食左先鍾意邊個就再encore! 日本A5和牛果然唔同，肉質柔嫩！雖然未至於入口即溶！但性價比極高！宜間餐廳肉類選擇幾多款 和牛太油膩，可以揀返安格斯都幾好食 ！ 仲有埋刺身！正正正 朋友都話好滿足😆😆

A5和牛任食 有品味既人一定中意食既高質燒肉🐮好多人可能唔知A5和牛係有幾正 等我講少少比大家聽🤩 日本和牛評分都主要係分四大方面既🐮第一油脂分佈，第二油脂既顔色，第三肌肉既顏色，第四肌肉既狀🐮 日本和牛評分由A1-A5 🐮A5就當然係最肥最油😌 最出色當然要數 日本三大和牛 松阪牛，神戶牛，近江牛🐮 香港亦都係入口最多和牛既地方 證明我地真係好識食🙋🏻‍♂️🤤🦖而今日果間餐廳就係可以任食A5牛 同A4牛☺️ 全部都係由鹿兒島直送到香港🥳-🐮A5和牛任食🐮（$398）一開始會比個和牛拼盆同海鮮拼盆你食🐷和牛拼盆全部都好出色 大家可以記得邊種肉特別好食☺️ 之後就不停叫果幾樣牛😂 我個人認為最好食係A5牛小排,A5外腹肉，A4牛三角🐮 我最鍾意就係呢三種🌝食落入口即融，油香味重，食完好滿足😂不過我發現這個問題 就係之後叫嘅牛🌝解凍都唔係做得好好😂 全部都好冰😂 咁就好難煮得好😭不過和牛嘅質素係高 鍾意食牛嘅一定唔可以放過🌝🌚總結來說 中意和牛同胃大既朋友 值得一食🥳最後特別感謝做我既御用攝影師 多材多藝 confirmed 🙋🏻‍♂️好過我好多😂-🎈銅鑼灣謝斐道496號金利文廣場3樓平均傷害：$

We ordered many foods (ie. Seafoods and Meats). A4/A5 wagyu were delicious but other beefs were too oily. The quantity of meat last night equals to my monthy quota so I will not eat any meat in the coming several weeks 😀🐷BTW i love the movenpick ice cream. ❤️

今日專登黎試下黎間話有A4,A5和牛燒肉食既放題試一試，黎到先有一盤和牛介紹一下有咩不同既部位，等我可以試左邊款好食先再叫,最好食係牛小排,起碼都叫多兩三轉食，因為其他部位可能太肥，只係食到肥膩，食唔出有油脂香。食落都唔多似係日本直送。刺身都係任食都算新鮮，仲有送左一盤海鮮併盤，有甲羅燒，生蠔，虎蝦，扇貝，都好豐富，但唔算新鮮。而飲品櫃得兩個太少了，主要都是提供汽水同埋罐裝茶。整體都是一般，如果下次都未必再黎食過。

女朋友睇到某Youtuber 話有和牛任食，當日立即book 位，幸好book 到。本身抱住懷疑心態去，邊有咁抵食。點知真係有靚和牛供應。不過真係太油，食5舊已經食唔落，好似成口油咁。自己都係鍾意牛味濃既美國牛多d

來到周末，又是銷售員A和會計員M出動覓食的日子，今晚來到銅鑼灣尚鮮，已經是第三次來到，同樣都是選擇和牛燒烤套餐。和牛燒烤套餐包括和牛放題任食，一個海鮮燒烤盤，以及燒烤生蠔放題任食，雖要注意是燒烤生蠔，餐廳曾經作出修改，曾經試過是由食客自己燒，亦曾經試過是由餐廳燒好，所以點之前最好了解一下，因為始終燒烤生蠔需時，限時120分鐘有機會不夠時間。和牛套餐-有分別是A5 及 A4 和牛的不同部位，可以先作嘗試，然後選擇自己喜歡的無限量加添。海鮮燒烤盤- 蟹蓋好食。燒烤生蠔+海蝦都是放題任食。刺身放題最後值得一讚的是，晚餐放題是以一杯movenpick 雪糕作結。

