小賣部 (已結業)

經過元朗西巴士總站，見到有間新開嘅小店“小賣部”，有多款地道港式、台式、日式小食，招牌slogan“人間煙火味 最撫凡人心”，咁有feel，果斷入去醫肚。店鋪由一對夫婦主理，店主夫婦二人都好熱情健談，傾開先知原來5月份已經由朗屏邨果邊搬咗過嚟，只係我一直冇留意，原因都係不敵地產霸權加租。二人套餐$102可3選1或者3選2共4款小食，加2款紙包或罐裝飲品。我揀咗台式鹽酥雞，粟米墨魚餅，招牌粉仔同碗仔翅。鹽酥雞金黃酥脆，味道適中，粟米墨魚餅香甜爽口，碗仔翅真係好足料，濃稠度恰到好處，唔會好似膠水咁，木耳爽口。粉仔滑得嚟有嚼口，最欣賞嘅係全部嘢味道都好適中，唔會太重口味。台式手抓餅$32包兩餸，有芝士、火腿、粟米、煙肉、雞蛋、煙鴨胸、黑松露醬等十幾種口味，醬料都有燒汁、沙律醬、甜醬、辣椒醬等味。我最後揀煙肉、雞蛋，燒汁同沙律醬口味。餅皮外脆內軟，煙煙韌韌，沙律醬酸酸地好開胃，配埋煙肉雞蛋，香得嚟又唔膩。酥炸花枝丸$16外皮香脆，內裡爽彈，同樣不妨一試。

酷熱天氣下，行一陣街已經身水身汗，熱辣辣都無乜胃口食正餐，搭車前見到有間「小賣部」，買返d小食返屋企慢慢嘆就最適合不過啦。台灣夜市套餐 :套餐有手抓餅、酥炸花枝丸/龍蝦丸及飲品。手抓餅可以揀兩款餸，額外加餸每款6蚊，我地揀咗粟米、蛋及蟹柳，雖然可以加醬汁，但個人都係喜歡原汁原味，手抓餅微烘過後微脆，食落好鬆軟，配料都幾多，食完一件都幾飽。小食可以加12蚊轉台式鹽酥雞，可以選擇辣/唔辣，即叫即炸份量相當多，脆卜卜食落都唔會覺得好油膩。蟹子和風味日式小丸子 :一盒有六粒，大大粒章魚燒淋上沙律醬及照燒汁，面頭再鋪滿蟹子，賣相好吸引，食落外脆內軟，粉漿唔太多，唔會軟淋淋。台灣腸 :有原味及黑椒味，鍾意食台灣腸嘅我梗係要試晒兩隻味，烤過嘅香腸外皮香脆，食落好多肉汁，黑椒味辣辣地幾開胃。碗仔翅 ：街頭小食又點少得碗仔翅？碗仔翅有木耳絲、肉絲同好多冬菇絲，相當足料，入口每啖都食到「翅」，唔會食到最後得返d水。

元朗廣場後面巴士站新開間小賣部。款式都幾多樣化，店內環境只有一張兩人吧桌，所以大部分食客都會以外賣為主。一見到甘多款式就出現選擇困難症二人套餐連飲品 $102仲可以選擇炸雞髀 薯格 仲有狗仔粉 碗仔翅由於之後還要掃街 無選擇到炸雞髀，選擇了鹽酥雞、粟米墨魚餅 鹽酥雞粒脆口juicy, 但不算是台式果種燒賣、腸粉、豬皮同魚蛋（混醬）魚蛋要左辣味，同埋用嘅係陳皮魚蛋狗仔粉 加大量辣菜甫成碗都滿晒粉仔，粉仔有彈性唔會淋晒菜甫夠香唔會死辣，感覺幾好！碗仔翅 細 $24友人另點了碗仔翅 ，價錢表示可以，而且都算多料。

呢間小店原本係朗屏開店，而家搬左係元朗廣場後近巴士站位置。同朋友兩個人點左二人套餐$102，套餐入面好多野食，可以自由配搭選擇仲包紙包底罐裝飲品。招牌炸雞脾：好大隻呀，表皮香脆，加左少少辣椒粉更惹味，雞肉內裡嫰滑。越南粉絲皮春卷：炸得金黃有蜂巢絲，咬落香脆不會感油膩。腸粉拼盤（魚蛋、燒賣、豬皮）：除左甜醬、花生醬、豉油、芝麻外，仲加左少少秘製咖哩汁，入面魚蛋、燒賣、豬皮份量不少，腸粉滑身，佈滿香濃醬汁。足料碗仔翅：入面有不少木耳絲冬菇，濃凋湯汁，值得一讚係加醋同胡椒粉比例剛剛好，食落幾順滑開胃。蒜蓉香辣雞翼尖大：蒜辣香腌得好入味，輕力一咬就可以皮肉分離。台灣腸黑椒味：都幾大一條，黑椒味微辣，彈牙香口。

香港街頭小食向來是一種文化由真係喺街食逐漸變成入舖頭食風味不足但仍然滋味萬分好多朋友以為我唔會「掃街」但其實有一間舖頭我由少女時代食到而家睇住間舖頭由屯門搬去朗屏，再搬去元朗食物味道一直保持水準最鍾意嘅係佢地嘅碗仔翅～碗仔翅足料好食，香菇肉厚加埋魚肉就及片夠飽肚其次係雞髀🍗生炸嘅雞髀係最正的雞肉多汁，外皮香脆，因為係即叫即炸嘅關係，就要等耐少少～同行友人係雞軟骨控平時喺餐廳食價錢都唔平，呢度$28就一大碟！抵食！炸物真係世一～不枉我咁多年都係佢粉絲有時食下啲Comfort food撫慰心情食飽再衝刺！🏃🏻‍♀️🏃🏻‍♀️🏃🏻‍♀️💨