小西貢越南料理

营业中

休息中

同朋友喺鴨脷洲clinic上完堂,隨便喺google maps搵到呢間食越南嘢嘅餐廳,見啱啱好仲有一張五人枱證,所以坐低試咗。大家都覺得WOW好好食好抵食。我叫咗香茅雞扒撈檬,檬粉自己冇特別,但個雞扒超好味,個皮係脆嘅,除咗香茅仲有薑蔥,雖然portion都幾大,不過我哋女仔比較大食,都食得晒。朋友話生牛河都唔錯!粉面方面可以揀黑粉絲,不過唔知係乜所以唔敢試,下次可以試吓。lunch set包飲品,我叫個杯蘭香子似清水加糖漿加西米露😅

中午去到鴨脷洲，香港仔海濱長廊漫步，回程時肚餓見到呢間越式小店就入去食，但下午茶套餐只係星期一至五供應，今次黎到除左要散叫，式者可以喺全日精選限定揀啱心水嘅食物，於是就揀咗串燒牛羊撈檬，飲品就揀左越式凍綠茶（跟餐免費），共$68今次食嘅串燒牛羊撈檬都算幾好味，雖然串燒牛羊只係各一串，但質素唔錯，串燒牛同羊味道唔騷，肉味好夠又唔太韌，撈檬粉有青瓜，生菜絲同紅籮荀絲，加埋檬粉配埋魚露一切食，口感相當好今次相當滿意，最近好鐘意食越南野，發覺小店的確用心製作食材，多多支持下小店

又到星期日出街揾野食啦！今日去遠小小，從元朗家出發開車到鴨脷洲，在小街蜎窿蜎罅，見到這間小西貢，見有位，OK就試這間。小店街坊經營，好味抵食，仲每人送一小小的糕點甜品。雖然我們揸車過嚟隧道費都貴貴地，但以假日遊車河心態，一定會再幫襯的。

今日又過黎鴨脷洲附近呢邊開工，平時都無過黎呢條街度食，好少過黎不過又搵到好野食啦😬越南野食其實唔算多，好食嘅就更加少見，雖然好似周圍味道都差唔多，但係一食落就感覺到分別架啦～呢間細細地但係真係幾唔錯！一入到黎環境唔算大，不過好企理～店員都好nice，個姐姐仲驚我哋班佬唔夠飯食，叫我哋唔夠食同佢講🤣其實佬都未必大食架😬我自己食呢個西貢拼盤飯加凍奶茶～拼盤飯入面幾樣肉食，已經可以睇到係咩料！札肉最正，味道口感都岩岩好～成個飯整體都好好，唯一少少挑剔位就係個卷炸得有少少油。。。其他幾個朋友食嘅野無影到相，不過感覺都唔錯

和太太、細囡送完隻🐶仔去香港仔剪毛美容，有3個鐘頭空閒。行完鴨脷洲仲有時間，走入呢間餐廳食晚餐，貪佢望到架車。套餐價錢都好合理，多選擇。一杯跟餐送的凍越式綠茶，另一杯另叫的青檸🍋梳打。串燒鷄三寶撈檬：夏天食幾清新。雞軟骨好鬼乾，雞翼及鷄塊ok.越式鮮茄牛腩飯：個汁酸酸甜甜，牛腩都炆得好淋。另外order了一個越式青木瓜沙律，無泰式咁辣，好清新。整體價錢合理，共$202，食物質素都OK，值得回頭。

近日天氣炎熱，無咩胃口，想食越南粉。因兒時家附近有一間越南粉小店，兒時經常幫襯，故小女子自小便是越式生牛肉河控，一見到越南粉店便會去試。但在香港現在一般食到的，都是泰式湯底，香料非常多，湯喝了會很口渴，已經很難食到真越式湯底的湯粉。今日工作路過鴨脷洲，見到此小店，客人不多，但座位蠻寬敞，正合我心意，工作完成後便即時去幫襯。星期天，湯粉沒有套餐，單叫了一個生牛肉金邊粉($68)及一杯凍紅桃橙茶 ($22)少冰。因為是小店的關係，工作人員不多，所以起菜需要等一小段時間，趕時間的就請不要來。湯底是真越式，喝了幾口都不會感到口渴，而且好夠味。粉及生牛肉的份量非常足夠，食得非常飽。凍紅桃橙茶偏甜 (我的口味較淡) 如下次有機會路過再幫襯的話，少甜會更合我口味。

中午時分叫外賣，小西貢除左越南食品出名，牛尾飯，牛腩飯，羊肉飯都非常入味、好味！今日4人叫了雜錦拼盤+4盒飯……老板還送了斑蘭糕點，非常好味，又暖和。呢個雜錦拼盤平時只在晚市提供，老板好好人，午市也給我們整理，勁抵讚！每樣都好味:有炸春卷，蒸粉卷，濱海，炸雞翼，豬頸肉，蝦餅(稍為魚餅似D)，蝦片再附送冰梅子茶，今午餐buffet, 食到同事不停地叫飽、飽、飽！

