341
99
73
港铁尖沙咀/尖東站 N2 出口, 步行约1分钟 继续阅读
电话号码
37217700
开饭介绍
供应「即时烹调」自助餐,地道美食及特色饮品,以「即时烹饪,新鲜制造」的经营理念,既能欣赏厨师烹饪技巧,顾客亦品尝到最新鲜的美食。 继续阅读
营业时间
今日营业
06:30 - 22:00
星期一至日
06:30 - 22:00
公众假期
06:30 - 22:00
*早餐 供應時間 星期一至五:06:30-10:00;星期六、日及公眾假期:06:30-10:30 午餐 供應時間 每日中午12時至下午2時30分 晚餐 供應時間 每日晚上6時至10時
付款方式
Visa Master AlipayHK 支付宝 现金 八达通 美国运通 银联 JCB OpenRice Pay Diners
座位数目
170
其他资料
网上订座
Wi-Fi
酒精饮料
自带酒水
切蛋糕费
泊车
电话订座
赏订座积分
加一服务费
当面支付
以上资料只供参考,请与餐厅确认详情
有关奖赏计划
食记 (617)
等级6 2024-03-10
1896 浏览
近幾年的農曆新年,團年或者開年飯都習慣了同屋企人食自助餐,今年的「兔龍交接」繼續維持傳統,於年廿九晚揀了尖沙咀凱悅酒店的【Cafe】大啖五星級酒店自助餐。位於酒店內的老牌馳名法國餐廳【Hugo’s】旁邊,可能因為這個原因,裝修風格也有點相似;咁當然,級數及陳設裝潢仍然有分別。尤其其中一角座位區同樣以深啡色木材為主調,配合高樓底、大吊燈,帶有歐洲大宅書房風情。以自助餐標準來講,裝潢優雅。價錢同其他五星級酒店差不多,但又未去到最貴(如 Regent Harbourside、JW Marriott Cafe)級數,回本菜式也相對較少。星期一至四自助晚餐成人 $748 / 小童 $368,星期五至日貴啲,但就多啲回本菜式;另一個吸引之處係食足四個鐘(晚上6:00至10:00),足夠時間回本!最近一兩個月,很多酒店自助餐推出折扣優惠;估計因為太多香港人北上消費,要諗辦法留客。【Cafe Hyatt Regency TST】也有類似優惠,只要提早兩日訂座並付全數就有六五折;儘管是年廿九晚的自助餐,也有此優惠。受室內空間限制,食品區的佈局比較分散。尤其是甜品區,雖然位於Cafe範圍內,但設置在店門口附近,與用餐區及其他食品區分隔,有點奇怪。整體來講,菜式種類及款式選擇比同級自助餐少,最大賣點就是任食即烚新鮮可持續發展波士頓龍蝦。自助餐一定有刺身及壽司。就算是最貴嘅五星級酒店自助餐,壽司一般也不會好吃,食材質素其一,全部預先做好防入雪櫃,飯糰也變得難吃。至於刺身,以自助餐來講,質素算相當好,尤其生赤蝦及帆立貝,可以追加;至於鮪赤身及三文魚就可以不試了。凍海鮮稍為普通,只有翡翠螺、青口、沙白、越南凍蝦、小龍蝦及松葉蟹腳。