小雨天 (葵涌廣場)

营业中

休息中

小雨天分分鐘開左有10年,我就食左10年,由以前中學生lunch成日跑落去食,$20有餸有杯野飲又好食!!!到大學,出左來做野都keep住個個星期去食,但呢幾年貴左又差左!!!以前3蚊4,5粒丸,今日5蚊得2粒丸,我明白成本上升加價係正常,但唔好貴左份量又少左呀....以前米線來到熱辣辣,但yi ga只係暖暖地,d餐具舊又唔換....唉.....

久違了的豬骨筒米線...路過葵芳, 來到這間很久沒見的小雨天... 人, 還是一樣的多, 幸好我只有一個人, 所以很快便找到了位置~叫了一個豬筒骨米線($31) , 加$6 要了一杯水蜜桃綠茶.. 豬骨筒還是一樣的新鮮, 最喜歡把湯倒進骨筒內, 把湯和骨髓融合後再用附上的吸管一口啜起來, 感覺很爽.. 不過對於吸管發出的吱吱聲, 食的時還是有點尷尬, 尤其是一個人的時候.... 哈哈喜歡這個米線的原因除了骨髓外, 就是它的胡椒豬骨湯底, 那些胡椒引發出來的微辛, 真是叫人一再回味.. 可惜胡椒不見了, 只剩下咪道略淡的普通骨湯...失望

由開業15定17蚊齋食小鍋另加送3蚊一味,去到今日21蚊另加送5蚊,收費與所得完全不相乎,可以話越來越求其!以前食2送小鍋,23蚊左右埋單,送都幾多,但而家,D丸5蚊3粒,排骨係唔新鮮既,最近比較多吃是豬軟骨湯飯,主要貪個胡椒湯味好正,不過呢排去食,D野唔熱,SAI左個胡椒湯囉!!!碗碟方面,可能經營耐左,好多都崩口,又洗得唔乾淨,服務方面更嚇驚,D員工招你埋去就好落力,但寫野執野,叫都唔做,有時要叫2-3次!抹完張枱仲係污糟既!仲有可能裝左電視,D員工個個顧住追劇!都唔理你地要落ORDER!咁既服務真係唔掂!唔明點解可以擴充到咁多間舖囉!希望佢地可以提高一下服務質素!

送上時沒有熱的感覺!我個人不論在天熱,天冷也好，小窩食物總是滾滾熱熱的才好吃，今天送上的軟豬骨麵，一點熱氣也沒有，只是暖暖的，也沒有胡椒的味兒,水準沒有保持，時好時壞，希望看到後多加留意，保持水準！

係外面睇緊食咩好既時候比兩個呀姐搶人,入左呢間小雨天一心諗住咁多人實好食, 點知中左招叫左一個小鍋米線$21, 加多個腩肉+$5,朋友叫左蒜泥白肉加六隻餃子,(三隻韮菜豬肉,三隻椰菜豬肉),米線湯底幾好,可惜啲腩肉得個肥字嚇親人,好彩多芽菜好有咬口,但朋友既蒜泥白肉好差,所謂既白肉即係米線中既腩肉,好厚好肥一舊舊,味道唔好,朋友食幾舊就放棄,另外,餃子方面,朋友六隻只食左三隻,韮菜豬肉都仲可以,但椰菜豬肉就有怪味,可能係今日材料唔夠新鮮,結果大家樣樣食少少...只可以講, 食一次夠無下次衛生好差...同埋服務唔好,呀姐sell完你就由得你唔執枱...

再次來到葵芳, 當然要來吃小雨天!! 最愛它的濃湯底, 有酸菜,芽菜, 碎肉, 韭菜的雲南米線, 正小鍋米線, 是次加了 @$5雞翼, 好大隻而且係”老水”過的 另外叫了 “豬軟骨” 小鍋米線, 湯底好白色但係仍然好濃的味道, 好重的糊椒味 同埋定我地係tea time 時間 (星期一至五 2:00-6:00pm)光顧, 送飲品呢!

由小雨天的第一天進入葵芳開業至今, 幫襯它也有近十年了.以前每星期六中午一定吃鍋雲南米線才回家的. 現在住遠了, 今年才第一次食, 其他小店在通貨膨漲影响下, 一是加價, 一是減食材,但小雨天沒有, 仍然是足料, 仍是老地方, 味道仍然美味! 係我心中小雨天係全港最好吃的雲南米線! 最愛佢濃味的湯底, 酸菜,芽菜, 碎肉, 韭菜, 以前省錢只叫一鍋$21淨雲南米線已很美味;今日加了 @$5 腐皮 - 大大磈, 多而滑(我的最愛) 金菇 - 有半包咁多 菜 - 律白 (估唔到咁好食) 雞肉 - 像有酒醋過, 我唔仲意食 原來走酸菜, 雖是白白的湯底, 連碎肉都走了, 也是那麼好吃!流著汗, 大大口地吃, 想快點食晒這麼好吃的美食. 食晒成鍋, 飽到上胃, 晚上也不用吃飯. 正!

