尚發小廚 雞煲．烤魚

营业中

休息中

今次試左金香烤魚新鮮清江魚先煎香後浸湯，魚肉細嫩無腥味，南瓜香甜湯底滲透每一絲魚肉，湯底係南瓜湯底好清甜，仲有滿滿南瓜蓉，啱曬唔食得辣既人士。除左原條烤魚，仲有好多配料薯仔、萵筍、芽菜、木耳、豆腐、豆卜、粗薯粉，全部配料吸滿湯汁好入味。烤魚連鐵盤上桌，邊食邊保溫，越煮越入味。南瓜湯烤魚既組合少見，顛覆傳統烤魚的油膩印象，反而好清甜食到魚肉鮮味，而且份量十足，2-3人食都絕對夠，大推！餐廳除左烤魚仲有雞煲、打邊爐同其他小炒菜式，下次黎試下其他菜式先。

最近朋友介紹大角咀一間中菜館「尚發小廚」，主打雞煲和烤魚，於是決定和朋友過來品嘗一下。餐廳距離深水埗地鐵站大概5至10分鐘路程，走著走著很快便來到了，地理位置還可以吧。一入餐廳，老闆娘招呼我們到卡位就坐，餐廳環境光亮闊落舒服，不像一般大排檔比較逼夾。由於朋友不愛吃魚，於是我們先點了一客川味香辣雞煲（半只），要大辣，另外老闆娘也熱情地跟我們推介了幾款招牌小菜，最後我們加點了一客蜜椒薯仔牛柳粒和乾鍋肥腸。熱辣辣的雞煲上枱時香氣撲鼻，雞煲有辣椒、洋蔥、青椒和大蔥頭做配菜，味道香辣惹味，雞肉肉質嫩滑，整個菜式送飯一流。蜜椒薯仔牛柳粒，牛肉肉質軟淋，配搭軟糯入味的薯仔，絕對是招牌菜。乾鍋肥腸，豬大腸炸得恰到好處，外皮乾脆香口，配搭了很多芽菜，豆腐乾，薯仔片，值得推薦。用餐過程中，老闆娘不時過來跟我們閒聊，知道這裡有間VIP房可以容納8至10人，非常適合一班朋友放工或者在附近踢波過來吃晚飯。餐廳有兩部大電視，當晚有賽馬直播，大家邊吃邊看氣氛不錯。離開的時候，發現原來一街之隔就是人氣港式大排檔「愛文生」，如果大家不想排隊等候，「尚發小廚」絕對是一個好選擇。

今晚同朋友去咗呢間試食，兩個人叫咗蒜辣烤魚，一個一口炸豆腐，兩支啤酒，上菜前比咗一碟仔拍青瓜，沒有講係要收費以為係送的，後來隔離枱有客來，我哋聽到個老闆娘同客講係送的唔收費嘅，埋單時張單卻顯示青瓜小食收10蚊，當時諗住d嘢食麻麻哋唔會再來就由佢，𢓭來諗吓覺得唔公平，憑乜人哋就送我哋就要收錢，所以覺得都係要來評一評，同埋你上小菜時都應該要問吓人客要唔要，因為你要收費顧客有權選擇要定唔要！呢種做法太過份！選擇性收顧客錢，我覺得被欺騙咗非常不滿！絕對唔會再幫襯！更何況d嘢食都唔好味!

上次在這裡吃雞煲和火鍋，味道很好👍👍雞的肉質噸得很爛，口感很好，嚼幾下就能吞下去了調味也不錯，聽說是獨家配方🤭 味道獨特，挺香的環境很好，很敞亮大氣推薦大家來吃👍👍

慶祝老公生日, 第一次去食尚發小廚, 一入餐廳, 老闆娘好熱情的款待。來食飯前都有上OPENRICE睇食評, 見到人話呢度的烤魚好食, 所以試咗一個 唔辣的 金香烤魚, 條魚的份量都幾大條, 肉質滑, (如果唔走辣) 應該會更好味。 另外, 老闆娘推介我咃食冰鎮千層咕嚕肉，咕嚕肉整體唔錯 (我屋企人話好食, 夠脆), 但我比較鍾意傳統熱食咕嚕肉。除咗烤魚, 咕嚕肉外, 我哋另外叫咗個 八味一口炸豆腐  & 一客蜜糖雞翼， 豆腐好食, 炸得好, 夠乾身, 夠脆。 由於2大2小去食飯, 試唔到其他菜式, 下次會再試下食雞煲。 

平日夜晚唔算好多客人 見唔使排隊於是入咗去試 叫咗個烤魚都幾大份 配料都幾多 好惹味 香辣雞煲都幾多肉 都幾辣要飲住嘢食 屋企人都話幾好食 老闆娘仲好好幫手睇有冇人抄牌 幾有人情味

