小肥羊 (已結業)

珍妮絲與愛立信的屋企人去左呢間第一次去試的小肥羊,未入到去都見到有人向出面排,不過好在uncle早些少去羅位,坐近門口,所以冷氣唔係好夠,我地一行六人,叫左個午市套餐,裡面包四款野,向小食,炒飯或粉,點心裡面每度揀一款,$138一個套餐,我地叫左1. 紅油抄手(裡面的餃子肉係用羊肉做架,有些少蘇)2. 上湯浸莧菜(淡左d)3. 菠蘿蝦粒炒飯(都幾大碟,同埋都好多料架,d蝦係用新鮮蝦炒架,唔係用雪藏)第四樣唔記得左另外我地又叫左d點心,1. 蝦餃(最抵,好大粒,$9.8一籠咋)2.砵你蒸蘿白糕(都幾特別,最欣賞佢唔係用粉去做,有好多蘿白絲架,我地都叫左兩砵添)3.流沙奶黃飽(食時要小心食,因為一搣開就會流哂出黎,仲要好熱架,但一定要熱食喎)4.香煎豬扒(份量都ok)5.炸錦魯雲吞(份量最唔抵,因為得三個)不過個度的侍應服務態度麻麻,因為好多時冇人執野同埋加水,真係要叫左好聲先至有人認咋...六個人都差唔多,食到好飽,但係價錢唔係太平,總數食左$310

之前聽聞呢度有點心任點任食下午茶叫,諗住行過試下,點知去到先知原來已經冇啦!唯有下午茶散叫呢:小肥羊蝦餃皇- 皮薄但好易穿,都ok砵仔蘿蔔糕- 料少又多粉,唔多好食黃金大餅- 大份得來又香口,極飽肚,似食炸饅頭蒙式烤羊肉串- 少少羶,好多香料o係面,而且太乾滋補肥牛湯米線- 估唔到地好,幾多肥牛,個湯唔知係乜藥材煲但幾好味(肯定有當歸!),全碗食晒飲埋D湯飽大半!內蒙羔羊小籠飽- 都幾羶,冇乜汁沙蔥羊肉燒餅- 幾香口,不過好細件雖然食物質素一般但起碼夠熱.但吸煙同非吸煙區太近(正確D講係o係隔鄰檯,冇乜分隔),食o野時陣陣煙味飄過來就唔好受.....

2005年10月14日終於開到黎荃灣了,一行四人中午時間黎飲荼,叫了以下食物:羊肉小籠包:同平時食既無咩分別,湯汁亦不見得好多.小肥羊春卷,用高身玻璃盛載,幾精緻,食味只屬不過不失.木耳水餃:呢個反而幾好,木耳爽爽的,皮的厚薄到適中,是這天最得我心的點心.金瓜芋頭排骨粥:完全唔得,好粥水囉,仲要水還水,粥還粥呀,又唔得熱,好難食囉.潮州粉果:同其他酒樓無分別.一句講晒,D點心完全唔係路,唔會有第二次,不過未試過打邊爐,下次或許到其他分店試下.

29/5 同朋友黎食，叫左一個羊腩條煲湯底，好"正"，個女經理仲教我地應該點食。第一樣叫左半打小籠包，好大件好好食，之後叫左一個蔬菜併盤同一個普通併盤，份量都幾多，仲有鱔、駝鳥肉同珊瑚蚌，駝鳥肉普通，鱔同珊瑚蚌好"爽口"好好食，最後個女經理仲送甜品比我地添^^食物很好，服飾一流，個個侍應都好好，好有禮貌。掂!掂!掂!

冇諗過小肥羊唔洗等位之外,周五晚只得一半入座率.食物質素同尖沙咀冇分別,但係因為唔多客,招呼得勤快. 下次我會約我d朋友o黎呢到食, 好過係尖沙咀限時限刻要交枱!

其實個湯我覺得好好味. 果d蝦丸都唔錯. 其他食物一般, 個蟹粉包心丸仲冇係凍肉舖咁好味......即係, 我覺得, 若然唔係真係好like火鍋, 真係唔值得去果度食. 呢個價錢, 配對係可以食到比呢個質素更好既火鍋架...唔係太多人, 都坐得幾舒服. 不過d waiters 會走黎幾百萬次介紹佢d野, 廣東話又唔係好正咁, 好難聽好煩....