第一，打邊爐同燒肉一樣，最重要係個爐。呢間餐廳既爐非常特別，只有中間個位有火，周圍係「零熱力」既，仲會燒燒下自己停火。第二，$398加一主打既和牛套餐，所有和牛有一半都係肥膏，質素極尚差劣，街邊車仔檔肥牛都好食過佢。其他食材海鮮魚生勿吃。食物種類少，但佢連最基本既白飯都係凍又硬既隔夜飯。第三，所有放題限時間唔出奇，但通常都會通知你last order，但呢間係唔會，侍應突然間會黎叫你埋單，就已經冇得再叫野食。 總之，呢間野係「伏中之霸」。

和牛好多人都食過🐮咁和牛放題又有無試過呢？餐廳好貼心，第一輪會先上各款和牛，客人試完晒每款口感之後，就可以根據個人愛好繼續任點任食🐄，身為牛魔王既我表示食得好happy🥳，真係完全估唔到和牛都可以任食，而且品質幾好絕對唔馬虎。除左和牛之外仲有海鮮拼盤同一般放題食到既食物，選擇夠多而且每款質素都唔錯，值得去試下！最緊要係價錢又合理，而且我覺得店員態度好好，燒海鮮既時候會教我地睇應該點樣燒。一向對放題麻麻哋嘅我都覺得呢間真係唔錯。

之前去左一轉日本，食和牛食到 lam lam 脷。返到黎香港都仲係好掛住和牛個種入口即融既口感。之後女朋友就話，不如係銅鑼灣搵下有無和牛放題滿足下我呢個偎食豬。結果去左尚鮮日式燒肉漁市場，入左去之後，位置格局算係好闊落，起碼我同女朋友坐都唔會太頂腳。入口左邊有 2 個裝滿飲品既雪櫃。右面既座位區大部分都係梳化位。和牛任食 2 個鐘，最好自己計時，夠鐘會自動熄機，半個鐘前last order。一開始店方先上海鮮頭盤同用和牛梯架去介紹和牛各種唔同既部分，海鮮頭盤有青口、蝦、鮑魚同甲羅燒。海鮮食落黎中規中矩（始終和牛係主打），可以接受。而和牛梯架就亮眼好多，和牛除了有介紹不同的部位外，仲可以睇到牛脂肪既分佈。而和牛部位食既先後次序有講究（同埋記得每次食和牛飲番熱綠茶清一清口腔油膩感）。至於刺身方面，都唔差得過香港熱門既放題店。特別係三文魚同赤貝，三文魚幾肥美，脂肪分佈好平均，而赤貝就好鮮甜，少腥味。小菜方面，我覺得比較出色既係糖心菠蘿同芋丸，前者香甜，後者脆而不淋。後尾有 movenpick 雪糕做結尾，如果係牛魔王既話性價比算中上。

呢間燒肉放題可以話係全香港最高質素，無論食幾多次我都會想再嚟食。而且介紹過比唔同朋友，佢哋全部都一致讚好。iPad落單係佢其中一個好處，因為佢有好多種唔同嘅肉類， iPad好方便咁圖文並茂，鍾意一次叫少少都得，唔怕麻煩侍應。呢個咁靚嘅和牛拼盤，可以見到和牛嘅超高質素，平時叫一碟都要幾百蚊，真係估唔到可以放題任食啊。咁多種和牛，全部都有佢嘅特色而且好味。而我最鍾意嘅就係呢隻A4宮崎黑毛和牛頸脊，我覺得佢除咗牛味好夠之外，肥瘦都好適中，而且口感啱啱好。除咗燒肉之外，仲有刺身任食，咁就唔怕食同一樣野食到悶啦。重點係佢嘅刺身一啲都唔兒戲，所有刺身都係厚切，而且最特別嘅係佢嘅甜蝦，非常大隻同新鮮。呢度仲有好好嘅抽風系統，就算食完都唔怕個身成陣味啦。而且食完仲有好正既movenpick雪糕做甜品tim。呢度環境又好，食物質素又夠高，而且價錢仲好抵添。我認為呢度啱晒一大班朋友gathering，慶祝生日節日就最啱啦。