尤其松葉蟹腳很瘦弱,又只有很鹹的海水味及水份很多,欠缺蟹肉鮮甜。意料之外竟然有中式冷盤花雕醉雞翼及陳醋雲耳。只嫌所選雞翼品種太大隻,雪藏臊味亦辟除得未夠徹底,幸好有花雕酒香及出色調味掩蓋了雞翼的臊味。陳醋雲耳較好味,夠爽脆。預制沙律只有兩款,自助沙律吧的配料選擇也不多;與其他同級酒店自助餐比較,就給比下去。芝士象徵式有兩款口味凍海鮮稍為普通,只有翡翠螺、青口、沙白、越南凍蝦、小龍蝦及松葉蟹腳款普通芝士及一款藍芝士,亦欠缺介紹銘牌。凍肉只有四款:煙三文魚、Salami ham、切片凍火腿及Parma ham 配哈密瓜;款式未夠多元化。回本菜式一定係任食即烚活波士頓龍蝦,刻意將一盤活生生的波士頓龍蝦展示出來,證明絕不欺場。望着廚師不停將新鮮滾熱辣、剛剛烚熟的原隻龍蝦開邊上碟,客人排隊取龍蝦,每次半隻。龍蝦相當大隻,每隻大約400g,仲要蝦膏滿瀉!肉質鮮甜、爽口彈牙,果然係新鮮活龍蝦,遠勝只有海水鹹味的開邊凍龍蝦。即烚波士頓龍蝦吧旁邊係印度美食區。除了羊肉咖喱、雞肉串燒、咖喱角、薄脆、咖喱雞等常見印度美食,多了蒜味烤餅 (naan)。另外,亦有印度街頭隨處可見的印式脆球 (panipuri),配搭青咖喱醬,口味地道,其他自助餐罕見。  西式美食以燒烤為主:慢燒有骨肉眼扒、燒羊腿、燒生蠔、楓糖燒火腿及馬賽魚海鮮湯 (Bouillabaisse)。最受歡迎一定係有骨肉眼,比起其他自助餐的原條燒牛肉(除非係澳洲 M6+ 級數或以上的頂級自助餐出品)多了脂肪,所以也更油潤、更好味;不要貪心只食燒牛肉,盡量要取得連骨的一條牛肋排,雖然肉少,但肉質較軟、較油潤,亦更美味。馬賽魚海鮮湯係傳統法國南部普羅旺斯風味,賣相一般,味道尚可。而且只有一鍋鑄鐵煲的份量,作為自助餐菜式,似乎太過細鍋了。其他西式美食還有意式燴雜菜、香煎鴨胸配香橙汁、炒法式邊豆。三款菜式味道皆很一般。究竟烤龍蝦是否都係用新鮮龍蝦?望見廚師將已預先烚熟了的開邊龍放在鐵板上面燒烤,淋上牛油汁引起火焰,造成燒焦後果,提升香味,好吸引!另外一組美食區有香煎虎蝦、廣東燒味(白切雞、叉燒、燒肉、燒鵝)及天婦羅(蝦、沙錐魚、番薯、秋葵)。港式粉麵有三款湯底:豬骨、喇沙及清湯,總有一款啱口味。材料款式都算多:菇、蝦、魷魚、丸類、豆卜、青菜。粉麵檔旁邊係中式燉湯:松茸螺頭燉雞。燉湯竟然只係一碗碗,並非一盅盅;唔係用燉盅嘅湯,還算不算燉湯?還好,燉湯味道仍然清甜。其餘就是中式美食:辣酒煮海鮮、龍蝦伊麵、清蒸花尾躉、羊腩煲、瑤柱扒時蔬、避風塘炒蟹、黃金魚皮。龍蝦伊麵將伊麵、上湯炒龍蝦鉗及上湯醬汁分成三盤,方便客人按喜好自行調配;醬汁味道鮮濃、龍蝦鉗亦好味。避風塘炒蟹居然做到了坊間炒辣蟹專門店的7、8成水準,抵讚!最大弱點就係唔夠熱辣辣,始終並非即叫即炒,很難進一步改善。