小魚滋味 (已結業)

星期日晚本來想同男友食旺角麵軒的,未上到去, 唔知點解都有預感係執左, 去到果然已經關閉....改地點去太子始創中心的小魚滋味,以前都去過一次, 印象中有個麵係好好味的,同男友了叫了一碗滋味雞魚湯麵, 牛肉麵,再加一個小食拼盤。雖然呢度叫小魚滋味, 魚湯理應好得!但個人覺得普通, 魚米家個湯濃d同鮮味d~麵亦唔係掂, 冇乜味....滋味雞d雞唔好食, 個汁都唔好,d汁入唔到d雞度...牛肉夠腍, 都幾大舊, 但又係唔入味....小食拼盤: 老水雞翼、乾扁四季豆、炸茄子我覺得個四季豆同炸茄子係最好味的!! 真係幾好味架!但個雞翼, 鞋左同冇味....................每人平均都要成$70, 男友覺得唔抵食, 雖然都食得飽, 但d quality唔得....唔係難食, 但就唔係好食, 加埋唔抵食, 所以未必再幫襯。

擔擔香茅豬扒米線--唔辣蒜香??魚米線--幾好,不個細碗D.紅油抄手--都係唔辣

尋晚同老婆行到始創中心上了間小魚滋味食晚飯, 叫了一客上海排骨米線,一客咖哩雞扒飯套餐及小食一客. 上海排骨和咖哩雞扒的味道不錯, 我們將其中一款套餐的飲品改為湯丸, 湯底很夠薑味, 很好吃. 小食也算不錯. 服務都很好, 下次又有多一處地方食飯了.

昨晚同太太再去食, 叫了上海排骨及蜜汁雞扒米線套餐.上海排骨及蜜汁雞扒味道不錯, 尤其是上海排骨, 次次都幾好水準, 香口多汁.米線的魚湯則水準不穩定, 很淡, 唔多有魚味, 一間以魚為名的餐館, 不應如此輕視這點.我們一般都會將餐飲改為湯丸, 湯底很夠薑味.昨晚接待員不會再將卡位及特色梳化當寶, 先到的都提供卡位及特色梳化, 這才合理.

一直都想養返一缸細魚.尋晚出太子花園街睇下d器材.之後同friend係附近食晚飯.始創中心冇行成年原來已經大變身.行完二樓三樓發覺呢間小魚滋味坐得最舒服(三樓有和花亭同越棧,比較細間~),所以就係呢度開餐.係幾好喎有套餐食,仲全部都唔過50.有送有菜飯有湯仲有杯野飲,真係算幾抵食,叫左:怪味雞-- 賣相似油雞,味道都幾似,特別係個汁真係好好味.雖然用雪藏雞但幸有調味搭救.現場所見勁多人食.魚腐米線(朋友食) –賣相唔錯,自己冇試過但都覺得吸引.呢間野係用魚湯起朵所以味道應該不錯.特別既係隨米線附上既辣油真係幾辣.埋單~$100, 真係幾抵, 又算好食, 值得一試.

(10/9/05)傱深水埗行過嚟, 下午茶時間咯, 見哩度d梳化幾得意, 咪入去o羅。粟米沙律拼蒜香炸雞翼─一球主色黃色的沙律唔係太凍的, 好唔討好, 雞翼炸得好香, 亦入味。醬占多士(唔知點解哩個等左好耐)─花生醬加果占, 好少咁配搭, 勝在我喜歡試古怪o野。今次又得喎! 仲係有兩份添!餐飲, 男友揀左蜂蜜薑母茶(+$3計落條數唔抵), 好彩都幾夠薑味幾好味嘅。而我只係飲杯好立克啫。雖然幾好坐, 不過黑黑沉沉, o野食又唔係好食, 唔會再吃啦!

我同朋友仔食左佢地的排骨麵,魚腐麵& 雞菜菜飯, 大約$40-50 一set 都ok, 不過凍飲又要加3蚊, 多左d.... 好彩熱飲,ice-cream 同湯丸就唔洗加錢菜飯好乾又硬, 雞又凍冰冰, 排骨個面好甜, 魚腐個炸面好厚,似炸鯪魚球多d一set果個冇discount, 本來有東亞credit card 可以九折都冇得用overall, 環境其實都唔錯, 但食物就唔得喇...

今日同男友第1次去~ 外觀幾好~car位幾大幾舒服~全店都係非吸煙區menu 好多野食選擇, 甘我地叫左"鏝魚炒飯"約$50,"捧捧雞粉皮" $45 , "泰式豬頸肉" $28 這3道菜~ 食品: "鏝魚炒飯" 可以, 炒得幾平均, 好過味千! "豬頸肉" 幾好味, 幾香口, 有酸蘿白絲送****"捧捧雞粉皮"**** 嘩!!! 真係好難食, 難為佢仲係"menu度既熱門菜色!! 真係好好好難啃!!!! 係甘e俾超市有得賣既麻醬(仲係超少添)拌d粉皮, 粉皮有唔薄, 長短窄闊不一, d雞又唔好食, 好鞋口! 總括黎講, 真係好唔掂! 仲要$45 一碟添! 加一要成$50! 服務: 可以, waiter 好快幫你落單, 野食都好快黎, 添茶都算密埋單: $135 (加埋一)~

