小飛象美食 (已結業)

是日晚飯選擇到小飛象餐廳位於昌安商場地下附近都有數間小菜館，檯櫈都擺到走廊，大牌檔風格地方整潔，餐具亦有用滾水清洗點了馬拉盞通菜，頗有鑊氣，但味略淡椒鹽鮮魷，香脆惹味，鹹味與辛辣適中，但配搭陳醋有點奇怪蒜蓉開邊蝦，質素正常，粉絲蒜蓉最佳拍檔啫啫雞煲上菜時仍夠熱度，乾蔥配料都算入味整體質素中上4碟小菜，3枝啤酒$556不算平，但地點方便，應該會有下次

早二日係昌寧食完lunch ，今日就去隔離的昌安試另一間食店。小飛象美食坊，我記得以前爸爸同D叔叔伯伯好鍾意去食，但一直無為意咁近，今日就來試下。一入去空間幾大，重有一排落地窗。睇落似係大排擋飲啤酒的格局。坐低未叫嘢，阿姐就送上二碗例湯，果下有D感動，好似好耐無去過一間店有依個舉動了。紅蘿蔔豬骨湯($0)湯我覺得味道OK。但老公一直話淡，要加小許鹽。午餐(星期三)-1 蔥油雞飯($48)叫完5分鐘就上台了，勁快。蔥油醬很香很下飯。可惜雞唔滑，上台時有D乾，我想是一早切好晒一份份雞。有人叫就可以直接扲上枱，雞太乾要扣分。午餐(星期三)-4 五香肉丁炒公仔麵($48)想起大排擋就會想試下炒嘢，所以試下炒公仔麵。上枱要D時間，個樣都OK﹐食落油係正常，話晒係五香肉丁。有小小辣，阿姐重連埋辣椒醬比我，不過我無加。整體幾好味，可以一試。餐飲-熱奶茶去未食過的店，我都會想試奶茶。依間D奶茶OK喎夠滑，夠奶味，也有茶味。餐飲-熱檸檬茶老公的。老公話好味，茶味出，但唔會苦，同老公都幾得依道個水吧師傅有D料。題外話：D杯好靚Lunch唔算多人，希望開返晚市後佢會多D生意啦。係香港地道的餐廳己經買小見小了

Best HK style cafe for food! From breakfast to dinner, this place has it all! My favourite was the iced red bean drink and french toast for tea 😊 and you can also buy seafood and have the chefs cook it here! Absolutely amazing! Must check out their tea selections!

煥然一新的小飛象，既然會從早餐到午餐直致晚飯都在小飛象。餐牌更新及多元化了，水準依然及老闆及員工殷勤招待，係一間有心做食既餐廳。大廚不忙落場問問客人須要，加分加分。

今日放假 約咗呀媽係荃灣行街 難得閒日放假想訓晏啲 但係佢係都話要食咗早餐先去行 之後就帶咗我去一間佢成日食嘅餐廳食魚柳早餐🐟 佢話呢間嘅魚柳早餐好抵 所以狂sell我一齊食 見佢盛意拳拳 咁就一齊試下啦😂呢份魚柳早餐包括 一塊好厚嘅魚柳 煎雙蛋 同一個餐包 再配一杯飲品 我嗌咗沙律醬另上 廢事整到個飽 塊吉列魚柳大到等於出面食嘅兩塊咁😮 魚柳嘅肉質好嫩滑 而且冇雪藏味 炸到脆卜卜好好食👍🏻 出面真係好難食到咁大塊魚柳 我叫咗太陽蛋 如果煎到脆邊就仲正🤤 餐包都幾軟熟除咗呢個魚柳餐 其實早餐都有好多選擇😻 可能下次會試吓食其他 見到其他客人食嘅餐都好吸引

星期六，在城門谷泳池游泳完，餓極了，到最近的醫肚地方，荃昌的*小飛象,今天吃了我午餐3*鎮江骨伴小棠菜。包熱飲，送例湯$42。鎮江骨用了一字排骨🍖，酸酸甜甜的，很入味，而且很淋。另外，配搭3棵小棠菜。很餸飯。小飛象的飯是好吃的，用了上等的米。這家餐廳的飯菜都很棒，應該是廚師的功勞吧！它的午餐都有15樣，可以慢慢換著來吃。最後要說的是，餐廳的環境闊落，坐得舒適。

剛剛喺深井落山，竟然連燒鵝都唔食，搭番車出來荃灣搵茶記。午餐的份量，正常都較大份，兩個女如果食少少，share食勉強都可以。我就order即叫即炒系列嘅鮑片什菌炆烏東,個汁麻麻地...爸爸叫了兩餸加一菜的湯飯餸（魚腩/魚片/鮮雞球/牛肉/肉片/鯪魚球...）菜有4款（勝瓜/蕃茄/...）唔記得左!魚腩有3大嚿，但太多碎骨，食落有啲「呢hea」

難得假日梗係訓到自然醒之後食返個下午茶啦…揀左呢間普著通通的茶餐廳，但原來普通得泥都帶有點點驚喜點了一份奶油豬+凍檸茶...一向如果有食開都知除左翠華既奶油豬真係好多奶油之外, 大部份茶餐廳都會偷工減料, 務求慳得就慳! 但呢間茶餐廳竟然唔係咁，佢地雖然唔係烘到金黃色帶點焦, 但係牛油同奶真係好多, 完全可以cover晒全個面食落去好脆好甜好茲味! 朋友點了芙蓉蛋飯, 下午茶應該係份量好少, 但呢度竟然唔係, 塊蛋真係大過塊面, 而餡料方面亦都好full, 基本上同平時食開無異, 但不同係唔乾多汁蛋唔係全熟, 所以有少少蛋汁流出泥

黎呢度食因為西樓角路好多地方擺車, 不過最近抄牌幾密, 所以時不時都要探頭望望. 而且有室內室外, 室外方便食煙人士.唔係太餓所以要左餐蛋麵+凍啡少甜($31)大光麵煮到好淋, 口感麻麻, 不過隻蛋煎到少少濃, 個黃又剛剛熟, 唔錯. 午餐肉都幾大片, 煎香左幾好, 仲加多條菜, 呢個雙拼麵都算係咁.凍啡少甜啡味較淡, 麻麻地.