黃金魚皮脆卜卜、鹹蛋黃醬味道香濃,水準之上。甜品較為失色。雖然有牛角窩夫、麵包布丁及芒果糯米飯等特色即制甜品,但五星級酒店自助餐應該做得最出色的西式甜品,竟然令人失望。西式精緻甜品款式少,味道又唔夠突出;唯一比較好味只有雲呢拿拿破崙及朱古力慕絲杯。如果係原價,唔算吸引,因為貴價回本菜式選擇唔多;除非只係不停食白烚新鮮活波士頓龍蝦。但如果只係為了食龍蝦,又缺少了自助餐大快朵頤的暢快感。尤其鍾意食甜品的話,亦會失望而回。如果碰到折扣優惠價的機會,姑且不妨一試。 继续阅读
(以上食记乃用户个人意见 , 并不代表OpenRice之观点。)
一定要同大家分享這份非常適合冬日及聖誕節的下午茶, 一杯dark rum令甜品滋味百倍, 而且增添節日氣氛. 「冬日滋味下午茶」共有3款咸點、5款甜點及鬆餅, 飲品可選咖啡或茶, 若選熱蘋果特飲或杏仁朱古力也不需另收費.  喜歡肉桂的我, 飲品當然選熱蘋果特飲, 散發誘人的肉桂香味, 識飲的話, 不妨加兩至三匙dark rum, 添加層次.  感到凍的時候, 就會想起熱朱古力, 這杯熱杏仁朱古力更具聖誕氣氛.甜點大部份都有朱古力, 其次是香橙及紅莓, 這個配搭營造了滿滿的節慶感.一個小驚喜, 原來下午茶包每人一小杯dark rum, 酒精度頗高, 每次呷非常小口已足夠. 甜點之中我最喜歡香蕉拖肥批, 細細件既banoffee面層是香滑的呍呢拿忌廉, 內裏是香蕉冧酒慕絲, 本身已好好味, 喝小口dark rum再吃, 更香滑.另一款與dark rum好匹配的是64度朱古力吉士杯, 先吃酸甜紅莓醬、黑醋汁及可可豆, 然後直接把兩匙dark rum倒入, 與濃郁朱古力一混合, 那種絲滑、扣人心弦的感覺一觸即發, 太美味!自從在坊間吃過Saint-Honore泡芙, 不自覺地愛上了, 剛好這份下午茶的焦糖泡芙內餡是伯爵茶忌廉, 外脆內軟, 一小件就是有點吊癮~最後兩款誘人甜點是香橙瑪德蓮蛋糕及杏仁曲奇配朱古力醬, 不要忽略碟上的糖漬乾橙片, 全部都好美味~一般下午茶都有鬆餅, 這裏也不例外, 而特別之處是換上自家製香橙果醬, 好足料的醬, 有果肉, 甜度適中.  香橙蔓越莓鬆餅都夠鬆軟, 無論配香橙果醬或濃縮忌廉都好得~咸點有三款, 先來香煎吞拿魚配全粗麥麵包, 厚身柔軟而帶微辣, 口碑不錯~ 我自己就鍾意肝醬三文治及香脆牛肉批, 好惹味~Winter Delights Afternoon Tea, 供應期由2023年11月1日至2024年1月31日, 逢星期一至日, 3pm-5pm, HK$538+10% /兩位用, 網上訂購更有8折優惠~ 继续阅读
(以上食记乃用户个人意见 , 并不代表OpenRice之观点。)