(13-8-2011 Sat)同男友去Sky100前,先食飽飽,我o地等車落荃灣,但等好耐都冇車,去葵芳地鐵o既巴士到o黎,我問男友轉唔轉呔落葵芳食o野?佢答轉啦.好,o黎到葵芳,大家樂太多人,唔食.o係葵涌廣場內搵o野食,原本想搵越南o野食,搵唔到,見到呢間,唉!苦無選擇同時間緊迫下,就呢間啦.坐低睇好耐,我揀o左$21.00o既小鍋米線餐,鍋底配料已有炸醬,酸菜,芽菜同韭菜.而每加一個餸要$5.00.咁我要貢丸同龍蝦丸(唔辣),要凍奶茶(冷熱飲品已包).男友就要$22.00o既蒜泥白肉同韭菜豬肉餃,老闆娘問佢要幾多粒?佢睇睇,話要$18.00有6粒o個隻,老闆娘話6粒冇飲品.男友就揀$24.00有8粒o既,咁就包喇,佢要凍檸茶少甜.老闆娘問要咩味o既餃子?男友都係答韭菜豬肉;老闆娘建議兩隻味(椰菜豬肉)都要啦,咁好啦,一樣一半.3分鐘後,我o既小鍋米線到o黎,食吓先,貢丸同龍蝦丸都冇味,配料中冇酸菜,換o黎o既係芫茜,韭菜得o個三條.米線唔算多,但男友就讚微辣o既湯幾好味.之後飲品到o黎,個妹妹仔拎三杯o野飲o黎問我o地要咩o野.感覺好似係我可以臨時轉呔同揀o野飲,佢求祈擺低兩杯,

今日同佢去左呢間野啦,叫左個6隻餃,2個小X米線環境就無得講啦,一定差,但係來得呢度就無所謂既個米線個湯幾好既,有D胡椒味,D米線唔夠彈,我鐘意D彈彈地既野D餸就無特別咁呢D餃就係椰菜豬肉都幾好味,唔太咸,調味幾好,個皮唔算薄但係O岩O岩好囉下次可以叫十隻先

呢日收工同個朋友仔響葵芳血拼!!拼完之後, 又係醫肚時間嚕~朋友仔話想食小雨天餃子, 去吧!坐低就 order 左:- 12 隻椰菜豬肉餃- 6 隻韭菜豬肉餃等左大約 10 分鐘就有得食...2 隻餃子分別只係椰菜味同韭菜味...菜算新鮮的, 豬肉滿滿的, 如果係煎餃會更好 =)

倆個人到葵芳咭片王攞咭片﹐順道搵野食見咁多人食﹐門口又有班師奶攞住成疊餐牌搶客﹐十足十羅湖商業城D食肆﹑又或者係問“先生﹐買唔買DVD呀﹖”一樣﹐咪幫親下囉雖然有成班知客係出面﹐但入到去先至發覺﹐0服務員~﹗我們還算好彩﹐旁邊張檯等到發晒脾氣叫左兩個小鍋米線﹐等緊期間﹐另一張檯話落單前唔記得講要辣﹐個傳菜/服務員居然叫佢哋加檯面那些辣椒油﹐仲要話小鍋米線就係用辣椒油~﹗吓﹖小窩米線居然唔係酸辣既﹗﹖小鍋米線黎到﹐D湯完全無味﹐腩肉原來係肥肉﹐排骨勁“un”﹐豬大腸就OK﹐而韮菜餃就好味

難得去葵芳, 聽說這間很有名,便去吃~豬軟骨面 + 飲品 $31(6點多仍是下午茶優惠, 送飲品)超正, 湯很清(胡椒味), 豬軟骨份量多, 入口軟又有咬感, 因為清, 可直正吃到骨的清甜原味~~面是上海面, 也ok好吃但環境吵和亂, 只合宜純飽肚用...

有同事曾經話過"未食過小雨天，未算在葵芳上過班"過去我也喜歡午歺食咖喱牛腩飯，咖喱香、牛腩淋又細細粒，加上紫菜碎，再加上有曰本歺廳食物買相，非常"得"之後再去幾次，水準並不穩定，買相也不再今晚仔仔不在，是食米線時間。再者...大電視加上大結局，有好位，即刻坐低。小窩米線加腐皮和豬腸 - 可能肚餓，食落特別好味。炸醬肉碎太多了，豬腸太少了。豬軟骨米線 - 有胡椒味，較清甜，非常多豬軟骨，咬到牙較都軟。居然可以全部吃下，肚漲漲...應該過飽，下次絕對會一人一窩，兩人一窩再加小食。兩窩加兩凍飲(囡囡穿校服减5元) - 67元

本人非常喜歡食小雨天的蠔仔米線的，不過平均嗌五次就會比錯三次蠔仔泡飯我噚晚我同啲同事大約十點半去食啦，叫一個蠔仔泡飯，一個蠔仔米線，一個雞肉小鍋米線，我已提醒侍應不要搞錯，十五分鐘後，如我所料，又比錯蠔仔泡飯我，我再叫佢換啦，等了只係五分鍾，蠔仔米線來了，但竟然啲肉碎是生的，有血水滲出來,係味廚房趕住收工？最後只係收了31元！

逛街後打算吃一餐便宜的晚飯醫肚，看見這間橫跨n個舖位的食店價錢相宜、menu也OK，便儘管一試。一行三人，分別叫了一客泡飯和兩客上海麵。骨湯肉碎蠔仔泡飯：不清楚是否真的骨湯，味道OK，有很重芫茜味，不過下了頗重味精。蠔仔、肉碎和飯就正常吧~極少吃泡飯，這次發現泡飯原來有點像潮洲粥。韭菜豬肉水餃上海麵：湯底其實應該和泡飯的湯差不多，只是少了芫茜味，變成普通的麵湯底。下午逛街時看見店員在包水餃，它的水餃有很多韭菜，味道OK，麵就是一般的麵啦。椰菜豬肉水餃上海麵：味道比韭菜豬肉餃淡，因為椰菜其實味道很淡，多半只是嚐到豬肉的味道。湯和麵剛才已經說過了。總結：泡飯OK，麵則一般，整體來說是不用特意來試的食店。但以這個價錢吃一頓便飯，也是OK的。