小雨天 (葵涌廣場)

营业中

休息中

好耐都冇嚟過葵廣行到3樓見到好多人走過去睇吓見到骨筒湯幾吸引所以定坐低試下果然不負所望好飲好味仲俾埋飲筒吸骨髓正呀 養生又健康個湯完全吸收左骨嘅味道 一流記得要食乾淨啲

平民抵食米線😋🍲平時淨係識食小食店，一直都未試過有座位既餐廳。呢間小雨天裝條欠奉，去到既時候有好多人，我地搵左個位揀好野食，揮左手近5分鐘先有侍應落單。我叫左大腸炸醬米線😋大腸有好多條，而米線同炸醬份量都好足夠，唔會食到最尾得番淨米線。值得再去😎好扺食

呢日岩啱去完挪亞方舟camp，出返黎都仲好enjoy緊呀，呢個時間又過左lunch，但又未好肚餓，咁又唔知食咩好，就黎食下小雨天啦MENU好簡潔，但感覺又好傳統，地道又有種麻甩決定叫個泡飯，都只係三十幾乜泡飯黎啦，熱辣辣，又足料，味道清香，唔覺有味精仲好大碗，一路食就諗返起以前阿媽淨嘅泡飯，由細到大其實都唔鐘意食，所以之後佢都無整大個唔知點解又接受到。可能因為細個覺得個世界黑白分明，所以粥就粥，飯就飯啦，泡咩飯？不倫不類大個就覺得呢個世界都好多灰色地帶，不過好在之後學會左依靠神，覺得仲係有一套標準嘅，雖然都仲係有灰色地帶，但諗下神喜悅D咩，又會比較諗得通D呢個世界。最重要係呢個世界係有愛，做人都要抱著呢個宗旨，呢個係最重要講返D野食，其實玩完個人有D虛幻，典型玩樂後遺症，其實對呢餐都無乜太大印象，不過仲記得D料都係嫩滑，食落係好味不經不覺咁又一餐，為呢個挪亞方舟之旅完美嘅結局

話說我係中學時期去開葵芳都會食小雨天，今天去完挪亞方舟出番黎葵芳，就和男朋友懷勉一下年輕的情懷。叫了一個小鍋米線加腩肉和雲吞，還有蠔仔肉碎泡飯。小鍋米線，本身已有、菜、芽菜、韮菜， 湯底依然野味 。雖然雲吞比較像水餃，但味道還不錯，很懷念這種味道呀!另外還有蠔仔肉碎泡飯，自己很喜歡吃有湯的食物，易入口又不會太乾，因此基本上光顧一間餐廳如果想不到吃甚麼時，都會叫蠔仔肉碎泡飯，湯是豬骨湯，不會太濃味，結果也沒有讓我失望。 ; ;

得久沒到小雨天了，於附近被香味吸引，決定今天吃久違的小鍋米線.價錢升至$34，小鍋變成大膠碗. 點了雞翼米線，份量實在不弱，對細食的我來說實在太多了.味道雖沒什麼驚喜，以此價錢亦不應抱著什麼要求了! 但仍算大致保存了以往的味道，有我喜歡的酸菜 yummy開始感到飽了，但仍剩下不少，不想浪費，故把剩下的打包回家. 想不到，經過最少30分鐘的時間，米線仍保持到，不會變得過淋，回家後再把剩下的全放在肚中，味道依然不錯!

今日同男人去完葵涌行街， 因為佢食得清淡啲所以就諗住去返中學年代都幾鍾意食嘅小雨天， 因為未到1點關係，去到仲有吾少位，我哋坐到去最入， 最後就嗌咗一個湯飯同一個餃子加一杯凍檸茶 。冇幾耐 餃子就嚟到， 餃子皮好厚， 而且太大片所以皮多過了 材料，味道一般唔算特別好好食。 湯都鹹咗少少 。之後我嘅泡飯就嚟 ，因為我今次叫多咗腐竹， 加咗十蚊左右，腐竹嘅份量的確係幾多 ，但係因為太生嘅關係感覺上比較硬咗少少 ，碎肉嘅分偏少， 魚湯味道係有，但係鹹多個肉魚味。所以整體上只係食咗一半已經冇食。感覺上好似比較失望， 我哋臨走嘅時候可能因為放學嘅關係需要都好多人反而就覺得坐得比較逼狹。

每次去葵廣苦惱唔知食咩好既時候，腦海中第一時間就會想到小雨天。貪佢大大份夠飽肚，不單是米線夠多，就連餸菜同配料都唔會吝嗇，是我的慳家首選。每次黎到，我都必定會選擇滑雞同雲耳小辣，雞肉入口軟滑，有別於平時食到既雞件，所以每次黎食都一定會點，至於雲耳就係個人喜好，哈哈。雖然性價比高，但不竟係一間車水馬龍既廉價餐廳，食物質素難以保持一致。就以今日為例，米線就煮得過時，少左一種彈牙既感覺，但$40既價錢，真的不敢太高要求。

今日行過想食返碗水餃，來了小雨天，叫了韭菜水餃和椰菜水餃相併不知是不是不肚餓的關係，還是小雨天的水準真的下降了，總之這一碗水餃真的令我大失所望，以後都不會再去食了