𝐖𝐨𝐨!!! 是大大隻皇帝蟹腳呀😍😍😍!!! 原來尖沙咀的🇭🇰凱悅酒店 𝐇𝐲𝐚𝐭𝐭 𝐑𝐞𝐠𝐞𝐧𝐜𝐲,最近以蟹饌及海鮮做主題,推出全新的自助晚餐🤭,星期五是蟹饌,星期六日則是海鮮盛宴。我星期五到訪,大大隻皇帝蟹腳仼吃呀💕!!預早訂座高達65折,蟹迷記得出動啦~☆ 滋味蟹饌自助晚餐⏰ 即日起逢星期五 𝟏𝟖:𝟎𝟎-𝟐𝟐:𝟎𝟎💰👨🏻👩🏻$𝟖𝟖𝟖 👦🏻👧🏻$𝟒𝟑𝟖~蟹饌主打美食🦀: (星期五供應) 燒皇帝蟹腳、即炸蟹餅、軟殼蟹天婦羅、黑胡椒炒蟹、印度咖喱蟹肉餃子、香辣蟹肉湯、蟹肉蘆筍烤薄餅、軟殼蟹壽司及蟹肉沙律。~海鮮盛宴主打美食🐟: (六日供應)威靈頓三文魚、焗蒜蓉牛油生蠔、香烤蝦串、龍蝦濃湯、黑胡椒蒸蜆 及 大蝦凱撒沙律。這次吃蟹饌,不論是燒的皇帝蟹腳,還是冰鎮皇帝蟹腳,⼀樣都好鮮甜🥹,也太好吃了吧~~冷盤海鮮: 冰鎮皇帝蟹腳🦀、螃蟹、越南海蝦、加拿大海螺、新西蘭青口、沙白蜆、翡翠螺等等,款式超多。有氣派又豐富的冰鎮海鮮山😏,睇得又食得! 蟹腳厚肉又鮮甜,真的必吃! 我吃了好多件呀🙈! ~前菜&沙律: 自選沙律、意粉沙律、各種火腿🍖。~刺身&壽司: 三文魚、吞拿魚、帶子、章魚🐙 及 多款壽司等等。食物款式多😆,每款都好新鮮。~熟食: 燒牛扒、芝士意大利飯🧀、紅酒燴牛尾、芝士通心粉、即炸天婦羅🍤、上湯焗龍蝦伊麵、清蒸沙巴躉、辣椒炸青口、黄金鹹蛋蝦🦐、叉燒、燒腩仔、油雞等等。食物款式多,我最愛喝原盅花膠燉湯,又滋潤又香甜🤭,我喝了兩大碗。~甜品: 招牌士多啤梨拿破崙🍰、芝士蛋糕、朱古力布朗尼、果仁撻、雜莓撻、意大利芝士布甸、芒果布甸、桂花杞子啫喱、蝴蝶酥、芒果糯米飯🍚、豆腐花、即製窩夫🧇、𝐇𝐚𝐚̈𝐠𝐞𝐧-𝐃𝐚𝐳𝐬 雪糕🍦等等。甜品有超多款式,全部都好吸引!! 我最推介香脆的窩夫配雪糕💕,好好味呀~~飲品: 每人餐飲⼀杯,亦可升級飲酒。海鮮相當多,特別是皇帝蟹超鮮甜😍,你都快啲試試囉🥳!! 继续阅读
(以上食记乃用户个人意见 , 并不代表OpenRice之观点。)
等级4 2024-04-15
0 浏览
3月真係成個月都不停食食食, 生日又點少得食自助餐, 今次車車揀左上年都有食過嘅尖沙咀凱悅酒店咖啡廳, 喜歡佢嘅環境同裝修風格, 以木色做主調, 加上樓底高, 空間感好大, 坐得幾舒服! 而車車最中意嘅地方就係一場食足4個鐘由6點食到10點, 唔趕之餘仲可以慢慢食, 慢慢傾! 食物質素依然, 而且refill得好快, 每個區域都劃分得好好, 好齊整! 仲有一樣最中意嘅就係佢地嘅天然維他命水, 用左水果同薄荷葉製作, 清涼清涼~岩哂唔中意飲無味水嘅車車整晚嘅焦點當然落係龍蝦, 有新鮮即烚活龍蝦亦有燒龍蝦, 唔同嘅煮法有唔同嘅好味, 車車就喜歡即烚活龍蝦, 肉質新鮮爽甜, 好juicy, 車車都唔知拎左幾多次!除左龍蝦, 係冰鎮海鮮區仲有大量海鮮包括越南海蝦/加拿大海螺/新西蘭青口/松葉蟹腳/沙白, 旁邊仲有自選沙律吧同多款芝士凍肉, 最有特色嘅一定係中式冷盤例如花雕醉雞翼同涼拌雲耳, 當然仲有壽司同多款刺身!