影片
更多
2013-02-25
683 浏览
因為有朋友在永吉街開時裝店，所以有時都會經過呢條街主要零售為主嘅小巷。早前經過永吉街，係眾多嘅綠色小檔後面，見到一大個橙色嘅小雨天嘅招牌，有點驚喜，一來永吉街本身唔多食肆，二來係我鍾意食嘅米線，不過當時未正式開。今日路過永吉街，人流唔多，綠色小檔亦無開，幸好小雨天有開，嘻嘻。餐廳環境都算寬敞，有四人卡位，亦有圓檯，櫈有分有椅背同埋圓櫈，最令人印象深刻係金色面嘅圓櫈，加上燈光照射，閃閃發光。由於未夠十二時，店內不算太多人，我可以揀卡位坐，卡位比平時闊，坐四個人都唔會覺得迫。因為中環士丹利街同葵芳店都未去過，今日係第一次食小雨天，眼前餐牌款式甚多，真係睇咗我差唔多五分鐘，最後就揀咗雲南風味小鍋米線 (小辣) $22，加咗兩款餸 (每款 $5)，一個係時菜，不過店員說只有娃娃菜，另一款係豬腩肉。另外叫了一個人氣美食推介，鹵水大腸 ($26)，而餐飲可以加錢，我揀咗熱柚子茶 ($8)。當我仲係到影緊相嘅時候，我叫嘅食物和飲品已經好快奉到檯上。鹵水大腸果然係推介小食，鹵水汁真係唔錯，不過濃，豬大腸很入味，食落好軟腍，係一個很多嘅開胃小食。而雲南風味小鍋米線份量都唔少，估唔到豬腩肉係白色嘅，同我食
因為有朋友在永吉街開時裝店，所以有時都會經過呢條街主要零售為主嘅小巷。早前經過永吉街，係眾多嘅綠色小檔後面，見到一大個橙色嘅小雨天嘅招牌，有點驚喜，一來永吉街本身唔多食肆，二來係我鍾意食嘅米線，不過當時未正式開。今日路過永吉街，人流唔多，綠色小檔亦無開，幸好小雨天有開，嘻嘻。
餐廳環境都算寬敞，有四人卡位，亦有圓檯，櫈有分有椅背同埋圓櫈，最令人印象深刻係金色面嘅圓櫈，加上燈光照射，閃閃發光。由於未夠十二時，店內不算太多人，我可以揀卡位坐，卡位比平時闊，坐四個人都唔會覺得迫。
因為中環士丹利街同葵芳店都未去過，今日係第一次食小雨天，眼前餐牌款式甚多，真係睇咗我差唔多五分鐘，最後就揀咗雲南風味小鍋米線 (小辣) $22，加咗兩款餸 (每款 $5)，一個係時菜，不過店員說只有娃娃菜，另一款係豬腩肉。另外叫了一個人氣美食推介，鹵水大腸 ($26)，而餐飲可以加錢，我揀咗熱柚子茶 ($8)。
當我仲係到影緊相嘅時候，我叫嘅食物和飲品已經好快奉到檯上。鹵水大腸果然係推介小食，鹵水汁真係唔錯，不過濃，豬大腸很入味，食落好軟腍，係一個很多嘅開胃小食。
而雲南風味小鍋米線份量都唔少，估唔到豬腩肉係白色嘅，同我食另一間嘅豬腩肉好唔同，因為係白色嘅關係，所以賣相扣咗少少分，不過食落都好腍，好肥美，如果加多一點調味醃料可能會更好。
雲南風味小鍋米本身配有炸醬，酸菜，芽菜，韭菜，芫茜。 酸菜係比較酸，係沒有甜味那種，芽菜都很爽口，而娃娃菜很清甜。
米線看來似腍，不過原來都好彈牙，不錯！
熱柚子茶飲落有點淡有點稀，柚子味不濃也不甜，似乎加多了水。
總括而言，係呢個中上環交界位置，要找一間款式多而價錢又大眾化嘅食肆都不太容易，對於星期日多數食西餐嘅我可以多了一個選擇，下次再來嘅時候就可以試其他食物。张贴