用男朋友lunch, 第一次來,很喜歡這裡的環境,卡位坐得好舒服~裝修得幾有氣氛紅燒牛肉菜飯+魚湯,$38泰式豬頸肉魚湯米線餐,$42魚湯係冇味精,不過略嫌唔夠味,淨飲還可以,配埋米線就很淡了...豬頸肉好脆,真正燒到外脆內軟~v~一d都唔韌,好好味配埋泰式辣醬食,簡直冇得彈!!!真係食過咁多間最好食o既一間~一定要試下!另外紅燒牛肉都唔錯,牛肉煮得好淋...冇渣~d汁又好濃郁,用o黎送飯最正~仲有樣野要讚,就係凍檸水沖得幾好飲~我地覺得d紙巾太薄,在意見紙上反映了,waitress埋單時都有問番我地情況,細心跟進,服務態度唔錯~

價錢不貴,但味道一般.我去食飯既時候(可能我黑仔)勁多小蒼蠅飛來飛去搵食,嚇到我甜品都唔敢食就嗱嗱聲埋單走人.總括來講,我覺得魚米家好過佢.

又去到男友最愛的小魚滋味, 其實呢度都認真唔錯, 價錢抵又坐得舒服, 2個人都比你坐大卡位, 都算係咁啦!!今次叫左麻辣排骨担担麵$48, 怪味雞菜飯$39, 生炒排骨$42排骨真係我每次都必食的item, 今次配上担担麵, 呢度的担担麵麻麻地, 先講賣相, 個湯深啡色的確唔吸引, 但湯一d都唔辣之餘, 肉碎亦好少, 你話係咪令人失望啊!!!麵就一般啦, 以係油麵個隻feel, 麻麻地, 唔夠煙un. 不過排骨骨真係正, 因為佢的確係外脆肉滑, 味道調得好好, 肉質有咬口同口感, 一d都唔會un, 正!! 怪味雞配菜飯, 怪味雞都唔係第一次食啦, 不肉質嫩滑, 當然都係雪雞啦, 不過唔會太肥, 但今次個件雞唔係好夠肉, 同埋如果雞可以係熱就好啦!! 菜飯有個好處就係有幾種菜同埋唔油, good生炒骨就一般啦, 個碟有好多菠蘿, 青椒同椰果, 排骨就炸得麻麻啦, 黑黑地, 好似過左火喉, 另外雖然排骨唔肥但又唔係好多肉, 味道調得唔錯但整體來說只係一般啦

上海排骨好味，魚腐好似炸鯪魚球咁，都係魚米家正好多，鹽酥茄子粒都唔錯，個湯麵最唔得，個湯底好淡，啲麵又一舊。環境舒服，服務幾好，不過見佢有啲食物都幾貴。

01/06/2005 20:30上次行始創時發現呢間小魚滋味，記得價錢都算幾平，今晚約左o係旺角食飯就黎呢度試試～這裡的裝修不錯，卡位全都是梳化座椅，但唔係去到個頭度果隻，即係有機會同後面果位"火星撞地球".......店子以魚湯米線為主打，還有小食、炒飯及焗飯等。一人套餐$38起，有米線、油菜同飲品。我叫了紅燒牛肉米線($35)，女友就要左豉油雞($35，正確名稱唔記得，見圖)。米線先上，先呷一口湯。唔.....果真係魚湯，仲有少少腥添，不過還可接受。配料有小唐菜同一o的菇類，米線都幾爽口彈牙。紅燒牛肉好多汁，所以要分開上，牛肉其實係牛"月展"而煮法就有o的似西式o既紅酒燴牛"月展"。呢個做得唔錯，炆得好夠腍，食落有少少鬆化o既口感。另一碟雞就普通左o的，真係同豉油雞冇乜分別。餐飲方面可以轉兩粒裝o既湯丸，都做得幾出色，起碼唔會諗到以米線為主o既舖頭會做到呢個水準。服務方面都算唔錯，侍應們都好禮貌又成日主動斟水，不過找錢時就耐左o的，成六蚊架喎，你唔係以為唔駛找呀嘛？埋單連加一$94，無乜特別，未必會再黎囉.........

Food quality average. The response of some waitress is slow. Price is somewhat high.甜品(熱紅豆sai米露)太甜.

又去呢度啦, 比起初時, 而家呢間野旺左好多啦, 貪佢\又經濟食物又多款坐得又舒服, 所以成日去今次叫左個招牌貨係上海豬排麵同雞扒泡飯, 睇相個時見個上海麵係好似担担麵, 但係上枱個時只係魚湯only,又係參考圖片的錯...........食落都係魚湯麵而己. 呢度的豬排係唔錯, 肉厚大塊又唔肥, 啖啖肉, very good. 雞扒都幾好, 雞扒又係大大塊, 又唔會煎得太勁, good! 泡飯都係魚湯底, 其實我食過幾次都覺得呢度個魚湯麻麻, 都係味精湯, 不過少d味精啦!! 麵就唔係一般上海麵, 係幼身d個隻, 彈牙好味, 都好飽肚的.