下午茶時段餐廳人流一般, 搵左近玻璃窗的位置坐低. 環觀四方, 原來小飛象已擴充到差不多四五個舖位, 應該是為了應付平日的午市.下午茶有飯餐$30, 我點了一客炒飯和熱菜蜜.上到枱確實有點失望. 份量真係好少, 平時係第二度, $30 LUNCH 可以食到比呢碟大D既飯. 味道較淡口, 唯有加辣油和豉油. 飯也很硬.失水準了, 以前較好味.

琴日一個人去左呢間店試下,坐左個窗口位,幾好,因為係落地大玻璃,個景唔錯,叫左個干炒牛河,大大碟,而且好足料,炒得夠入味,牛肉不太老,而且好香,不錯連野飲都要$37,係貴左d,但可以試下.

今(14-5-2011 Sat)朝同男友起身後去一去銀行整o野,整完o野食早餐,問佢去邊間?佢話o黎呢間.好的.o黎到坐低後,我要$26.00o既扒餐,要雞扒,炒蛋配餐包,加$2.00飲凍奶茶.男友要$22.00o既火腿奄列餐,同樣有餐包,加$2.00要凍檸茶少甜.飲品又先到o黎,我o既奶茶同上次差唔多,奶味都係多啲.然後男友o既食物到o黎,睇吓佢o既火腿奄列,蛋o既部份就多,火腿絲就係o個堆山丘仔,少到無話可說.等多陣,我o既雞扒,炒蛋配餐包到o黎,雞扒唔大件但煎到好脆,而佢係有黑椒粒o既.蛋就冇咩好講啦.而餐包就係微暖同微甜.最後飲埋杯奶茶,飲完發覺原來成杯都係冰,真係好誇張,畀咁多冰我.但男友杯凍檸茶又冇咁多冰喎.

今(3-5-2011 Tue)朝我因公事入屯門整o野,可以遲啲至起身同男友食早餐,我同佢落荃灣睇吓食咩o野,又行入荃豐,佢話荃豐撈麵,我話唔係o掛.我諗起有間o係地下有早餐食o既,於是同佢落地下搵,就係呢間喇,原來叫小飛象,呢間好大間喎.我o地入去坐玻璃牆o個邊,睇睇menu,好多選擇,但唔知點解我都好難揀,最後我要$20.00o既芝士火腿牛角包,加$2.00要凍奶茶.男友要$22.00o既茄子豆腐麵,加$2.00要凍咖啡.一陣後,兩杯o野飲到喇,我杯凍奶茶偏甜,但仍有茶味,而男友o既凍咖啡,真係只飲到咖啡味,但唔係咖啡濃,而係唔夠奶,甚至到最後,男友覺得有啲酸.然後我o既芝士火腿牛角包到o黎,我掀起o黎影相,熱辣辣o架.男友睇見佢半熔o既芝士就流晒口水,我畀佢試啲,睇佢個樣不知幾滿足.我都食喇,牛角包牛油味濃,亦蓋過o左芝士同火腿o既味道,食完成個竟然唔滿足.而男友o既茄子豆腐麵到o黎,睇見都係普普通通o既o野食,不過男友揀佢係因為唔使成日食腸仔,餐肉蛋呢啲o野.之後,我又忍唔住要叫多個餐同男友share食,我揀o左$16.00o既奶油多同又加$2.00要凍奶茶.好快,兩樣o野到齊,

同媽咪同auntie傾完個project後o係度食左個tea嗌左個e麵,同埋auntie食左個satay beef米粉我冇食野,只係嗌左杯跟餐既檸賓,媽咪嗌左杯熱咖啡我又食左媽咪o個e麵一啖味道比較清淡(應該係媽咪既special order),都有幾多雞肉,tea黎講算大碟見佢既牛肉米好大碗(好多肉,auntie話食左可以唔洗食晚飯了)呢間野由開張就已經食,一食就食左十幾年了始終個商場好舊,但係講野食ma,真係唔錯,佢地都好乾淨老闆娘又好好人因為近既關係,媽咪一星期都會食3-4次的呢間野?當然會再有下次啦

工友食評要在荃灣閒hea，我一向都推介呢間小飛象﹗座位夠多亦不迫，有露天吸煙區亦有室內冷氣區，最緊要一樣野係每星期都有更換新的流行雜誌及每天報紙，得閒無事做又在這一頭我必會來坐o下﹗呢個下午我便在這兒吃午飯，要了個黑椒雞扒湯意粉，份量夠大一定夠飽肚，雞扒醃得入味煎得用心，皮脆而肉嫩，雖然係雪藏野不過食落味道仍然不錯﹗攞份報紙食住碗麵，咁又可以坐左成個鐘，舒舒服服，比起商場上面0的小鋪，呢間可說是天堂了﹗