本身食另外一間，但乜都話冇，就過來這間小雨天，都未算好多人，我們諗了一陣，選擇也十分多的。叫了豬骨湯墨丸上海麵，份量夠大，五粒墨魚丸，好味及重墨魚味，有墨魚肉的，有d芫茜同葱粒，湯底清甜，上海麵也幾彈同唔會太淋。牛丸豬骨湯飯，好大碗，五粒牛丸，好多紹菜，葱粒，湯底香濃，好味道，清甜，牛丸爽及彈。正！！菜肉及韮菜餃子，好大粒的，皮薄，可以看到韮菜好明顯的綠色。味道係肉汁豐富，好味，皮也煮到軟身，唔會過淋。加醋及辣椒油一齊食，好正！

星期日參加公司義工活動，由於小妹時間仲早，在葵涌廣場揾下野食。見小雨天人唔算太多，可能啱啱開鋪，我揾左個位坐低左，叫左小窩米線，價錢算抵34元仲包一杯熱飲。可能阿姐太忙，無咪招呼，不過甘抵價錢，送餐又無誤，算尚可ok 啦。$34元，雞翼酸辣小窩米線包一杯熱0茶，雞翼酸辣小窩米線成碗米線熱辣辣上桌，酸度適中，不算太鹹，配上鹹酸菜，令成碗米線味道更加有層次，值得一讚是雞翼好入味，煮得又不太老，咬下去雞翼肉質鮮嫩，特別有芽、菲菜令成碗米線生色不少。總而言之，自己一個人食飯，這裡不錯選擇，價錢又抵，食物質品好。

假墨魚丸，排骨唔好食，湯低味唔夠。服務態度差，門口有好多職員圍埋傾計，等左一陣都無人落單，又無問人要唔要辣，最後黎到發現唔記得左叫辣，我叫職員加返d辣,佢叫我自己落辣椒油，佢仲話同本身叫辣既係一樣...真的一樣嗎？咁為何要分中，小辣？

十次有九次黎葵芳都會特登黎食返碗米線。我可以肯定講小雨天係香港其中一間非常好味既米線店。不過真係好奇怪，身邊有朋友反而覺得乜仔乜哥果d味精重到勁口渴ge集團式好食d,只可謂各花入各眼。雖然我對小雨天評價高，但只針對食物而言，因為呢度零裝修、零服務、座位又迫，可能有要求既食客未必接受到。再者，有時食物質素都有甩轆。好似試過好多其他款餸之後，小鍋米線我幾乎次次都點滑雞墨丸小酸唔辣，呢個配搭最岩我口味。有d舖頭好唔識變通，一定係酸連埋辣，想唔辣就得清湯。清湯就即係冇酸菜冇碎肉醬，老實講，搵笨! 果d舖頭我絕對唔會再去!所以話小雨天淨係有得小酸而堅唔辣已經加一百分!無可否認，今次食d滑雞麻麻地，太多皮，冇乜肉。不過計落之前咁多次好食，都ok 啦。而且墨丸仲係又多又大粒，good ar! 最後不得不提，呢度加飲品只要6蚊! 好大杯! 下午茶更加免費 ! 米線都好大碗! 餸都好多!咁既價錢同味道，即使坐迫少少，我覺得都要再三幫襯!希望佢keep到質素啦！

雞翼小鍋米線 走剩炸醬 $34我個朋友雞翼腐竹小鍋米線走芽 $40每個餸加$6 野飲又要加錢，所以冇加到。小雨天啲野食大不如前，個湯底咸到出汁！愈食愈頸渴又貴咗好多。雖然好大碗，食到好飽，但應該都唔會再食。

骨湯肉碎蠔仔泡飯蠔仔量不多，湯底尚算清甜。但吃完一碗，感覺很寡。墨丸滑牛過橋米線湯底味濃，牛肉夠滑，好味⋯下次來還是吃米線好。過橋韮菜豬肉餃皮不算薄，但個人喜歡吃韮菜餃，還是可以一試

去完隔嚟新都會做完運動見肚餓，緊係過隔離葵廣揾野食突然好想食雲南米線，就上嚟揾下，俾我揾到呢間小雨天，標明食雲南米線，就鎖定目標嚟試下一嚟到，見到舖面佔成3個舖位，心諗一定好好味，揾位坐底，都係要撘枱嘅，唔緊要啦，橫掂自己一個，無人陪傾計，唔會嘈親人坐底睇memu，都幾多選擇，但一心想嚟食米線，揾到米線餐牌就忘記左其他野食喇食米線我必叫腩肉，今次叫個腩肉、雲吞、娃娃菜小鍋米線，小辣、淨酸菜同莞茜⋯⋯大家睇到，單上都寫明小辣正酸西🤔米線到左⋯⋯說好的小鍋米線，好失望⋯⋯只係清湯加辣椒油，話秘製但無特別，仲油味重腩肉係腩件，米線好糊，唔彈牙食左2啖就唔想食😭而且～最重要嘅莞茜呢？無左呀📢📢📢完全失敗🙈我應該唔會再去🙅🏻