前陣子天氣冷，一家人往小肥羊打邊爐。小肥羊似乎越來越為人知，分店開完一間又一間，還開到來荃灣。因為全家都不吃辣，我們點了清湯湯底。鍋子上桌，一大條黨蔘浮在湯面，還有很多其他我叫不出名字的藥材，真擔心虛不受補流鼻血，不過難敵一時的口腹之慾，照吃如夷。點了一盤羊肉片: 羊肉片薄切後捲成一卷卷疊高，羊肉片實在很薄，一放湯已經變色縮小，一口一塊很滋味，而且因為湯底夠味，完全不用沾醬油; 半打羊肉餃: 個人不太喜歡，尤其是吃過羊肉片之後; 「營養拼盤」: 內有肥羊粉、凍豆腐、小塘菜、菠菜、皇帝菜和海帶片，一籃子的份量不算很多，其中最喜歡肥羊粉，肥羊粉有寛有幼，外型似河粉，熟後變透明，煙煙韌韌，口感極佳，很有種發現新大陸的感覺，下次來一定再吃; 冰豆腐: 有質感，放湯後非常入味。

我估佢比大陸貴兩至三倍.四大一小(只有一男性)食左$11XX.淨係一碟羊肉都要一百有多.個湯大陸會重味好多.羊冇大陸咁好食,烤羊排亦不太正宗,太濕.

雖然點心好平但是要等好耐呀!!我叫了5個點心, 有2個都係生的!!我覺得最低都是粉麵!!下午茶最低食呀!$23蚊大大碟係邊度食度呀!!點心就唔得啦!!!等左9個字先黎喎!!

星期日和老媽兩個去飲茶, 荃灣相信都係茶樓既集中地, 而家仲要開埋小肥羊, 更多選擇, 又試下得唔得...十二點幾, 排左一陣就有位, 環境舒適, 呢度要一讚, 可能小肥羊主攻火煱, 張木台大大張, 又唔駛搭木台野食比想像中平, 特價點心好多款, 款款最貴唔過廿蚊食物質素就ok啦,不甚特出, 比樓下客家及稻香略差, 叫左個牛仔骨, 蝦腸, 菜餃, 味道可以, 只係無乜特色, 始終主攻唔係點心...埋單六十幾蚊, 嘩抵呀! 中午時份樓下個兩間無一舊水都落唔到樓, 以後飲茶唔駛等下午茶時段lu

星期一舉家出街yak 飯去，一家都o吾食得辣o既人竟然不知好歹，走去學人地食麻辣火窩。蒲入門口，經已有陣攻鼻o既味撲埋o黎。為o左家人著想，於是叫o左個鴛鴦湯底，侍應哥哥都教落先筆走哂D辣椒，否則越滾越辣。結果係成碗full哂！最後筆起哂都滾到成煲紅油，嘩！好啦，一場o黎到，當然要涮一涮羊肉啦！是次叫o左三大拼盆：羊肉、蔬菜雜菌同埋河海鮮。講真，三個拼盆份量真係麻麻(食肉獸一係會好失望，一係就帶多D銀兩叫多幾round啦。)我地需要另外再叫多碟三色丸子、墨魚滑同埋油膩膩炒麵填肚先至夠飽。要讚既，D火窩料真係好新鮮，墨魚滑爽口彈牙，而且仲渾入蟹子，非常有口感。另外平時最怕魚腥同泥味o既我，竟然俾我食到真係脆o既脆肉鯇魚！最後再叫多碟。不可不提o既羊羊肉，最好味o既o吾係羊肉片，而係羊肉丸，真係俾人hur都要講句好有羊肉味！而且又o吾膻，正！羊肉片雖然薄切後捲成一卷卷，好別緻，但係太薄，熟得快但卻無味，顧此失彼。要彈既，就係D湯底較咸。初頭都搵緊豉油，最後全程都o吾洗點醬。另外舖頭入面除o左熱茶滾水同啤酒外，好似無凍野飲，餐牌到加番Ｄ凍野飲照顧Ｄ人解辣，就算廿蚊杯都一定有人叫。最後要提醒第

之前都聽講過小肥羊幾好食，今次就同dad n mum 去左食啦。叫左個一半麻辣, 一半滋補湯的湯底。$78一碟羊肉拼牛肉$98一碟雜菌羊肉餃6隻$28一碟魚片$48一碟羊粉$38仲有幾碟菜個滋補湯底極咸,家左成壺滾水都係好咸,好似公仔麵果Ｄ湯咁，個麻辣湯都係好咸，不過就幾香，幾夠辣。碟羊肉得果10件多小小，又唔係真係咁好食，有小小渣，食完有小小失望，無咩特別，又唔抵。個羊肉餃就無咩味，不過不失啦。個羊粉就索曬Ｄ湯，咸到暈，仲慘過食公仔麵，仲有個羊粉無咩特別，試下無防,米線會仲好食其實食物就普普通通啦服務都ok，不過Ｄ人就黑口黑面，無曬小籠包又唔出聲，等左鬼咁耐，問佢，佢就話賣曬....3個人叫左小小野，又唔飽，又無野飲，食左大約$400，唔係好貴，不過咁ge質素唔抵食，食完好失望,唔好食又無特別....