‹v^v^v^• 開心食 •^v^v^v›大家好!!!!今日同大家嚟到—鴨脷洲搵食啦😝推薦程度：4/5🥩「香茅豬扒飯」$56豬扒香脆可口，再加埋啲蔥油送飯簡直一流呀呀呀呀😔但略嫌蔥油份量有啲少推薦程度：3.5/5🥤「綠茶」$0跟餐附送飲品，有啲甜。不過Hapi呢啲重甜人士就好鍾意🥰整體而言：餐廳空間比較細，如果撞正放飯時間會等得比較耐。員工態度友善。食物款式都多，亦有甜品可以選擇。值得一試🥳🔘推薦程度🔘🌟🌟🌟🌟是次地址：📍鴨脷洲鴨脷洲大街132號地鋪利東站A1出口☎️3565 4389

媽媽介紹呢間係新開嘅餐廳，叫我男朋友同我去試吓，雖然間舖頭唔係好大，但係招呼都唔差，最令我有驚喜嘅就係呢個小食拼盤，$168咋！真係性價比高！相對於大街另一間食泰國越南嘢嘅泰象，小西貢嘅小食拼盤上既嘅種類係較為多嘅，例如有越式春卷同埋濱海。呢啲都係特色越南野，冇咁熱氣，而且都食得幾飽，所以個人就比較鍾意呢度嘅小食拼盤！越式春卷入面係有青瓜絲、同埋類似米線嘅食材，仲有啲海鮮或肉絲，所以都算係飽㗎，外面嗰層係透明咁樣嘅，而濱海呢就好似有啲似白色米線嘅質地咁樣，但係唔咁油膩嘅！所以我覺得好抵食！由於我哋當日唔知道個拼盤有越式春卷，所以額外叫咗碟，如果你鍾意食越式春卷嘅話，小食拼盤裡面都有㗎！

小西貢越南料理～越南菜🇻🇳📍鴨脷洲大街132號鋪🔍安格斯生熟牛肉湯粉 $56越南牛肉湯粉😋超正！勁濃牛肉湯飲完湯都唔會口乾，唔似出面個D食完碗粉會勁口渴。個人覺得生牛肉比較好食～熟牛肉 牛味勁濃但偏肥🔍香茅豬扒湯粉 $56香料味比較重，偏濃味另配特飲+$15🔍椰汁冰🔍咸檸梳打水

今日想食越南嘢，專登去到大街試呢間小西貢，裏邊有很多菜式名都很吸引，但係因為今日只得兩個人試唔到太多款式。所以我叫咗(全日H餐)越式拼盤湯濛,超抵$78並且好味。拼盤分量超多(我一個人都食唔晒)四件炸豆腐，兩粒墨魚丸，兩條春卷，四片扎肉，牛骨湯底好味，飲落唔覺有味精。讚👍🏻讚👍🏻讚👍🏻性價比高！還有很多特別嘅菜式都好想試，下次一定會再試！難得鴨脷洲大街有一間有水準嘅越南餐廳，大家要多多支持(我不是做枚啊)真心推介！

來到小西頁越南料理晚餐，叫了香煎蟹餅，越式咖哩羊肉飯和串燒安格斯拼黑豚春卷撈檬。香煎蟹餅（$65）： 口感彈牙，熱辣辣，入面有蟹肉，不是蟹柳，不錯。咖哩羊肉飯：（$68）薯仔有炸過，很香口。羊肉味濃，而且夠腍。串燒安格斯拼黑豚春卷撈檬：（$68）春卷很脆，青瓜新鮮， 花生香口，安格斯牛串燒和黑豚串燒亦都入味，檬粉份量足夠。套餐送餐飲，我地叫了一杯熱話梅茶和凍蘭香子。熱話梅茶： 味道像熱的利賓納，開胃，頗特別。凍蘭香子： 不會很甜，一杯正常的蘭香子飲品。最後還有椰汁西米糕送，椰汁味十分濃，好味。總括來說 ，小西頁越南料理晚餐的價錢相宜，味道良好，如果想在鴨脷洲食越南菜，不失為一個好選擇。

第一次寫食評，覺得幾值得推介。經過幾次，比佢個A4和牛圖片吸引，見下午茶A4日本和牛越式牛河都是60元套餐，不妨試下， 首先試下個湯底， 發覺味道非常似喺在越南食嘅感覺， 是香料味冇越南咁濃，湯好香濃。(在大街曾有兩間越南餐廳, 他們越式河試一次就冇再幫襯過，因湯底唔得，呢個掂👍)再試日本和牛, 有五片, 趁半生熟灼一灼即刻食, 好滑有牛味,好食。 (我去日本旅遊行都唔鍾意食A5和牛，因為太油冇牛味，鍾意食 A4多啲, 多啲牛肉味)另外有個全日餐安格斯牛仔骨拼雞翼蔥油飯, 牛仔骨醃得好好味 ，我們呢啲食肉獸非常啱, 有牛和雞翼, 全日套餐70蚊，我晚餐食呢一個，非常好味。見隔離枱有個越式牛尾骨飯好似幾正， 下次試完再寫食評。

鴨脷洲附近的越南食肆選擇不多，這間就以越南牛肉湯粉做主打，在週末經過想試下但人太多，今晚再去一次竟然唔洗等位，就去試試佢！生牛肉金邊粉$62大大碗！湯底重香料味，但超夠熱！生牛肉夠嫩同肉味，唔係雪死咗嗰啲每碗都加入了芽菜、蔥花、紫洋蔥、芫茜和九層塔等小量香草，青檸同辣椒另上，唔食嘅話要落單前預先同老闆講。燒烤系列重點推介雞翼同羊肉串！！價錢合理，一試難忘！！(我哋encore了)老闆仲話佢哋做外賣可以叫 外賣平台而家食飯又多一個選擇了