小金象泰國菜館 (已結業)

估唔到sham shui po都有d咁正的thai食店,佢d咖哩蟹汁好滑,好杰, "lo"飯一流, 另外值得一提係佢的豬頸肉,係有個鍋仔煲住d汁,保証d汁唔會涷冰冰.重有一個推介,係羅宋湯牛尾煲,嘩!!個汁好鬼好味架!呢度價錢又平,平均每人七十左右啦,又唔係太多人,好正,快d去食!!

算平，而且質素保持得唔錯!我係佢開業頭1個星期已經開始"幫親"，而家都keep住1個星期食1次。佢而家有個168二人餐，只要加多個生蝦($38) & 其他小菜/咖哩，可以供4人食!?個餐已經有明爐烏頭/ 炒菜/ 炒飯...大約$300已經ok 喇。平過又好食過黃珍珍啦!!佢地lunch set 都好正嫁，免加一又有飲品都係$28-40，選擇都多(有12種)。去開長沙灣都不防試下!

抵唔抵我就唔知道啦, 因為係公司同事請~ 夠十一個人食o既set, 千幾蚊埋單~ 依度食物唔錯喎~ 特別係個咖哩炒蟹, d sauce好滑好好味, 正~~

已試過幾次到小金象食晚餐, 味道真的不錯, 但總係人少少, 試的款式不算多.但有一日, 同事們一行8人, 到此午餐,我們點了不同款式的午市套餐, 可嘗試多些味道,果然沒有失望, 由其咖喱, 食完D'送', 連汁都撈埋, 一滴都無淨, 埋單共二百多元,每人都係30多元抵食抵食.

如果唔係個friend 帶我去，我都唔知在深水步有間咁正的泰菜，論裝修及食物水平在深水步o黎講已經係好好。招呼服務又好，waiter 不停加水，個經理又好態度，記得我們還有甚麼食物未到。最緊要一樣是又平又好食，四個人叫了7 樣o野，埋單360 元，真是抵到爛。最抵是豬頸肉，四十幾五十蚊有十幾二十塊，其次是當天特價菜烏頭魚，連我唔係好鍾意食魚都覺得好味，另外紅咖哩雞、蜆肉炆米(不過少o左D 蜆肉)及一個類似生炒骨的都好鬼死正，可以食完可以再食。真是值得推薦。

前幾天在雜誌看到此店有賣廣告, 話憑coupon 到此店可免費獲贈"活蝦刺身一客，諗住近近地就試下啦..去到可能早，以為都係無咩人，但點知坐下坐下都人山人海，可能在深水步區無咩泰國菜館，才會吸引這麼多食客..但原來食落這店子的食物也很不錯..活蝦刺身當然鮮味，它的人套餐都算合理價錢，有煲仔翅和小泰式拼盆等3人也可夠吃，我就特別喜歡吃它的蒜茸飽，片片足味甘香，而且服務員很好招呼！可算係此區的另類食店~