尖咀記大排檔 (已結業)

第一次幫襯，有驚喜。第一，環境乾淨企理。可惜無幫襯埋個廁所。唔知咩環境。但坐位唔迫。第二，服務態度唔錯，幾有禮貌，無西面。最後，食物好味。我寫幾味認為必試先。湯聽有食過嘅朋友講，平時叫湯就一人一盅。今次我地成10個人，所以成煲上。個湯真係要試。我都唔知乜名堂，好多料，有雞腳，有螺肉，有菇。。。好鮮甜鵝腸鵝腸好簡單，入味，爽口豬手豬手皮脆唔韌，咸香啱啱好。萵筍炒臘味辣辣地，好野味啫啫菜好野味其他菜都好味，但上面嗰啲真係要試。

見到新開無耐，試吓掂唔掂。九點幾十點食宵夜，叫咗雞粥、椒鹽鮮魷、肉鬆四季豆、乾炒牛河。粥比較稀，雞無乜調味，當然唔係生滾粥，無乜期望。但個鮮魷切十字花，脆漿唔厚，賣相好靚，但一咬落去，完全唔使𡁻，已淋之之，完全無味，預咗唔係新鮮生猛魷魚，但似係雪咗好耐，喇到淋曬，椒鹽亦都冇乜味，好失望。牛河同四季豆比較正常，但唔算好鑊氣。唯一可取係價錢算合理，呢方面冇伏，食物真係強差人意，希望日後有改善啦，不過應該唔會再嚟，尖沙咀都有幾檔幾好食，有得選擇。