影片
港铁第一城站 C 出口, 步行约6分钟
继续阅读
开饭介绍
以优质上海菜式为卖点，主要提供点心及面食，既保持传统上海风味，同时加入创新卖相及组合；以精湛、巧妙的手艺自创多款特色上海菜。
继续阅读
营业时间
*最后落单时间为: 21:30
星期一至日
全日休息
公众假期
全日休息
公众假期前夕
全日休息
以上资料只供参考，请与餐厅确认详情
相关文章
想近近哋喺沙田食上海菜，临时临急就只系谂倒嚟呢间。早几年食过一两次觉得几好食，感觉上今次无上次咁好食。五个人一共叫咗十样嘢 - 三小碟( 四季豆，镇江骨，五香牛)、窝贴(五只)、酸辣汤(例牌)、砂锅云吞鸡、糖醋桂花(?)/鲈(?)鱼、炒鳝糊、上海粗炒、嫰鸡煨面、雪菜肉丝炒年糕同埋豆沙锅饼。镇江骨几乎全部都系骨，得好少肉，而且无咩味道。五香牛得几片，味道普普通通，香料同咸味都唔够。酸辣汤个献好杰，不过胜在够酸又够辣。锅贴系几多肉汁，而且佢煎出嚟反转上碟呢个卖相几特别。砂锅云吞鸡有8-9粒云吞，半只鸡，下个再垫咗啲津白。个人觉得几好味，汤好浓郁，津白浸得好淋，鸡亦都好嫩滑。糖醋鱼好够份量，我觉得酸咗啲，不过鱼肉好滑。炒鳝糊味道一般，而目份量都相对细碟。上海粗炒同嫩鸡煨面水准正常，我个人比较喜欢粗炒，有些少儿时味道。雪菜肉丝炒年糕略为咸咗啲，年糕质地软糯，唔够咬口。豆沙锅饼上枱时热辣辣，但就奇在块皮一啲都唔脆，专登留一件摊冻啲先食都系唔脆。整体嚟讲只系不过不失，希望下次可以有改进。会返炒都应该系想喺沙田食上海菜呢个原因。
继续阅读
《尚点・小笼包上海面馆》沙田沙田第一城我一直觉得无咩好食，食过几间都伏伏地🥲今日这间相对几好但末见惊喜，但坐得舒服🤭正正午巿时间都唔太多人，午巿套餐都几抵食🤗＜雪菜肉丝面＞$46不过不失，只系今日唔想太浓味而点无咩特别，可以试下其他＜前菜・凉拌木耳＞套餐这个不错，辣辣地比较开胃，咸度适中＜锅贴＞套餐+$14够热有脆底，系肉饀但唔太肥，几好食＜豆浆＞套餐豆味够浓，唯独甜了少许※成个套餐连加一服务费都系$66，比较抵食
继续阅读
有日去咗第一城谂住揾下有咩好食，见到呢间上海菜门面唔错就入咗去🙈-//环境🌕🌕🌕🌑🌑座位都算舒适，唔会太逼，冷气亦都足够，不过落单既时候喺Menu见到有蚂蚁😕-//食物🌕🌑🌑🌑🌑1️⃣鸡丝粉皮（$48）我系个好钟意食鸡丝粉皮既人，呢间餐厅既鸡丝粉皮算系表现差个批。首先份量偏少，成碟野暖笠笠，唔够冻，鸡丝都偏Un，食完个前菜已经feel到出事😐2️⃣京葱开洋拌面（$48）佢除咗有京葱之外仲有D虾米仔，望落几香口😯不过个面成饼嘢咁，搞左好耐都捞唔散，同埋D汁唔系好够，所以食落有D淡同Dry😫3️⃣上海炒年糕（$70）最饱肚就系呢个！卖相同味道同唔错，除左年糕仲有菜同菇，味道亦好浓，如果自己一个食会好腻，Share既话都OK😂//总结呢间嘢食味道一般，但CP值好低，$15杯冻豆浆系超细杯，茶钱成$20，仲要收加一🙄食饭期间见到个叫左外卖既等左好耐，点知等完D野食又错晒，佢就去同个经理讲话d野唔岩。正路都应该要Say sorry话即刻帮佢换返，点知个经理一面轻松咁话：人总会犯错既😌呢D服务态度都世界级🤣结论，唔好去食！
继续阅读
今次真系失望失望失望话说间中都会食下上海野嘅我，今次去咗沙田第一城呢间餐厅食，叫咗一个上海炒年糕、酸辣面、自选小食、招牌小笼包。••落咗嘢食，店员冇覆单走咗，之后问题就嚟啦…叫咗自选三个小食，拍打青瓜、排骨、牛展，上错咗一个鸡丝粉皮😢于是我都好有礼貌地同佢哋讲声嚟错咗小食。排骨系冻食🥶🥶🥶牛展还可以，青瓜味道比较清。酸辣面一般般都还可以，比较好食嘅就系佢嘅小笼包，入面都juicy。••好啦小食终于啱啦，等咗好耐觉得好奇怪，点解我个上海炒年糕一直都未嚟，望一望张单发现漏咗🙄(但系我系有落到单剔左，up左张单)于是我就话返比店员姐姐听，佢好快手咁就走咗，之后就拎咗一碟上海。。。。粗炒😓😓😓之后就叫停左佢，附近疑似个经理就出声”又系呢枱，又有嘢错咩”店员姐姐对住我第一句就话”下！你自己叫咗上海粗炒既”••唔去了解件事就咁样嘅态度，令我感觉好差。我就拎返点餐纸话俾佢哋听我所有嘢都有落到单…之后问个男经理使唔使更正番张单，就非常敷衍咁应我咁样话等等先…希望真系改善一下服务态度。
继续阅读
在沙田，不多地方有上海菜馆，第一城这间算是价钱合理，地方宽敞。今次三个家庭一齐用晚膳，叫了很多食物，虽然不是款款惊喜，但亦有几个小菜值得推介。糖醋虾仁脆面，上枱已吸卖相吸引，酸道适中，配料足，而且食炒面是要脆面软面各半，这个配搭比例恰宜，值得encore。至于个豆沙饼，就真有点逊色，皮有点厚，亦不是外脆内软，但甜度适中，细路们都食晒，但大人就不太感兴趣。小笼包都满意，皮薄多肉多汁，上枱够热，达到基本要求。雪菜肉丝炒年糕都有点惊喜，弹牙入味，肉丝雪菜还有荀条都好新鲜，好快就清碟，而且分量比预期中多，抵食之选。最后值得一赞的是金网生煎锅贴，卖相吸引，新鲜热腾腾，锅贴不肥腻，而且内有肉汁，简直是今餐的灵魂食物，我们即场还多叫一碟。整体这间餐厅性价比不算高，至在空间感大，以食上海菜来说都算是价廉物美，不得不提，个茶好好味，食中餐必备。
继续阅读