尖茶

营业中

休息中

喺屯門行街好頸渴好頸渴，一見到隻連豬即刻仆埋去，嘢飲選擇唔算好多，但係天氣咁熱，杯荔枝烏龍蘆薈茶都好吸引我。揀咗少冰，但係都幾多冰，飲到最尾都仲有一層仔。荔枝味都幾出，蘆薈大大粒好爽口，但係茶就唔係好濃，性價比OK，個杯好硬淨。店員態度好好，雙手找錢🤣

外賣了兩杯珍珠奶茶及兩杯伯爵黑森林 (全部少甜少冰)見到伯爵黑森林係店主人氣推介，決定嘗試，但比較失望。飲品飲後有種類似薄荷的感覺，不怎麼喜歡此味道。而珍珠奶茶不過不失但應不會再回頭購買了。

叫左一個$24既車仔芋圓，叫左2份芋圓，紫薯圓同蕃薯圓各一份，加黑糖拎到返屋企一打開....真係好失望，仲比錯左2份紫薯圓，上店家社交平台反映，結果相都比人delete埋可能份量咁少係正常既，不過等大家有個預算，唔好期望太多

荔枝烏龍蘆薈茶🥤 $23佢嘅荔枝syrup好重味唔理聞落定飲落都係極荔枝但因為佢落個syrup重手左🤭變左個荔枝味蓋過左啲烏龍茶味🍵要飲真啲先飲到少少烏龍茶味😂啲蘆薈就正常嘅唔會太腍 更加冇變酸🤣（因為曾經喺第到飲過啲變酸左嘅蘆薈 所以先會特登講個蘆薈😭）

因為呢杯野 而專登down呢個app本人同朋友一至覺得芝士味係有 都算濃不過就冇芒果 飲落個味都唔係芒果味係有藥水定唔知清潔濟味29蚊 都算幾難飲 唔係想像中既味道冇下次了

其實珍珠奶茶係香港開到成行成市，好似七仔咁總有一間係附近。今次係屯門華都就試下一間尖茶先😉我黎嘅呢個時間大約4點，應該無乜人。但剛好有一班人比我早少少，所以要等😭 而且唔知係咪店主都覺得呢個時間無乜人，所以全店只有一個人😔等咗差唔多10分鐘，終於到我喇！試下杯珍珠奶茶先😋幸好杯珍珠奶茶味道唔差，仲嚐到淡淡嘅茶膽味道，而且珍珠彈牙唔太硬！價錢都算大衆化，唔算太貴。下次有機會經過會再試😇 但希望下次人手充足啲，唔會等太耐😉

屯門地區小店之一，老闆一腳踢，餐牌簡潔清晰。初初路過，眼見一堆堆中學生，拿着一杯杯藍色飲品，好奇之下，走到小店查看。老闆態度親切，樂於講解，親身有善地介紹這杯藍色的特飲。這杯藍色特飲，色彩鮮艷，是梳打飲品，有清爽輕鬆的感覺，大有清香的荔枝味，微甜，沒有酒精，感覺幾特別的，值得推介。

下午茶時段.用外賣APP點了幾杯飲料,訂單說約40分鐘送到.結果等到快2小時才到.飲品一點冰塊都沒有.收到時候好明顯已經做了很久.我明白可能訂單比較多.不過我們的單是第5張.3點半下單.4點才接單.但外賣APP顯示的同來到時候的訂單時間不一樣.而且完全沒有任何聯絡電話.只有苦等.飲品味道每杯都淡.可能溝左水.希望店舖可以加一個電話方便聯絡.然後我覺得店跟外賣APP 都有責任確保訂單既質素.最後伯爵黑森林為何是白鳳丸味同奶蓋下沉？？🤔🤔🤔🤔.

有時想飲杯珍珠奶茶 發覺屯門都不是太多選擇 今日無聊上網找一找 發現一間之前未飲過的喺華都商場 即刻去買兩杯試下 黑糖撞鮮奶味道都可以 如果多點黑糖比較好 另一杯黑糖鮮奶茶加芝士奶蓋 茶味和芝士一般

哩間小店好掂，去完公園玩，行去屯門廣場諗住買杯野飲下，勁多連鎖店，間間都排隊咁就緊係去下小店啦，哩間去到叫左杯果茶，用材新鮮每樣野都係即叫即做，就算個橙都係即切唔係一片片雪左有雪味果啲，仲要塊塊都厚切比你唔hea做，味道同 xx亭差唔多，但價格平好多，另外佢地既鮮奶珍珠唔同你平時食既味道好好味，如果係上面仲排緊🐯，你可以行幾步買杯試下吖...如果諗唔到想飲咩就直接同店主講唔要啲乜，佢就沖杯特飲比你，大家不彷去試下，店主好有諗頭成日諗啲menu無既野，所以我推介大家真係可以搵店主推介。。。

近屋企，有時想飲番杯 就會去買來杯，勝在沒有太多人排隊，想飲就飲！呢杯鮮果茶 是有1/4橙 茶、果味及甜度好夾；份量十足，我本人好like 自己好好享受一大杯，夏天飲番杯爽呀！

見今期咁流行台式飲品店，又見到新開即管嚟試試，叫了杯檸檬愛玉，好可惜一入口味道不似檸檬味 係柑桔味，完全唔係檸檬味道，而愛玉太大粒，飲晒後仲要好大力才啜到愛玉出嚟，很吃力，整體嚟講有點失望，希望佢能改善以上兩點啦! ^ ^😀