影片
付款方式
其他资料
酒精饮料
加一服务费
电视播放
以上资料只供参考，请与餐厅确认详情
24-1-2013(四)我喜歡去「尚賓樓」午膳。一來價錢抵食；二來本人性子急，不想花時間等位，這裡不用等候便可入坐；三來這裡的面積頗大，所以沒有一般茶樓般的嘈吵。點心有入紙，也有姐姐推車仔叫賣。用料不算講究，卻吃得出那種平實風味；師傅做點心的功夫扎實，如：素菜皮軟薄柔韌，內裡的素菜爽實多汁；鮮蝦腸粉，皮薄蝦爽滑，一碟略嫌不夠。差不多大多食客，都會前來吃一盅鳳爪排骨飯，我們每次來也不例外。排骨肥瘦適中，蒸得夠腍，夠入味，飯有飯香，唔會太濕，加上甜豉油舖滿白飯，好吃到暈！
继续阅读
尋晚比佢個打邊爐$118包加一任飲任食吸引左，諗住試下咩水平，除左塞得滿個肚之外真係冇好感。點火鍋料係劃紙仔，但係點野成日唔足單，兩隻雞蛋黎得一隻，雞子唔夠鮮，點親魚就得果兩三小片，肥牛點左三次，有兩次可以肥到係差唔多見唔到肉，龍蝦丸唔爽口。試左甘筍茅根湯底，滾完同白烚冇分別，完全唔覺有味。
继续阅读
之前舊同事BT約同JF同我o係尋晚(27-7-2012 Fri)同埋佢未婚妻F小姐一齊o黎打邊爐,我o地6:30pm o黎到,當然唔多人,坐低後就剔o野食同自己攞o野飲.我o地揀o左鴛鴦湯底,一邊係所謂沙爹湯底,我見有紅油浮o係面,真係第一次見沙爹湯要加辣椒油.食o左咁多o野,冇乜o野係特別好,只有正常同麻麻兩類,正常o既有:1-13. 貢丸,金菇,鮮蝦水餃,豬皮,鴨腎,豆腐,山根,豬肚,龍蝦丸,白蘿蔔,油麥菜,釀豆卜,支竹14. 生蠔,應該係珠蠔.麻麻o既有:15. 雪花肥牛,係大大件,但….肥o既部份太多,口感好麻麻.16. 炸魚皮,淨食已經有啲腍,一定要放落去烚.17. 雞脾菇,諗住呢個應該穩穩陣陣,點知係麻麻,口感唔掂.18. 牛脷,我應該有食,因為熟o左後有啲似鴨腎,佢好薄同細件.19. 脆鯇魚片,一啲都唔脆.我冇食o既有魚頭冇o黎o既有粟米,牛根丸送o既熟食:20. 一坐低就即送每人一個炸蟹鉗,都係一般冇問題,酸甜汁就幾好味.21. 然後有片皮鴨,要自己出去排隊攞,而且一人限攞兩件,佢o地會塗好醬同包好畀客人,BT同F小姐幫我o地攞,我食o個件竟然係咬唔開,咬開後又’o趙’好耐,救命. 飲品方面:我o地前後自己攞o左酸梅湯同竹庶水各一jar.前者味道唔太濃,可以接受;後者就太甜.服務:坐低後,佢o地就即刻畀每人一碟辣椒豉油,救命,唔食辣o既我又要勞煩BT幫我攞冇辣椒o既豉油.我o地見第一輪每碟份量唔多,剔第二輪時將就多數寫’2’,o黎到時,JF見有啲只畀一碟,就同亞姐講我o地要兩碟個喎.亞姐就答唔知啊,入面係出一碟.其實我預o左會漏單,博人客唔食咁多o野.有個亞姐唔小心整跌啲菜,我諗佢會唔會執好後照畀客人?又唔係喎,佢將佢擺埋一邊.而我o地食完o野,有一碟三件o既生o既雪花肥牛唔食,侍應就收返放埋一邊.我o衣o家o係o度諗,佢o地會唔會將啲菜同肥牛拎返入廚房洗過再畀客人? O.o價錢:原來冇加一,服務都尚可o既.味道分係2.75
继续阅读
一早BOOK 好位, 多熱鬧 !一坐底欠幾20分鐘就到下午茶, 先叫午巿套餐,再叫特價點心才是最化算。排骨炒麵: 香脆的麵, 配幾條菜,排骨夠冧, 真係好掂 !水浸菠菜:原來近來菜真係好貴, 一個套餐煮埋 , 正 !藥膳雞脚: 朋友大力推介, 湯甜及補,配雞脚, 夠滑, 唔錯 !下次來再叫 。叉燒包 : 內不太肥,熱,汁味濃, 蝦餃: 鎮店之寶,唔使多介紹, 正 !粉菓: 料多, 皮唔太厚,晶瑩吸引 。雞扎: 部份朋友埋怨無豬肚, 裡面只有雞,魚肚, 芋頭,冬菇... 但我覺好味及抵食 !蛋白炒飯 : 油多了一點, 但味道唔錯, 菜粒都多,蛋白唔老 。咸水角: 熱, 夠大隻, 可以兩份分。炸雲吞: 夠脆, 可口, 大隻得來料少左DD, 配汁唔錯 。但裡面D料都幾正 。時菜牛肉球: 應該唔錯, 分唔到 。蘿白糕:煎得好香, 但油多左少少, 但有蘿白味 。
继续阅读
父親節餐單，一個送$70-80，但質素就認真物非所值1) 燒煵仔 - ok2) 魚香茄子煲 - 尚可3) 海鮮卷 - 內部構造係一大件芒果+一粒手指甲咁大既蝦，連茶仔都唔用來炒飯啦，佢地竟然用來造海鮮卷，又無咁cheap呀，大佬呢個送都七十幾，附近茶仔都唔會咁樣啦!4) 粟米石班 - 呢個真係重點極不推介，食了兩件都係粉，無魚肉，硬到即刻想吐出來，叫經理過來，叫佢自己睇，佢就話有魚肉，不過少D jei，唔想換唔想取消，如果唔係慶祝father day，我一定嘈佢埋單，自己去櫃面埋，我話要睇單，cashier 個女人就黑口黑面summary: 永不錄用酒樓
继续阅读