小肥豬

营业中

休息中

夜晚同朋友喺觀塘食完飯想食糖水就上OpenRice度搵！有驚喜😋😋好多唔同類型嘅甜品 中西式都有最驚喜係有香蕉煎餅，好少甜品舖有得食，即叫即整熱辣辣！😋店主仲送咗斑斕糕俾我哋食，好有人情味！如果夜晚食完飯仲想傾多陣偈好推薦！！！性價比都高😚😚

香港依加夜晚想搵個甜品食都好難, 唔係冇開就執左. 咁岩經過就入去試下.本來冇位諗住外賣出去食,店員見出面咁熱,就好熱心咁加個位比我地.叫左香蕉船同雪糕窩夫, 香蕉船本身都三球雪糕, 雪糕全部都係Movenpick, 同d toping好夾窩夫即叫即製又香又脆, 店員又nice,整體非常滿意餐牌有好多選擇,樣樣都想試,下次想試埋海鹽朱古力心太軟同開心果巴斯克,已經約好下次黎要試哂佢(女朋友要求講埋好鐘意佢d高達擺設)

甜得啱啱好，性價比高，桑寄生茶份量啱啱好，開心果巴斯克油麻糬皮非常煙靭好好食，香蕉煎餅都好值得一試🙌🏻店面環境唔算好大，不過因為人流唔係好多，所以都坐得幾舒服，店主態度好積極，非常友善！

今次試咗開心果糖不甩，真係令人驚喜！熱辣辣的開心果粒同糖不甩結合得天衣無縫，口感簡直滋味翻倍，香脆之中帶點嚼勁。唯一可惜係，如果糖不甩可以再大一啲，就會更加滿足！而且，店裡其他甜品同樣一流，特別推介巴斯克起司蛋糕，裡面包裹著麻薯，雙重口感真係令人心癢癢，想再來一份！總括來講，呢度的甜品絕對值得一試，特別對開心果情有獨鍾的朋友，佢哋的開心果醬是自家製，每一啖都充滿濃郁的開心果味，獨一無二，千萬唔好錯過！

行街去左尼間叫左一磅涼粉糖水，材料新鮮！朱古力雪糕亦都好食😋！店員好有禮貌，細心推介佢哋食品😃😃，容易同客人打成一片！至於環境就整齊企理，門口擺設自家製手工甜品，可以上黎一試！👍🏻

下雨路經甜品店，見有多款特色甜品，一家大細即衝入內。試了泰式香蕉煎餅、芒果椰汁班蘭河粉，香氣撲鼻，別具風味。另外小朋友亦試了鎮店之寶開心果糖不甩和焦糖巴斯克蛋糕，果然喺果仁專家！

心太軟好好食 即叫即整 外脆內軟 朱古力味濃郁口感軟糯 跟餐上嘅士多啤梨雪糕球亦都好好食 很重嘅草莓香味 亦有果粒係入面柚子蛋糕亦幾好食 味道清新 餅底鬆軟店內環境 十分整潔 推薦👍🏿