尚館活魚刺身火鍋 (已結業)

以前食过好几次一直印象唔错，今次去发现间舖似乎转左手而且真系差左好好好多。😡朋友请食饭7点左右去到，见到楼面只系得两台人仲有成个海鲜鱼缸系空嘅已经觉得有啲怪，然后入到去坐低开始叫野食先知道真系中左伏：1) 个餐牌叫十样冇九样 - 呢间舖本身出名做埋剌身，我地入到去坐低谂住即刻叫盘剌食，落哂单之后一直等左半个钟，然后侍应哥哥行入嚟话啲剌身呢样冇个样又卖哂，叫我地应该下次打电话嚟留定货，大佬啊家阵7点几现场得个两台人你同我讲话啲嘢卖哂，就算冇剌身其他火锅𩠌都可以冇哂？贵店系咪谂住做到7点就收工大吉？另一个🔥位系，你啲嘢卖哂又唔一早讲，我地落左单，然后你每15分钟就行一行入房话乜乜乜已经卖哂，系有系冇你应该一早知，咁嘅态度我只谂到两种情况，一系就系你间舖本身唔够货谂住即刻出去街市或者揾行家买但又买唔到，一系就系你将本身留比我地嘅比左另一台人，然后又求其拎几样嘢入嚟敷衍我地，但冇叫过嘅我地一定唔会要！2) 当啲客白痴 - 冇剌身食唯有用佢「仅有嘅」食材打边炉，系咁催佢上碟鳝片，个传菜拎左入嚟结果系一碟脆肉鲩，你系咪当啲客白痴，定系谂住啲客太饿一定会照食？叫个部长入嚟，佢一睇知道衰左就尴尴尬尬地问我地可唔可以要埋佢，然后隔一阵又扮哂无知地拎返碟鳝片入嚟话原来个传菜搞错左，仲要再三确认问我地系咪可以计埋碟脆肉鲩嘅钱落张单度，个下真系扯火所以我地都系冇要到碟脆肉鲩，但我估佢转头都系拎去比其他客食。3) 卫生问题 - 打紧边炉有位朋友突然话咪住点解个锅有点黑色嘢浮浮下仲要有脚，捞起嚟睇确实系昆虫，大家吓一吓即刻停哂手然后又系叫个部长入嚟，佢都冇讲乜直接就拎左盆汤底出去，然后转头拎返啲渣入嚟话系我地搞错左，佢话个粒黑色嘢系药膳汤嘅花蕊不过都会照换过一盆汤底比我地，我顶你花蕊竟然会有脚你系咪真系当啲客白痴？4) 唔小唔做嘢 - 7点坐低点嘢食，叫左三文鱼，龙虾同象拔蚌剌身一直都唔上，然后等左个几钟先拎只生蚌入嚟话而家切好快搞掂，结果系9点差不多打完边炉都冇出现过，中间我地系咁催佢就一直话加工紧加工紧，我都系个句，全场得个几台人你咁都做唔掂到底你厨房有几多人做紧嘢？等到9点几我地已经冇哂心情话cut单唔食啦，当下个部长先知事态严重，然后转身出去5分钟左右拎左盘三文鱼加龙虾剌身入嚟话叫我地唔好嬲食住先，但最恐怖嘅系盘剌身啲冰已经溶左一半下面个玻璃盘成兜水，讲真盘野都唔知摆左几耐，身为部长你咁都可以照上比个客？我应该话你粗心大意定系又当个客系白痴？咁嘅质素我地当然冇要，之后佢不停求情话收收平啲叫我地要埋，见我地无动于衷又改口话收半价，老实讲剌身呢啲高级食材本来就应该小心处理，新鲜干净系最基本要求，你盘野摆成个几钟先拎比我然后话收半价，算罢啦你送比我都唔要免得你话我地𢱑著数！5) 态度问题 - 其实个部长我地都好同情佢，因为做楼面好多嘢都唔系佢控制但佢一定系第一个比人闹，但我觉得知衰就要认而且识得补镬先系做部长嘅职责，唔系每次见个客系度小先系度sorry sorry然后又唔做嘢最后先出嚟求情，坐左成晚我净系觉得比人玩，我都问到出口话点解你地成个场咁少人都搞成咁？阿部长竟然又口快快答错话因为隔离房有台大客系咁催所以做左佢地张单先，okay啦咁你继续照顾你台大客啦最好送埋碟过期剌身比佢地食，希望贵店净做佢地一台都揾够啦因为我地真系以后都唔会再嚟！抱歉有啲位因为当下太嬲所以都冇乜影相留证据，我朋友好似影左只昆虫我睇下之后可唔可以补返张相比大家！* 深夜因为肚痛瞓唔著先打左一大编食评，但点解会肚痛我已经唔想再深究😑…查看更多

完全唔可以接受嘅食肆。19:00到食火锅，先嚟一只细曱甴系炉具走出嚟！算！明白好难避免。叫左食物，20:00先上到汤底同一碟牛肉，到21:00经多次投诉先上山筋、响铃、萝卜，比多十分钟时间佢，都系无野食，饿到连汤底皮蛋同芫荽都食埋都系无野食。唔会再有下次，不过佢都应该就执笠…查看更多

之前见门口贴了可以6人一枱，专门今天5人来饮早茶，点知等到位后却要分2枱，职员说只可4人一枱，需然安排了隔离枱，但始终来这里是为了见可以6人一枱才来，不然可以选择其他餐厅啦。询问又拒绝把门口通告除去，全心误导吸引人流？？？…查看更多

母亲节，开头打电话去book话有998套餐（象拔蚌2斤，章红三斤，牛魔塔)去到话冇（母亲节唔紧要）散叫，象拔蚌498$一条，跟住话6个人加100要斤半先够食（母亲节唔紧要），我问佢一条章红几钱，佢话一条498$我叫一条，佢话一条好大条，要半条够食，（唔紧母亲节）埋单2320$当然有酒水其他，但条章红半条都系498$，我问佢点解，佢话当例牌，不能尽录,自己睇，谢谢…查看更多

又食火锅喇，十日内已经第三次，肥死了。今次黎到街坊商场内嘅尚馆，第三次帮衬，因为系质素唔错嘅海鲜火锅放题。 每人有一份海鲜一份靓肉一份刺身，其他配料（有脆鲩鲜牛等）都系任点任食，保证食饱饱！龙虾系非常新鲜弹牙，应该系个龙虾鱼缸啱啱拎出嚟，非常正！服务非常贴心周到，主动加汤问你要不要饮品（任饮）同非常勤换碟，个个都系好笑容都好亲切，系五星级服务态度，赞👍🏻👍🏻👍🏻…查看更多