收工約fd食飯，朋友話想食放題，但係又厭倦左平時一式一樣嘅菜式，見到尚鮮有燒肉放題，於是就去試下啦~全間舖頭基本上都係卡位，比我地好舒適，而且通風好好沒有好大陣燒肉味，坐既位置好寬敞！店員態度非常好，一坐底就介紹以iPad下單，有好多款燒肉、海鮮、刺身、壽司、炸物、小食等等，落單非常方便又環保而飲品就有一大雪櫃任君選擇。第一輪先上和牛拼盤同海鮮拼盤，最喜歡這裡嘅和牛係任食嘅，和牛唔同嘅部位雪花比例也相當均勻，我最鍾意食係牛肩胛、牛三角同牛肩頸肉。除和牛外其他燒肉類都值得試呀！好好味講堅。係限供應嘅和牛，我隻手不停係甘落order ，對我地呢種牛魔王係會兩眼發光。另外仲有海鮮拼盤內嘅海鮮非常新鮮，有鮑魚、元貝、 青口同大蝦，鮑魚超新鮮。其他海鮮都係特別鮮甜，肉質都非常肥厚。而最愛係甲羅燒,，面頭勁多蟹子同魚子，燒岀黎嘅味道好香濃。我亦另外點左清酒煮蜆。當然我沒有放過刺身，刺身質素好好，赤貝、八爪魚、希靈魚、榮螺。好fresh呀！刺身完梗係仲有壽司啦，三文魚籽、鰻魚等等 ，完全無呃人，有質素！最後每人仲有一杯Movenpick 雪糕，有雲尼拿、士多啤梨、和朱古力口味揀，真係好正！

今日心血來潮想食日式燒肉，即刻上網搵睇吓邊度有得任食又抵食😃一早打定電話黎book 5:30早啲個時段，由於時間尚早，所以被安排坐卡位，唔洗同人逼。我哋今次揀咗平啲安格斯牛肉個套餐，其實如果想食好啲日本和牛個餐都算抵食。一嚟到店員好快就送咗個海鮮拼盤，有好大隻嘅鮑魚，帶子，蠔同蝦。之後我地每款肉都有叫黎食下，佢主要係有幾隻味（岩鹽，原味，麻辣，醬汁）我地比較鐘意食原味，因為燒肉醬汁可以自己另外點，可以控制分量。佢所有肉質素都好平均，好有肉味又唔會太難咬。餐廳最值得一讚就係服務，一路燒嘅途中店員都好留意每一台嘅情況。 亦會主動過來幫忙少一些難熟的海鮮，這種服務一般真係好少喺任食嘅餐廳度見到。成餐飯座位，服務，食物都算中上👍🏻👍🏻

400令蚊有任食和牛我以為質素唔會好好但尼間餐廳既質素都幾高d和牛做到入口即溶上菜快無漏單海鮮拼盤好食有幾次黎既和牛較肥食物種類唔算多所以主要食和牛坐既位置就唔太舒服因為2個人去就坐bar枱平排坐比較逼整體黎講值得encore

今日同男朋友慶祝生日諗住食好啲，就去咗食燒肉放題，而且呢度係有任食和牛，好吸引！我哋兩個人，佢安排左我地初入一間房，雖然要同人哋share一張枱，但係空間係足夠嘅，而且比較安靜！雖然我哋坐房，但店員會經常入嚟睇吓我哋有乜嘢需要，非常貼心！一坐低佢會有一個海鮮拼盤送俾我哋燒，入面嘅甲羅燒好好味，蟹膏加蟹肉呢個邪惡配搭令人食過返尋味！之後就到重點：和牛！呢度採用tablet嚟落單，有得睇返自己落過啲乜！和牛油花好靚，輕輕燒一燒就食得，食落入口即溶，有d部位脂肪比例較多食落就比較膩！唯一美中不足嘅係：每一款肉係冇一個小名牌介紹佢係咩部位，令到我哋食完嗰款和牛想再嗌都唔知係邊個部位！