呢間舖大約開咗業半年，有次偶然一班人入去食小菜，嗌咗霸王雞、土魷肉餅、中式牛柳粒等等嘅食物。大部份都係水準中上，而且價錢相宜。之後再食佢嘅雞煲，可以揀辣同埋唔辣。我哋就揀咗唔辣嘅食，個雞煲味道好惹味。其他嗌嘅牛肉、響鈴、墨魚滑，到非常新鮮同埋好味。幫襯多幾次之後，老闆娘勁好咁樣請我哋食嘢。個人又傾得又講得笑，服務真係一流。地理位置其實係佢哋嘅弱點，不過其實都只係喺愛文生隔離嗰條街。如果揸車嚟嘅人可以考慮下泊喺詩歌舞街附近。係果附近，除咗愛文生之外，其實尚發都係一個好嘅選擇。

上次黎食烤魚好大條，今次就黎試吓雞煲，叫咗個川味香辣雞煲，半隻。一坐低就有碟花生做前菜，花生脆卜卜，鹹鹹地香香哋，幾開胃。花生未食完就嚟咗雞煲。雞煲有洋蔥，辣椒，青椒同大蔥頭做配菜，賣相唔錯，煲蓋打開嘅時候雞煲好香。但係唔知係咪淨係叫咗小辣，冇乜辣味，淨係食到好鹹，可能送飯會好啲啦。之後叫多碟手打丸雙拼，啲丸味道幾新鮮，同埋幾彈牙，仲有幾條金菇做配菜添。總括嚟講，雞煲味都冇烤魚咁好，味道偏鹹，味道冇乜層次。

2個人叫咗一個細雞煲，手切牛，脆魚皮，同蒜蓉炒䈑筍。埋單5百幾蚊仲可以用消費卷。服務周到，價錢合理。雞煲有得揀辣度，啱哂我哂太食得辣嘅人。可以泊架車係門口，老闆娘就安排我坐近門口可以睇住走鬼。

雞煲嘅雞夠嫰，食完入邊啲雞，仲可以加水打邊爐，加蓮藕同薯仔煮耐啲夠入味，麻辣魚皮個魚皮夠厚夠爽又夠麻，冰鎮咕嚕肉望落去好似好凍，但食落口原來暖暖哋，有雙重嘅感覺，好有層次感，職員服務態度又好好，就算滿客

之前行過已經發現呢間新開嘅烤魚雞煲店，今日決定黎試吓個烤魚。一入到去侍應都好熱情咁講解，可以用QR code落單，之後點咗個金香烤魚，少少辣。等多一陣嗰條魚就嚟咗，都好大煲，等佢滾咗之後呢就打開個蓋，條魚好香，仲有好多唔同嘅配菜，有木耳，乾蔥，芫荽，辣椒，芽菜，青瓜同豆卜，仲有一啲薯粉係底。一邊食個店員都好貼心咁樣會唔會太辣，需唔需要豉油咁，每張枱仲會有紙巾提供，服務好好。估唔到個份量都幾多，兩個人食一條魚都已經好飽，之後決定加咗個牛骨髓，但係牛骨髓，等咗好耐先嚟，食落就無咩特別。呢餐兩個人埋單$470，可惜冇得比信用卡。下次都可以嚟，試吓雞煲。

來香港吃過那麼多家飯店，這家味道真的讓我愛住了，特別是那個水煮魚，不僅分量大還很入味，魚肉特別滑嫩，還不會有腥味。 他們家的冰鎮咕嚕肉也是一流，咕嚕肉是冰鎮過的，入口是酥酥脆脆的，第一次吃到冰鎮的咕嚕肉，意外的好吃，十分喜歡，強烈推薦！ 關鍵是價格還很便宜，上菜速度也很快，以後有機會肯定會再來吃！

朋友同我講有間新嘅烤魚店啱啱開張叫我過去試一試，咁前日我就約咗兩位同事去食，一坐低個老闆娘就好熱情咁招呼我哋，佢見我哋三個人就推介烤魚同埋雞煲，因爲我唔食得辣所以就叫咗酸菜烤魚同爆炒雞煲，落單後老闆娘仲送咗汽水同埋餐前小食畀我地，講返個烤魚，一擺上枱真係驚食唔曬嗰份糧足到你唔信，一試個味道就知個師傅有料到，試過咁多間烤魚哩間真係ok，至於雞煲食得出係用咗新鮮雞，個汁好啱我口味，食飽後老闆娘仲送埋生果盆真係識做生意，下次放假一定去再去幫襯

別看我圖拍得丑，烤魚真的急著吃沒時間拍，請理解一個吃貨的急迫，喜歡的原因:乾淨衛生，口感非常鮮嫩，湯汁濃稠，吃完烤魚接著還可以打邊爐，朋友來過都說好吃，拌魚皮也好吃，皮脆脆的，超級推薦！

I recently stumbled upon a hidden gem in Hong Kong and had the pleasure of dining at this fantastic restaurant. The friendly owner recommended some of her best dishes and I was not disappointed. I tried the delicious fried fish in a mild spicy broth, a hearty pork bone with vegetables soup, and two unique items, the crispy chilli fish skin and savory goose intestines. Each dish was expertly prepared and packed with flavor. The ambiance was warm and inviting, making the dining experience all the