熱葷方面有燒烤/鐵板燒/天婦羅/中式燒味/中式小菜/湯品/麵食/印度菜等等, 佢地嘅燉湯真係相當高質, 超足料又好飲, 車車拎左勁多碗!甜品方面款式都幾多, 例如招牌千層酥/桂花啫喱/豆腐花/pecan pie/ 芝士蛋糕/麵包布丁/曲奇餅/自製窩夫/多款haagen dazs雪糕等等, 車車覺得招牌千層酥, pecan pie, 桂花啫喱都係必食推介! 最後嘆埋杯茶就完滿啦~ 继续阅读
(以上食记乃用户个人意见 , 并不代表OpenRice之观点。)
-𝐂𝐚𝐟𝐞 - 𝐇𝐲𝐚𝐭𝐭 𝐑𝐞𝐠𝐞𝐧𝐜𝐲 𝐓𝐬𝐢𝐦 𝐒𝐡𝐚 𝐓𝐬𝐮𝐢自從舊年食過尖沙咀凱悅酒店咖啡廳既自助餐後都一直想再番去試下新野 由今年1月開始原來佢地既廚師團隊就推出左星期五限定自助餐 - 用多款唔同時令蟹炮製滋味蟹饌 而星期六日就會供應海鮮盛宴作為海鮮愛好者既我當然唔會錯過!!✨ 滋味蟹饌 (成人 $888 / 小童 $438)焦點菜式 - 個人高度推薦必拎: 🦀冰鎮皇帝蟹腳 - 肉質軟嫩多汁 有海水味唔係死鹹🦀燒皇帝蟹腳 - 加少少檸檬汁提鮮 個人更中意呢個做法🦀即炸蟹餅 - 炸得香脆可口 內容物軟綿細膩🦀即炸軟殼蟹天婦羅 - 炸得唔怕好油膩 原隻咁食好滿足另外仲有新鮮大蝦 / 秋葵 / 白飯魚 / 蟹肉忌廉薯餅🦀黑胡椒炒蟹 - 夠晒入味 肉質好鮮嫩⭐️ 花膠蟲草花螺頭燉雞湯 - 想講呢個足料又養生 好飲到我拎左3次 大愛❤️❤️❤️❤️❤️熱葷焦點中西日印式樣樣齊 / 燒烤 / 即煎鐵板燒 / 即切肉眼扒等等🦀上湯波士頓龍蝦伊麵🦀印度咖哩蟹肉餃子🦀湯品: 香辣蟹肉湯 / 南瓜湯🦀即製鮮焗薄餅意粉 - 重點有蟹肉蘆筍烤薄餅🔥 清蒸沙巴龍躉 - 好味呢~ 唔怕腥同埋手快有手慢冇🔥 火焰虎蝦🔥 炒時菜: 瑤柱扒時蔬 / 臘味炒芥蘭🔥 印度菜: 天多利 / 羊肉咖哩飯 / 蒜味烤餅冰鎮海鮮區 - 海鮮款款新鮮 選擇多 大量快速不停供應✨越南海蝦 ✨加拿大海螺✨新西蘭青口🦀 時令螃蟹✨美國可持續發展波士頓龍蝦三味每次黎都係最期待食呢3味 當中包括新鮮即烚活龍蝦 + 燒龍蝦 + 上湯波士頓龍蝦伊麵肉質絕對有保證 夠晒新鮮 爽口彈牙!✨新鮮刺身同壽司 - 包括即切黃鰭吞拿魚刺身 / 加拿大帶子刺身 / 軟殼蟹壽司仲有一系列自選沙律同雜錦冷盤, 包括🦀蟹肉沙律🔥 酒醉雞翼🔥 辣拌木耳🔥 多款芝士凍肉等等甜品🔥 豆腐花 - 呢度既豆腐花永遠唔會令人失望的 必食🤍🔥 自製雪糕窩夫- 開心既係有好多配料落同可以加雪糕🔥 紐約芝士蛋糕 - 小小一件 好邪惡 但好滿足🤍仲有一系列唔同既小蛋糕 / 招牌千層酥 / 水果 / 桂花啫喱等等 继续阅读
(以上食记乃用户个人意见 , 并不代表OpenRice之观点。)